شكلج غلط ؟؟ [الأرشيف] - منتديات شبكة الأسهم القطرية

موظف بالبورصه

07-04-2008, 12:31 AM

شكلـج غلط!!
و إنتي لابسه عباه مفتوحه و الكشخه تحت العباه تبرق من بعيد !

شكلج غلط .!!
و إنتي تسولفين بالتلفون و تتضحكين و الرايح و الراد يسمع سوالفج !

شكلج غلط . !!
و إنتي مشغله المسجل بالسياره و حاطه أغاني بإيقاع و مطوله عليه و السيايير حواليج يسمعون الطقطقه

شكلج غلط . !!
قاعده بالمحاضره و تتعلكين

شكلج غلط . !!
قاعده بدرس ديني و ماسكه التلفون و شغاله مسجات !

شكلج غلط . !!
و إنتي حاطه صورة مغني ببوكج (محفظتج)!

شكلج غلط . !!
و إنتي داشه ببلعوم اللي بيع و تكاسرينه غصب ينزل بالسعر وصوتج يلعلع،، وتوصلين لمرحلة الهواش والسب مع الهندي

شكلج غلط . !!
لما تشوفين وحده تعرفينها ،، وتصددين مالج خلق تسلمين!

شكلج غلط . !!
و إنتي قاعده بالبيت و تنادين الخدامه شاندرااااااااااااااا جيبي لي ماي !

شكلج غلط . !!

قاعده بممرر الجامعه و تقشرين حب و تتفلين القشور !

شكلج غلط . !!!
تمشين و عباتج تسحب وراج !

شكلج غلط!!
تردين على أي واحد يغازلج ويقط عليج كلام بالسوق!!

شكلج غلط!!
تمشين وصوت الكعب يعووور الراس!!

شكلج غلط!!
تطولين لسانج على أهلج واللي أكبر منج على سبب تافه!!

و أخيراً

شكلج غلط !!
و إنتي داشه الموضوع و ماتردين :tease:

فلفل حار

07-04-2008, 12:40 AM

يازين البنت لين راحت وجات بحشمتها واحترامها

والله انه عيني ماتطال عينها:nice:

لكن الي خبري خبرك نمشي ونقط عليهم كلمه ولا كلمتين واحنا رايحين , سهلات الدنيا :shy:

بنت المنتدى

07-04-2008, 12:40 AM

:eek5::eek5::eek5::eek5::eek5::eek5:

موووووظف انت شفيك هاليومين صاير شرير :eek5::eek5::eek5::eek5:

بس تبي الصراحه بعض الاشياء فيني :weeping::weeping:

أنادي الخدامه تجيب لي مااااااااي :shy:

لما تشوفين وحده تعرفينها ،، وتصددين مالج خلق تسلمين! << هذي ف البنات وايد ويقهروووووني :anger1::anger1::anger1:بس مااحب هالشي الحمدلله ولازم اسلم لوشفت وحده اعرفها :nice:

وعبايتي بصراحه طويله لكن مب وووووايد :victory:

أما اللي ضحكت عليه هذي النقطه >> و إنتي لابسه عباه مفتوحه و الكشخه تحت العباه تبرق من بعيد !

شدعوه ليكون بنطلوني فيه زرررررررري خخخخخخخخخخخخخخ

وأنا بصراحه اوقات اعصب على اللي اكبر مني بس والله اندم وضميري يذبحني واللللللله

ومافيه انسان كامل ترى كلنا عيوب :weeping::weeping:

ولاتخلي البنات يعصبوووون عليك من بكرا نبيك تنزل مواضيع مدح للبنات يعني لاتدوس لنا على طرف خخخخخ

بنت المنتدى

07-04-2008, 12:42 AM

يازين البنت لين راحت وجات بحشمتها واحترامها

والله انه عيني ماتطال عينها:nice:

لكن الي خبري خبرك نمشي ونقط عليهم كلمه ولا كلمتين واحنا رايحين , سهلات الدنيا :shy:

فلفلووووووووه ليكون انت اللي قاط على رفيجتي كم كلمه من كم يوووووم خخخخخخخ

:nice::nice::nice::nice::nice::nice::nice:

موظف بالبورصه

07-04-2008, 12:50 AM

يازين البنت لين راحت وجات بحشمتها واحترامها

والله انه عيني ماتطال عينها:nice:

لكن الي خبري خبرك نمشي ونقط عليهم كلمه ولا كلمتين واحنا رايحين , سهلات الدنيا :shy:

اي والله صدقت ياخوي يازين الي حاشمه عمرها وتمشي جنب الحيط :victory:

والي خبري خبرك حرام انت تنزل مستواك لهالأشكال المفرو ماتشوفهم قدامك ..

وتسلم ياخوي عالمرور ..

فلفل حار

07-04-2008, 12:54 AM

فلفلووووووووه ليكون انت اللي قاط على رفيجتي كم كلمه من كم يوووووم خخخخخخخ

:nice::nice::nice::nice::nice::nice::nice:

كل شي جايز :eek5:

بس لحد يروح تفكيره بعيد انا ماسب او اقول كلام وصخ:shy:

بس اعلق علي لبسهم او كشختهم الغبيه الي اشكره يعني ( طالعوني ياناس ) :secret:

وعلي فكره تعجبني صراحتج عن نفسج ومثل ماذكرتي محد خالي من العيوب ومب غلط الواحد يقول انا يقول انا فيني عيب لانه ذي دليل علي التوعيه بالعيب والنيه علي اصلاح النفس:nice: ، شفيني صاير شيخ من مشاييخ الدين :secret:

بس والله ارفع القحفيه احتراما لج "علي وزن القبعه:shy:"

والله انتي احسن من الف بنت الي تغطي عيوبها وتمثل دور الكامله الطاهره ، ومن تحت لتحت يعلم الله :)

موظف بالبورصه

07-04-2008, 12:55 AM

:eek5::eek5::eek5::eek5::eek5::eek5:
موووووظف انت شفيك هاليومين صاير شرير :eek5::eek5::eek5::eek5:
بس تبي الصراحه بعض الاشياء فيني :weeping::weeping:
أنادي الخدامه تجيب لي مااااااااي :shy:
لما تشوفين وحده تعرفينها ،، وتصددين مالج خلق تسلمين! << هذي ف البنات وايد ويقهروووووني :anger1::anger1::anger1:بس مااحب هالشي الحمدلله ولازم اسلم لوشفت وحده اعرفها :nice:
وعبايتي بصراحه طويله لكن مب وووووايد :victory:
أما اللي ضحكت عليه هذي النقطه >> و إنتي لابسه عباه مفتوحه و الكشخه تحت العباه تبرق من بعيد !
شدعوه ليكون بنطلوني فيه زرررررررري خخخخخخخخخخخخخخ
وأنا بصراحه اوقات اعصب على اللي اكبر مني بس والله اندم وضميري يذبحني واللللللله ومافيه انسان كامل ترى كلنا عيوب :weeping::weeping:
ولاتخلي البنات يعصبوووون عليك من بكرا نبيك تنزل مواضيع مدح للبنات يعني لاتدوس لنا على طرف خخخخخ

انا من زمان وشرير وعنصري على قولة مغرور :sneaky:

بخصوص العبايه المفتوحه وايد نشوف مثلها مفتوحه والي داخل يبط العيون من كثر مايلمع

العابيه صارت ديزاين لا اكثر ..

ماعندي مواضيع مدح للبنات كله عندي ضد وكل يوم بانزل موضوع ضدكم :tease:

فلفل حار

07-04-2008, 12:55 AM

اي والله صدقت ياخوي يازين الي حاشمه عمرها وتمشي جنب الحيط :victory:

والي خبري خبرك حرام انت تنزل مستواك لهالأشكال المفرو ماتشوفهم قدامك ..

وتسلم ياخوي عالمرور ..

الله يسلمك الشيخ :)

ولاتفهمني غلط انا ماسب او اوصخ لساني فيهم ، مجرد تعليق يبط جبودهم او ضحكه عليهم وانا ماشي ، وحلاتها تشوف العروق شلون تطلع علي يابهتها من القهر :tease:

كلمه مني وكلمه من غيري يمكن الله يهديها وتعرف انه الي تسويه شي غلط :victory:

يعطيك العافيه يالغالي :nice:

بنت المنتدى

07-04-2008, 01:26 AM

كل شي جايز :eek5:

بس لحد يروح تفكيره بعيد انا ماسب او اقول كلام وصخ:shy:

بس اعلق علي لبسهم او كشختهم الغبيه الي اشكره يعني ( طالعوني ياناس ) :secret:

وعلي فكره تعجبني صراحتج عن نفسج ومثل ماذكرتي محد خالي من العيوب ومب غلط الواحد يقول انا يقول انا فيني عيب لانه ذي دليل علي التوعيه بالعيب والنيه علي اصلاح النفس:nice: ، شفيني صاير شيخ من مشاييخ الدين :secret:

بس والله ارفع القحفيه احتراما لج "علي وزن القبعه:shy:"

والله انتي احسن من الف بنت الي تغطي عيوبها وتمثل دور الكامله الطاهره ، ومن تحت لتحت يعلم الله :)

مشكور يااخوي والله انت اللي كلامك ع العين والراس ياجعلك ذخر

وان شاءالله يارب اقدر اغير من نفسي للاحسن ف القريب العاجل والحمدلله الحمدلله اني من النوع مااحب العبايه الضيقه والسوالف هذي لكن ذكرت بعض العيوب اللي اشوفها ف شخصيتي والله يعيني على هذا الشي

بس نصيحة اخت .. يااخوي والله مالك خص ف البنات اللي تشوفهم مسوين العجايب لانك بتجيب لنفسك السوالف والملاسن مع وحده ماتسوى والله اني اقولك هالشي منعاً للاحراج اقل شي تقدر تقوله الله يهديج ان شاءالله ، دام احنا بنات اوقات نشوف الغلط ونقولهم ويسكتووووونه:eek5::eek5::eek5: طبعا انا مااحب اتكلم لان مالي خص ف احد لكن عندي وحده من ربعي عاد متدينه من قلب وتغسل الاموات ومستحيل تشوف الغلط وتسكت وياما انسبت وياما فشلوها والله قدام عيني وانا اروح بعيد عنها من الفشيله بصراحه اقولها هالزمن تغييييييييير بس هي ماتصدقني .. اخر مره شفنا وحده ف الستي ولابسه بنطلون شخااااال يعني كل شي يبين وعاد الاخت اللي معاي ماقدرت تستحمل وراحت قالت لها ياحبيبتي ترى كل اللي حولج ذيابه وينهشون في لحمج ترى البنت حلاتها لما تكون مستوره و .. و .. و ....
اله ام الشخال صارخت وقالت لها ووووووي انت وش عرفج ف الموووته < يعني موضه ياحليلها :eek5::eek5: ... روحي روحي يالعيوووووز الله يصلحج << مع ان رفيجتي عمرها 25 اكبر مني بكم سنه:weeping::weeping: ..... عشان جذي اقولك مالك خص فيهم والله دام اهاليهم راضيين كيفهم ولاننسى قول الرسول صلى الله عليه وسلم (( كلكم راع و كلكم مسؤول عن رعيته )):weeping::weeping:

عموماً

جزاك ربي كل خير ومشكور للمره المليون لك ولقحفيتك :nice:

فلفل حار

07-04-2008, 01:38 AM

مشكور يااخوي والله انت اللي كلامك ع العين والراس ياجعلك ذخر

وان شاءالله يارب اقدر اغير من نفسي للاحسن ف القريب العاجل والحمدلله الحمدلله اني من النوع مااحب العبايه الضيقه والسوالف هذي لكن ذكرت بعض العيوب اللي اشوفها ف شخصيتي والله يعيني على هذا الشي

بس نصيحة اخت .. يااخوي والله مالك خص ف البنات اللي تشوفهم مسوين العجايب لانك بتجيب لنفسك السوالف والملاسن مع وحده ماتسوى والله اني اقولك هالشي منعاً للاحراج اقل شي تقدر تقوله الله يهديج ان شاءالله ، دام احنا بنات اوقات نشوف الغلط ونقولهم ويسكتووووونه:eek5::eek5::eek5: طبعا انا مااحب اتكلم لان مالي خص ف احد لكن عندي وحده من ربعي عاد متدينه من قلب وتغسل الاموات ومستحيل تشوف الغلط وتسكت وياما انسبت وياما فشلوها والله قدام عيني وانا اروح بعيد عنها من الفشيله بصراحه اقولها هالزمن تغييييييييير بس هي ماتصدقني .. اخر مره شفنا وحده ف الستي ولابسه بنطلون شخااااال يعني كل شي يبين وعاد الاخت اللي معاي ماقدرت تستحمل وراحت قالت لها ياحبيبتي ترى كل اللي حولج ذيابه وينهشون في لحمج ترى البنت حلاتها لما تكون مستوره و .. و .. و ....
اله ام الشخال صارخت وقالت لها ووووووي انت وش عرفج ف الموووته < يعني موضه ياحليلها :eek5::eek5: ... روحي روحي يالعيوووووز الله يصلحج << مع ان رفيجتي عمرها 25 اكبر مني بكم سنه:weeping::weeping: ..... عشان جذي اقولك مالك خص فيهم والله دام اهاليهم راضيين كيفهم ولاننسى قول الرسول صلى الله عليه وسلم (( كلكم راع و كلكم مسؤول عن رعيته )):weeping::weeping:

عموماً

جزاك ربي كل خير ومشكور للمره المليون لك ولقحفيتك :nice:

الله لايفرقكم انتي ورفيجتج ويعطيكم علي قد نيتكم ان شاء الله :)

وصدقتي والله ، الدنيا او بالاحري الدوحه ماعادت نفس قبل وكل شي صار معكوس وانا لو اشوف اجنبيات وجنسيات عربيه يسوون هالشي كيفهم عاداتهم وتقاليدهم معروفه ومايهموني لكن والله انقهر لما اشوف بنت بلادي بالذات تسوي هالشي ، والله يبيلنا هيئه الامر بالمعروف بس حق القطريات :anger1: ويمشون والخيزرانه في يدينهم ومصرح لهم بالتلشط الفوري :weeping:

والله يا اختي اشكرج علي نصيحتج واغلب الاوقات اكون في حالي ماحب اتحرش واطالع بنات الناس وخلق الله لكن حزات في اشكال تمصخر في نفسها ومرخصه نفسها بشكل حقير فعلا ، وانا نفس رفيجتج ماحب اشوف غلط واسكت ، ومثل هالبنات والله من تجارب صارت لي انه لو امر احذاها واقول الله يهديج ومب عدله تلبسين جذي والله تظن اني ابي اتعرف عليها :eek5: بذمتج عقليه تافهه مثل عقليتهم شنقولهم ؟ لو عندها عقل اصلا مالبست وسوت بروحها جذي

وبصراحه انا حزات لساني يفرط ، امشي واعلق :secret: طبعا بنات الناس امر احذاهم وعيني علي الارض ويشهد الله علي كلامي اني ماحط عيني بعينهم حتي ولو اشوف شباب يلاحقنها ومحد حولها والله اني افزع لها وياما صارت وتلاغيت مع شباب بسبت هالشي وصارت لي مواقف عجيبه وتضحك هههههههههه

والسالفه مب سالفه اني استقوي علي هالفئه من البنات بس والله ننقهر لما نشوف قطريه وبنت البلد تظهر بهالمظهر , كفايه انه عندها العنابي

بصراحه الله يرحم قطر ، من بعد ماكان ينضرب فينا المثل الحين صرنا معيوبين :(

مشكوره اختي علي نصيحتج وجزاج الله خير وان شاء الله بحاول اطبقها لكن ماوعدج بصراحه لانه حزات ماقدر امسك نفسي :weeping:

بنت المنتدى

07-04-2008, 01:50 AM

الله لايفرقكم انتي ورفيجتج ويعطيكم علي قد نيتكم ان شاء الله :)

وصدقتي والله ، الدنيا او بالاحري الدوحه ماعادت نفس قبل وكل شي صار معكوس وانا لو اشوف اجنبيات وجنسيات عربيه يسوون هالشي كيفهم عاداتهم وتقاليدهم معروفه ومايهموني لكن والله انقهر لما اشوف بنت بلادي بالذات تسوي هالشي ، والله يبيلنا هيئه الامر بالمعروف بس حق القطريات :anger1: ويمشون والخيزرانه في يدينهم ومصرح لهم بالتلشط الفوري :weeping:

والله يا اختي اشكرج علي نصيحتج واغلب الاوقات اكون في حالي ماحب اتحرش واطالع بنات الناس وخلق الله لكن حزات في اشكال تمصخر في نفسها ومرخصه نفسها بشكل حقير فعلا ، وانا نفس رفيجتج ماحب اشوف غلط واسكت ، ومثل هالبنات والله من تجارب صارت لي انه لو امر احذاها واقول الله يهديج ومب عدله تلبسين جذي والله تظن اني ابي اتعرف عليها :eek5: بذمتج عقليه تافهه مثل عقليتهم شنقولهم ؟ لو عندها عقل اصلا مالبست وسوت بروحها جذي

وبصراحه انا حزات لساني يفرط ، امشي واعلق :secret: طبعا بنات الناس امر احذاهم وعيني علي الارض ويشهد الله علي كلامي اني ماحط عيني بعينهم حتي ولو اشوف شباب يلاحقنها ومحد حولها والله اني افزع لها وياما صارت وتلاغيت مع شباب بسبت هالشي وصارت لي مواقف عجيبه وتضحك هههههههههه

والسالفه مب سالفه اني استقوي علي هالفئه من البنات بس والله ننقهر لما نشوف قطريه وبنت البلد تظهر بهالمظهر , كفايه انه عندها العنابي

بصراحه الله يرحم قطر ، من بعد ماكان ينضرب فينا المثل الحين صرنا معيوبين :(

مشكوره اختي علي نصيحتج وجزاج الله خير وان شاء الله بحاول اطبقها لكن ماوعدج بصراحه لانه حزات ماقدر امسك نفسي :weeping:

الله يقطع ابليسك مت من الضحك على التلشط الفوووووري حسيت هالخيزرانه منقعه ف ماي وملح ههههههههههههههههه

الله يجزيك الف خير وان شاءالله انا وانت نغير من نفسنا للاحسن :nice:

اسمح لنا موظف ف البورصه لان شوي سالفنا وطلعنا عن القهر اللي فينا
<< ياخي متى ترتفع الاسهم صارت تعل القلب :eek5::eek5:

تصبحون ع خير عندي دوام واقعد 5 الصبح :weeping::weeping:

فلفل حار

07-04-2008, 02:03 AM

الله يقطع ابليسك مت من الضحك على التلشط الفوووووري حسيت هالخيزرانه منقعه ف ماي وملح ههههههههههههههههه

الله يجزيك الف خير وان شاءالله انا وانت نغير من نفسنا للاحسن :nice:

اسمح لنا موظف ف البورصه لان شوي سالفنا وطلعنا عن القهر اللي فينا
<< ياخي متى ترتفع الاسهم صارت تعل القلب :eek5::eek5:

تصبحون ع خير عندي دوام واقعد 5 الصبح :weeping::weeping:

لحد يرقع نفسه جدام موظف في البورصه ، بصراحه مالوم الريال لو يشتكي علينا عند الاداره ، قلبنا موضوعه لبرنامج الرأي والرأي الاخر :eek5:

السموحه يالشيخ :weeping:

وان شاء الله دوم مستانسه اختي احلى ملاك والله يحفظج ويستر عليج الشيخه :)

وانتي من اهل الخير واحلام سعيده :nice:

miss-qatr

07-04-2008, 07:09 AM

شكلـج غلط!!
و إنتي لابسه عباه مفتوحه و الكشخه تحت العباه تبرق من بعيد !

شكلج غلط .!!
و إنتي تسولفين بالتلفون و تتضحكين و الرايح و الراد يسمع سوالفج !

شكلج غلط . !!
و إنتي مشغله المسجل بالسياره و حاطه أغاني بإيقاع و مطوله عليه و السيايير حواليج يسمعون الطقطقه

شكلج غلط . !!
و إنتي حاطه صورة مغني ببوكج (محفظتج)!

شكلج غلط . !!
و إنتي داشه ببلعوم اللي بيع و تكاسرينه غصب ينزل بالسعر وصوتج يلعلع،، وتوصلين لمرحلة الهواش والسب مع الهندي

شكلج غلط!!
تردين على أي واحد يغازلج ويقط عليج كلام بالسوق!!

شكلج غلط!!
تمشين وصوت الكعب يعووور الراس!!

شكلج غلط!!
تطولين لسانج على أهلج واللي أكبر منج على سبب تافه!!

:tease:

الصراحه كل الكلام اللي فوق انا ادرجه تحت التربيه والاخلاق فيه اشيى شلتها لان ماتنقارن .....

يعني

اللي بتخلي نفسها صوتها يلعلع بالسوق ولا بتقعد اترد على اللي يسوى واللي مايسوى

هذي اسمح لي مرخصه من نفسها

المفروض اتحط نفسها اغلا من ان صوتها يطلع جدام هالفئه

انا مع اختي ملاك محد فينا يخلا من العيوب وكلنا تنقصنا اشيى وانا منهم للأسف
بس فيه اساسيات انا اعتبرها اخلاقيات وبدونها البنت تنقصها اشيى وااااااااااااايد

كل التحيه التقدير لك اخوي البورصه :victory:

ضوى

07-04-2008, 07:57 AM

شكلـج غلط!!

و إنتي لابسه عباه مفتوحه و الكشخه تحت العباه تبرق من بعيد !

لا حول ولا قوة الا بالله نسألك اللهم الستر في الدنيا والاخرة

شكلج غلط .!!

و إنتي تسولفين بالتلفون و تتضحكين و الرايح و الراد يسمع سوالفج !

البنت حياءها يمنعها ترد عالتلفون وهي بمول والا مجمع لاحقين عالسوالف

شكلج غلط . !!

و إنتي مشغله المسجل بالسياره و حاطه أغاني بإيقاع و مطوله عليه و السيايير حواليج يسمعون الطقطقه

لا حول ولا قوة الا بالله اذا لم تستحي فاصنع ما شئت

شكلج غلط . !!

قاعده بالمحاضره و تتعلكين

وين حياء البنت ؟؟ وخجلها ؟؟

شكلج غلط . !!

قاعده بدرس ديني و ماسكه التلفون و شغاله مسجات !

لا تعليق يليق

شكلج غلط . !!

و إنتي حاطه صورة مغني ببوكج (محفظتج)!

مغني ؟؟؟ ايضا لا تعليق يليق

شكلج غلط . !!

و إنتي داشه ببلعوم اللي بيع و تكاسرينه غصب ينزل بالسعر وصوتج يلعلع،، وتوصلين لمرحلة الهواش والسب مع الهندي

هذه ليست بأنثى اطلاقا ولكنها من أشباه الاناث فلا انثى تكون بهذ الشكل المبتذل

شكلج غلط . !!

لما تشوفين وحده تعرفينها ،، وتصددين مالج خلق تسلمين!

السلام على من تعرف ومن لا تعرف سنة نبينا عليه افضل الصلاة والسلام

شكلج غلط . !!

و إنتي قاعده بالبيت و تنادين الخدامه شاندرااااااااااااااا جيبي لي ماي !

راحوا حريم الاول ، كفوا امهاتنا يكون عندهم خدم ؟؟ ولو عندهم مخلينها كمساعدة مب كل الشغل هي تسويه عيل ربة البيت شتسوي ؟؟

شكلج غلط . !!

قاعده بممرر الجامعه و تقشرين حب و تتفلين القشور !

مب بنت حشا هذي صبي

شكلج غلط . !!!

تمشين و عباتج تسحب وراج !

المرأة تطول شبر والرجل لحد الكعبين

شكلج غلط!!

تردين على أي واحد يغازلج ويقط عليج كلام بالسوق!!

يارب لاتبلانا

شكلج غلط!!

تمشين وصوت الكعب يعووور الراس!!

لا تعليق يليق

شكلج غلط!!

تطولين لسانج على أهلج واللي أكبر منج على سبب تافه!!

الله لا يجعلنا منهم اللهم امين اللهم واجعلنا من البارين باهلينا

و أخيراً

شكلج غلط !!

و إنتي داشه الموضوع و ماتردين :tease:

هذا انا رديت ومب اي رد

شكرا لك اخوي جزاك الله الف خير

انا احساس

07-04-2008, 08:09 AM

miss-qatr

07-04-2008, 08:16 AM

شيء طبيعي ان نحصل هالايام ناس وايد ومن الجنسين اشكالهم غلطططط
.
بسالك ....يعني اذا لحقها واحد وغازلها تسكت عنه .........؟؟ يعني هي راضيه بهالشيء ....والا شرايك
.
تسلم على الموضوع الحلو

اسمح لي ارد :)

عالاقل اذا حقرته اهون من انها تعطيه فرصه واترد عليه

ليش اتخلي بينها وبينه اي حوار ؟؟؟

ومااظن اذا الوحده طلعت من خوانها أو مع حد كبير انه حد بيتعرض لها صح ولا انا غلطانه ؟؟؟

موظف بالبورصه

07-04-2008, 08:44 AM

الصراحه كل الكلام اللي فوق انا ادرجه تحت التربيه والاخلاق فيه اشيى شلتها لان ماتنقارن .....

يعني

اللي بتخلي نفسها صوتها يلعلع بالسوق ولا بتقعد اترد على اللي يسوى واللي مايسوى

هذي اسمح لي مرخصه من نفسها

المفروض اتحط نفسها اغلا من ان صوتها يطلع جدام هالفئه

انا مع اختي ملاك محد فينا يخلا من العيوب وكلنا تنقصنا اشيى وانا منهم للأسف
بس فيه اساسيات انا اعتبرها اخلاقيات وبدونها البنت تنقصها اشيى وااااااااااااايد

كل التحيه التقدير لك اخوي البورصه :victory:

كلنا فينا عيوب من رجال وبنات .. لكن فيه أساس الواحد يستند عليه .. الي هو التربيه

صحيح فينا عيوب لكن عارفين هذا غلط وهذا صح .. لكن ياحيف على الي مايدرون عن شي

وتربيتهم اساسا غلط ومفهومهم غلط كلشي بيسوونه هو الصح .. من لبس وحركات ومووضه

الله يصلحنا وياهم يارب ..

موظف بالبورصه

07-04-2008, 08:45 AM

هذا انا رديت ومب اي رد

شكرا لك اخوي جزاك الله الف خير

صدقتي ياضوى راحوا حريم الأول :victory:

بس عسى مافيج من هالعيوب انتي :secret:

موظف بالبورصه

07-04-2008, 08:48 AM

شيء طبيعي ان نحصل هالايام ناس وايد ومن الجنسين اشكالهم غلطططط
.
بسالك ....يعني اذا لحقها واحد وغازلها تسكت عنه .........؟؟ يعني هي راضيه بهالشيء ....والا شرايك
.
تسلم على الموضوع الحلو

لا ماتسكت عنه تفصخ الكعب وتلطمه على راسه واتلاغى معاه قدام العالم ..
وتسوي هوليله في المجمع واتخلي الي مايشتري يتفرج (( العالم كلهم دروا انه مرقمها ))

لو انها اسكتت عن هذا الشخص ودعت له في قلبها عسى الله يهديه ومشت في طريقها كان حد

درى .. صدقيني الشباب لي شافوا البنت ترد وتلعلع بيردون وراها اكثر .. غير لما يشوفون وحده

في حالها وماشيه في طريقها ... لانه اذا ردت عليه هذي نزلت نفسها له .. وهذا غلط ..

موظف بالبورصه

07-04-2008, 08:50 AM

اسمح لي ارد :)

عالاقل اذا حقرته اهون من انها تعطيه فرصه واترد عليه

ليش اتخلي بينها وبينه اي حوار ؟؟؟

ومااظن اذا الوحده طلعت من خوانها أو مع حد كبير انه حد بيتعرض لها صح ولا انا غلطانه ؟؟؟

مانتضرتي اسمح لج رديتي وخلصتي :ok2:

ضوى

07-04-2008, 08:50 AM

صدقتي ياضوى راحوا حريم الأول :victory:

بس عسى مافيج من هالعيوب انتي :secret:

اكيد فيني عيوب ما في انسان خالي ، بس العيوب اللي ذكرتها لا والله ما فيني والحمد لله رب العالمين

موظف بالبورصه

07-04-2008, 08:52 AM

اكيد فيني عيوب ما في انسان خالي ، بس العيوب اللي ذكرتها لا والله ما فيني والحمد لله رب العالمين

عسى الله يحفضج .. وهذي جزاة التربيه الصالحه ..

يسلمووو عالمروور خيتوو :)

غزلان

07-04-2008, 09:10 AM

شكلك غلط

اذا في السعي بمكه الناس تدعي ربها وانت تتكلم في الموبايل :(

موظف بالبورصه

07-04-2008, 09:15 AM

شكلك غلط

اذا في السعي بمكه الناس تدعي ربها وانت تتكلم في الموبايل :(

والله ياغزلان اني شفت ناس اترقم في الحرم :(

البنت اطوف وهو وراها يرقمها قلت آخ بس لو يصيدونه لايبسطونه

لين مايشوف الموت بعيونه ...

اروع سهم

07-04-2008, 09:17 AM

الموضوع جميل ولك الشكر ولابد للمرأة والفتاه الاحتشام وذلك لصلاح المجتمع ونسأل الله ان يقدرنا لكي نكون قدوة حسنه للنساء الصالحات

غزلان

07-04-2008, 09:37 AM

والله ياغزلان اني شفت ناس اترقم في الحرم :(

البنت اطوف وهو وراها يرقمها قلت آخ بس لو يصيدونه لايبسطونه

لين مايشوف الموت بعيونه ...

عادي اخوي انا السنه برمضان بالحرم وعلى نقاب بعد وماسلمت ناس همها في الدنيا اللهو:(

موظف بالبورصه

07-04-2008, 09:49 AM

الموضوع جميل ولك الشكر ولابد للمرأة والفتاه الاحتشام وذلك لصلاح المجتمع ونسأل الله ان يقدرنا لكي نكون قدوة حسنه للنساء الصالحات

آمين يارب .. وعسى الله يستر عليكم وعلى بنات المسلمين جميعا ..

عادي اخوي انا السنه برمضان بالحرم وعلى نقاب بعد وماسلمت ناس همها في الدنيا اللهو:(

هذي فئه راكبهم الشيطان من راسهم لين ساسهم ..

في الحرم ويرقم .. لو في مجمع شبيسوي هذا !!!

nor85

07-04-2008, 09:52 AM

شكلج غلط . !!!
تمشين و عباتج تسحب وراج !

هذه مافهمتها

موظف بالبورصه

07-04-2008, 10:07 AM

شكلج غلط . !!!
تمشين و عباتج تسحب وراج !

هذه مافهمتها

يعني انتي لابسه عبايه طولج مرتين وتزحف وراج من طولها فهمتي :nice:

اروع سهم

07-04-2008, 12:56 PM

يعني انتي لابسه عبايه طولج مرتين وتزحف وراج من طولها فهمتي :nice:

الصراحة مليون مرة احلى من العباية المقلقصة التي حتى الجوتي يبين احنا بس نقصر العباية في السفر لان شوارعهم قذره اعزكم الله

لجين

07-04-2008, 02:13 PM

شكلج غلط . !!
لما تشوفين وحده تعرفينها ،، وتصددين مالج خلق تسلمين

:tease:

هاي الشي الوحيد اللي اسويه من ضمن القائمة

بس في الفترة الأخيرة ناس جكوني وانحرجت فما عدت اسويها :shy:

ناصر العمادي

07-04-2008, 02:16 PM

شذى الحياة

07-04-2008, 03:38 PM

شكلج غلط !!
و إنتي داشه الموضوع و ماتردين

هذي حلووووه ...

غصبٍ عني لاااازم ارد واشكرك ع الموووضوع...والا بيكووون شكلي غلط....

لاداعي

07-04-2008, 03:40 PM

يعطيك العافيه أخوي على الموضوع الرائع

بـــاروود

07-04-2008, 04:52 PM

يعطييك العافيه على الموضووع وعلى الردود الحلوه

امل الحب

07-04-2008, 08:06 PM

شكلج غلط . !!
قاعده بالمحاضره و تتعلكين

:shy: منعا للنوم فالكلاس من الملل

شكلج غلط . !!
لما تشوفين وحده تعرفينها ،، وتصددين مالج خلق تسلمين!

ياكثر الي يسونها ياخوي :( تنبط جبدك منهم السلام مو عيب لا وتسلم ومايردون

و أخيراً

شكلج غلط !!
و إنتي داشه الموضوع و ماتردين :tease:

يعطيييك العاافية :nice:

فاضي عمل

07-04-2008, 09:09 PM

نسيت شي خخخ :omg:

شكلج غلط وانتي حاطه قوطي روب تحت الشيله مسويه لج برج << بو نفاخه :anger1:

بنت المنتدى

07-04-2008, 09:37 PM

نسيت شي خخخ :omg:

شكلج غلط وانتي حاطه قوطي روب تحت الشيله مسويه لج برج << بو نفاخه :anger1:

ههههههههههههههه

شفيك لزوم الكشخه :funny::funny::funny::funny::funny: خخخخخخخخ

اعالي الجنان

07-04-2008, 09:53 PM

يازين البنت لين راحت وجات بحشمتها واحترامها

والله انه عيني ماتطال عينها:nice :shy:

:nice::nice::nice::nice::nice::nice:
صدقت في هذي
جزاهم الله خير الشباب من شافوني وسعو طريج لي عشان امر وراحو بعيد عني وهم منزلين عيونهم الارض
لي شافو المره محتشمه بلبسها وزيها شرعي وخرو عنها
موضوع جميل جزاكم الله خير

فلفل حار

08-04-2008, 12:44 AM

:nice::nice::nice::nice::nice::nice:
صدقت في هذي
جزاهم الله خير الشباب من شافوني وسعو طريج لي عشان امر وراحو بعيد عني وهم منزلين عيونهم الارض
لي شافو المره محتشمه بلبسها وزيها شرعي وخرو عنها
موضوع جميل جزاكم الله خير

والله كفو ، الله يوفقج وييسر امرج ويعطيج العافيه ان شاء الله اختي

لو عندج بنت احجزيها لي من الحين لانه واضح شلون بتطلع تربيتها (اذا صج عندج بنت الله يحفظها لج ان شاء الله ) :victory:

بس تدرين البنات الي من هالنوع والله افكر الاحقهم لين بيوتهم ، وثاني يوم اسحب اهلي واتقدم لهم واسأل عنهم ، خاصه لين شفت بنت بروحها بمجمع ولا سوق وهي تقدر انها تفل نفسها فل لكن بعد محتشمه وساتره علي نفسها ، مايتفرطون الله يحفظهم ان شاء الله :)

فلفل حار

08-04-2008, 12:47 AM

نسيت شي خخخ :omg:

شكلج غلط وانتي حاطه قوطي روب تحت الشيله مسويه لج برج << بو نفاخه :anger1:

ياخي انت مب عايش في الدوحه:discuss:

الي فوق راسهم مصانع صغيره للاسمنت ، خبرك العمران والمشاريع قايمه بكل داعوس بالبلاد والحكومه تستأجر اصحاب الرؤوس الفارغه للطوارئ خاصة في حال نفاذ اكياس الاسمنت :eek5:

كان معكم مراسلكم فلفلوه من قناة الاسهم القطريه :tease:

موظف بالبورصه

08-04-2008, 03:56 AM

هاي الشي الوحيد اللي اسويه من ضمن القائمة

بس في الفترة الأخيرة ناس جكوني وانحرجت فما عدت اسويها :shy:

تستاهلين يوم انهم صادوج .. ليش ماتسلمين عالناس السلام لله :anger1:

موظف بالبورصه

08-04-2008, 04:05 AM

:nice::nice::nice::nice::nice::nice::nice::nice::n ice::nice::nice:
صح السانك أخوي ....... موضوع ولا أروع ....:nice::nice::nice:
يعطيك الصحه والعافيه
الله يوفقك وييسر أمرك وينور دربك يارب
تحياتي وتقديري لك

صح بدنك اخوي ناصر وتسلم على مرورك الروعه

الله يعافيك ياربي ..

شكلج غلط !!
و إنتي داشه الموضوع و ماتردين
هذي حلووووه ...
غصبٍ عني لاااازم ارد واشكرك ع الموووضوع...والا بيكووون شكلي غلط....

لازم الواحد يغصبكم عشان تردون يعني :anger1:

العفو اختي ويسلموو عالمرور ..

يعطيك العافيه أخوي على الموضوع الرائع

الله يعافيك يارب وتسلم عالمرور أخوي

يعطييك العافيه على الموضووع وعلى الردود الحلوه

الحلو مرورك عزيزي .. وتسلم ..

يعطيييك العاافية :nice:

الله يعافيج أختي .. انتي الي عليج سويتيه وسلمتي ردت ولا ماردت السلام لله مب لها ..

ويزاج الله خير :nice:

نسيت شي خخخ :omg:

شكلج غلط وانتي حاطه قوطي روب تحت الشيله مسويه لج برج << بو نفاخه :anger1:

نسيت هالشي والله في هذي صدقت :rolleyes2:

:nice::nice::nice::nice::nice::nice:
صدقت في هذي
جزاهم الله خير الشباب من شافوني وسعو طريج لي عشان امر وراحو بعيد عني وهم منزلين عيونهم الارض
لي شافو المره محتشمه بلبسها وزيها شرعي وخرو عنها
موضوع جميل جزاكم الله خير

اختي دوم البنت الي حاشمه عمرها وتعرف شتلبس .. والله الواحد ينحرج يتحرش ولا يقط كلمه

عليها .. لانه عارف هذي ايش وتربيتها ايش ومستحيل تسوي شي من الي في باله ..

عسى الله يثبتج ويهدي البنات جميعا يارب ..

انا احساس

08-04-2008, 09:12 PM

اسمح لي ارد :)

عالاقل اذا حقرته اهون من انها تعطيه فرصه واترد عليه

ليش اتخلي بينها وبينه اي حوار ؟؟؟

ومااظن اذا الوحده طلعت من خوانها أو مع حد كبير انه حد بيتعرض لها صح ولا انا غلطانه ؟؟؟

احقره ويتم هو وراي طول الوقت ومن محل لمحل موب بعيد يقولون الناس مواعدته والا شرايج....
.
.
اكيد اذا الوحدة طلعت مع اخوانها محد بيتعرض لها ..وبعد اذا كانت محترمه بلبسها ومشيتها وموب مفجره وجهها مكياج محد بيتعرض لها......والا عندج كلام غيره

انا احساس

08-04-2008, 09:24 PM

لا ماتسكت عنه تفصخ الكعب وتلطمه على راسه واتلاغى معاه قدام العالم ..
وتسوي هوليله في المجمع واتخلي الي مايشتري يتفرج (( العالم كلهم دروا انه مرقمها ))

لو انها اسكتت عن هذا الشخص ودعت له في قلبها عسى الله يهديه ومشت في طريقها كان حد

درى .. صدقيني الشباب لي شافوا البنت ترد وتلعلع بيردون وراها اكثر .. غير لما يشوفون وحده

في حالها وماشيه في طريقها ... لانه اذا ردت عليه هذي نزلت نفسها له .. وهذا غلط ..

لا الله يسلمك لا تفصخ الكعب ولا شيء ولا تصارخ ولا تجمع الناس حولها ....تعطيه كلام يخجله (( انت ماتستحي \\ ماعندك خوات ....)) هو بنفسه بيستحي وبينسحب ................امااني اسكت وطول الوقت وراي من محل الى محل شبيقولون الناس اكيد مواعدته .....والسكوت علامة الرضى والكل يعرف هالشيء....

..الاميرة..

08-04-2008, 11:42 PM

شكلج غلط !!
و إنتي داشه الموضوع و ماتردين

ليه الاحراج بس :shy::shy: حسبي الله عليك ..

اتفق معاك بلي ذكرته لكن سالفة العباه الطويله تسحب وراي !!!! :eek5::eek5:

انا اشوف انه عادي احب العباه الطويله للأنها تستر ولا تبينا بعد انفصل عباه نفس ثوب المطاوعه قصير .. :secret:

:tease:

موظف بالبورصه

09-04-2008, 03:05 AM

لا الله يسلمك لا تفصخ الكعب ولا شيء ولا تصارخ ولا تجمع الناس حولها ....تعطيه كلام يخجله (( انت ماتستحي \\ ماعندك خوات ....)) هو بنفسه بيستحي وبينسحب ................امااني اسكت وطول الوقت وراي من محل الى محل شبيقولون الناس اكيد مواعدته .....والسكوت علامة الرضى والكل يعرف هالشيء....

ومن قالج هالكلام بيخجله ؟؟

الا بالعكس بيزيد بيقول هذي ترد يعني متعوده !!! .. وبعدين أختي انا عمري ماشفت

شباب يلاحقون جذي من محل لي محل على خبري يتحرش شوي شاف مافي فايده يمشي

اذا الحين تطورت الأمور مادري .. بس الحل تسكتين عنه ولا جنج تشوفينه لين مايمل ويذلف

سمعتي نصيحتي انا اخبر منج بهالسوالف :eek5:

شكلج غلط !!
و إنتي داشه الموضوع و ماتردين

ليه الاحراج بس :shy::shy: حسبي الله عليك ..

اتفق معاك بلي ذكرته لكن سالفة العباه الطويله تسحب وراي !!!! :eek5::eek5:

انا اشوف انه عادي احب العباه الطويله للأنها تستر ولا تبينا بعد انفصل عباه نفس ثوب المطاوعه قصير .. :secret:

:tease:

تحسبين علي ليش :anger1:

مع انه شفت بنات لابسين العبايه القصيره لي فوق الكعب مادري موضه جديده هذي لا وشفافه

بعد يعني كلشي داخل يبين ولا قطريه ولا ويانا في الدوام ولا كل يوم تلبسها :eek5:

اطولينها في حدود المعقول تغطين الكعب وبس وان شفتها اطول حشيت ريولج :tease:

انا احساس

09-04-2008, 09:11 AM

[QUOTE=موظف في البورصه;2545681]ومن قالج هالكلام بيخجله ؟؟

الا بالعكس بيزيد بيقول هذي ترد يعني متعوده !!! .. وبعدين أختي انا عمري ماشفت

شباب يلاحقون جذي من محل لي محل على خبري يتحرش شوي شاف مافي فايده يمشي

اذا الحين تطورت الأمور مادري .. بس الحل تسكتين عنه ولا جنج تشوفينه لين مايمل ويذلف

سمعتي نصيحتي انا اخبر منج بهالسوالف :eek5:

صباح الخير

اخوي موظف كلامي موب من فراغ والله وتجارب شخصية ...
بقولك موقف وابيك تحكم ....واحد مره وراي من سوق الجبر لين العسيري لين فالح اوكي ويوم شفته زودها تدري شقلت له (( عمى بعينك انشاء الله )) والله العظيم ورررررررررر على طول ركض على سيارته وروح ....على فكره وانا حامل بكرشتي وحالتي حاله لاتقول كاشخه ومتزبره والصبح وحر وعفسه .......وبس

..الاميرة..

09-04-2008, 06:13 PM

تحسبين علي ليش :anger1:

مع انه شفت بنات لابسين العبايه القصيره لي فوق الكعب مادري موضه جديده هذي لا وشفافه

بعد يعني كلشي داخل يبين ولا قطريه ولا ويانا في الدوام ولا كل يوم تلبسها :eek5:

اطولينها في حدود المعقول تغطين الكعب وبس وان شفتها اطول حشيت ريولج :tease:

عباه فوق الكعب ولا فوق الركبه !!!!@!!!!! :eek5::secret:

بصراحة اول مره اسمع بهلموضه يمكن في الطريق لحين ما اوصلتني ..

وبعدين خلاص تووووبه أخر مره كل شي ولا حش اريولي .. :shy::shy:

وحيد-الشوق

09-04-2008, 07:02 PM

موضوع رائع واختيار اروووع

بس كلمة شكلج غلط مب جنها قويه شوي عالبنات

الله يهديهم

سلمت يمناك اخوي

تحياتي لك

خفايا الروووح

09-04-2008, 08:52 PM

ويعطيك العافيه ع الموضوع :nice:

بس

شكلك غلط وانت حاط موضوع عن البنات :sneaky:

موظف بالبورصه

10-04-2008, 12:15 AM

[QUOTE=موظف في البورصه;2545681]ومن

صباح الخير

اخوي موظف كلامي موب من فراغ والله وتجارب شخصية ...
بقولك موقف وابيك تحكم ....واحد مره وراي من سوق الجبر لين العسيري لين فالح اوكي ويوم شفته زودها تدري شقلت له (( عمى بعينك انشاء الله )) والله العظيم ورررررررررر على طول ركض على سيارته وروح ....على فكره وانا حامل بكرشتي وحالتي حاله لاتقول كاشخه ومتزبره والصبح وحر وعفسه .......وبس

ممكن هالشي يصير .. بس انا اتكلم عن نفسي ماحب البنت الي ترادد الرجال وتقط كلام

البنت حلاتها في حياها اذا فصخت الحيا مابقى شي ماتسويه بعد .. انا اتكلم عن نفسي

وكل واحد له وجهة نظر .

عباه فوق الكعب ولا فوق الركبه !!!!@!!!!! :eek5::secret:

بصراحة اول مره اسمع بهلموضه يمكن في الطريق لحين ما اوصلتني ..

وبعدين خلاص تووووبه أخر مره كل شي ولا حش اريولي .. :shy::shy:

اي عباه هذي بعد فوق الركبه ماصارت عباه صار شسمه :shy:

فوق الكعب اقصد ..

اي تعجبيني يازينكم اذا سمعتوا الكلام :nice:

موضوع رائع واختيار اروووع

بس كلمة شكلج غلط مب جنها قويه شوي عالبنات

الله يهديهم

سلمت يمناك اخوي

تحياتي لك

لا ماهي غلط أخوي لانه صحيح يكون شكلها غلط اذا سوت مثل الي كتبته ..

هذا رايي :nice:

موظف بالبورصه

10-04-2008, 12:17 AM

ويعطيك العافيه ع الموضوع :nice:

بس

شكلك غلط وانت حاط موضوع عن البناتsneaky:

ههههههههه الله يعافيج خفايا ...

وانا عندي غير العقارب احط عنهم مواضيع :tease:

قمره

15-04-2008, 09:21 AM

حلووووووووووووووو
و بالاخص رفع الصوت و مكاسر البيايع

هالمنظر يعصب بي :(

موظف بالبورصه

15-04-2008, 09:27 AM

حلووووووووووووووو
و بالاخص رفع الصوت و مكاسر البيايع

هالمنظر يعصب بي :(

الحلووو مرورج اختي قمره ..

هذي الي يقولون عنها لاحيا ولا مستحا :)

فلفل حار

15-04-2008, 01:23 PM

الحلووو مرورج اختي قمره ..

هذي الي يقولون عنها لاحيا ولا مستحا :)

ياكثرهم في سوق واقف:rolleyes2:

ياخي كاسرو ماقلنا لا لكن مب بصرااخ وتسمعون الناس :eek5:

موظف بالبورصه

15-04-2008, 04:49 PM

ياكثرهم في سوق واقف:rolleyes2:

ياخي كاسرو ماقلنا لا لكن مب بصرااخ وتسمعون الناس :eek5:

جيل حليب النيدو :omen2:

صمت القلوب

15-04-2008, 08:13 PM

بصراحه انا حابه اضيف كذا جمله ........

شكلج غلط ....
يوم الهذره تزيد عن حدها مع الشباب في المتتديات لييين يقلبونها شات

شكلج غلط ...
يوم تسجلييين في المنتديات باسم او لقب مغري او ملفت للنظر او مايع ... وبعدين تردون في المواضيع باختكم في الله .... وقال الله وقال الرسول ....

شكلج غلط .....
يوم تقصرين العبايه .... علشان الجينز والصندل الفاخر يبين ...

اخوي موظف في البورصه ...انا شفت كل اللي ذكرته ... بس سالفه العبايه طويله ... افضل انها تكون طويله وساتره من انها تكون مفتوحه وتكشف

وعسى الله يهدي الجميـــــــــــــــع ....

ولك جزيل الشكر عالموضوع

تقبل مروري