استفسار لمن سافر لماليزيا [الأرشيف] - منتديات شبكة الأسهم القطرية

مشاهدة النسخة كاملة : استفسار لمن سافر لماليزيا

رضى

07-04-2008, 09:13 AM

بسم الله الرحمن الرحيم

أولاً: الله لا يهينكم

اثانياً: ستفسار لمن سافر لماليزيا

ماليزيا أو كما يسمونها ماليزيا الساحره

اريد بعض الاستفسارات وبعض المعلومات ... لمن زارها ...

اريد السفر .. لماليزيا ... وبعد البحث ... عن معلومات لها .. لم اجد معلومات كافية ...

كما تعلمون به مواقع للسياحة العربية واختصاصها ... هالشي ...

وعند بحثي ... لم اجد لها معلومات كافية ... بل وجدت سنغافورة اكثر معلومات وزيارات ...

.:::: المطلوب ::::.

بالنسبة للأسعار
بالنسبة للأمان
بانسبة للشرطة.. وسالفة الرشاوي
بالنسبة بالخروج الليلي ... بغرض التمشية والتسويق
ما أجمل المناطق السياحية
ما وسيلة التنقل .. تاكسي .. أم سيارة إيجار .. الأفضل
وهل استطيع عبور الحدود ... للدخول إلى سنغافورة

والله راسي مليان بالاسئلة ...

والله لا يهينكم ...

alkaabi

07-04-2008, 10:09 AM

;2539997']بسم الله الرحمن الرحيم

أولاً: الله لا يهينكم

اثانياً: ستفسار لمن سافر لماليزيا

ماليزيا أو كما يسمونها ماليزيا الساحره

اريد بعض الاستفسارات وبعض المعلومات ... لمن زارها ...

اريد السفر .. لماليزيا ... وبعد البحث ... عن معلومات لها .. لم اجد معلومات كافية ...

كما تعلمون به مواقع للسياحة العربية واختصاصها ... هالشي ...

وعند بحثي ... لم اجد لها معلومات كافية ... بل وجدت سنغافورة اكثر معلومات وزيارات ...

.:::: المطلوب ::::.

بالنسبة للأسعار ( في متناول الجميع واسعار معقولة جدا )

بالنسبة للأمان ( امان بنسبة 100% )

بانسبة للشرطة.. وسالفة الرشاوي ( ماذكر عطيت او حد طلب مني ريال واحد رشوة )

بالنسبة بالخروج الليلي ... بغرض التمشية والتسويق ( عادي جدا )

ما أجمل المناطق السياحية ( كوالامبور / جنتج ايلاند / جزيرة لنجاوي / جزيرة بينانج )

ما وسيلة التنقل .. تاكسي .. أم سيارة إيجار .. الأفضل ( التاكسي واسعاره ممتازة )

وهل استطيع عبور الحدود ... للدخول إلى سنغافورة ( مادري بصراحة )

والله راسي مليان بالاسئلة ...

والله لا يهينكم ...

وياهلا ...

رضى

07-04-2008, 10:10 AM

وياهلا ...

يا مرحبا ...

alkaabi

07-04-2008, 10:13 AM

http://daleel-malaysia.com/modules.php?name=Content&pa=showpage&pid=80

هالرابط من خلاله بتعرف الطريق بين سنغافورة وماليزيا

رضى

07-04-2008, 10:16 AM

http://daleel-malaysia.com/modules.php?name=Content&pa=showpage&pid=80

هالرابط من خلاله بتعرف الطريق بين سنغافورة وماليزيا

بيض الله وجهك

بنت المنتدى

07-04-2008, 10:40 AM

هلا فيك يااخوي

أنا من فتره مسافره وهذا موضوعي ..

http://qatarshares.com/vb/showthread.php?t=166581

وترى قمة الامان والله يااخوي وماعندهم سوالف رشاوي انا رحت اكثر من مره والله ماشفت هذا الشي والحمدلله الدوله اسلاميه وفيها مسلمين واااااجد عموما اذا بغيت اي حاجه قولي وابشر بعزك يااخوي

jajassim

07-04-2008, 10:46 AM

;2539997']

وهل استطيع عبور الحدود ... للدخول إلى سنغافورة

...[/COLOR]

سهل جدا ،،، خذ لك باص من محطة بقرب من تايم سكوير ،،، ،، أفضل باص 5 نجوم ،، وكراسي بالمساج ،، ب 75 رنجت ،، ورحلة 5 ساعات ،،، ما يحتاج الى فيزا للقطريين فقط

رضى

07-04-2008, 10:52 AM

رضى

07-04-2008, 10:54 AM

سهل جدا ،،، خذ لك باص من محطة بقرب من تايم سكوير ،،، ،، أفضل باص 5 نجوم ،، وكراسي بالمساج ،، ب 75 رنجت ،، ورحلة 5 ساعات ،،، ما يحتاج الى فيزا للقطريين فقط

لا هنت على المعلومات

بغيت اعرف ماليزيا لازم فيزا

jajassim

07-04-2008, 11:57 AM

;2540464']لا هنت على المعلومات

بغيت اعرف ماليزيا لازم فيزا

للقطريين ،،،، لا :nice::nice:

العملة النادرة

07-04-2008, 06:47 PM

ماليزيا وايد حلوة ومريحه خصوصا جزيرة بيننغ انصحك تروحها وتسكن في فندق شانغرلا راسا سينغ شي ممتع
ماليزيا امان ودولة اسلامية انا رحتها شهر ثمانيه وافكر اروح مره ثانيه في اقرب فرصه

شيزكيك

07-04-2008, 09:18 PM

انا العام رحت مالييزيا

وخذيت معلومات وايد من كذا مكان وفي اشياء اعجبتنا واشياء لا

كوالا حلوه

عجبني مركز سوريا للتسوق فظيع وكله ماركات وفي شارع العرب هناك ماتحس بالغربه ونشوف

العرب يتمشون لساعات متاخره من الليل

جتنيق ملاهي فوق الجبال وروح لها بالتلفريك وهو جدا مرعب وياخذ فيك عشرين دقيقه وانت

فوق الغابات ( رعب ) بس الملاهي روعه واناسه والجو حلو

رحنا القريه الفرنسيه وما استانسنا احسها تنفع للاجانب اكثر ومافيها الا مباني ومطاعم

رحنا افاموسا حديقة السفاري حلوه حق اليهال يشوفون الحيوانات وعروض الفيله والطيور

الحيوانات وعرض الكابوي وفيها جزيره القرود ويوم رحنا كانت القرود في اقفاص واحنا ننطر

المركب الا قرود صغيره على الشير فوقنا عاد تعالوا شوفوا الصراخ

وبعدين ودينا اليهال البرك وتسبحوا واستانسوا

ورحنا عقب مدينه الهنود الحمر وفيه سينما يعرضون فيها افلام وتلبس نظاره وكانك موجود في الفيلم

واذكر يوم طق المطر في الفيلم بللونا بالماي وفي مشهد فيران يركضون حسينا ان الفيران تركض على

ريولنا الصراحه شي

ومدينه افاموسا ممكن تقضي اليوم كامل فيها وحتى جتنيق

رحنا الاكويريوم حديقه الاسماك وصج صج روعه وعلى مستوى

رحنا الحديقه الليليه وفيها النافوره الموسيقيه والصراحه ما تسوى العنوه

رحنا ملاهي الصن وي لاقون روعه واليهال استانسوا على البرك والمناظر الحلوه

والزين فيهم ان اذا سكنت في فندق قريب من اي ملاهي يعطونك خصم

مثل يوم سكنا في فندق الخيول الذهبيه عطونا خصم حق الملاهي الليليه التعيسه

ويوم سكنا في برج الصن وي لاقون عطونا خصم حق الملاهي المائيه

ويوم سكنا فندق امبيانا عطونا خصم حق حديقه الاسماك

رحنا محل الشوكلاته وكافيهم مب لذيذ

الاكل في المطاعم العربيه غالي وايد ونهيبه بعكس مطاعم الوجبات السريعه

50 ريال تييب لنا وجبات لنا كلنا وحت البيتزا رخيصه

وبعدين رحنا بينانيغ والصراحه رحنا في السياره والمسافه 5 ساعات متعبه والصراحه ما استانسنا

فيها لان ما حصلنا حجز في الفنادق القريبه من البحر الي كل الخليجيين فيها

ورحنا هناك حديقه الفواكه والجو كان حار ولا شفنا فيها اي فواكه

ورحنا حديقه الفراشات ورحنا متحف الدمى كان وايد حلو وايهال اسانسوا عليه

وبس هاذي كل الاماكن الي رحناها بالاضافه الى المجمعات والاسواق

شيزكيك

07-04-2008, 09:21 PM

ومالييزيا امان وعمرنا ما عطينا بخاشيش حق اي حد وحتى في المطار جدا محترمين

والزين فيهم يتكلمون انجليزي بطلاقه بعكس التايلانديين

والتكاسي تكلف عشر ريال اوثلاثين اذا كان المكان بعيد

ولد الزبارة

09-04-2008, 12:46 PM

ماليزيا وايد حلوة ومريحه خصوصا جزيرة بيننغ انصحك تروحها وتسكن في فندق شانغرلا راسا سينغ شي ممتع
ماليزيا امان ودولة اسلامية انا رحتها شهر ثمانيه وافكر اروح مره ثانيه في اقرب فرصه

انا العام سكنته في شهر 7

فعلا قمة وراقي

وانصحك ان لا تقعد في الجزيرة أكثر من يومين .

ونصيحتي اذا بتروح لجزيرة لنكاوي
لاتسكن في البلانجي بيتش:nono:
لان معاملتهم زفت ، والفندق قديم ومتهالك
واكلهم كله أسيوي

عموما

ماليزيا فعلا ساحرة ، وصدقني راح تستانس ( بإذن الله )
ولا تنسى تمر مصنع الشوكلاته:nice:

hamoor4ever

09-04-2008, 01:48 PM

انا اخوي يمكن رايي يختلف عنهم ماليزيا حلوه صح بس الرطوبه بتخليك تنسى حلاتها ، واشوفها غاليه نسبيا ومافيها فرق وايد عن بعض مناطق تايلند اللي هي ارخص بوايد

اقول زيدها شوي وروح اوروبا انا اشوف احسن وكفايه البراد اهناك الا اذا انت من النوع اللي مايحب البرد

إعلامي قطر

09-04-2008, 03:58 PM

..

والله ياخوي آنا مسافر ماليزيا من فتره وقاعد أرتب موضوع لمنتدى شبكة الأسهم
وأعضائه بس قاعد أدور موقع تحميل صور، إنقهرت كل مانزلت موضوع في
بعض المنتديات ومرت عليه فتره تنمسح الصور فياليت تعطيني موقع تحميل
محترم للصور وإن شاء الله أنزل موضوع كافي وافي شافي وراح يعجبك
إن شاء الله وفيه من المعلومات الشي الكثير والمفيد للكل بإذن الله ..

..

hamoor4ever

10-04-2008, 07:40 AM

www.travel4arab.com

خذ هالموقع ودش المنتدى وفي موقع مخصص حق ماليزيا وبالتوفيق

عذايب قطر

10-04-2008, 08:01 AM

اخوي عندك منتدى العرب المسافرون في كل المعلومات عن ماليزيا
وبالنسبة للمواصلات عندك التكاسي بس لاتاخذلك سايق تاكسي من ذوله الصينين خذلك هندي
كانوا في ماليزيا يقولونلنا جيه
وقوله احسبلي بالمتر او الساعه

ماليزيا حلوه اتجنن

تحياتي لكم

meme1313

16-04-2008, 11:23 AM

رحت لها في الصيف حلوه وايد وامان في كل وقت وكنا انتنقل بسياره اجار ... احس مافي فرق بين التكاسي او سياره اجار احلى المجمعات اللي رحت لها (توين تور) (تايم سكوير) (1 اوتاما) سكنا في فندق الريتز وكان حذاه فندق الماريوت وقريب من السوق وايد يعني على طول تحت اول ماننزل فيه مطاعم وقهاوي وشارع كامل اسمه شارع العرب يعني الناس يسمونه جذي:nice: ... والباص صراحه يجنن لازم تجربه وفي مكان سياحي في ملاهي وتلفريك وفندق ومحلات اسمه (جنتنق) يعني صج سياحي بمعنى الكلمه هالمكان ....... بس هاي اللي عندي وان شاء الله تروحون وتردون بالسلامه :victory: