تفضل !! رأيك يهمني ؟؟

[الســـهم]

السلام عليكم ورحمة الله وبركاته ..

ناوي على هوندا أكورد 6 سلندر 2008 ..

تنصحني فيها ولا اشوف غيرها ؟؟

[_QTR_]

والله يا اخوووووووووووووي خذها وانت مغمض عينك

انا عندي 4 سلندر بس موديل 2006 حق الدوام لراس لفان

والله اني مرتاح راحه غير طبيعيه

واحسن من الكامري والتيما

[الســـهم]

جزاك الله الف خير اخوي _qtr_ على النصيحة ..

مانستغني عن نصايح المجربين ..

الله لايهينك تعطينا مشاكلها لو وجدت ؟؟

يهمني فيها المكيف ..

[_QTR_]

والله الى الآن ما شفت فيها مشاكل الا انك لو مسرع تقريبا 170 او اكثر ودست بريك وحاولت تخفف سرعتك تكون في رجه ونفضه في المواتر بس اتوقع انها من الدرام ويل لاني لين الحين ما سويت لهم تورنا


بس اسمعها نصيحة وقول لهم عطونا الى 60 الف كيلو Free Service نفسي

والله انك ترتاح

[فلفل حار]

علي حسب ميولك اخوي اذا انت عاجبتك ، ممكن ليش لا

بس وايد يذمون قطع الغيار ويقولون غاليه وهالكلام من اصحاب الهوندات انفسهم

بس الاغلب انك تحافظ علي السياره طبعا واسأل عن القطع الاستهلاكيه مثل السفايف والدرامويل وألخ وألخ ، المتوقع خراباته

وطبعا حزة البيع لاتحط في بالك سعر مرتفع او معين ، ببساطه هي مب تويوتا وانت عارف عقدة التويوتا في اهل قطر

بس اذا تبي نصيحتي الشخصيه انا افضل الافالون كـ شكل وقوه وانا مجرب سايق الي عند رفيجي والله فخمه جدا مقارنه بأنها xl يعني مب فل اوبشن

وفرق الـ xl ال2007 عن ال2008 انه

انه القديمه كانت في مشاكل بالقير ( حسب مايقولون الاغلبيه ) وكانت خمس تبديلات والحين الجديده صارت ست تبديلات لكن ماعندي خلفيه عن المشاكل الفنيه ولا اعتقد بوجودها خاصه انه المكينه والقير والدفرنش علي الضمان 5 سنوات :)

والجديده طبلونها زينون ويتم يشتغل طول الوقت حتي بالنهار (كانت هالميزه حصريا في الفل اوبشن في 2007 ) ، وبعد ليتاتها الاماميه بعد زينون وكله وكاله وهذي بمواصفات الاستاندر الـ xl

وهي متوفره بوكاله التضامن وبتحصل شهر 12/2007 واعتقد انهم جابو شهر 1/2008 طبعا البليتات هذي تفرق لانه الموتر متوفر ماعليه ضرب نعل مثل الكروزر

وانا ورفيجي طلعناها ب105 الاف مع تأمين شامل ، وبصراحه يستاهل قيمته بس الله لايهينك ركب له كشافات وشبك اللمتد مايتجاوز سعرهم 2000 ريال مع التركيب بالوكاله نفسها

وواذا بتاخذ فل اوبشن احسن واحسن / وانت وذوقك بالاخير وموفق اخوي:nice:

[_QTR_]

والله فكرة حلوة اذا سعر الافالون صج 105 مع التأمين

بس للعلم سفايف الهوندا وانا بتكلم عن 2006 تقريبا 220 ريال

وتبديلات الايل والفلتر في Quick service تقريبا 140 ريال بس والله موتري ماشي تقريبا 60 الف ولا عمري دفعت له ريال واحد لانه لين 60 الف كيلو عليهم

[الســـهم]

هلا اخوي فلفل حار ..

رايك على راسي وشاكر اهتمامك ..

بالنسبة للافالون عندنا ثنتين وبكل صراحة هالسيارة مادشت مزاجي ..

هي قوية بس ماشوف فيها زود عن باقي سيارات التويوتا ..

طبعا مواصفتها بزيادة لأنها سيارة امريكية ..

جربتها سواقة عادية وجربتها على الخط ..

بصراحة سيارة صالون لازم تكون اثبت من اللي شفته ..

مشكلتنا فينا عقدة التويوتا وانا واحد منكم ..

انفكر في السيارة كاستخدام والسعر وقت البيع ومانفكر بالجودة والامان ..

وبعدين سيارة تدفع فيها كثير من ناحية استهلاكية (بلكات , سفايف , سيور ,... الخ) ..

في سيارات جودتها اعلى وخدمات شركتها افضل من التويوتا ..

وانا مش تجميل في الهوندا اقول هالكلام ، لاني لو مقتنع 100% ماكان سألت , بس ابي اطلع من عقدة التويوتا , ولقيت الهوندا فيها مواصفات اعلى في التقنية والامان من التويوتا وحتى السواقة ..

اخوي _qtr_ ..

ريحتني من ناحية السيرفس واسعار قطع الغيار , على اني اسمع ان جودتها عالية اشوفها معقولة , وياليت اتفيدني عن عمر القطع الاستهلاكية اللي ذكرتها اعلاه ..



الله يعطيكم الف عافية على مشاركتكم وابداء الرأي , وان شاء الله ماكون ثقلت عليكم بالاسئلة ..

[قلب شاعر]

والله شوف انا جربت 4 سلندر 2008 وما اعجبتني أكسلاتها تتعب بصرعه وبعدين وايد ثقيله في الشكل الجديد بالنسبه خق 4 سلندر يعني اشوف التيما 2008 اقوى منها بوايد قومه حتى 4 سلندر طبعا والهوندا القديمه اشوفها اخف واسرع من الشكل الجديد وقبلها كانت عندي كامري 6 سنلدر ارتحت فيها اكثر بكتير من الهوندا صج قويه واكيد راحتك انت في النهايه وايش تحب انا طبعا اول مره اركب هوندا ويمكن هاذا السبب اللي خلاني ما حبها لأني متعود على كامري ومكسيما ...... وبعدين اهم شي في الهوندا هو ان ضمان الجير والمكينه مدى الحياه وهذا مش موجود لا في التويوتا ولا النيسان ولا اي وكاله في قطر غير الهوندا وانت تختار ....

[الســـهم]

مرحبا اخوي قلب شاعر ..

ما شاء الله امداها موديل 2008 وتتعب اكسلاتها ..

انا ودي اعرف ايهم اثبت من السيارات اللي ذكرتهم ..

واغلب السيارات اللي ذكرتهم قد استخدمتهم قبل ..

الماكسيما عندنا والالتيما اجرتها مرتين وابد ماحبيتها والكامري اللي اعرفه القديمة احسن من الجديدة ..

بانتظار مزيد من الآراء واذا كان في افضل من هالسيارات اللي انذكروا والهوندا من ضمنهم ..

شاكر لك مشاركتك ورايك اللي احترمه ..

[_QTR_]

عن خبرة وتجربة

الكامري الجديدة .. حرام تقط فيه ريال والله .. ومب ثابته وآمنه
الكامري القديمة .. صرفيتها حلوة وثابته أكثر من الجديدة

الهوندا القديمة (اقصد 2007 وتحت) مريحة وثابته ما شاء الله
وانا اتكلم على ممشاي انا .. يعني اذا انا مستعجل ادعس لين 170 واثبت السرعه واشوفها ثابته والله

واشوف ان كل ما اغير سفايفها ما شاء الله تظل عندي اكثر من 4 الى 5 شهور تقريبا بس لا تنسى اني يوميا رايح لفان وراجع يعني تقريبا يوميا 160 كيلو او 170 كيلو بس الصباح ..
واحيانا والله اصنف واطلع فيها مشاوير في الدوحة والله انها راحة وللعلم ضاربه في مخي اني آخذ الاكورد الجديدة الباب واحد بس انتظر 6 سلندر

ربي يوفقك يالشيخ وتقدر تروح تجرب الهوندا الجديدة وتسوقها
وواحد من الربع عنده الجديدة 4 سلندر ومبسوط وقبلها كان عنده كامري الشكل الجديد ويم اقول له اشلووووووون الهوندا يقول لي والله ما عليها كلام


الخوف ان الربع يعتقدون ان قاعد اسوي دعايه للهوندا خخخخخخخخخخخ

[الســـهم]

هلا اخوي _QTR_ ..

لو دروا عنك في الشركة اكيد بيعطونك نسبة من مبيعاتهم >> ترى اتغشمر ..

الحين عن الاستعمال وعرفنا , ايش رايك بمكيفها ومايحتاي اشرح لك الجو اشلون عندنا << ليش اللي تسولف وياه عايش في الهانولولو .. :tease:

وسامحني يالغالي اذا ثقلت عليك باسألتي ..

[_QTR_]

والله يالشيخ توني رحت مشوار في الموتر

وما شاء الله المكيف عجيب والله وبارد وحلو بس لا تنسى اني اتكلم عن 2006

بس ما اتوقع في فرق بين 2006 وبين 2008

[الســـهم]

اشكرك اخوي _qtr_ على طولة بالك ..

وبعد اللي عرفته منك عن السيارة ..

شكلي بتوكل على الله وباخذ لي وحدة 6 سلندر وفل اوبشن ..

والله يعطيك الف عافية ..

[fffqe]

والله ياخوي انا مجرب هوندا اكورد موديل 2007 4 سلندر
قوية وماعليها كلام
ونزلت فيها 190
ولا فيها اي رقلة ولا شي
بالتوفيق
ولاتنسى اهم شي ضمان المكينة والقير مدى الحياة:nice::nice:

[فلفل حار]

عن خبرة وتجربة

الكامري الجديدة .. حرام تقط فيه ريال والله .. ومب ثابته وآمنه
الكامري القديمة .. صرفيتها حلوة وثابته أكثر من الجديدة

الهوندا القديمة (اقصد 2007 وتحت) مريحة وثابته ما شاء الله
وانا اتكلم على ممشاي انا .. يعني اذا انا مستعجل ادعس لين 170 واثبت السرعه واشوفها ثابته والله

واشوف ان كل ما اغير سفايفها ما شاء الله تظل عندي اكثر من 4 الى 5 شهور تقريبا بس لا تنسى اني يوميا رايح لفان وراجع يعني تقريبا يوميا 160 كيلو او 170 كيلو بس الصباح ..
واحيانا والله اصنف واطلع فيها مشاوير في الدوحة والله انها راحة وللعلم ضاربه في مخي اني آخذ الاكورد الجديدة الباب واحد بس انتظر 6 سلندر

ربي يوفقك يالشيخ وتقدر تروح تجرب الهوندا الجديدة وتسوقها
وواحد من الربع عنده الجديدة 4 سلندر ومبسوط وقبلها كان عنده كامري الشكل الجديد ويم اقول له اشلووووووون الهوندا يقول لي والله ما عليها كلام


الخوف ان الربع يعتقدون ان قاعد اسوي دعايه للهوندا خخخخخخخخخخخ

اي مسوي دعايه جامده بعد :tease:

بالعكس يعجبني الي يعبر عن تجاربه بكل صراحه :victory:

[فلفل حار]

هلا اخوي فلفل حار ..

رايك على راسي وشاكر اهتمامك ..

بالنسبة للافالون عندنا ثنتين وبكل صراحة هالسيارة مادشت مزاجي ..

هي قوية بس ماشوف فيها زود عن باقي سيارات التويوتا ..

طبعا مواصفتها بزيادة لأنها سيارة امريكية ..

جربتها سواقة عادية وجربتها على الخط ..

بصراحة سيارة صالون لازم تكون اثبت من اللي شفته ..

مشكلتنا فينا عقدة التويوتا وانا واحد منكم ..

انفكر في السيارة كاستخدام والسعر وقت البيع ومانفكر بالجودة والامان ..

وبعدين سيارة تدفع فيها كثير من ناحية استهلاكية (بلكات , سفايف , سيور ,... الخ) ..

في سيارات جودتها اعلى وخدمات شركتها افضل من التويوتا ..

وانا مش تجميل في الهوندا اقول هالكلام ، لاني لو مقتنع 100% ماكان سألت , بس ابي اطلع من عقدة التويوتا , ولقيت الهوندا فيها مواصفات اعلى في التقنية والامان من التويوتا وحتى السواقة ..

اخوي _qtr_ ..

ريحتني من ناحية السيرفس واسعار قطع الغيار , على اني اسمع ان جودتها عالية اشوفها معقولة , وياليت اتفيدني عن عمر القطع الاستهلاكية اللي ذكرتها اعلاه ..



الله يعطيكم الف عافية على مشاركتكم وابداء الرأي , وان شاء الله ماكون ثقلت عليكم بالاسئلة ..

الله يعطيك العافيه ويسلم لي راسك الشيخ :)

واذا انت مقتنع فيها وداخله بخاطرك خذها وتوكل علي الله:nice:

بس اهم شي تكون جديده اصفار عن الخرابات والممشى

ويعطيك خيرها ويكفيك شرها مقدما يالغالي :victory:

[الســـهم]

هلا اخوي fffqe ..

شاكر لك مشاركتك وذكر تجربتك للسيارة ..


هلا اخوي فلفل حار ..

الشيخ ابوك وانت ولده ..

ويعطيك العافية على اهتمامك ..


ومن بعد مشاركاتكم اقدر اقول اني مقتنع بنسبة 80 % , بس يبيلي تيست درايف عشان تكون النسبة 100% ..