المساعد الشخصي الرقمي

مشاهدة النسخة كاملة : غامرت بشراء التجاري شرايكم ؟


طاير
23-10-2005, 07:51 PM
السلام عليكم
انا اليوم غامرت ببيع اسهم الناقلات وانا شاريها بـ 63.30 قبل فترة وجيزه بمقدار الف سهم بعتهم بـ 60.30 واشتريت 196 سهم في التجاري بسعر 304 ريال وحاليا ماني مرتاح
انا كما تعلمون جديد على السوق ومشكلتي ماعندي صبر في اي شي والطامة الكبرى ماعندي خبرة بس كان تفكيري التالي
باشتري التجاري الحين والإكتتاب باسجل فيه تقريبا 48 سهم على حسب النسبه وعقب ابيع الجميع وبيكون لي ربح
رايكم الحين ؟
ابيع التجاري باي سعر وارد اشتري ناقلات وخصوصا اذا نزلت
والا اتم على التجاري لين عقب الإكتتاب

صراحه توهقت
Breakaway
23-10-2005, 09:35 PM
وقعت في مصيبة كبيرة وذلك في دخولك في الحرام
الله يهديك ويبارك لك في عمرك ومالك!
قطري طموح
23-10-2005, 09:48 PM
اعزيك بما فعلت فقد غامرت بدينك قبل ان تغامر بدنياك .

هداك الله
محسن الشهواني
23-10-2005, 09:49 PM
الله يصلحك
خالد32
23-10-2005, 10:03 PM
لاحول يا جماعة الخير. الرجال طلب النصيحة و اذا الي سواه غلط و انتو عارفين شلون تفيدونه, سوو فيه خير و عطوه النصيحة الي طلبها.

اخوي طاير اسف ما اقدر افيدك بس اكيد بتحصل الرد الي بيفيدك soon
concord
23-10-2005, 10:06 PM
غلطان اتبيع الناقلات عشان خاطر التجاري
بس بما انك بعت وشريت انطر اذا التجاري ارتفع ريالين يعني مثلا 306 او ازيد شوي بيعه على طول
ورد وخذ في الناقلات ولا تتاخر لان يمكن الناقلات اتطير فوق ( هذا اللي دايما اقراه في المنتدى )
Breakaway
23-10-2005, 10:23 PM
أخونا (الطاير) نحبه ولا نرضى عليه أن يقع في الحرام وإن شددنا عليه. أتمنى أن يجد طريقة في التخلص من هذا البلاء. عليك بإستشارة أهل العلم، أسهل وأسرع طريقة هو أن يتصل في مركز الدعوة والإرشاد السعودي في قطر و يستطيع الحصول على رقم هاتفهم عن طريق الأتصال ب 180 ويخبرهم بما حصل.

والله يصلح الحال.
خالد32
23-10-2005, 10:29 PM
دكتور علي السالوس (مختص بالأقتصاد الأسلامي)
4871182 مركز الفتوى بالسفارة السعودية
4873338 مركز الفتوى في قطر
افتاء زكاة 5819218

منقول من مشاركة الاخ راعي الفزعه
و الله يهدي الجميع
الاقتصادي
23-10-2005, 11:26 PM
احتمال وصول سهم البنك التجاري الي 450 او 500
hamoor4ever
24-10-2005, 02:43 AM
شوف اخوي بالنسبه حق خبرتي بالسوق مثل ماقال لك الاخو ..التجاري بتحصله فوق ال 450 قبل توزيع ارباحه واسهمه .. لك خيارين وانا واحد من اللي صار فيني مثلك بس طبعا ماشريت في البنوك الربويه مع اني ادري ان ربحهم حلو ..ياما انك تبيع لو حتى بخساره وترد حق ناقلات وتصبر عليه وخاصه ان الاستثمار في ناقلات بيكون حلو .. او لك الخيار الثاني

انك تصبر وتبيع قبل توزيع الاسهم .. تذكر قبل توزيع الاسهم بشوي .. يعني لين يوصل سعر السهم السعر اللي في بالك وتحس ان ربحك مجدي فيها ...

انا بالنسبه لي اخترت الحل الثاني خاصه اني بعت ناقلات ومتحسف عليها .. لكن محد ياخذ االا رزقه وانشاء الله اللي جاي اكثر
hammoor alkhore
24-10-2005, 02:50 AM
التجاري احسن من الناقلات
عميد الريان
24-10-2005, 03:11 AM
اخوي هامور الخور بدل النصيحه الحسنه تخليه يدخل في الحرام
نصيحتي بيع ولو بخساره وشوف لك شي حلال
صريح ولساني طويل
24-10-2005, 05:11 AM
اخوي طاير تدري شنهي المشكلة؟؟؟؟؟؟؟؟؟؟؟؟؟

المشكلة ان راس المال عندك ضعيف شوي ولا صراحة انا اشوف انها حركة زينة وخصوصا ان التجاري الحين مقترب من مستوى دعم وان شا الله ماينزل عنه

بس ارجع واقول لك نصيحة من اخوك صريح , بيع لو بخسارة وادخل في مخازن
وان شا الله الله بيوفقك ان تحريت الحلال
mbahgat222
24-10-2005, 12:27 PM
السلام عليكم
انا اليوم غامرت ببيع اسهم الناقلات وانا شاريها بـ 63.30 قبل فترة وجيزه بمقدار الف سهم بعتهم بـ 60.30 واشتريت 196 سهم في التجاري بسعر 304 ريال وحاليا ماني مرتاح
انا كما تعلمون جديد على السوق ومشكلتي ماعندي صبر في اي شي والطامة الكبرى ماعندي خبرة بس كان تفكيري التالي
باشتري التجاري الحين والإكتتاب باسجل فيه تقريبا 48 سهم على حسب النسبه وعقب ابيع الجميع وبيكون لي ربح
رايكم الحين ؟
ابيع التجاري باي سعر وارد اشتري ناقلات وخصوصا اذا نزلت
والا اتم على التجاري لين عقب الإكتتاب

صراحه توهقت
أصبر واكتتب فية وخلية استثمار لين اخر العام وان شاء اللة بتشوف خير :)
الأستشاري
24-10-2005, 12:38 PM
اتقي الله في نفسك وخاصه أنك في شهر رمضان . ((ومن يتقي الله يجعل له مخرجا )) وأسباب نزول التجاري هو سبب واحد بسيط وهو (( الربا )).

يأخي كيف ترضى على نفسك أن تزني في رمضان .(( وأحل الله البيع وحرم الربا )) وهذا نص قرآني . وليس بفتوى كي تصدق بها أو لا . فأذا كنت لاتؤمن بهذه الأية . فأنك لاتؤمن بالله عز وجل والعياذ بالله .

واتمنى يأخي أن تتقي الله في نفسك وترجع الى دينك و تتوب الى الله وخاصه أننا في العشر الأواخر من رمضان .
خالد32
24-10-2005, 01:49 PM
يأخي كيف ترضى على نفسك أن تزني في رمضان .

يقصد تربوا في رمضان.

يا شباب كل واحد يشوف كلامه قبل ما يعتمده الله يخليكم. في ناس تاخذ كلامكم حرفيا :nice:
على قد حالها
24-10-2005, 02:42 PM
:( :anger2: الله يهديك اخوي طاير!!!! اشلون انت فكرت تبيع الناقلات واللي هي ضمان لك عشان تشتري التجااااااااااااااااري وهو حرااااااااااااااااااام !!!؟؟؟؟الله يهديك بس !انت كنت تدري ولا ماتدري الله العالم بالنيات انا نصيحتي تصلح الغلط اللي ارتكبته وتفتك من هالبنك الربوي ولما تبيع لا تنسى نسبة تطهير الاموال وترد تاخذ اي شي ثاني حلااااااااال او ناقلات ممتازه !
الله يسامحنا كلنا ويهدينا :p
الأستشاري
24-10-2005, 03:52 PM
يقصد تربوا في رمضان.

يا شباب كل واحد يشوف كلامه قبل ما يعتمده الله يخليكم. في ناس تاخذ كلامكم حرفيا :nice:

اخي خالد32 ....
(( درهم رب يعادل مائة زنية )) أو كما قال (ص ).

وأرجو منك أن تثقف نفسك دينيا.
خالد32
24-10-2005, 04:58 PM
اسف اخوي الاستشاري, ما كان عندي معرفه بهشي. و اشكرك على التنوير....
طاير
24-10-2005, 09:11 PM
الأخوان :مساهم جديد ، قطري طموح ، محسن الشهواني ، الإستشاري ، الأخت : على قدر حالها
الله يعطيكم العافيه على النصيحه بس والله كأن كلامكم علي مثل ضرب السيف خفوا شوي الله يبارك فيكم :) والله يجعل نصيحتكم في موازين أعمالك بس ما هكذا تورد الإبل :)
=================
اخوي : خالد
جزاك الله خير على المرور ومشكور على المشاركه
=================
اخوي : صريح ولساني طويل :)
مشكور أخوي على النصيحه وراح أخذ فيها إن شاء الله .. انا المبلغ اللي حطيته في التجاري صح ضعيف بس الحمدلله عندنا وعندك خير والسالفه كلها تجربه
=================
ياخوان انا صراحه ما استفسرت عن البنك هل ربوي او لا وهذا قصور مني ويمكن ابليس مخليني اتجاهل هالشي وكان الهدف اني شفت التجاري طايح وقلت باشتري يمكن يرتفع :) ماعندي خبرة ابد

المهم بكره ان شاء الله باتحرر من الربا وبابيع التجاري ولو بخساره وباشتري في مكان ثاني ان شاء الله ولو اني عندي قرض ربوي بس الله ان شاء الله يعفو عني ويحررني منه ان شاء الله

اخوكم : طاير
Breakaway
24-10-2005, 10:10 PM
جزاك الله خير والله يوفقك، أعترف لك كانت بعض الردود قاسية وغير لبقه! وسامحنا، وغفر الله لنا ولك.

أخي العزيز (طاير)، نسأل الله أن يحررك من المال الحرام، استشر أهل العلم ليساعدوك في التخلص منه بأفضل السبل حتى تكون راضياً مرضياً عند الله عز وجل.
كش ملك!!
24-10-2005, 10:14 PM
الأخوان :مساهم جديد ، قطري طموح ، محسن الشهواني ، الإستشاري ، الأخت : على قدر حالها
الله يعطيكم العافيه على النصيحه بس والله كأن كلامكم علي مثل ضرب السيف خفوا شوي الله يبارك فيكم :) والله يجعل نصيحتكم في موازين أعمالك بس ما هكذا تورد الإبل :)
=================
اخوي : خالد
جزاك الله خير على المرور ومشكور على المشاركه
=================
اخوي : صريح ولساني طويل :)
مشكور أخوي على النصيحه وراح أخذ فيها إن شاء الله .. انا المبلغ اللي حطيته في التجاري صح ضعيف بس الحمدلله عندنا وعندك خير والسالفه كلها تجربه
=================
ياخوان انا صراحه ما استفسرت عن البنك هل ربوي او لا وهذا قصور مني ويمكن ابليس مخليني اتجاهل هالشي وكان الهدف اني شفت التجاري طايح وقلت باشتري يمكن يرتفع :) ماعندي خبرة ابد

المهم بكره ان شاء الله باتحرر من الربا وبابيع التجاري ولو بخساره وباشتري في مكان ثاني ان شاء الله ولو اني عندي قرض ربوي بس الله ان شاء الله يعفو عني ويحررني منه ان شاء الله

اخوكم : طاير

تستحق تصفيق حاااااااااااااااااااااااااااااااااااااااااار لموقفك النبيل


بارك الله فيك

اعجبني تصرفك يخوي وان شاء الله يكون عبرة لباقي الاخوان والخوات
خالد32
25-10-2005, 01:37 AM
الله يوفقك اخوي, واسمح لي ما قدرت افيدك في سؤال موضوعك الاساسي