لـي متــى يا اولياء الامور !!!

[بــو فهــد]

موضوع قريته في احد المنتديات القطريه ..
اتمنى تقرونه .. وتحطون بالكم على عيالكم :)

,
,

السلام عليكم ..

والله العظيم اكتب الموضوع وانا متضايق .. يعني اسمحوا لي اذا قمت اقط خيط و خيط ..

تكفوووووون واللي يرحم والديكم .. حاسبوا على عيالكم ..

تراهم امانه في ارقابكم ..

لي متى و انتوا مأمنين عيالكم للخدم ؟؟

معطين الخدم التصرف التام معاهم ؟؟

لي متى و انتوا .. يا خدامه روحي اخذي علوي ولا حمود وديه للدكان .. و ديه للمدرسه ؟

روحي معاهم خليهم يلعبون برى شوي ..

لي متى و الأبو يروح لأشغاله و يوكل عيال للخدم ؟؟

والنتيجه !!!!!!!

ولد في عمر الزهور (( 3 سنوات و نص )) راسه منقص نصين ..

نص ع اليمين .. و نص ع اليسار ..

والمخ على بعد 10 سم من راسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واللي دعمه !! مجهووووووووووووووووولـ

ليكون ربي كتب لكم في القرآن انه الأولاد لعبه ؟؟ (( استغفر الله العظيم ))

لي متى وانتوا مهملين عيالكم الصغار ..

الدرر ..

فلذة أكبادكم ..

بدال ما تفدونهم بأعماركم .. تقطونهم للخدم !!

تبون تعرفون سبب موت هالطفل ابو ثلاث سنوات ونص ؟؟

اهمال الخادمه ..

وانشغال الأم مادري في شنو !!

والأب مادري في شنو بعد !!

يا نااااااااااااااااااس هذيلا امانه في ارقابكم !!

لي متى واحنا نشوف العيال في الشوارع ؟؟

ولد بو 7 او 8 سنين نشوف يفرفر في الشوارع .. كأنه بو 20 سنه ؟؟

لي متى واحنا نشوف يهال صغار .. ع الساعه 2 في الليل ..

ينطرون الدريول عند بوابة الستي ؟

واقول لهم شفيكم ..

يقولون ننطر الدريول ؟؟

اقول لهم انزين كلموا ابوكم ؟؟

يقولون كلمناه .. قال مالي شغل !! كلموا امكم خلوها تطرش لكم الدريول ؟؟؟؟؟؟ :eek5::eek5:

ماشالله لا ونعم الإهتمام ..

تكفون حافظوا على هالنعمه اللي ربي عطاكم اياها ..

____

قال الله تعالى: الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً {الكهف:46}

____

دعاء الفرط (( الفرط = الطفل الميت ))

اللهم أعذه من عذاب القبر. أخرجه مالك في الموطأ
اللهم اجعله فرطا وذخرا لوالديه ، وشفيعا مجابا ،
اللهم ثقل به موازينهما وأعظم به أجورهما وألحقه بصالح المؤمنين واجعله في كفالة إبراهيم ،
وقه برحمتك عذاب الجحيم ،
وأبدله دارا خيرا من داره , وأهلآ خيرآ من أهله
اللهم اغفر لأسلافنا وأفراطنا ومن سبقنا بالإيمان
اللهم اجعله لنا فرطآ و سلفآ و أجرآ


مبيوق escape

[قطري في لندن]

الدنيه صارت كذا اخوي قصب مو طيب بسبب اشياء كثيره من اهم هاي لاشياء اهمال الوالدين وعدم لاحساس بالمسؤليه ونشغال بالمظاهر عن تربيه لاطقال واهمالهم عند الخدم

[بــو فهــد]

قطري في لندن
يعطيك العافيه على مشاركتك الطيبه ..
وما ازيد على كلامك بشي
تقبل احترامي لك
اخوك
بــو فهــد

[يونيك]

بارك الله فيك ... نقل طيب.

[بنت المنتدى]

شي يحزن وربي يااخوي بوفهد ,,, سبحان الله ترى في ناس تتمنى لو ظفر الياهل وناس وايد مستهينه بهذي النعمه العظيمه والله والله ماادري شاقول لكن جد ترى المصايب والبلاوي ماتجي اله من تحت راس هالخدم والله العظيم من فتره رفيجتي متهاوشه مع خدامتها وطبعاً تخلي البنات عندها وتروح الدوام تخيل يااخوي والله العظيم ادري ان الشي اللي بقوله كبير وعيب لكن من القهر .. ابي الام تتعظ والاب كذلك .... تخيل يااخوي قامت الخدامه وحاولت انها تفظ غشاء البكاره والبنت عمرها مايتعدى ال3 سنوات وبعدها اشردت الخدامه واول مارجعت رفيجتي شافت البنت تصيح وتتألم وشافت دم ولما ودتها للدكتوره قالت لها احمدي ربك انها خدووووش واقسم بالله ان قلبي احترق اكثر من امها عليها ياخي قولي وش ذنب هالبنت لو مستقبلها ضاع وعلى يد مين .. يد خدامه قلبها اسود الله ياخذها ....

اسفه على ذكر السالفه لكن كل اللي ابيه ان الاهل ياخذون بالهم من العيال والله على مااقوله شهيد



الموضوع مهما بتكلم به مستحيل اخلص منه

جزاك ربي كل خير ع التنبيه والله يسدد خطاك ويحفظ عيالك وعيال كل المسلمين

[بــو فهــد]

اخوي يونيك

ويبارك لك ان شالله في عيالك =)

تسلم على مرورك الطيب

[بــو فهــد]

اختي احلى ملاك
ويجزيج بمثله ان شالله
والله حفظ هالبنت .. لكن كم وحده غيرها " ضاعت " و كم شاب " انحرف " والسبب هالخدم ؟

سؤال يحتاج لاجابه
اشكرج على مرورج

[ام الحلوين]

جزاك الله اخوي كل خير
امس طلعت من الدوام اجيب بنتي من المدرسه وانا وابوها نتناوب يا انا ولا هو يجيبها
شفت صديقتها
نوف كيف حالك بنتي وأسلم عليها مع اختها ريم ومشت قدامي....ادور امها ولا الخدامه؟؟مالقيت الا السواق يمشي قدام البنتين؟
نوف صف ثالث ابتدائي وريم اول ابتدائي
ناديتها نوف وين الخدامه قالت ماعندنا
وامك يانوف وينها؟؟
قالت امي ماتجي من الدوام الا الساعه 3!!
ياقلب امهم وابوهم الي يأمنون على هالبنتين عند سواق؟؟؟؟
وقفت اطالع وتحسرت والله العظيم بنتي تعجبت مني قالت يمه ليش خفتي
مابغيت ابين لها قلت بنتي يمكن يذبحهم هذولي لحالهم مع رجال غريب!!
العصر اسمع بنتي تكلم نوف بالتلفون:
نوف امي تقول يمكن يذبحكم خلي امك تجي تاخذكم... ورحت ماحبيت اسمع الرد من نوف!!!!!
اسمحولي للاطاله

[بــو فهــد]

جزاك الله اخوي كل خير
امس طلعت من الدوام اجيب بنتي من المدرسه وانا وابوها نتناوب يا انا ولا هو يجيبها
شفت صديقتها
نوف كيف حالك بنتي وأسلم عليها مع اختها ريم ومشت قدامي....ادور امها ولا الخدامه؟؟مالقيت الا السواق يمشي قدام البنتين؟
نوف صف ثالث ابتدائي وريم اول ابتدائي
ناديتها نوف وين الخدامه قالت ماعندنا
وامك يانوف وينها؟؟
قالت امي ماتجي من الدوام الا الساعه 3!!
ياقلب امهم وابوهم الي يأمنون على هالبنتين عند سواق؟؟؟؟
وقفت اطالع وتحسرت والله العظيم بنتي تعجبت مني قالت يمه ليش خفتي
مابغيت ابين لها قلت بنتي يمكن يذبحهم هذولي لحالهم مع رجال غريب!!
العصر اسمع بنتي تكلم نوف بالتلفون:
نوف امي تقول يمكن يذبحكم خلي امك تجي تاخذكم... ورحت ماحبيت اسمع الرد من نوف!!!!!
اسمحولي للاطاله

هههههههه يا حليلهم ياليهال .. الله يخليهم لج ويعطيج انتي وريلج طولة العمر وتشوفون عيالهم :)
نماذج كثيره نشوفها في مجتمعنا .. ومصايب اكبر نسمعها بسبب اهمال الوالدين " واخرها على حسب ذاكرتي الخياط اللي اعتدى او حاول يعتدي على طفله وهو يقايسها "
الله يهدي الجميع ان شالله !! الواحد في هالزمن يعوره راسه من المصايب اللي يسمعها :rolleyes2:
يعطيج العافيه اختي ام الحلوين .. :nice:

[القطوة]

العيال امانة عندكم ...وبتتحاسبون عليها ...دام انه الزوجين مب قدها ليش تجيبون عيال...