المساعد الشخصي الرقمي

مشاهدة النسخة كاملة : صفحة اسهم للهواتف + برنامج للبث المباشر للأسهم



bodaay
23-10-2005, 04:17 PM
السلام عليكم
تم تحديث البرنامج بشكل اكبر بكثير.. شوف الصور الجديدة على نفس الرابط..
النسخة الجديدة في نفس الرابط الي تحت
اول شي بتكلم عن صفحة الاسهم للهواتف..
الموقع :
www.qatarsoul.net/dsm.html
ماكنت ادري عن هالمنتدى ولا اول منتدى بكتب فيه عن الصفحة.. وترى موجودة قبل صفحة الانصاري..
شفت صفحة الانصاري.. يعطيه العافية ماقصر.. فكرته حلوة.. بس لها عيوب اساسية:
اول عيب.. حجم الصفحة كبير جدا.. 137 كيلوا بايت .. مقارنة بحجم الصفحة الي عندي 28 كيلوا بايت.. يعني لو نبي نحسبها.. نفس ماقلت تقريبا صفحتك اذا عرضتها 7 مرات بتكلف ميجا او 10 ريالات.. مقارنة بالصفحة الي عندي تقدر تعرضها 35 مرة :) وبنفس السعر
ثاني عيب: فكرة الصفحة حلوة .. بس شوف التأخير الي يصير فيها.. يعني اول شي جهازك الي شغال.. يسوي رفرش حق الصفحة الي عنده كل 30 ثانية.. بعدين يخزن الصفحة ..بعدين يطرشها على موقعك.. يعني لو وقف جهازك.. انقطع النت.. صار اي شي من هالنوع بتوقف الصفحة..
صفحة روح قطر.. فكرتها غير.. مجرد دخولك على الصفحة تاخذ البيانات من الموقع الرئيسي للأسهم .. في ملف نوعه xml .. فيه كل بيانات الشركات.. من هالملف كود php يرتبها في الجدول..
يعني مافي داعي انه جهاز يكون شغال طول الوقت ولا اي شي من هالنوع.. والبيانات مباشرة من موقع الاسهم الرئيسي..
بس بعد اعترف انه فكرة موقعك جدا حلوة :app:

اوكي خلصنا من صفحة الاسهم للهواتف..
الحين البرنامج التجريبي الي تحت التجربة للبوكت بي سي فقط..(نظام التشغيل ويندوز)
برنامج بسيط جدا.. لمتابعة اسعار الاسهم القطرية اول بأول..
هالنسخة بسميها النسخة التجريبية جدا جدا.. والغرض الوحيد الي مخليني انزلها حاليا اني احتاج اراء المستخدمين للبرنامج .. احتاج اني اعرف انواع المشاكل الي بتواجهم.. بغرض التطوير والتعديل.. نفس صفحة الاسهم الي صممتها للوكت بي (www.qatarsoul.net/dsm.html) .. كتبت عنها في المنتدى الطيب.. والاخوان ماقصروا بملاحاظاتهم.. لين ماصارت الصفحة نفس ماطلبوا..
البرنامج فكرته بسيطة جدا.. انك تشبك مع الموقع الرئيسي للأسهم.. يعني التحديث يكون مباشر مباشر..عملية التحديث حاليا في النسخة التجريبية يدوية.. قبل ماسوي التحديث الآلي.. ابي آراء وملاحظات المستخدمين عشان الواجهة والاختيارات الاضافية الي محتاجينها..وتقدر تسوي تحديث يدوي كل 10 ثواني
تكلفة التحديث لمرة واحدة هي 3 كيلوابايت فقط ..يعني ارخص من اي صفحة اسهم بتفتحها من اي مكان.. وبيكون سهل انك بس تضغط على زر التحديث.. وبتنزل لك كل الاسعار.. وبعدين بس تختار الشركة الي حاب تعرف اسعارها.. البرنامج حاليا بالعربية فقط..
البرنامج شغلته على جهازي الوحيد الي اقدر اقايس عليه الجاز جاس.. بسبب حجم الشاشة.. كانت البيانات كلها واضحة جدا.. طرشت البرنامج حق شخص يستخدم الجام قالي انه الجدول مب واضح .. والارقام صغيرة جدا..
المهم انا حاب اشوف ملاحظات مستخدمين المنتدى.. يريت لو الكل يتفاعل.. مب شرط انك تكون من قطر .. بس المهم يكون عندك بوكت بي سي (آيميت مثلا).. ومشترك في الانترنت من الجوال :)
هاي صور من البرنامج:
www.qatarsoul.net/Screen002.jpg
www.qatarsoul.net/Screen003.jpg
بمجرد انك تضغط على زر التحديث.. البرنامج بيشبك على النت من نفسه.. وبينزل لك الاسعار.. وبتقدر من فوق تختار اسم الشركة الي حاب تشوف اسعارها..

يريت احصل الملاحظات في اقرب وقت ممكن .. البرنامج مجاني مابتخسرون شي من التجربة
واذا في اي استفسار انا حاضر..
ايميل: ××××××××××××××

هاي رابط البرنامج:

http://www.qatarsoul.net/dsm/qsdsm.zip

وشكرا

***يمنع وضع الايميلات***

أخوكم بودعي

ســهم عايـــم
23-10-2005, 04:33 PM
مشكور اخوي بودعي
بس احنا مرتاحين وايد مع برامج الانصاري

على الاقل يخدم اكثر من نوع جوال

ماقصرت

ريال سعودي
23-10-2005, 04:37 PM
بارك الله فيك ومجهود جباااار تشكر عليه والله يعطيك العافيه

bodaay
23-10-2005, 05:37 PM
بارك الله فيك ومجهود جباااار تشكر عليه والله يعطيك العافيه
الله يعافيك اخوي..
وردا على اخوي سهم.. الصفحة تفتح من اي تلفون.. بس البرنامج نفسه مصمم حق البوكت بي سي.. عنوان الموضوع صفحة + برنامج.. في فرق بينهم :)

relaax
23-10-2005, 06:21 PM
مشكور اخوي ... جاري التحميل ..

وانا استخدم موقعك من البداية .. وذلك لصغر حجم الصفحه ... اللي بدخلة من الاسهم... بدفعه فاتورة الجوال مع موقع الانصاري ... :p


ويعطيك العافية :nice: :nice:

bodaay
23-10-2005, 06:31 PM
مشكور اخوي ... جاري التحميل ..

وانا استخدم موقعك من البداية .. وذلك لصغر حجم الصفحه ... اللي بدخلة من الاسهم... بدفعه فاتورة الجوال مع موقع الانصاري ... :p


ويعطيك العافية :nice: :nice:
الله يعافيك اخوي..
يريت لما تجرب البرنامج.. تقولي نوع جهازك..واذا في اي مشاكل عطني خبر :)

relaax
23-10-2005, 06:44 PM
الله يعافيك اخوي..
يريت لما تجرب البرنامج.. تقولي نوع جهازك..واذا في اي مشاكل عطني خبر :)



....انشالله ... :shy:

قطر
23-10-2005, 06:50 PM
جزاك الله خير اخوي على مساعدتك لاخوانك جعله الله في ميزان حسناتك..

يعطيك العافيه

bodaay
23-10-2005, 06:58 PM
جزاك الله خير اخوي على مساعدتك لاخوانك جعله الله في ميزان حسناتك..

يعطيك العافيه
الله يعافيك اخوي..واسمحلي على الايميل .. مادريت انه ممنوع :shy:

relaax
24-10-2005, 01:11 AM
الله يعافيك اخوي..
يريت لما تجرب البرنامج.. تقولي نوع جهازك..واذا في اي مشاكل عطني خبر :)

نوع بوكيت بي سي ( PDA2K )

1- الارقام صغيرة جدا
2- ايشير في البداية عند التشغيل
3- مش مهم وايد بس الجدول غير واضح الحروف بدرجة بسيطة

انشالله بكرة .. بستخدمه في وقت التداول .. اذا في ملاحظات اخرى

bodaay
24-10-2005, 01:22 AM
نوع بوكيت بي سي ( PDA2K )

1- الارقام صغيرة جدا
2- ايشير في البداية عند التشغيل
3- مش مهم وايد بس الجدول غير واضح الحروف بدرجة بسيطة

انشالله بكرة .. بستخدمه في وقت التداول .. اذا في ملاحظات اخرى
يعطيك العافية اخوي.. جرب النسخة الجديدة :)
غيرت الواجهة بشكل كامل.. وضفت خيار التحديث التلقائي

QATAR4EVER
24-10-2005, 04:07 AM
الصراحه .. ابداع ابداع ابداع يا bodaay :app: :app: :app:

برنامج روعه .. انا جربته على ال ايميت جام الاسود .. و شغال ميه الميه ... و بكره انشالله راح اجربه اثناء فترة التداول و اعطيك اي ملاحظات على اداء البرنامج ...

الملاحظه الوحيده الحين أن خانة المؤشر فاضيه ..و خانة التحديث التلقائي مكتوب (1C ثواني) .. مادري شمعنى ال C ...

عموما يعطيك الف عافيه و بأنتظار تطويرك للبرنامج ... :nice:

bodaay
24-10-2005, 07:42 AM
الصراحه .. ابداع ابداع ابداع يا bodaay :app: :app: :app:

برنامج روعه .. انا جربته على ال ايميت جام الاسود .. و شغال ميه الميه ... و بكره انشالله راح اجربه اثناء فترة التداول و اعطيك اي ملاحظات على اداء البرنامج ...

الملاحظه الوحيده الحين أن خانة المؤشر فاضيه ..و خانة التحديث التلقائي مكتوب (1C ثواني) .. مادري شمعنى ال C ...

عموما يعطيك الف عافيه و بأنتظار تطويرك للبرنامج ... :nice:
الله يعافيك الشيخ.. خانة المؤشر فاضية :confused: ؟؟
ال 1C هي 10 ثواني.. بس مادري ليش طالعة عندك جذي..
والمؤشر المفروض يكون + او - او =
ولون المؤشر على حسب الارتفاع او الانخفاض
انا جربته وايد وايد..يمكن المشكلة الي ماحليتها لين الحين.. الي هي لو مثلا مخليه على التحديث التلقائي.. وصار اي خلل انه ماقدر ياخذ البيانات من النت.. بيشير البرنامج.. هاي بحلها اليوم انشالله.. :) .. هالمشاكل قبل تنحل بسرعة على فيجيوال ستوديو 6.. الحين على .net عقدوها وايد ولين الحين ماقريت عنها :p ..
ويعطيكم العافية
اخوكم بودعي

QATAR4EVER
24-10-2005, 09:54 AM
الله يعافيك الشيخ.. خانة المؤشر فاضية :confused: ؟؟
ال 1C هي 10 ثواني.. بس مادري ليش طالعة عندك جذي..
والمؤشر المفروض يكون + او - او =
ولون المؤشر على حسب الارتفاع او الانخفاض
انا جربته وايد وايد..يمكن المشكلة الي ماحليتها لين الحين.. الي هي لو مثلا مخليه على التحديث التلقائي.. وصار اي خلل انه ماقدر ياخذ البيانات من النت.. بيشير البرنامج.. هاي بحلها اليوم انشالله.. :) .. هالمشاكل قبل تنحل بسرعة على فيجيوال ستوديو 6.. الحين على .net عقدوها وايد ولين الحين ماقريت عنها :p ..
ويعطيكم العافية
اخوكم بودعي
انت :nice:

خانة المؤشر هل هي المؤشر العام ام مؤشر السهم نفسه ؟ من اللي اشوفه اعتقد انها مؤشر السهم نفسه اذا كان طالع او نازل .. انا من رايي انك تخلي خانة المؤشر تعكس المؤشر العام للسوق و يكون اللون اخضر اذا مرتفع او احمر اذا نازل ... و خانة التغيير اللي تحت اصلا تعكس مؤشر السهم ...

اقتراح ثاني :D ... يا ليت تضيف حجم التداول لكل سهم .. مهمة جدا هالمعلومه .. و يعطيك الف عافيه.. ماشالله عليك .. مبين عليك عقليه مب بسيطه .. الله يوفقك

bodaay
24-10-2005, 03:44 PM
:nice:
انت :nice:

خانة المؤشر هل هي المؤشر العام ام مؤشر السهم نفسه ؟ من اللي اشوفه اعتقد انها مؤشر السهم نفسه اذا كان طالع او نازل .. انا من رايي انك تخلي خانة المؤشر تعكس المؤشر العام للسوق و يكون اللون اخضر اذا مرتفع او احمر اذا نازل ... و خانة التغيير اللي تحت اصلا تعكس مؤشر السهم ...

اقتراح ثاني :D ... يا ليت تضيف حجم التداول لكل سهم .. مهمة جدا هالمعلومه .. و يعطيك الف عافيه.. ماشالله عليك .. مبين عليك عقليه مب بسيطه .. الله يوفقك
انشالله.. كلامك عدل بالنسبة حق المؤشر العام..
حجم التداول تبي الصج مادري شلون نسيت احطه مع العرض التفصيلي :p ..
هاي اقتراحين الحين.. انشالله بسويهم مع المشكلة الي لازم احلها .. وبحاول اسرع البرنامج شوي.. بطيء وايد.. بالذات لما يسوي تحديث.. المشكلة انه الخلل الرئيسي في التلفون لما يحاول ينزل شي من النت.. يبطئ كل شي.. انا بحاول اقلل من حجم الكود الاصلي.. وايد تبي الصج مكرر شغلات مالها داعي .. بس لأني كنت ابيه يتم شغال عدل.. الحين باقي الترتيب :)
واشكرك اخوي على تفاعلك وملاحظاتك .. :nice:

بودعي..

cls
24-10-2005, 08:04 PM
الصراحه جهد مشكورين عليه بس في نقطه مهمه جدا ياريت اتظيفها في العرض التفصيلي وهي متوسط السعر ، وثانيا : هذا الموضوع انّطرح امس العصر في منتدى www.ce4arab.net بنفس الصيغه بالضبط يعني لو الشباب يدخلون في الموقع اللي ذكرته ويدخلون قسم المنتدى وثم يدخلون قسم البرامج ويبحثون في برامج يوم امس بيشوفون هذا الموضوع مقدم من عضو اسمه I-MATE QATAR والشخص اللي كان يرد عليه اسمه بودعي يعني الصراحه احس فيه اتفاق والشاطر يفهم!!!!!!!!!!!!!!

سهم طايح
24-10-2005, 08:31 PM
الصراحه جهد مشكورين عليه بس في نقطه مهمه جدا ياريت اتظيفها في العرض التفصيلي وهي متوسط السعر ، وثانيا : هذا الموضوع انّطرح امس العصر في منتدى www.ce4arab.net بنفس الصيغه بالضبط يعني لو الشباب يدخلون في الموقع اللي ذكرته ويدخلون قسم المنتدى وثم يدخلون قسم البرامج ويبحثون في برامج يوم امس بيشوفون هذا الموضوع مقدم من عضو اسمه I-MATE QATAR والشخص اللي كان يرد عليه اسمه بودعي يعني الصراحه احس فيه اتفاق والشاطر يفهم!!!!!!!!!!!!!!


هممممممممممممممممممممممممممممممممممممممممم

انا I-MATE QATAR وللاسف مب شاطر ومافهمت القصد ؟

عن نفسي ماتفقت على اي شي مع اي احد لكن حبيت اعلق على بعض التفاصيل اللي يحتاجها الموقع مع صانع البرنامج واقترحت عليه عدة اقتراحات لتطوير البرنامج لا اكثر ولا اقل !

ان بعض الظن اثم وانا اخوك

سهم طايح
24-10-2005, 08:35 PM
اللي يحب الاطلاع على الموضوع اللي يتكلم عنه الأخ CLS يتفضل !

http://www.ce4arab.com/vb7/showthread.php?t=42885

Analyzer
24-10-2005, 10:31 PM
يعطيك الف عافيه اخوي انا جربت البرنامج على الجاسجار وكان ممتاز بس لو سمحت لي اشاركك في بعض الأفكار اللي بأذن الله راح تتوفق فيها ، اولا: ياريت اتظيف اكثر من شركه على الأقل ثلاث شركات لأن معظم الناس يملكون اسهم في اكثر من شركه ، ثانيا: ياريت اتظيف الأجمالي والمتوسط في العرض التفصيلي والمؤشر يكون سهم اخضر او احمر واذا قدرت اتحط اجمالي السوق في الصفحه الرئيسيه احسن واحسن ثالثا:ياريت تركّز على الوان الخلفيه ، واذا سمحت لي اقدم لك صور هذا البرنامج للأسهم وانشاالله تستفيد منها في انجاز هذا العمل الرائع وخصوصا الوان الخلفيات . http://i16.photobucket.com/albums/b26/alansari/psm_ani.gif

bodaay
25-10-2005, 12:30 AM
يعطيك الف عافيه اخوي انا جربت البرنامج على الجاسجار وكان ممتاز بس لو سمحت لي اشاركك في بعض الأفكار اللي بأذن الله راح تتوفق فيها ، اولا: ياريت اتظيف اكثر من شركه على الأقل ثلاث شركات لأن معظم الناس يملكون اسهم في اكثر من شركه ، ثانيا: ياريت اتظيف الأجمالي والمتوسط في العرض التفصيلي والمؤشر يكون سهم اخضر او احمر واذا قدرت اتحط اجمالي السوق في الصفحه الرئيسيه احسن واحسن ثالثا:ياريت تركّز على الوان الخلفيه ، واذا سمحت لي اقدم لك صور هذا البرنامج للأسهم وانشاالله تستفيد منها في انجاز هذا العمل الرائع وخصوصا الوان الخلفيات . http://i16.photobucket.com/albums/b26/alansari/psm_ani.gif
الله يعافيك اخوي .. ومشكور على الصور الي من برنامج فوتو ستاك.. كنت ادور شي من هالنوع.. لأني ضعت وانا افكر في تصميم الواجهه..
الشيخ المشكلة اني اشتغل بنفسي على البروجكت..وردا على الاخ cls .. ترى الموضوع موجود في 4 منتديات.. وانا منزلها .. وبعدين في منتدى الكمبيوتر الكفي اسمي نفس بودعي..اظن نفس الاسم الي اهني؟؟؟ولا ماقريت الاسم؟ .. وبتلقى الموضوع في منتدى قطر فوتبول بإسم سول(ايميلي).. وبن قطر باسم قطر سول.. دام اني اشتغل بنفسي على البروجكت.. الي ابيه على الأقل راي المستخدمين.. البرنامج مجاني ..لو بفلوس شكنت بتقول :)؟ ودور اذا في اي برنامج نفس النوع مجاني حق اي دولة خليجية.. بتشوف انه مافي.. بدل التعليق الي لايودي ولايجيب انه فيه اتفاقية.. افضل الملاحظات الي استفيد منها نفس باقي اخوانك .. وصج اعمل خيرا تلقى شرا ;)
الانصاري.. يريت لو تعطيني لنك حق البرنامج او صور مفصلة عنه .. ابي اشوف شلون طريقة العرض تتغير في البرنامج.. لأني اشوف كذا طريقة عرض.. والي مسوينه شكلهم شركة او ناس محترفة مب عليمية نفسي :p .. ويعطيك الف عافية مرة ثانية

بودعي..

cls
25-10-2005, 01:15 AM
( ربنا لاتؤاخذنا ان نسينا او اخطأنا ) اخوي بودعي انا آآآآآآآآآآآآآآآآآآآآآآآآسف اذا ظنيت ظن السوء ورمضان كريم والمسامح كريم والى الأمام دائما وهذا اعتراف واعتذار

Analyzer
25-10-2005, 01:46 AM
اخوي بودعي لاتستهين بجهودك وبخصوص البرنامج تلقاه في handango اعتقد فيه تنزيل تجريبي وطبعا اللي سويته ممتاز ورائع، والاشياء في البرنامج اللي ذكرته لك اكثرها مش محتاجينها يعني ياريت تحط مثل خانة الشركات ثلاثه جنب بعض وفيها كل الشركات يعني كل خانه فيها كل الشركات ويكون السهم اللي على اليمين اختيار الشركه وسهم على يسار الخانه يكون فيه العرض التفصيلي وهذا تسويه في الثلاث خانات اما المؤشر والبيانات الثانيه مكانها حلو بس تغير مكان الثواني للمكان اللي تشوفه زين ويفضل يكون اسفل الشاشه ويكون بطريقة سهم تضغط عليه وتختار المده للتحديث وضروري ضروري تظيف في العرض التفصيلي الاجمالي والمتوسط ولاتنسى اجمالي حجم السوق وياريت يكون في الشاشه الرئيسيه وتختار لون للخلفيه على شان يكون شكل الشاشه روعه ويكون فعلا شغل محترفين اذا اضبطت هذه الأمور فعلا بيكون انجاز يسجل بأسمك وانت قدها وياريت اذا ضبطت معاك لاتحرمنه منه وانا اتوقع قريب وموفق يابودعي

QATAR4EVER
25-10-2005, 01:53 AM
:nice:
انشالله.. كلامك عدل بالنسبة حق المؤشر العام..
حجم التداول تبي الصج مادري شلون نسيت احطه مع العرض التفصيلي :p ..
هاي اقتراحين الحين.. انشالله بسويهم مع المشكلة الي لازم احلها .. وبحاول اسرع البرنامج شوي.. بطيء وايد.. بالذات لما يسوي تحديث.. المشكلة انه الخلل الرئيسي في التلفون لما يحاول ينزل شي من النت.. يبطئ كل شي.. انا بحاول اقلل من حجم الكود الاصلي.. وايد تبي الصج مكرر شغلات مالها داعي .. بس لأني كنت ابيه يتم شغال عدل.. الحين باقي الترتيب :)
واشكرك اخوي على تفاعلك وملاحظاتك .. :nice:

بودعي..

غريبه .. انا مشغل البرنامج على الجام و سرعة التحديث ممتازه .. اقل من 3 ثواني .. يمكن من الجاسجار ؟ :looking:

عموما .. ننتظر الاصدار الجديد مع ال new look :nice:

واذا محتاج اي مساعده .. انا في الخدمه ..

ملاحظه بسيطه .. الموضوع هذا من أهم المواضيع اللي انطرحت و مستغرب ليش المشرفين ما ثبتوا الموضوع .. شاب قطري ينجح في برمجة و عمل برنامج (برنامج بمعنى الكلمه .. مو مثل ملفات الأكسل اللي موجوده بالمنتدى و يسمونها برامج :looking: ) يفيد شريحه كبيره من المستثمرين سواء في قطر او حتى على مستوى العالم ... و على فكره .. لم يسبق لأحد في الخليج عمل شي مشابه على حد علمي

QATAR4EVER
25-10-2005, 02:16 AM
اخوي بودعي لاتستهين بجهودك وبخصوص البرنامج تلقاه في handango اعتقد فيه تنزيل تجريبي وطبعا اللي سويته ممتاز ورائع، والاشياء في البرنامج اللي ذكرته لك اكثرها مش محتاجينها يعني ياريت تحط مثل خانة الشركات ثلاثه جنب بعض وفيها كل الشركات يعني كل خانه فيها كل الشركات ويكون السهم اللي على اليمين اختيار الشركه وسهم على يسار الخانه يكون فيه العرض التفصيلي وهذا تسويه في الثلاث خانات اما المؤشر والبيانات الثانيه مكانها حلو بس تغير مكان الثواني للمكان اللي تشوفه زين ويفضل يكون اسفل الشاشه ويكون بطريقة سهم تضغط عليه وتختار المده للتحديث وضروري ضروري تظيف في العرض التفصيلي الاجمالي والمتوسط ولاتنسى اجمالي حجم السوق وياريت يكون في الشاشه الرئيسيه وتختار لون للخلفيه على شان يكون شكل الشاشه روعه ويكون فعلا شغل محترفين اذا اضبطت هذه الأمور فعلا بيكون انجاز يسجل بأسمك وانت قدها وياريت اذا ضبطت معاك لاتحرمنه منه وانا اتوقع قريب وموفق يابودعي

أضم صوتي لخوي الانصاري ... اقتراحاتي هي كالاتي :
- في أعلى الصفحه يكون ألمؤشر العام .. حجم التداول .. قيمة التداول
- تحت يكون خانة اختيار الشركه (افضل خانه واحده لضيق المساحه) .. بعد اختيار الشركه يجي
1) اخر صفقه
2) افضل عرض
3) اجمالي العرض
4) افضل طلب
5) اجمالي الطلب
6) حجم التداول
7) اعلى سعر
8) ادنى سعر

اعتقد ان خانة التحديث التلقائي مالها داعي لأنها ماخذه مساحه كبيره .. و انا اشوف انك تخلي التحديث يدوي ..
و على القوه

Analyzer
25-10-2005, 03:29 AM
وانا اظم صوتي مع اخوي Qarar4ever انهم يثبتون الموضوع بس ياريت بعد ماينتهي اخوي بودعي نهائيا من البرنامج ، وانا ان شاءالله بحاول ارسم لك شكل للفكره اللي في راسي وان شاء الله تعجبك و علشان تكون عندك عدة اختيارات لوضع اللمسات الأخيره لهذا المجهود الرائع

فائز الدارين
25-10-2005, 03:42 AM
ياريت يثبتون الموضوع للأهمية.

Analyzer
25-10-2005, 06:29 AM
الصراح حاولت ارسم ماعرفت اذا اسوي جدول يطلع مضبوط واذا اعتمده للأرسال يعتفس

bodaay
25-10-2005, 06:34 AM
القيمه الأجماليه 12345 المؤشر الحالي 12345 الشركه افضل عرض افضل طلب اخر صفقه التغير صناعات قطر 186 185 184 4.00 العقاريه 100 99 98 2.00 ناقلات 58 57 57 1.00 تحديث حول خروج 25/10/2005 طبعا انا حطيت عرض وطلب لأن هذا اكثر شئ يركز عليه اللي يبغي يبيع او يشتري اما الفكره فهي انك تستغني عن المؤشر وتستخدم الألوان الأخضر والأحمر في الأرقام سواء في الشركات او المؤشر الحالي واختيار الشركه يكون بنفس الطريقه اللي انت عاملها بس العرض التفصيلي يكون باالضغط على اسم الشركه والتحديث يكون في سهم على اساس الواحد يختار الوقت اما لون الخلفيه ياريت تكون نفس صفحة التداول الرئيسيه وحتى شكل الخط لأنه رسمي اكثر ،والله يوفقك
عطني دقيقة وبرويك التصميم الجديد ..

Analyzer
25-10-2005, 06:36 AM
عطني دقيقة وبرويك التصميم الجديد ..
ثرى انا للحين مارقت يعني انطرك

bodaay
25-10-2005, 06:39 AM
ثرى انا للحين مارقت يعني انطرك
اسمحلي الشيخ :)
تفضل شوف التصميم الجديد.. اكثر الي مسويه من افكارك الطيبة انت ويا اخوي qatar4ever
www.qatarsoul.net/Screen001.jpg
http://www.qatarsoul.net/Screen001.jpg
جنب اسم كل شركة بيكون السعر الحالي..او الي اسمه آخر صفقة

Analyzer
25-10-2005, 06:47 AM
اسمحلي الشيخ :)
تفضل شوف التصميم الجديد.. اكثر الي مسويه من افكارك الطيبة انت ويا اخوي qatar4ever
www.qatarsoul.net/Screen001.jpg
تعجبني على هذا الأبداع بس يا بودعي لو تحط افضل طلب وافضل عرض وايد احسن من اعلى وادنى حق اللي يبيع ويشتري ولا تنسى متوسط السعر في العرض التفصيلي والخط خله عادي يكون رسمي اكثر وتكفى خلصه بسرعه

bodaay
25-10-2005, 06:51 AM
تعجبني على هذا الأبداع بس يا بودعي لو تحط افضل طلب وافضل عرض وايد احسن حق اللي يبيع ويشتري ولا تنسى متوسط السعر في العرض التفصيلي والخط خله عادي يكون رسمي اكثر وتكفى خلصه بسرعه
قصدك اخلص البرنامج كامل ولا التصميم :eek3: .. التصميم عادي بسرعة.. بس البرمجة يبيلها تغيير اكثر بوايد من قبل :shy:
وانشالله بحط افضل عرض وافضل طلب.. بدل اعلى واقل.. مافهمت قصدك بأنه الخط يكون عادي
هاي الخط الافتراضي .. عطني اسم اي خط تبيه :)

Analyzer
25-10-2005, 06:53 AM
بودعي انا الحين ان شالله بارقد وابغي الأبداع والأنجاز يكون مفاجأه بكره ان شاالله ويعطيك الف الف الف عافيه

Analyzer
25-10-2005, 06:54 AM
قصدك اخلص البرنامج كامل ولا التصميم :eek3: .. التصميم عادي بسرعة.. بس البرمجة يبيلها تغيير اكثر بوايد من قبل :shy:
وانشالله بحط افضل عرض وافضل طلب.. بدل اعلى واقل.. مافهمت قصدك بأنه الخط يكون عادي
هاي الخط الافتراضي .. عطني اسم اي خط تبيه :)
نفس الخط اللي في البورصه وان شاالله متى بيكون جاهز لأني للحين قاعد معاك

Analyzer
25-10-2005, 07:00 AM
بودعي نسيت اقول لك بدال التغير اللي في المؤشر حط القيمه الأجماليه على اساس يكون الأنجاز كامل والكامل الله

Analyzer
25-10-2005, 07:01 AM
بودعي نسيت اقول لك بدال التغير اللي في المؤشر العام حط القيمه الأجماليه على اساس يكون الأنجاز كامل والكامل الله

bodaay
25-10-2005, 10:30 AM
ماقدر اعدل موضوع :anger2:
المهم خلصت البرنامج وهاي الواجهة الجديدة
http://www.qatarsoul.net/S1.jpg
http://www.qatarsoul.net/S2.jpg
http://www.qatarsoul.net/S3.jpg
جربته بنفسي.. اسرع واحسن من النسخة القديم بنسبة 90% .. يعني الحين مع التحديث التلقائي .. تخلي الشاشة مكانها.. (مب نفس قبل لازم تختار اسم الشركة مرة ثانية عشان تشوف السعر الجديد) .. والأرقام من نفسها تتغير مع كل تحديث.. طبعا لين الحين.. اكيد انطر رايكم وتجربتكم الشخصية حق البرنامج .. واشكر كل من ساعدني بملاحظاته وافكاره.. واخص بالشكر اخوي الانصاري و Qatar4ever ..
وانا موجود حق اي ملاحظات جديدة ..
وهذا الرابط الجديد ..
www.qatarsoul.net/QSv2.rarويريت لو حد من اخوانا المشرفين يخليني اقدر اعدل الصفحة الأولى من الموضوع..
الأرقام الي تشوفونها في الشاشة بالعربي.. الي حاب انجليزي .. يغير هالشي من اعدادت التلفون نفسه.. من Arabic setting .. خل الأرقام عربية بدل "السياق"


وشكرا ..
اخوكم بودعي

QATAR4EVER
25-10-2005, 10:52 AM
يعطيك العافيه .. انا راح اجربه و اقولك اذا فيه اي ملاحظات ...

قبل لا اشوف مشاركتك الاخيره .. عملت تصور لل interface اللي ممكن يكون عملي و يحتوي على المعلومات المهمه اللي اي مستثمر يبحث عنها ... شوفها و قولي راييك ...

http://i4.photobucket.com/albums/y102/rayeg/shares.jpg

bodaay
25-10-2005, 10:59 AM
يعطيك العافيه .. انا راح اجربه و اقولك اذا فيه اي ملاحظات ...

قبل لا اشوف مشاركتك الاخيره .. عملت تصور لل interface اللي ممكن يكون عملي و يحتوي على المعلومات المهمه اللي اي مستثمر يبحث عنها ... شوفها و قولي راييك ...

http://i4.photobucket.com/albums/y102/rayeg/shares.jpg
ماعجبتك الواجهة الجديدة ؟ :(

bodaay
25-10-2005, 11:17 AM
( ربنا لاتؤاخذنا ان نسينا او اخطأنا ) اخوي بودعي انا آآآآآآآآآآآآآآآآآآآآآآآآسف اذا ظنيت ظن السوء ورمضان كريم والمسامح كريم والى الأمام دائما وهذا اعتراف واعتذار
اسمحلي تأخرت في الرد عليك لأني انشغلت مع الانصاري وقطر
المهم الشيخ حصل خير وماصار شي :) .. وجرب البرنامج :p

اخوك بودعي

QATAR4EVER
25-10-2005, 11:42 AM
ماعجبتك الواجهة الجديدة ؟ :(

تبي الصج .. يبيلها شغل :shy: .. يعني انت حاط افضل طلب و افضل عرض في الصفحه الرئيسيه و اجمالي الطلب و العرض في صفحة ال (+) ... المؤشر العام غير موجود .. اعتقد وجود 3 شركات في صفحه وحده يبيله اعادة نظر.. على ال جام .. الاحرف صايره صغيره شوي

شوف الصورة اللي انا حاطها فوق :deal:

bodaay
25-10-2005, 12:03 PM
ترى ضعت -.- .. تبون اجمالي العرض وجمالي الطلب في اول صفحة .. ولا افضل عرض وافضل طلب .. كل مرة تقولون لي شي :( .. شكلي بسوي تصويت في المنتدى :P
اخوي قطر.. اذا الارقام ممكن تقراها حق 3 شركات مب احسن من شركة وحدة؟ بحاول اكبرها شوي.. في مجال اكبرها لأني مختار اصغر شي.. بس لاتفوتك على الجاس جار طالعة عجيبة :p
والمؤشر العام موجود شلون مب موجود :confused: ..

كبرنا الخط حبة عشانك .. نزل الملف مرة ثانية :)

Analyzer
25-10-2005, 02:03 PM
ماقدر اعدل موضوع :anger2:
المهم خلصت البرنامج وهاي الواجهة الجديدة
http://www.qatarsoul.net/S1.jpg
http://www.qatarsoul.net/S2.jpg
http://www.qatarsoul.net/S3.jpg
جربته بنفسي.. اسرع واحسن من النسخة القديم بنسبة 90% .. يعني الحين مع التحديث التلقائي .. تخلي الشاشة مكانها.. (مب نفس قبل لازم تختار اسم الشركة مرة ثانية عشان تشوف السعر الجديد) .. والأرقام من نفسها تتغير مع كل تحديث.. طبعا لين الحين.. اكيد انطر رايكم وتجربتكم الشخصية حق البرنامج .. واشكر كل من ساعدني بملاحظاته وافكاره.. واخص بالشكر اخوي الانصاري و Qatar4ever ..
وانا موجود حق اي ملاحظات جديدة ..
وهذا الرابط الجديد ..
www.qatarsoul.net/QSv2.rar
ويريت لو حد من اخوانا المشرفين يخليني اقدر اعدل الصفحة الأولى من الموضوع..
الأرقام الي تشوفونها في الشاشة بالعربي.. الي حاب انجليزي .. يغير هالشي من اعدادت التلفون نفسه.. من Arabic setting .. خل الأرقام عربية بدل "السياق"


وشكرا ..
اخوكم بودعي
والله والله روعه روعه روعه نفس اللي في بالي الصراحه انا تفاجأة وتكفه اتخلي بدال اللون الأبيض لون اسود وتخلي اسم الشركه بالعربي مكان الأنجليزي والأرقام بالأنجليزي ويكون لونها اخضر او احمر مع الأرتفاع والهبوط وتحط المؤشر العام والقيمه الأجماليه باللون الأحمر والأخضر مع الأرتفاع والهبوط بدال التغير اللي في المؤشر تكفه يابودعي اذا سويت نسخه مثل اللي ذكرتها عطني اياها وبعدين غيرها على كيفك لأن كل اللي شاف التجربه ذكر ان مهم جدا افضل عرض وشراء في الواجهه، ويشهد الله كأني انا مسوي هذا الشغل ومارقت عدل من كثر ما أفكر

bodaay
25-10-2005, 02:20 PM
والله والله روعه روعه روعه نفس اللي في بالي الصراحه انا تفاجأة وتكفه اتخلي بدال اللون الأبيض لون اسود وتخلي اسم الشركه بالعربي مكان الأنجليزي والأرقام بالأنجليزي ويكون لونها اخضر او احمر مع الأرتفاع والهبوط وتحط المؤشر العام والقيمه الأجماليه باللون الأحمر والأخضر مع الأرتفاع والهبوط بدال التغير اللي في المؤشر تكفه يابودعي اذا سويت نسخه مثل اللي ذكرتها عطني اياها وبعدين غيرها على كيفك لأن كل اللي شاف التجربه ذكر ان مهم جدا افضل عرض وشراء في الواجهه، ويشهد الله كأني انا مسوي هذا الشغل ومارقت عدل من كثر ما أفكر
المهم انه اعجبك اخوي :)
بس خلني اقولك ليش حطيت اشيا بدل اشيا ثانية.. جربت اللون الأسود.. والأبيض.. طلع الابيض اوضح بكثير على هالخلفية.. بعدين على سالفة اسم الشركة الي بالعربي.. اول شي كنت مخلي اسم الشركة الي يطلع بالعربي بدل "الرمز" .. بس المشكلة انه بعض الشركات نفس صناعات قطر.. الي فيها كلمتين بدل الكلمة.. مايكفي المكان لها.. وتبي الصج مب حاب اصغر اسم الشركة "الرمز" حاليا.. لازم يكون اكبر شوي من باقي البيانات..
بالنسبة حق القيمة الاجمالية..
لاحظت انهم 11 رقم -.- .. حاولت قد ماقدر.. يمين يسار.. مافي مكان..قلت اهم شي الواحد يعرف السوق نازل ولا مرتفع .. ومن ال + طبعا تقدر تعرف كل التفاصيل..
لو تلاحظ حتى في البرنامج الي انت حطيت صورة منه حاطين رمز الشركة :p
وعلى سالفة الأرقام.. ترى الأرقام مب انا اتحكم فيها.. قتلكم من اعدادت التلفون.. انت عندك الجاس جار نفسي.. روح على setting.. وبعدين arabic setting .. وخل الأرقام عربية بدل السياق.

اخوي الانصاري او اي واحد نزل النسخة قبل 10 دقايق من "هالرد" او المشاركة.. خل ينزله مرة ثانية.. عدلت بعض مشاكل التحديث التلقائي.. ماظن انه الحين 100% .. يعني لين الحين لو صار خلل وماقدر يشبك وياخذ البيانات احتمال يفصل.. مع اني والله حاط كود حق هالمشكلة.. بس مادري شسالفتها.. المهم الحين اي وقت بيسوي تحديث تلقائي.. بتلقى بعض الخانات الي فوق لأسامي الشركات اختفت.. وبترجع بعد ثانية..مب تختفي.. بس تتظلل.. هاي يمنع مشكلة انه تختار اسم شركة وهو يسوي تحديث.. مرات يخرف :confused: :confused: :confused:

وشكرا ..
اي نسيت.. المشرفين لين الحين يشوفون الموضوع مايستاهل التثبيت :p
اخوكم بودعي..

bodaay
25-10-2005, 02:31 PM
تدري اقنعتني بسالفة اسم الشركة.. صج احسن من الرمز.. بس بحاول ادبر لها مكان.. المشكلة اخوي انه الي عندهم الجام مثلا.. الشاشة صغيرة بمعني الكلمة.. اخاف اصغر الخط :(

Analyzer
25-10-2005, 02:38 PM
تدري اقنعتني بسالفة اسم الشركة.. صج احسن من الرمز.. بس بحاول ادبر لها مكان.. المشكلة اخوي انه الي عندهم الجام مثلا.. الشاشة صغيرة بمعني الكلمة.. اخاف اصغر الخط :(
ابدعت يابودعي والظاهر انك مثلي مارقدت بس تكفه اسم الشركه روح والقلب داعي لك

bodaay
25-10-2005, 02:40 PM
خلاص سويتها نفس ماتبي .. نزل النسخة مرة ثانية(او ثالثة يمكن :) )..
الحين بتطلع عندك جذي.. ولاحظ انه الارقام عندي بالانجليزي..
http://www.qatarsoul.net/S1.jpg

:)

Analyzer
25-10-2005, 02:42 PM
وبعدين رضى الناس غايه لاتدرك واعتقد النسيه الكبيره عندهم ال Pda وهذا من خلال تصفحي في المنتديات بس حاول في اسم الشركه انه يكون بالعربي والأرقام اذا تصير احمر واخضر وانت قدها

Analyzer
25-10-2005, 02:44 PM
نفس الرابط اللي حاطه فوق

Analyzer
25-10-2005, 02:48 PM
خلاص سويتها نفس ماتبي .. نزل النسخة مرة ثانية(او ثالثة يمكن :) )..
الحين بتطلع عندك جذي.. ولاحظ انه الارقام عندي بالانجليزي..
http://www.qatarsoul.net/S1.jpg

:)
ياسلا عليك وهذي بوسه على راسك على هذا الابداع بس سؤال النسخه تجريبيه اولا يعني ممكن يصير تحديث تلقائي

bodaay
25-10-2005, 02:48 PM
اي نفسه.. بس سو رفرش حق الصفحة او امسح ملفات الانترنت المؤقتة.. عشان تشوف الصورة الجديدة وكل شي جديد

www.qatarsoul.net/QSv2.rar
http://www.qatarsoul.net/S1.jpg

bodaay
25-10-2005, 02:56 PM
ياسلا عليك وهذي بوسه على راسك على هذا الابداع بس سؤال النسخه تجريبيه اولا يعني ممكن يصير تحديث تلقائي
اي اكيد.. التحديث التلقائي شغال 100% .. الا في حالة وحدة اذا مثلا خرف النت من كيوتل ولا اي شي :p
يعني كل الي تسويه الحين.. بس تخلي اسامي اي عدد من الشركات تبيها.. حدك 3 طبعا ;) .. وبس الأرقام من نفسها تتغير جدامك من غير ماتلمس شي مع كل تحديث تلقائي
:nice:

Analyzer
25-10-2005, 03:02 PM
اي اكيد.. التحديث التلقائي شغال 100% .. الا في حالة وحدة اذا مثلا خرف النت من كيوتل ولا اي شي :p
يعني كل الي تسويه الحين.. بس تخلي اسامي اي عدد من الشركات تبيها.. حدك 3 طبعا ;) .. وبس الأرقام من نفسها تتغير جدامك من غير ماتلمس شي مع كل تحديث تلقائي
:nice:
سجل ياتاريخ انا الحين في الشغل وصلة التليفون مب عندي اذا جربت باعطيك خبر ومشكور ويعطيك الف عافيه على هذا الأبداع وخصوصا انه من ولد البلد

bodaay
25-10-2005, 03:08 PM
الله يعافيك اخوي.. زين انه اليوم ماعندي جامعة.. تفرغت حق البرنامج.. يريت لو تجربون كل شي في هالفترة.. لأني الاثنين الجاي انشالله راجع الدوحة.. وفي العادة اخلي كل شغلي في الامارات.. الواحد وده يفطر يوم واحد في قطر :p
واذا في اي ملاحظات ثانية انا حاضر..

اخوكم بودعي..

Analyzer
25-10-2005, 03:18 PM
الله يعافيك اخوي.. زين انه اليوم ماعندي جامعة.. تفرغت حق البرنامج.. يريت لو تجربون كل شي في هالفترة.. لأني الاثنين الجاي انشالله راجع الدوحة.. وفي العادة اخلي كل شغلي في الامارات.. الواحد وده يفطر يوم واحد في قطر :p
واذا في اي ملاحظات ثانية انا حاضر..

اخوكم بودعي..
توصل بالسلامه ورقم السفر والقربه تعبت حالك ، تكفون يامشرفين التثبيت التثبيت التثبيت ترى محد سوى هذا البرنامج في الخليج تكفون يامشرفين لاتحسسون بودعي ان محد قدّر تعبه وخصوصا ان البرنامج جاهز وتم الأنتهاء منه فرحوه في قربته وانا متأكد ماتخيبون املنا فيكم

bodaay
25-10-2005, 03:24 PM
لا عادي :)
انا بنزل الموضوع مرة ثانية .. الموضوع اهني انعفس.. يعني المفروض اول صفحة تكون هي الصفحة الي فيها كل شي.. والباقي رودو مب البرنامج نفسه.. قلت حق المشرفين ابي اعدل اول صفحة طبعا لا من مجيب.. المهم انا بنزل الموضوع مرة ثانية.. وبكتب النسخة الي انشالله تكون النهائية .. :)

Analyzer
25-10-2005, 03:35 PM
لا عادي :)
انا بنزل الموضوع مرة ثانية .. الموضوع اهني انعفس.. يعني المفروض اول صفحة تكون هي الصفحة الي فيها كل شي.. والباقي رودو مب البرنامج نفسه.. قلت حق المشرفين ابي اعدل اول صفحة طبعا لا من مجيب.. المهم انا بنزل الموضوع مرة ثانية.. وبكتب النسخة الي انشالله تكون النهائية .. :)
صحيح افضّل تنزل الموضوع في منتدى النقاش الأقتصادي لأن فيه اكبر عدد مشاركات وبعدين المشرفين ينقلونه المهم ان الكل يشوف هذا الأبداع والمجهود

bodaay
25-10-2005, 03:43 PM
تدري.. في موضوع مثبت اسمه التحليل الفني.. ليش مثبت في قسم البرامج :deal:
قمت اشك انه البرنامج مب مهم لأنه مب مستخدم الاكسل :p .. شكلهم بيطردوني من المنتدى :app:

Analyzer
25-10-2005, 03:48 PM
تدري.. في موضوع مثبت اسمه التحليل الفني.. ليش مثبت في قسم البرامج :deal:
قمت اشك انه البرنامج مب مهم لأنه مب مستخدم الاكسل :p .. شكلهم بيطردوني من المنتدى :app:
تأكد ان الله مايضيع تعب احد بس مثل ماقلت لك نزّل الموضوع في المنتدى النقاش الأقتصادي وتوكل على الله وليش يطردونك الصراحه فيه مواضيع اتحس انها عاديه ومثبته

bodaay
25-10-2005, 03:52 PM
تأكد ان الله مايضيع تعب احد بس مثل ماقلت لك نزّل الموضوع في المنتدى النقاش الأقتصادي وتوكل على الله وليش يطردونك الصراحه فيه مواضيع اتحس انها عاديه ومثبته
هالمواضيع واصلة الله يسلمك :p

Analyzer
25-10-2005, 04:00 PM
هالمواضيع واصلة الله يسلمك :p
اقول خلنا في برنامجنا احسن ليش مانزلته في منتدى النقاش وخل الناس تحكم وبعدين انا قرأت مساهماتك في منتدى الكمبيوتر الكفي نزل الشكل الجديد وبعدين فيه عضو اهناك عندهم على اساس انه يجهز برنامج مثل هذا الظاهر بس لين الحين ما جهز وصارت ذبحه عليه شلون الحين انت تسوي نفس البرنامج لهم

bodaay
25-10-2005, 04:03 PM
اقول خلنا في برنامجنا احسن ليش مانزلته في منتدى النقاش وخل الناس تحكم وبعدين انا قرأت مساهماتك في منتدى الكمبيوتر الكفي نزل الشكل الجديد وبعدين فيه عضو اهناك عندهم على اساس انه يجهز برنامج مثل هذا الظاهر بس لين الحين ما جهز وصارت ذبحه عليه شلون الحين انت تسوي نفس البرنامج لهم
محد نزل اي برنامج حق اسهم قطر غيري .. ولا انا غلطان :confused:
ولا قصدك واحد كان بيسوي نفس البرنامج حق السعودية؟
اخبر في برنامج حق اسهم السعودية اسمه مباشر.. بس مب مجاني.. :)

Analyzer
25-10-2005, 04:04 PM
محد نزل اي برنامج حق اسهم قطري غيري .. ولا انا غلطان :confused:
ولا قصدك واحد كان بيسوي نفس البرنامج حق السعودية؟
اي حق السعوديه نزله خل يشوفون الأبداع القطري

bodaay
25-10-2005, 04:04 PM
اقول حولنا على اسهم السعودية :d ?

Analyzer
25-10-2005, 04:05 PM
اقول حولنا على اسهم السعودية :d ?
مافهمت

bodaay
25-10-2005, 04:06 PM
يعني نحاول نسوي نسخة حق اسهم السعودية
واذا ضبط البرنامج نبيع النسخة ب 5 بس .. بعد مستفدين :p

Analyzer
25-10-2005, 04:09 PM
شوف المجهود هذا يا انه يكون غالي اوهديه

bodaay
25-10-2005, 04:12 PM
قاعد ادور على الموضوع الي قريت فيه انه فيه برنامج اسمه "مباشر" حق اسهم السعودية.. بس مادري كم تكلفته.. ولا اي شي عنه.. انا حتى موقع اسهم السعودية ماعرفه :)

Analyzer
25-10-2005, 04:13 PM
وبعدين الصراحه هذا الأنجاز احسن من Google Earth اللي محطوط في المواضيع المميزه على الأقل بالنسبه لنا كقطرين

Analyzer
25-10-2005, 04:15 PM
قاعد ادور على الموضوع الي قريت فيه انه فيه برنامج اسمه "مباشر" حق اسهم السعودية.. بس مادري كم تكلفته.. ولا اي شي عنه.. انا حتى موقع اسهم السعودية ماعرفه :)
موقع اسهم السعوديه تلقاه في الصفحه الرئيسيه حق الدوحه في خانة اسوق اخرى

bodaay
25-10-2005, 04:16 PM
اوه طلع في الشهر 95.. وثلاث شهور ب 275 .. و6 شهور ب 540 :confused: :confused:
ليش هاي كله :confused:
هاي موقعهم http://www.mubasher.com.sa/

Analyzer
25-10-2005, 04:16 PM
قاعد ادور على الموضوع الي قريت فيه انه فيه برنامج اسمه "مباشر" حق اسهم السعودية.. بس مادري كم تكلفته.. ولا اي شي عنه.. انا حتى موقع اسهم السعودية ماعرفه :)
تلقاه في الصفحه الرئيسيه لسوق الدوحه في خانة اسواق اخرى

السيليه
25-10-2005, 04:43 PM
:app: شكرا على الموقع الجيد بودعى :app:

Analyzer
25-10-2005, 05:39 PM
انا الحين مشغل البرنامج على الجاسجار شتبيني اقول روعه فضيع ابداع كل هذا شوي وتسلم يدك بس الارقام عندي بالعربي

bodaay
25-10-2005, 05:44 PM
انا الحين مشغل البرنامج على الجاسجار شتبيني اقول روعه فضيع ابداع كل هذا شوي وتسلم يدك بس الارقام عندي بالعربي
اخوي الانصاري قتلك ياها كذا مرة :court:
فكرة الارقام مب على البرمجة.. شوف.. الأرقام تطلع جنب الكلام المكتوب بالعربي.. فتطلع بالعربي..
روح على start
بعدين setting
بعدين system
بعدين arabic setting
بعدين غير ثاني اختيار.. خله "عربية" بدل "السياق"
السياق معناته انه الارقام تطلع على حسب الكلام الي معاها.. يعني الي يمها افضل طلب.. مكتوبة بالعربي.. فالأرقام تطلع بالعربي.. لما تختار العربية(طبعا الي هي ارقام انجليزية) وتسوي الي قتلك عليه..بتشوف انه بتطلع نفس ماهي طالعة عندي فهالصورة :
http://www.qatarsoul.net/S1.jpg

اخوك بودعي :)

Analyzer
25-10-2005, 06:17 PM
اخوي الانصاري قتلك ياها كذا مرة :court:
فكرة الارقام مب على البرمجة.. شوف.. الأرقام تطلع جنب الكلام المكتوب بالعربي.. فتطلع بالعربي..
روح على start
بعدين setting
بعدين system
بعدين arabic setting
بعدين غير ثاني اختيار.. خله "عربية" بدل "السياق"
السياق معناته انه الارقام تطلع على حسب الكلام الي معاها.. يعني الي يمها افضل طلب.. مكتوبة بالعربي.. فالأرقام تطلع بالعربي.. لما تختار العربية(طبعا الي هي ارقام انجليزية) وتسوي الي قتلك عليه..بتشوف انه بتطلع نفس ماهي طالعة عندي فهالصورة :
http://www.qatarsoul.net/S1.jpg

اخوك بودعي :)اي الحين مضبوط وتسلم اسمحلي مارقت عدل

Analyzer
25-10-2005, 06:26 PM
بودعي سؤال الحين لو ضافوا شركه جديده في المستقبل اشلون انضيفها وسامحني اني اتأخر في الرد لأني اتصفح عن طريق ال Gprs

Analyzer
25-10-2005, 06:42 PM
ياريت تظيف في قائمة الأختيارات اضافة شركه

bodaay
25-10-2005, 09:45 PM
سؤال حلو..
شوف بالنسبة حق الصفحة qararsoul.net/dsm.html
لازم اضيف صف جديد ..وشغلة شوي

..
بالنسبة حق البرنامج .. اسامي الشركات تنزل من عندهم .. بس بعد لازم اعدل البرنامج..
البرنامج عبارة عن arrays .. لازم ازيد حجم ال array بواجد ..وفي ال loop لازم ازيد لفة وحدة زيادة.. لاتحاتي..انا موجود :) .. وهالشي بالنسبة حق البرنامج بياخذ 3 ثواني بس ..
اما الصفحة يبيلها وقت شوي.. لأنه كل شي يدوي ..
الي بسويه انشالله اني بسوي صفحة حق البرنامج.. تدخل عليها دايما وتشوف آخر تطوير او تحديث..بدل ماتدخل منتدى كل شوي وتشوف آخر نسخة..
انشالله الصفحة اليوم او بكرة اسويها.. صفحة خاصة حق البرنامج ..وفيها البرنامج وكل تطوير.. وشلي ضفته في النسخة الجديدة ..
وبخلي البرنامج قابل حق التجديد بنفسه.. يعني مافي داعي مرة اضيف الشركة الجديدة.. بخليه هو يضيفها من نفسه..
انشالله في افكار كثيرة في بالي.. :)

بودعي..

diamondman
26-10-2005, 06:30 AM
يعطيك العافية

shosho
26-10-2005, 02:22 PM
مشكور اخوي ... جاري التحميل

BO KHLIFA
08-11-2005, 01:25 PM
الف شكر أخوي على هذا العمل الحقيقه اول مره اقرا عنه كنت مقل في الدخول في رمضان لكن حقيقه عمل جبار وتشكر عليه ..

اخوي لي طلب ياليت لو تسمح به ..
ابقي ملف البي اتش بي اللي عملته ابقي اعمل محاولات لاستخدمه في تحديث بينات الميتاستوك ولكن ابقي اجري عليه بعض التغييرات واجرب .. وحقوقك محفوظه

bodaay
13-11-2005, 10:36 PM
حدد اي ملف فيهم بالضبط.. تبع الجدول الي بالعربية؟
ملف سري :p
الشيخ اي مشكلة عندك في البرمجة اسألني وانا حاضر..بشرح لك شرح مفصل

BO KHLIFA
19-11-2005, 09:23 AM
هلا أخوي سامحني والله ما انتبهت لردك أنا آسف جدا ..

اخوي حاليا يكفيني عنوان مصدر البيانات المفتوح الخاص بسوق الدوحه تقدر ترسله لي ماعليك أمر على الخاص .. إذا واجهتني مشكله مانستغني عن خبرتك ولك كل الشكر ..

bodaay
19-11-2005, 10:45 AM
اخوي بوفهد.. في الموضوع الي نزلته انا (اقتراحات بشأن تطوير النسخة الثالثة)
نزلت طريقة ملف ال xml .. وشلون البيانات مب مرتبة
واخوي رود رنر.. طلب مني نفس الطلب.. عشان برنامجه تبع الاكسل
المشكلة لو خذت هالبيانات.. يبيلك برمجة عشان ترتبها.. وشغلة يمكن محد يعرفها الا لو صادف انه قرى عنها.. او درسها نفس حالتي..
الي بسويه انشالله.. عشان اريحكم.. انا باخذ البيانات من الموقع الرئيسي.. كل دقيقة.. وبتكون منزلة في ملف ثاني .. بعطيكم عنوانه انشالله اول ماخلص منه.. بس يريت لو تقولين لي شنو الترتيب الي حابين يكون عليه الملف.. يعني مثلا اول شي تبون اسم الشركة.. ولا رمزها.. عطوني الترتيب وانشالله انا بسوي الباقي.. والسالفة سهلة انشالله.. اقدر اخلصها في اقرب وقت.. بعد ماتقولين لي الترتيب الي حابين تقرون منه البيانات..
انت شوف الملف الي آخذه من الموقع الرئيسي www.qatarsoul.net/lq.asp
البيانات كلها في سطر واحد من غير اي ترتيب..
وانا حاضر لأي سؤال عندك انشالله..

اخوك بودعي

جوكر البورصة
12-01-2006, 08:00 PM
يعطيك العافيــــــــــــــــــــه اخوي

noori
05-05-2006, 07:16 PM
هل يعمل هذا البرنامج مع صفحة السوق بعد التجديد يرجى الافادة وشكرا

بوفيصل
05-05-2006, 07:49 PM
بودعي الله لايهينك ترا البرنامج مب شغال
من عقب ماتغير موقع البورصة
اتمنى تلقى حل للمشكلة هذي
لان الصراحة انا كنت مستفيد وايد من البرنامج
ولك الشكر

بوفيصل
07-05-2006, 11:57 AM
بودعي الله لايهينك ترا البرنامج مب شغال
من عقب ماتغير موقع البورصة
اتمنى تلقى حل للمشكلة هذي
لان الصراحة انا كنت مستفيد وايد من البرنامج
ولك الشكر

وينك يابودعيج
:(

أبو خالد
07-05-2006, 12:46 PM
مشكور خوي ما قصرت

ralmaarr2
29-06-2006, 05:06 AM
مشكووور اخوي الكريــم بس


شلووون نرسلها من الكمبيوتر عن

طريق البلوتوث ولا ...؟

ممكن تفسير شلون نرسلها عن طريق الكمبيوتر



لو عن طريق البلوتوث مو مشكله

الأختصاصي
29-06-2006, 06:03 PM
يعطيك العافية اخوى على الطرح المفيد

ابو مشعل
12-08-2006, 04:50 PM
Thank you :)

سفير الأسهم الحسنة
27-08-2006, 09:07 PM
جزاك الله كل خير
حجربها وان شاء الله تزبط معي

KHALID _QTR
28-08-2006, 12:01 PM
مشكور اخوي بودعي

الكواري
22-05-2007, 12:28 AM
وينك يابودعي
البرنامج لايعمل
والموقع شكله مضروب
وارحم الله والديك على جهودك