اتمنى ان تساعدوا في حفاظ ارواح القطريين يالمرور

[سهوم المنايا]

السلام عليكم ورحمة الله وبركاتة


اخواني بعد الحادث اللي سمعنا به في خط ابوسمره من وفيات اطفال


انا اطالب وبشده صارمه بان يوضع رادار مابين كل 500متر حتى مركز ابوسمره

ونفس الشي على خط الشمال


هذي اعتباره انهاا حفاظ على الارواح يالمرور


اما تحط لي رادار كل 30 كيلو هذا تبون تستهلكون المواطنين


والله ياناس عندناااا شباب يحسبون المرجله في السرعة


اتمنى ان يوصل كلامي للاصحاب الرأي


دمتم بود

[سداوي&مدريدي]

لقد أسمعت لو ناديت حياً ولكن لا حياة لمن تنادي

[ANONYMOUS]

زين ينزلون شروط لشركات السيارات..

اسرع سياره يكون طبلونها 80 كم في الساعه



ولا وش فايدة سرعة السيارات 240 و 300 طالما اسرع سرعه تقدر تسرعها بقطر 120

[عاشق Qatar]

السلام عليكم اخوي

انا اختلف معاك في الراي لانه المرور قد ما يسوي ما يقدر يوقف الي يبي يسرع عن السرعة.... انا عندي من ربعي يفتخرون انه يتعمدون قطع الاشارة و هي حمراء و يزيدون السرعة كل ما شافوا رادار لانه ياخذون اعفاء من كل المخالفات... و حتى اذا المرور ما لغا المخالفات عادي يدفعونها و هم يضحكون بعد..

التوعية عن السرعة انا اشوف تبتدي من المدرسة و البيت و لازم المرور يتشدد في منح الرخص انه ما يعطي الرخص الا فعلا حق الي يقدر و يعرف يسوق.. انا اشوف الواسطات في اصدار الرخص هي ارتكاب جريمة قتل..

[سهم طايش]

انا اطالب بمحاكمة و محاسبة كل من تسبب في تأخير مشروع طريق سلوى و جعلة مقبرة لارواح المواطنين

5 سنوات و مستخدمي هذا الطريق يعانون الامرين في استخدامه

من المسؤول عن هذه المهزلة

[واحد في حاله]

انا اطالب بمحاكمة و محاسبة كل من تسبب في تأخير مشروع طريق سلوى و جعلة مقبرة لارواح المواطنين

5 سنوات و مستخدمي هذا الطريق يعانون الامرين في استخدامه

من المسؤول عن هذه المهزلة

صدقت ياخوي

مشكلة طريق سلوى مب السرعه ... المشكله المشروع نفسه كله تحويلات اي كلام

الله يستر على الجميع

[بوحارب]

انا اطالب وبشده صارمه بان يوضع رادار مابين كل 500متر حتى مركز ابوسمره

ونفس الشي على خط الشمال


هذي اعتباره انهاا حفاظ على الارواح يالمرور




عسى ما شر يالحبيب أسمحلي اقولك غلطااااااان

كل واحد عقله في راسه ويعرف خلاصه:victory:

اما سالفه الرادار كل 500 متر هذا شي لايدخل العقل:)

[المخفي]

لا تبوق لا تخاف :nice:

[بنت المنتدى]

هذا قدرهم ياأخوي والله يرحمهم ويغفر لهم .. واذا الله كاتب اني بموت في الساعه الفلانيه واليوم والدقيقه والثانيه مستحيل ان فيه احد بيقدر انه يغيير اي شي .. هذا شعور طبيعي بالحزن عليهم والمرور شيسووووون اكثر من اللي سوووووه زهقنا كل اشاره عليها رادار وفي كل شارع ألف رادار وبعد مافيه فايده ....؟؟؟!!
يعني رايتهم بيــــــــــــــــضاء

وحتى لو انك كنت في حالك وراكد ومومسرع ماتضمن الغير بصراحه فيه ناس متهوره ولا احد يهمهاااا وخصوصاً الشباب المراهقين ..

وعلى فكره الحين الشباب قاموا يحطون على رقم الموتر شي مثل الجلاد الشفاف عشان الرادار مايصيد الرقم :anger1::anger1::anger1:


يعني لاحول ولاقوة الابالله العلي العظيم والموضوع موضوع اقتناع من السائق نفسه + التوعيه