إل متى ( فلم هندي وشرطة صارلي قبل شوي) [الأرشيف]

مشاهدة النسخة كاملة : إل متى ( فلم هندي وشرطة صارلي قبل شوي)

الشحانية يونايتد

13-04-2008, 06:18 PM

بسم الله الرحمن الرحيم

إلى متى وهالعزابية والعمال عايشين بين أهالينا ؟؟؟؟
إلى متى وأحنا صرنا نخاف نطلع ونترك بيوتنا ؟؟؟؟
يا عالم ياهووووووووووووه شوفولنا حل..؟؟؟؟

والله الواحد صار ما يعرف وش يسوي..؟؟

قبل شوي جاني اتصال من الوالدة وهي جالسة عند بيت الجيران وقالتلي افزع يا ولدي سكران شاقح على بيت الجيران وبيت الجيران ايتام والله العظيم ايتام ماعندهم احد بنات ولا ابو ولا ام كلهم توفاهم الله ( الله يجعلهم في الفردوس الأعلى )
المهم لما رحت ودشيت انا وواحد جان أشوفه ابن ...... من فوق الطوفه :anger1:
وشافنا وقال وينج يا الشردة وازيدكم من الشعر بيت قوطية في يدة....!!
المهم انا واللي معاي ركيض وراه لين طاح الحبيب من كيفه لأنه سكران :( المهم أخذ المقسوم منا)
واتصلنا على الشرطة وجات الدورية وخذته:telephone:
وهذي ردتي من الشرطة

يا عالم مو حاله هذي لين متى واحنا في هالوضع؟؟؟؟؟

عالم سكرانين وعالم تشقح على بيوت عالم وعلى طاري الشقحه قبل كم شهر أحنا بعد دشوا بيتنا 3 حرامية والله العظيم من قوات العين في النهار على الساعه 12 الظهر
صدناهم وخذو نصيبهم الطيب وسلمناهم الشرطة

يعني التجار واصحاب البيوت وكل واحد ما يخاف ربه في هالعالم
ترى كل هالمصايب في ذمتكم
وفي ذمت كل واحد مسؤول ما يطلع قانون يحد من هالشي
واللي سببه ان اللي بيحط القانون وين بيحط عماله لا طلع القانون...؟

المهم حبيت اشاركم هالقصة وهالفلم الهندي اللي صار قبل شوي لعل وعسى أن الله يرسل من يقرأ هالموضوع ويقدر يغير شي في القانون ويحمي هالعوايل المسكينة.

ام الحناين

13-04-2008, 06:26 PM

لا حول ولا قوة الا بالله
والله انها مشكلة
حتى في بيوتنا ماكو امان
والله اني تخرعت
وانا اروح الدوام ومافي احد بالبيت الا ولدي والشغالة
سلامتكم والشر ما يجيكم انشاءالله

Smart

13-04-2008, 06:29 PM

جزاك الله خير اخوى والله بيضت الويه
والواحد يسره يكون جارك
والله يعينانا على هل المشكله الى لازم يشوفون لها حل

الشحانية يونايتد

13-04-2008, 06:33 PM

لا حول ولا قوة الا بالله
والله انها مشكلة
حتى في بيوتنا ماكو امان
والله اني تخرعت
وانا اروح الدوام ومافي احد بالبيت الا ولدي والشغالة
سلامتكم والشر ما يجيكم انشاءالله

الله يستر عليكم ويبعد عنكم المكروه

لاداعي

13-04-2008, 06:33 PM

لا حول ولا قوة الا بالله

الشحانية يونايتد

13-04-2008, 06:34 PM

جزاك الله خير اخوى والله بيضت الويه
والواحد يسره يكون جارك
والله يعينانا على هل المشكله الى لازم يشوفون لها حل

الله يجزاك خير أخوي

وأي واحد مكاني كان بيسوي نفس الشي لأن شباب قطر فيهم الحمية على الجار

يونيك

13-04-2008, 06:57 PM

لا حول ولا قوة الا بالله

كفو يالشحانية يونايتد ... رجال والنعم فيك انت والاخوان والجماعة كلهم.

صج الواحد ما يأمن وهو في بيته... فما بالكم باللي يقط عياله يلعبون بالسكيك وعيون هالعماله وراهم.

الحذر يا اخوان.... عيونكم على عيالكم.... ولا الندم ماراح ينفعكم.

مغتصبين طفل قبل فترة .... وصادوا الفاعل .. طبعا من هالعماله ..... 3 سنوات سجن يالربع... تخيل ... بس 3 سنين سجن وبيطلع لبلادهم وبيرد يسوي عمايله في ديرة ثانيه .

مناحي السادس عشر

13-04-2008, 07:00 PM

الحل الوحيد هو انه يمنعون اصحاب البيوت والعقارات انهم ياجرووون البيوت للعمال خصوصا اذا كانت بين بيوت العوائل غير هذا ماينفع لانك مارااح تمنع حد انه يسكر او او او . العتب على اللي ياجر بيته للعزاب ويضر جيرانه

ANONYMOUS

13-04-2008, 07:01 PM

العضيد العضيد

يونيك

13-04-2008, 07:07 PM

العضيد العضيد

غير مقتنع من جدية العضيد

عذايب قطر

13-04-2008, 07:13 PM

كثر مانقول ونتشكى عن العزوب وله في فايده
كأنهم مايسمعون ويشوفون
من كم يوم طفله وهي راجعه من الدكان مع الخدامة يودها هندي قالها تعالي معاي
لولا الله والخدامة كانت البنت راحت وقالت البنت حق اهلها وخذه نصيبه الهندي ال ....... من الضرب عقب طلبوا الشرطة وصارت قضية ...... حسبي الله عليه

البيت اللي عندنا ماتتخيلون كم عدد البتان اللي فيه بصراحة يخوفون لما ينزلون من الباص

كل هذا والمسؤولين ساكتين

الله يستر من الجاي

تحياتي لكم

ANONYMOUS

13-04-2008, 07:37 PM

غير مقتنع من جدية العضيد

جربهم.. بعدين انقل لنا تجربتك معاهم

ما اعتقد انهم مش جادين..

اي اداره تحت وزير الداخليه.. ماوضعت عبط ولا شو

المخباط

13-04-2008, 07:47 PM

مالهم الا بوعقيده يحطونه داير مادار البيت حل مؤقت لحد مايشدون العزابيه لبلادينهم
والله يفرجها وينزل قانون بمنع سكن العمال بين العوائل
شكرا لنقل الحدث

الشحانية يونايتد

13-04-2008, 07:48 PM

يونيك

13-04-2008, 08:00 PM

جربهم.. بعدين انقل لنا تجربتك معاهم

ما اعتقد انهم مش جادين..

اي اداره تحت وزير الداخليه.. ماوضعت عبط ولا شو

:nea:

khaldoon

13-04-2008, 08:19 PM

لا حول ولا قوة الا بالله

الحل بكل بساطه منع سكن العمال بين العائلات

الله يعطيك الف عافيه يا الغالي على ما قمت به وان شاء الله انه في ميزان حسناتك

رنج سبورت

13-04-2008, 08:22 PM

الحل منع سكن العزاب في مناطق سكن العوايل

غيور الدوحة

13-04-2008, 08:26 PM

لا حول ولا قوة الا بالله
مايندرى لين متى

حراير قطر

13-04-2008, 08:30 PM

لا حول ولا قوة الا بالله العظيم

الله يستر علينا ويحفظنا

من تقريبا شهر كنت اتناقش مع زوجي واختي

الله يحفظنا ويحفظ جميع المسلمين

اختك

حراير قطر

ســـهم

13-04-2008, 08:40 PM

ماقصرت اخوي الشحانيه بيض الله وجهك

لكن

هل تعتقدون أن الحكومه غافله عن هذا الأمر !!

تعلم الجهات المختصه بخطر سكن العزاب ( الأجانب ) في الأحياء السكنيه ولم توفر لهم منازل

نائيه عن المناطق

لماذا لاتجعل لهم مناطق سكنيه محدده كالصناعيه .. ؟

غزلان

13-04-2008, 08:43 PM

لاحول ولاقوة الا بالله

الشرطه ماتقصر لكن ماتقدر على كل شي

الخفي

13-04-2008, 08:47 PM

تدرون ليش الدوله ماتمنع مثل هالضاهره

لان وزرائنا ومسئولينا تجار وهم نفسهم

اهل الشركات اللي تجيب عمال وهم من يستأجر

البيوت وطبعا ماراح يعانون من نفس المشكله اللي

اغلب اهل قطر يعانون منها ليش لان هالوزير او التجار

ساكنين في مناطق طبعا خارج هالاحياء اللي فيها العمال

ولا همه اللي ساكن في الروضه واللي ساكن في الخليج الغربي

والمواطنين في الطقاق على ماقالو وعلي فكره مستحيل مشكله العزاب

تنتهي لانه يوميا يدش الدوحه 2000 عامل على ذمه مسئول اليوم في الجريده

الخفي

13-04-2008, 08:50 PM

أكد تفاقم ظاهرة سكن العزاب داخل المناطق السكنية.. مساعد مدير «العمل»: الدوحة تستقبل يوميا 2000 عامل.

جمال لطفي :
أكد السيد خالد سليمان حيدر مساعد مدير إدارة العمل أن البلاد تستقبل يوميا 2000 عامل من مختلف الدولة للعمل مع الشركات التي تنفذ العديد من المشاريع بالدول، وقال خلال اجتماعه مع أعضاء لجنة الخدمات والمرافق العامة بالمجلس البلدي إن هذا واحد من الأسباب التي أدت إلى تفاقم ظاهرة سكن العزاب داخل الأحياء السكنية، موضحا أن المجمعات المقترحة لسكن العمالة العازبة بعدد من المناطق لا تفي بالغرض باعتبار أنها تحتوي على 800 وحدة سكنية وهي تكفي لعدد 3200 عامل .
وأوضح أن الإدارة عاجزة عن تنفيذ القرار الوزاري رقم 17 لسنة 2005 والخاص بتنظيم سكن العمالة العازبة داخل الأحياء السكنية ثم أضاف نستطيع تنفيذ هذا القرار ولكن سوف تترتب عليه مشاكل كثيرة جدا خاصة للشركات وأكد أن الحل يتمثل في قيام هذه الشركات بتوفير السكن داخل المشروع ومن ثم الموافقة لها بإحضار العمالة إلى البلاد مبيننا أن هذه الخطوة سوف تساهم في إلزام الشركات بنقل أعداد كبيرة من داخل الأحياء السكنية إلى المشاريع

دلة الرسلان

13-04-2008, 08:56 PM

اذا العامل تسور بيت الوزير او ذاك فلان الفلاني ..... بتوقف المهازل وبتنظم الأمور.

الخفي

13-04-2008, 09:00 PM

اذا العامل تسور بيت الوزير او ذاك فلان الفلاني ..... بتوقف المهازل وبتنظم الأمور.

اصلا وين الهندي ووين بيت الوزير الهندي ساكن جنبي وجنبك

بس الوزير وين في الخليج الغربي ولا في الوعب واللي جنبه

ياوزير يارئيس مجلس اداره

amego

13-04-2008, 09:02 PM

فعلا موضوع ظاهرة سكن العمال وانشارها بين سكن العائلات اصبحة مشكلة بحاجة لمعالجة وحلول جذرية لما تنطوي عليها من اثار ومشاكل سلبية ..
وجريدة الشرق اليوم تحدثت في موضوع لها اليوم عن هذه المشكلة
وحسب ما ورد بانه يوجد يوميا 2000 عامل جديد يدخل قطر ولو استمر هذا المعدل لمدة عام لكان حجم العمالة الوافدة الجديدة خلال عام يتجاوز ال700 الف عامل ...وهذا رقم مخيف لواستمر السكن العشوائي
ولابد من ايجاد حل جذري لسكن العمالة الوافدة ..ويخصص اماكن سكن مستقلة لهم
وجزاك الله كل خير اخوي شحانية يونايتد وبارك الله بك وبامثالك

الخفي

13-04-2008, 09:10 PM

طيب دبي والكويت وبعض دول الخليج

عندهم عماله وماشفنا مشاكل العزاب مثل اللي

عندنا يعني احنا غير عن دبي

ANONYMOUS

14-04-2008, 12:01 AM

جزاكم الله خير الجميع

وبعدين اللي اعرفه ان العضيد للظواهر المخله بالآداب وليس الشقحه على بيوت العالم

وبعدين يعطيهم العافية اخوانا في وزارة الداخليه ونحن لا نشكك في قدراتهم ولكن نبي حل جذري مب حقن تخدير للمجتمع

لأن قالو صفوا صفين قال مغير حنا أثنين

لأن وصلنا مليون ونص تعدد السكان وعدد الشرطه لا يكفي

:nea:

العضيد منقول من موقع وزارة الداخليه

العضيد يقدم خدمة التواصل بين أفراد المجتمع بكافة شرائحه بهدف الحفاظ على امن المجتمع واستقراره لننعم بحياة آمنه، ويعمل على إقامة الفعاليات والمهرجانات التي تدعم الشراكة الحقيقية بين المجتمع والأمن ويتواصل من خلال جميع أجهزة الاتصال الحديثة "الهاتف المجاني والبريد الإلكتروني والفاكس والاتصال المباشر" ومن خلال تواجده في المؤسسات والأماكن العامة وذلك من أجل تلقي الملاحظات و الأفكار التي يتم عرضها من خلال هذه الخدمة و اتخاذ اللازم حيالها

مكبر لكم الخط.. وباللون الاحمر

ماجبت شي من عندي

المجروح81

14-04-2008, 12:29 AM

لاحول ولا قوة الا بالله

شيخ الشباب

14-04-2008, 12:54 AM

كفو بفزعتك .. والله يكثر من امثالك ... لكن بخصوص العمال وسكنهم وسط بيوت العوائل هذي مشكله كبيرة ويبي لها حل جذري من الان .. قبل تفاقم المشكلة .. وفرض غرامات باهظه لكل شركة تستأجر لعمالها وسط مدينة عوائل .. ومن جانب المالك .. يتم تحذيره مرتين .. والا سيصادر المنزل .. لكي يكون هناك اثر كبير في التغيير السريع .. (رأي شخصي)

تحياتي لـكـمـ

شيخ الشباب

بوخالد911

14-04-2008, 12:56 AM

اشوي وننقرض

بنت المنتدى

14-04-2008, 01:54 AM

الله المستعان

السيف5

14-04-2008, 02:52 AM

الله يجزيك خير ياخوي على الموضوع
انا واحد من الناس المتضررين من العزاب وهم ساكنين في منطقتنا مثل النمل
والله فقدنا الامان والطمأنينة ويش نسوي منعنا العيال من الخروج يلعبون وابوابنا
مسكرة علينا ومالنا غير الدعاء على المالك الله لا يوفقه وهو مسكنهم بينا كله علشان
الاجار العالي -----------الله يفرجها

حقيقه

14-04-2008, 02:59 AM

الحل
الحل
انه مافيه حل :weeping:
شوفو الاراضي الصحراويه اللي في الدوله ليش مايستغلونها ويحشرون العماله فيها ويفكونا منهم :anger1:

ذوق

14-04-2008, 03:04 AM

@@ اووووووووووووف ربي ستر

عساك على القوه ماقصرت @@

انا حره

14-04-2008, 03:58 AM

انا الي اعرفه انه قريب بيسوون نفس العزب مجمعات خاصع للعمال وبعد بيفتحون بروه للشركات

يعني فيه امل ياجماعه الخير ...........:anger1::discuss:

عزووز قطر

14-04-2008, 07:53 AM

المسؤولين مب حاسين بمشكلة الموضوع لأنهم ساكنين في فرجان بروحهم .. والله لو شفنا هالمشكلة صايرة في بيت مسؤول كان شفنا إجراء صارم ,, بس راحت الغيرة على عيال البلاد وكلن يقول نفسي نفسي

ومثل ماحطوا قوانين في المرور وغرامات بمبالغ توصل لـ 50 ألف ريال ... نتمنى وضع قوانين وغرامات كبيرة على المالك أو الشركة التي تستأجر بيت بين بيوت العايلات لأنها مشكلة كبيرة وتمس شرف عائلة كاملة

والمفروض يمسكونه ويشوفونه من وين جاب الخمر .. والقيام بحملات تفتيشية لضبط مصانع الخمور وأماكن بيعها

وكفووو ياولد الشحانية .. وبيض الله وجهك وجزاك الله خير

حالي الذوق

14-04-2008, 08:04 AM

لا حول ولا قوه الا بالله

الحل الوحيد هو اصدار قانون يجبر الملاك بعدم تاجير بيوتهم للعزابيه بين العوائل

سبحان الله كل هذه المشاكل والتحرشات ولا يوجد اي رد فعل من المسؤلين

الله يستر على الجميع ويفكنا من شرهم

يونيك

14-04-2008, 08:04 AM

الشحانية يونايتد

14-04-2008, 09:16 AM

العضيد منقول من موقع وزارة الداخليه

العضيد يقدم خدمة التواصل بين أفراد المجتمع بكافة شرائحه بهدف الحفاظ على امن المجتمع واستقراره لننعم بحياة آمنه، ويعمل على إقامة الفعاليات والمهرجانات التي تدعم الشراكة الحقيقية بين المجتمع والأمن ويتواصل من خلال جميع أجهزة الاتصال الحديثة "الهاتف المجاني والبريد الإلكتروني والفاكس والاتصال المباشر" ومن خلال تواجده في المؤسسات والأماكن العامة وذلك من أجل تلقي الملاحظات و الأفكار التي يتم عرضها من خلال هذه الخدمة و اتخاذ اللازم حيالها

مكبر لكم الخط.. وباللون الاحمر

ماجبت شي من عندي

يعطيك العافية أخوي وشكراً على التوضيح لأن انا جاني مسج بأرقامهم مذكور فيه الظواهر المخله للآداب

على العموم جزاكم الله خير على المرور والتعليق

ويا أخوان الشرطة وش تبي تسوي ...؟؟؟؟

أحنا نبي حلول جذرية مب حقن تخدير للمجتمع بإجراءات لا تجدي شيء

انتظار مصير

14-04-2008, 10:55 AM

والله أخوي تقريباً نفس السالفه صارت قبل أسبوعين والله ستر

الله يكفينا شرهم

يعطيك العااافيه أخوي