المساعد الشخصي الرقمي

مشاهدة النسخة كاملة : تويوتا Navigation


concord
23-10-2005, 07:19 PM
يالربع حد يخبر لي جهاز DVD + Navigation يركب على التويوتا GX-R


http://www.cartunes.com/installs/toyota/1999landcruiser/CVA-navigation.jpg


وين اقدر اشتريه ؟ وكم سعره ؟

حتى لو ما تعرفون وين ينباع ابي اسمه بس وانا بطلعه من النت
عالي مستواة
23-10-2005, 08:04 PM
ياخوي فيه DVD + Navigation يتركب بدال مسجل الشركه وشاشه باللمس

في الغرافه في صدى الصوت وفيه بعد محل قبله ما اذكر اسمه بس مكانه مع صفة المغاسل اللي كانوا على الشارع وماركته كينود وعلى ما اذكر سعره مع الكيمرات الخلفيه بــ 3500 مع التركيب
concord
23-10-2005, 08:19 PM
تسلم يا عالي مستواه
الحين بمر عليهم وبشوف
يزاااك الله خير فكيتني من العباله صار لي جم يوم احوس في النت
عالي مستواة
23-10-2005, 08:21 PM
تسلم يا عالي مستواه
الحين بمر عليهم وبشوف
يزاااك الله خير فكيتني من العباله صار لي جم يوم احوس في النت


الله يسلمك اخوي

بس نصيحه مر على الباكستاني اول اللي قبل صدى الصوت وكاسره لان صدى الصوت بيضرب عليك شوي :court:

بالتوفيق يالغالي
سهم طايح
23-10-2005, 08:27 PM
بايونير عندهم
concord
23-10-2005, 10:02 PM
رحت محل صدى صوت قال ما عندهم Navigation عندهم DVD بس
قلت له وين احصل ال Navigation قال روح ورى سوق الجبر في محل اسمه اللنجاوي
ايبيع اجهزة جارمن قلت الله يعين على الزحمة رحت صوب سوق الجبر ورحت المحل اللي هناك
قال ما عنده اجهزة تركب على الموتر الاجهزة تنباع بروحها
قلت له وين احصل اللي ابيه قال روح بايونير صوب شارع عبدالله بن ثاني
رحت لهم عقب ما خست في الزحمة قلت له ابي Navigation + DVD قال ما في :(
يقول عندهم DVD بس
قلت له وين الاقي ال Navigation قال ما في غير شركة النيسان ويركبونه لك اب 15 الف
شدعوه يالربع ما يصير مافي
اللي يعرف حد من ربعه مركب بس اييب لي اسم الجهاز وانا بشتريه من النت
عزيز
23-10-2005, 10:21 PM
هلا والله أخوي

مافيه الأ تروح الأمارات وبيطلع لك أرخص هناك

وبالنسبه للجهاز في شركه النيسان 15 ألف كان سعره أول مانزل

أعتقد حاليا سعره 8 الاف وشي بالخصم العادي

والسموحه علي القصور وبسألك بعد وأول ماحصلت معلومات زياده بحط لك بالموضوع يالغالي :)
concord
23-10-2005, 10:26 PM
ويهك ابيض يا عزيز وما قصرت والله
وانشالله نشوف تفاعل من باقي الاعضاء لان الموضوع اعتقد يهم ناس وايد
مزيون_قطر
24-10-2005, 12:19 AM
اخوي في طريقه ثانيه يمكن تعجبك يمكن ماتعجبك شوف في جهاز ايميت اوكي اتعرفه الجهاز الكفي اللي اهو

جوال وبنفس الوقت كمبيوتر اوكي تشتريه وتركب له قطعه من مكتبة جرير يصير جهاز ملاحه واخبر اللنجاوي

يبيع اجهزة ملاحه اما شي ثاني بصراحه ماقدر افيدك وترى القطعه اللي تركب بالايميت نوعين بجرير اصليه

وغاليه وفي بيت الكمبيوتر اللي بالسد تنباع القطعه ب700 واوكي وانشالله بس اكون افدتك ولو شوي .
co0o0ol
24-10-2005, 12:34 AM
اخوي اعتقد انه موجود فى المحل الى فى محطة بترول الاند مارك لاني كنت هناك قبل شهر وقال بجيب ولكن ما مريت عليه
hamoor4ever
24-10-2005, 01:24 AM
انا بصراحه ماسمعت عن دي في دي مع نفيجيتور بقطر ...ولو اني اعتقد انه موجود لكن اهنيه بقطر ماعتقد

في اجهزه دي في دي تنباع بروحها مثل ماقالوا لك الاخوان اما بخصوص النفيقيتور مالك الا محل اللنجاوي لانه هو بيعهم وانه ماخذ واحد من عنده من فتره ..
وانا قبل مااركب سألت عن الوكالات بالبي ام قالوا لي مايصير تركب لانه يجي في الاصل مع سيارات البي ام بس ... وسيارات الكروزر الجديده يجي فيها نفيقيتور بس طلبيه ب 12000 ريال

هاذه اللي ممكن افيدك فيه اخوي
Aigner
24-10-2005, 02:05 AM
اذا تبي تستفيد خذ لك نافيقتور من السعوديه ب3000 الاف ريال بس مسكت جارمن 276c عربي
من عند دار موجه هذا الكلام يوم توه واصل جابوا لي واحد من داخل الشحن شهر 6 وشفته عجيب بس قلت لهم بامر عليكم يوم يرخص لانه كان غالي واللحين اكيد ارخص وكان مايقبل تنزل له خرائط من الكمبيوتر بالعربي



وانا اشوف هذا يفيدك اكثر من الثابت في السياره لانك تنقله من سياره لسياره وحتى للطراد
وتقدر تطور الخرائط فيه بابخس الاثمان سعر اتصالك بالنت :funny:
اما الثابت ماتطوره الا شركته اللى مسويته يعني اضرب لك مثال الفكسار 2006 بوشاشه اذا تروح من دوار جسر الجوازات للدوار المايل مايطلع لك الخط ويقعد يخربط لك ويقلب الشاشه ويرده مستغرب انك تمشي على خط مب محطوط فيه (مب مخزن) واما عن الdvd تقدر تركبه بروحه مكان المسجل

وهذا رابط يوضح لك عن الجهاز المذكور ومزاياه واتمنى اني افدتك
http://www.mekshat.com/vb/showthread.php?t=33551
جاسم 1
24-10-2005, 02:08 AM
موجود ياخوي في محل اسمه الكابري في الشارقه
العنوان شارع البي ام دبليو الماركه كين ود فيه نفقيشن ودي في دي سعره تقريبن 6 الاف

رقم الهاتف 097165570744
Aigner
24-10-2005, 02:14 AM
http://www.garmin.com/products/gpsmap376c/
هذا بعد جهاز جديد من نفس الفئه قارمن 376c ب4000 ريال واذا تبي تعرف الفرق انه يعلمك الاحوال الجويه اعاصير رياح شمس مطر بس في امريكا يعني مافيه فرق بالنسبه لنا في قطر
بس موديل جديد
دار موجه له فرع بلحسا على فكره
concord
24-10-2005, 10:44 AM
اخوي في طريقه ثانيه يمكن تعجبك يمكن ماتعجبك شوف في جهاز ايميت اوكي اتعرفه الجهاز الكفي اللي اهو

جوال وبنفس الوقت كمبيوتر اوكي تشتريه وتركب له قطعه من مكتبة جرير يصير جهاز ملاحه واخبر اللنجاوي

يبيع اجهزة ملاحه اما شي ثاني بصراحه ماقدر افيدك وترى القطعه اللي تركب بالايميت نوعين بجرير اصليه

وغاليه وفي بيت الكمبيوتر اللي بالسد تنباع القطعه ب700 واوكي وانشالله بس اكون افدتك ولو شوي .
مشكور على الطريقة بس انا ابيه ثابت على الموتر
concord
24-10-2005, 10:45 AM
اخوي اعتقد انه موجود فى المحل الى فى محطة بترول الاند مارك لاني كنت هناك قبل شهر وقال بجيب ولكن ما مريت عليه

هلا الشيخ مريت عليهم وقالوا عندهم جهاز dvd بس
concord
24-10-2005, 10:48 AM
موجود ياخوي في محل اسمه الكابري في الشارقه
العنوان شارع البي ام دبليو الماركه كين ود فيه نفقيشن ودي في دي سعره تقريبن 6 الاف

رقم الهاتف 097165570744


مشكور اخوي وما قصرت


hamoor4ever والثيم مشكورين
انا اللي ابيه نفس اللي في الصورة يعني يركب مكان المسجل