أستراليا - GoldCoast

[سهم طايش]

السلام عليكم و رحمة الله و بركاته

ان شاء الله السنه ناويين نروح استراليا في شهر 7 سياحه

تحديدا GoldCoast

اي حد يا جماعة عنده معلومات عن هالمنطقة

افضل اماكن السكن - الاماكن السياحية - المطاعم - المساجد - المواصلات - حالة الطقس في شهر 7

كل الشكر لكم مقدما

[Dana]

وعليكم السلام ورحمة الله وبركاته
انا رحت من 6 سنوات تقريبا
سكنا جنب ساحه البردايس طبعا هالساحه للمشاه وكلها مطاعم ومحلات للهدايا التذكاريه تقعد وتشاهد البحر
واتذكر فيه سوق يسمونه سوق الجمعه كل جمعه يفتحونه على الشاطئ طبعا (بسطات) لوول
فيه متحف الشمع هناك صدق او لاتصدق
وفي نفس الساحه فيه باص برمائي يتمشى فيك في الشوارع وبعدين يدش بك البحر يجنن !!!!!


واحلى شى حديقه الفواكه الاستوائيه اتجنن....ضروري تروح لها..
ورحنا مزرعه بعيد شوي اسمها (برادايس كونتري )
عباره عن مزرعه تبين طريقة معيشة الكاوبوي والريف .
ركوب الخيل
انشطه جز الخرفان يسحبونه مسكين سحاب , حلب البقر ( طبعا اختي قامت بالمهمه),
والله اني ناسيه لان احنا رحنا سيدني ومولبورون وقولد كوست وبرسبن فمااتذكر اختلطت علي الامور
بالنسبه للجو في النهار حلو يعني بين 15 الى 20 بس في الليل برد موت توصل 5 و 8
ورحنا في 20-7 يعني عز الحر في قطر
والله يوفقكم ياخوي وتستانسون ان شاءالله

[blueZircon]

اكثر نصيحه اقدمها لك اخوي هو انك تسكن في فندق اسمه كيو1
وهو عباره عن فندق يوجد داخل اعلى عماره سكنيه بالعالم
وهي جديده وغرفها فخمه باسعار جدا معقوله
قولد كوست روعه , ودامك بتجي استراليا انصحك انك تمر سيدني وملبورن

بالتوفيق ان شاءالله

[westlife]

انا الصراحه رحت لمعظم دول العالم واحلاها لكن ما شفت الراحه الا ما ييت قولد كوست
الصراحه روعه وامان وراحه بمعنى الكلمه وانا رحتله مرتين ظبعا الحين صارت غاليه ويبيله فوق ال 20 يوم
وعندهم شترع المشاه (سيرفيس برادايس)
وعندهم 3 او 4 مجمعات كبيره اتذكر مجمع اسمه (pasefec fair)
ومهم انك اتروح للريف الاسترالي لان صج حلو
ورحت رحله حق محمية النحل
واماكن الالعاب عندهم 3 واهم
(sea world , movie world , dream world) ,
وفي بعد وايد اماكن حلوه والجو قبل سنتين كان حلو بين ال 14 الا 24 ومرات ترتفع اكثر ومرات تنزل اكثر
وانصحك انك تسكن في شقق فندقيه واحنه سكنه في Condor Apartment وحجزناه عن طريق النت

اتمنى اني افدتك

[الشهواني لتجارة]

الله الله الله الله الله جولد كوست درست فيها 6 شهور وكانت من احسن ايام عمري ورحت كل مكان ولا شفت مثلها بكل صراحه ولا ابالغ في الكلام

[qatar124]

اعتقد بتلقى معلومات اكثر لو دخلت على موقع الحكومة الاسترالية

[مسك]

أخوي سهم طايش

مايميز استراليا أنها مرضية لجميع الأذواق ، من الناس من يذهب للطبيعة ومنهم من يبقى في المدن فقط للتسوق والخ

ان شالله اقدر افيدك في مايتعلق بالسياحة في القولد كوست بس بغيت اسئلك وين تجوف نفسك من بين الي ذكرتهم فوق ؟ محب للطبيعة ولا محب للجلوس في المدن ولا الاثنين؟
هل السفرة شبابية ولا عائلية؟ و كم راح تكون المدة؟

[بوخالد911]

هلا بك

طبعا رحتها من زماان

فعلا روووعة ومن
أحسن المدن اللي زرتها

أمان تقدر تتمشى بالليل ومتاخر وبدون ما حد يضيقك

الجو بشهر 7 يكون بارد

لأنهم في القطب الجنوبي
وهم عكسنا
اذا عندنا صيف ؛ يكوون عندهم برد

فيها أماكن ترفيهيه من اشهرها

(sea world , movie world , dream world)


بتشووف مكاتب سياحية وااايد ينظموون لك الرحلات
وفي رحلات هاف داي = نص يوم

وفي فل داي = يوم كامل

واذا قالوا لك الباص بيجييك 7 صباحا ؛ يعني بيجيييك بالضبط 7 صباحا

ما شالله عليهم في احترام المواعييد
:victory::victory::victory:
ويرحبوون فييك جدا اذا اعرفوا انك جاي للسياحة

ولا تنسى تركب الباص البرمائي

روووح والقلب داعي لك

:victory::nice::victory:

[ملكة البورصة]

يااااااااااااااااااااااااااي ياقلبي عليج يا استرايا

الحقوا احجزوا ترى زحمة واكثرها هل الامارات البرسيتيج

تحملوا من البرد بتعودون علي برد قولد كوست بس في سيدني وملبورن اوووووووووووووووف صقيع

اسكنوا فالشيفرون او فالماريوت كوت يارد ... كراون بلازا بعيد شوي

واستمتعوا بالملاهي هناك ولا تنسون لعبه سوبرمان في موفي وررد لاني لعبتها بالخش :)

انزين شرايكم تودوني معاكم وادليكم :)