تسجيل الدخول

مشاهدة النسخة كاملة : أبي ادرس في بريطانيا ..


رويتر
09-04-2008, 04:02 PM
السلام عليكم ورحمة الله وبركاته ،،

من يقدر يساعدني في العثور على كلية او جامعة في بريطانيا

عشــان آخذ كورس لغة محترم ..

ابي ارجع الدوحة بلبل انجليزي :cool:

مابي مدرسة ،، فقط كلية او جامعة

ولو كانت في لندن او اكسفورد او كامبردج او المدن القريبة احلى واحلى ..

ابي مكان حد جربه من قبل ،، مكان راقي وستايل

وابي اسكن مع عايلة ستايل ..


رجائاً .... لا حد يقول لي روح المجلس الثقافي البريطاني وبيرتبون لك كل شي ، لأنهم العام

وهقوني ووهقو ناس وايد .. !!!


واللي عنده نصايح حلوه لا يبخل علي ..

T H A N K S
GS5
09-04-2008, 08:01 PM
اتصل بسفارة
Chambray
09-04-2008, 11:59 PM
إذا تبي تدرس فرنسي في فرنسا انا مستعد وفي الخدمة :)

لكن انجليزي في بريطانيا .. والله ماعندي فكرة بتاتاً :(
qatari1
10-04-2008, 12:37 AM
إذا تبي تدرس فرنسي في فرنسا انا مستعد وفي الخدمة :)

لكن انجليزي في بريطانيا .. والله ماعندي فكرة بتاتاً :(

أنا أبي أدرس فرنسي، فيدنا أفادك الله...
وعذراً لصاحب الموضوع على التطفل!
Bin Hood
10-04-2008, 01:17 AM
www.lsbf.org.uk

عندهم كورسات انجليزي ويمكن ادرس فيها

اذا الله أراد
Chambray
10-04-2008, 02:34 AM
باتابع معاك الموضوع عبر الخاص :)
قطري عصامي
10-04-2008, 08:17 AM
اخوي البدر ممكن تفيدني بخصوص دراسة اللغة الفرنسية ،

ولصاحب الموضوع كل التوفيق

للرفع شباب
رويتر
10-04-2008, 08:29 AM
اتصل بسفارة

قصدك السفارة البريطانية عندنا أو سفارتنا في لندن ؟؟

توضيح لو تكرمت ؟؟
رويتر
10-04-2008, 08:32 AM
إذا تبي تدرس فرنسي في فرنسا انا مستعد وفي الخدمة :)

لكن انجليزي في بريطانيا .. والله ماعندي فكرة بتاتاً :(


خلني انطق أنجليزي أول :)
تسلم ،، يالغالي .. كلك ذوق
رويتر
10-04-2008, 08:34 AM
أنا أبي أدرس فرنسي، فيدنا أفادك الله...
وعذراً لصاحب الموضوع على التطفل!


الله يوفقك ياالغالي ، وأبرك الساعات إذا موضوعي نفعك أو نفع أحد الأعضاء بأي شكل

وعلى الرحب والسعه :)
رويتر
10-04-2008, 08:40 AM
اخوي البدر ممكن تفيدني بخصوص دراسة اللغة الفرنسية ،

ولصاحب الموضوع كل التوفيق

للرفع شباب

الله يوفقنا وياك يا العصامي
رويتر
10-04-2008, 08:48 AM
www.lsbf.org.uk

عندهم كورسات انجليزي ويمكن ادرس فيها

اذا الله أراد

شكلها مدرسة ستــايل ..

لكنها مدرسة :weeping:

انا أدور كليــة أو جامعة

كل الشكر والتقدير لك اخي الكريم
قطري طموح
10-04-2008, 08:54 AM
اخوي رويتر باختصار باكلمك عن تجربتي في دراسة اللغة الانجليزيه وانشالله تفيدك انا درست كورس في نيوزيلند والحمدلل استفدت وكثير من شباب الخليج وجدتهم في اوكلاند لتعلم اللغه الانجليزيه وكنت ادرس في معهد وليس جامعه اوكليه والحمدلله استفدت ولكن ليس من المعهد لان الاستفاده من المعهد محدوده واكبر الاستفاده تكون ومن العايلة ومن الاحتكاك بالناس في الشارع والمتاجر والتاكسي ومن القرأة المباشرة صدقني لو اقولك ان هذي الامور مع الاجتهاد والتعلم الذاتي لها اكبر الاثر في التحصيل اما المعهد او الكليه فلاانصحك بالتركيز عليها كثيرا
تحياتي لك
رويتر
10-04-2008, 09:14 AM
اخوي رويتر باختصار باكلمك عن تجربتي في دراسة اللغة الانجليزيه وانشالله تفيدك انا درست كورس في نيوزيلند والحمدلل استفدت وكثير من شباب الخليج وجدتهم في اوكلاند لتعلم اللغه الانجليزيه وكنت ادرس في معهد وليس جامعه اوكليه والحمدلله استفدت ولكن ليس من المعهد لان الاستفاده من المعهد محدوده واكبر الاستفاده تكون ومن العايلة ومن الاحتكاك بالناس في الشارع والمتاجر والتاكسي ومن القرأة المباشرة صدقني لو اقولك ان هذي الامور مع الاجتهاد والتعلم الذاتي لها اكبر الاثر في التحصيل اما المعهد او الكليه فلاانصحك بالتركيز عليها كثيرا
تحياتي لك

يااااا عل من جابوووووووووووووك في الجنة ..

من كل قلبي أشكرك ع هالنصايح الثمينه ( والله اني سويت حق مشاركتك كوبي وحفظتها عندي)

الله يوفقك ويزيدك بسطة في العلم والنور

[ لكن ع فكرة ... نيوزيلندا قاطعناها من قلب]
قطري طموح
10-04-2008, 09:17 AM
وووالديك الجنه بس ليش قاطعة نيوزيلند ؟
رويتر
10-04-2008, 10:35 AM
وووالديك الجنه بس ليش قاطعة نيوزيلند ؟

نيوزلندا ،، والله يا خوي انا بروح عن طريق الشغل ، والموارد البشرية عندنا حطوها

في (البلاك لست) فيما يخص التطوير المهني والأسباب إدارية بحته !!!

وقالوا لي دور أي بلاد في العالم إلا مجموعة دول من بينهم نيوزلندا واستراليا !!!:omen2:
مستثمر رشيد
10-04-2008, 10:47 AM
عن تجرتي الشخصية انا درست في 8 مدراس لغة في بريطانيا من ضمنها كليات اضافة الى جامعات مثل جامعة ليدز وجامعة سوانزي وجامعة ليدز متروبوليتن وبيل سكول كامبريدج واكسفورد هاوس كولج في لندن لكن صدقني بعد كل هاللفة والتنقل والتعب ما ارتحة الا من كلية وحدة هي الي فيها جدية في دراسة اللغة والي استفدت منها كثير ووصلت لمستوى اهلني بعدها لدخول الجامعة والحمد لله تخرجت وحصلت على الماجستير .

اسم الكليه وموقعها http://www.hilderstone.ac.uk/site/index.html

هي جدا ممتازة وتقع في مدينة برودستير عن لندن 3 ساعات تقريبا بالقطار وقريبة منها مدينة مارغيت وهي مدينة سياحية وقت الصيف .......... وتقع على ساحل الجنوب شرق العاصمة .... تكاليفها معقولة ومش غالية كثير ......... يعجبني فيها جدية مدرسينها ولكن احرص انك تطلع على شهر خمسة لان بعض المدرسين يسافرون وقت الصيف وهذا هو حال اغلب مدارس اللغة في بريطانيا عموما.

اي استفسارات ثانية انا حاضر .... وبالتوفيق
Bin Hood
10-04-2008, 11:54 AM
شكلها مدرسة ستــايل ..

لكنها مدرسة :weeping:

انا أدور كليــة أو جامعة

كل الشكر والتقدير لك اخي الكريم

اخوي هاذي جامعة :anger1:

يقيمونك وانت في قطر ويقولون لك شكثر تحتاج
Smart
10-04-2008, 12:02 PM
ارسل لى معلوماتك على الخاص وانا اقدر اساعدك فى جامعة اكسفورد بروك او اى جامعه تبى
وحيد-الشوق
10-04-2008, 12:17 PM
إذا تبي تدرس فرنسي في فرنسا انا مستعد وفي الخدمة :)

لكن انجليزي في بريطانيا .. والله ماعندي فكرة بتاتاً :(

اخوي جاسم ولاتهون عطنا معلومات عن دراسة اللغة الفرنسية في فرنسا <<< انت اول شيء تكلم انجليزي بالاول :anger1:
رويتر
10-04-2008, 01:25 PM
عن تجرتي الشخصية انا درست في 8 مدراس لغة في بريطانيا من ضمنها كليات اضافة الى جامعات مثل جامعة ليدز وجامعة سوانزي وجامعة ليدز متروبوليتن وبيل سكول كامبريدج واكسفورد هاوس كولج في لندن لكن صدقني بعد كل هاللفة والتنقل والتعب ما ارتحة الا من كلية وحدة هي الي فيها جدية في دراسة اللغة والي استفدت منها كثير ووصلت لمستوى اهلني بعدها لدخول الجامعة والحمد لله تخرجت وحصلت على الماجستير .

اسم الكليه وموقعها http://www.hilderstone.ac.uk/site/index.html

هي جدا ممتازة وتقع في مدينة برودستير عن لندن 3 ساعات تقريبا بالقطار وقريبة منها مدينة مارغيت وهي مدينة سياحية وقت الصيف .......... وتقع على ساحل الجنوب شرق العاصمة .... تكاليفها معقولة ومش غالية كثير ......... يعجبني فيها جدية مدرسينها ولكن احرص انك تطلع على شهر خمسة لان بعض المدرسين يسافرون وقت الصيف وهذا هو حال اغلب مدارس اللغة في بريطانيا عموما.

اي استفسارات ثانية انا حاضر .... وبالتوفيق


بيض الله وجهك ياخوي ما قصرت ، انا دشيت اللينك وخذيت بعض المعلومات عن الكلية وعجبتني وحطيتها في مفضلتي ..

لكن شلون المدينة من حيث الترفيهات والتسوق والصالات الرياضية ؟؟

وعقبــال الدكتوراة يا الغالي :victory:
رويتر
10-04-2008, 01:29 PM
اخوي هاذي جامعة :anger1:

يقيمونك وانت في قطر ويقولون لك شكثر تحتاج


والله .. مادري ياخوي لا تعصب ترا اللغة يالله بالخير :shy:

انا شفت كلمة school وطلعت ، ع بالي انها مدرسة ..

عموماً انا ترا أضفتها إلى مفضلتي :victory:

جزاك الله خير يا الغالي ..
رويتر
10-04-2008, 01:31 PM
ارسل لى معلوماتك على الخاص وانا اقدر اساعدك فى جامعة اكسفورد بروك او اى جامعه تبى


أي معلومات قصدك يا الطيب ،، معلومات التسجيل ؟؟
Smart
10-04-2008, 01:38 PM
أي معلومات قصدك يا الطيب ،، معلومات التسجيل ؟؟

العمر والمستوى باللغه وكم مده تبى واى نوع لغه
واى مستوى دراسى
واذا انت مخلص الثانويه ممكن ايب لك قبول فى التاسيسى بدل لا تضيع وقتك فى اللغه فى الى جامعه حسب مجموعك ومستوى اللغه عندك
Chambray
10-04-2008, 02:51 PM
يالغاليين الي يبي مساعدة في اللغة الفرنسية في فرنسا يرسل على الخاص الله لايهينكم
Chambray
10-04-2008, 02:54 PM
اخوي جاسم ولاتهون عطنا معلومات عن دراسة اللغة الفرنسية في فرنسا <<< انت اول شيء تكلم انجليزي بالاول :anger1:

انا الانجليزية عندي صفر يالغالي .. يس نو ... وبعض الجمل البسيطة جداً واخربط فيها هاهاها


ارسل لي على الخاص وان شاء الله افيدك
وحيد-الشوق
10-04-2008, 04:37 PM
انا الانجليزية عندي صفر يالغالي .. يس نو ... وبعض الجمل البسيطة جداً واخربط فيها هاهاها


ارسل لي على الخاص وان شاء الله افيدك

هههههههه

بس متعجب ماشاء الله اكثر من دولة اوربيه رايحها عيل اي لغة كنت تتكلم معاهم :tease:
Chambray
10-04-2008, 05:56 PM
هههههههه

بس متعجب ماشاء الله اكثر من دولة اوربيه رايحها عيل اي لغة كنت تتكلم معاهم :tease:

في امور الفنادق والحجوزات امشي حالي .. لكن كحتكاك في الشعب الي اسافر له ما احتك كلش لان معظم الدول الي احبها تتكلم الماني وانا ماعرف ولا كلمة بالالماني .. :secret:
الانجليزية عندي ركيكه تقدر تقول .. والاعتراف في الحق فضيله :discuss:
قاعدتي في الفرنسية الحمد لله افضل منها في الانجليزية :victory:
لكن الانجليزية اعرف اتفاهم مع أماكن السفر مثل محطة القطار وتأجير السيارة والفندق والمطار ومراكز التسوق وغيرها ..
لكن اني اكتب تقرير عن شئ معين بالانجليزي او اني اتحدث عن دولتي وفيها ومافيها بالانجليزي اعتقد ان الي بيفهم علي 40% انجاز :nice: لان مشكلتي انا ان قاعدتي في الانجليزي ركيكه جداً ، والمدرسين الي يدرسونا كانوا الله بالخير ... فشئ اكيد ان الواحد بيطلع فاشل بالانجليزي ..
لكن اكتشفت شئ وهو مو اكتشاف قدر ما هو شئ واقعي .. ان الواحد يحفظ كلمات قد مايقدر سواء راح يحتاج لها او ماراح يحتاج لها . لأن بيجي يوم بنستخدم هالكلمة ..
احنا العرب الي نتكلم عربي بعض المرات تجينا كلمات مانعرف شنو معناتها .. وهي بالعربي .. فما بالك بالانجليزي او الفرنسي الي تكون اللغة جديده عليك ..

وأذكر الله علي وقول ماشاء الله .... :rolleyes2: ترى العين حق <<<<<< لا اتوهق في احد سفراتي
وحيد-الشوق
10-04-2008, 08:07 PM
في امور الفنادق والحجوزات امشي حالي .. لكن كحتكاك في الشعب الي اسافر له ما احتك كلش لان معظم الدول الي احبها تتكلم الماني وانا ماعرف ولا كلمة بالالماني .. :secret:
الانجليزية عندي ركيكه تقدر تقول .. والاعتراف في الحق فضيله :discuss:
قاعدتي في الفرنسية الحمد لله افضل منها في الانجليزية :victory:
لكن الانجليزية اعرف اتفاهم مع أماكن السفر مثل محطة القطار وتأجير السيارة والفندق والمطار ومراكز التسوق وغيرها ..
لكن اني اكتب تقرير عن شئ معين بالانجليزي او اني اتحدث عن دولتي وفيها ومافيها بالانجليزي اعتقد ان الي بيفهم علي 40% انجاز :nice: لان مشكلتي انا ان قاعدتي في الانجليزي ركيكه جداً ، والمدرسين الي يدرسونا كانوا الله بالخير ... فشئ اكيد ان الواحد بيطلع فاشل بالانجليزي ..
لكن اكتشفت شئ وهو مو اكتشاف قدر ما هو شئ واقعي .. ان الواحد يحفظ كلمات قد مايقدر سواء راح يحتاج لها او ماراح يحتاج لها . لأن بيجي يوم بنستخدم هالكلمة ..
احنا العرب الي نتكلم عربي بعض المرات تجينا كلمات مانعرف شنو معناتها .. وهي بالعربي .. فما بالك بالانجليزي او الفرنسي الي تكون اللغة جديده عليك ..

وأذكر الله علي وقول ماشاء الله .... :rolleyes2: ترى العين حق <<<<<< لا اتوهق في احد سفراتي

هههههههههه لا تحاتي ترى عين بارده:nice:

ماشاء الله عليك الله يحفظك :tease:
عذوبـة قلم
14-04-2008, 08:28 AM
.♦. ♠ .♦
:
♥
:


كل مابجعبتي هي نصيحـه واحده .. فلا تقرب من هذه الجامعه أخي فالله

.. Cambridge Regional College ..

http://www.camre.ac.uk/site/front_end/images/logo.gif

لاني وبأمانته .. درست فيها لمدة 3 شهور متواصله .. ولم أستفد منها شيء ..

فقد رجعت بنفس قدراتي اللغويــه ..

مديـنة كامبرج كانت مدينـه دراسية .. ممله جداً .. ولكن الجميل فيها أنها قريبـه جداً من لندن ..

ساعه واحده فقط بالقطار .. أو 45 دقيقه تقريبا .. " للويك آند ^_^ " ..

آتمنى أن كون قد أفدتك ولو بالقليل ..

تقبل تحيات أختكـ فالله ..

:
♥
:
.. ع ـذوبـة آنـ ث ــى ..
.♣.
almaf1a
14-04-2008, 09:20 AM
روح كيمبرج وانت مغمض وكل معاهدهم زينه
وهم يوفرون لك العايله
رويتر
15-04-2008, 01:11 PM
العمر والمستوى باللغه وكم مده تبى واى نوع لغه
واى مستوى دراسى
واذا انت مخلص الثانويه ممكن ايب لك قبول فى التاسيسى بدل لا تضيع وقتك فى اللغه فى الى جامعه حسب مجموعك ومستوى اللغه عندك


أشكرك يا الغالي على خدماتك الطيبة ..

بس انا ما عندي مشاكل في التسجيل والقبول ، انا مشكلتي بس في البحث عن المهعد أو الكلية

والمدينة المناسبة فقط لا غير ..

أشكرك مره ثانية يا Smart :)
رويتر
15-04-2008, 01:28 PM
.♦. ♠ .♦
:
♥
:


كل مابجعبتي هي نصيحـه واحده .. فلا تقرب من هذه الجامعه أخي فالله

.. Cambridge Regional College ..

http://www.camre.ac.uk/site/front_end/images/logo.gif

لاني وبأمانته .. درست فيها لمدة 3 شهور متواصله .. ولم أستفد منها شيء ..

فقد رجعت بنفس قدراتي اللغويــه ..

مديـنة كامبرج كانت مدينـه دراسية .. ممله جداً .. ولكن الجميل فيها أنها قريبـه جداً من لندن ..

ساعه واحده فقط بالقطار .. أو 45 دقيقه تقريبا .. " للويك آند ^_^ " ..

آتمنى أن كون قد أفدتك ولو بالقليل ..

تقبل تحيات أختكـ فالله ..

:
♥
:
.. ع ـذوبـة آنـ ث ــى ..
.♣.


جزاج الله مليون ألف عافية ..

والله العظيم اني كنت ناوي أرتب أموري على هالجامعة وبديت أراسلهم بالفعل
لكن عقب كلامج عنهم :weeping::weeping: باشيلها من مفضلتي ..

في موازين حسناتج بإذن الله أختي الفاضلة ،، والله يوفقج
ABDALAZiZ
15-04-2008, 01:57 PM
حتى انا مااعرف انطق انجليزي في امل اتكلم لو سافرت؟
ABDALAZiZ
15-04-2008, 02:17 PM
يعني اسجل بمعهد برع ؟؟؟؟