+++ لوحة أرقام السيارت القطرية +++

[jajassim]

منذو عشر سنوات لم تتغير لوحة أرقام السيارات القطرية ومابين فترة وأخرى يطرح موضوع تغير اللوحة والأخوة في إدارة المرور يسارعون بأعطاء الأمل ولكن لا جدى أن الدولة تشهد تطور في جميع المجالات العلمية والصحية والثقافية والعمرانية ويعيش على أرض قطر عدة جنسيات من جميع دول العالم والقاسم المشترك هو اللغة الإنكليزية والدول الخليجية قامت بتغير لوحات ارقام السيارات عدة مرات إلا اللوحة القطرية لم يتغير عليها شي فترى بعض الشباب يقوم بلصق العلم القطري الموقر أو كتابة كلمة قطر او شعار الدولة محبتاً منهم في التغيير وتعريف من لا ينطق بالعربية بجنسية السيارة أو من يقودها عاداً ما يسافر البعض لدول أجنبية أو عربية ولفت انتباهي صديق بريطاني عندما أرسل صورة سيارته لأصداقه سألوه لماذا لم تكتب بالإنكليزية كلمة قطر أنا أفتخر بقطر وغايتي أن يعرف كل من على وجهة الأرض أسم قطر وتدخل قاموس حياته بذكرات لذا ارجو المشاركة وأبداء تأييدكم لتغيير لوحة الأرقام القطرية حيث تحمل اللغتين العربية والانكليزية ومعرفة ببعض رموز دولتنا الحبيبة أو ذكر بعض المدن مثل قطر ـ الدوحة، قطر ـ الوكرة ، قطر ـ الخور


الكاتب : على العنزي

[Qa6ar]

كلام حلو بس بها الطريقه تجار الارقام بيخسرون وبالاخص تغيير الارقام:)

العربيه الى انجليزيه

اما بالنسبه للمناطق كلام حلو ونتمنى انشوفه على ارض الواقع

[ANONYMOUS]

Nothing to loose


خل يغيرون الارقام عادي.. حتى رقمي ماركبته على سيارتي للحين

[ورقــة أمــل]

أؤيد فكرة تغيير لغة الكتابة في اللوحات الى اللغه الانجليزية للتسهيل على المقيمين من الجنسيات غير العربية
بينما كتابة المنطقه فمن كبر بلادنا عشان نحط اسامي المناطق

[ANONYMOUS]

أؤيد فكرة تغيير لغة الكتابة في اللوحات الى اللغه الانجليزية للتسهيل على المقيمين من الجنسيات غير العربية
بينما كتابة المنطقه فمن كبر بلادنا عشان نحط اسامي المناطق




وليش احنا ننجبر ونغير مبادئنا و " تراثنا " عشان الاجانب


يبون يتعلمون عربي حياهم الله.. مايبون.. يردون بلادهم

[ورقــة أمــل]

وليش احنا ننجبر ونغير مبادئنا و " تراثنا " عشان الاجانب


يبون يتعلمون عربي حياهم الله.. مايبون.. يردون بلادهم


شدخل تراثنا؟

على العموم كلامك صحيح بس هو الاحسن تغييرها
يمكن تدعم لك هندي وتشرد ومايصيدك لان رقم سيارتك عربي وهو ما يعرف عربي :tease:
واللي اعرفه ان الارقام اللي نقول عنها انجليزية هي في الاساس عربية والله اعلم

[مستانس]

او وياكم ياالربع في سالفه التغير اما في سالفه كتابه حروف كل منطقه مب شي كلش علشان الي يشوفك بيعرف انت من اي منطقه وحق الملاحق بعد مب شي لو مثلا سمعته بثنين على اذن واحد بتحصله في الليل متحبلي في الليل في منطقتي انا اضرب لكم مثال بس

[الألماسي]

صدق الكاتــب صــراحه

اللــوحــات القطــريه خاصـــه في الدول الأوروبيــــّــه تفشـــّــل

شكرا جــاسم ع النقـــل

[Abu Abboud]

سمعنا بهل كلام بس

مافي شي تغير

والظاهر ماراح يتغير شي

[suلtan]

بس حبيت اذكر اللي يتكلمون عن التراث

ان الارقام اللي نسميها الحين انجليزيه ... هي بالاصل عربيه

وارقام اللوحات... يسمونها الارقام الهنديه

فبالعكس ... اذا غيرنا الارقام راح نكون رادين حق تراثنا مب طالعين منه

[alwahesh]

انتو تدورون الخساير بس

ما افتكينا من المخالفات الي ما نعرف من وين

والحين تعال وادفع 500 ريال على كل لوحه لان الارقام بلغة ثانيه وغلاء المعيشه ونوع اللوحه


اذا لهم نيه يغيرون المفروض على حسابهم ( المرور )

او يخيرون الشخص الي يبي يسافر يدفع اكثر ويركب لوحات خاصه

[Dubai]

بصرااااحه احلى لوح ارقام قطر لأنها مميزة بالعربيه الصرااااااحة ...

و اتمنى انهم مايغيرونها ..

[فلفل حار]

بصرااااحه احلى لوح ارقام قطر لأنها مميزة بالعربيه الصرااااااحة ...

و اتمنى انهم مايغيرونها ..

ولوحة دبي حلووه ماشاء الله

ارقام كبيره وعريضه علي اللوحه ، اخر حلاوه :victory:

[فلفل حار]

وعلي فكره

ترى موضوعكم مغبر وصار له سنين يندرس "علي قولتهم" بالداخليه

انسوا الموضوع احسن :)

[jajassim]

شكرا لمروركم ،،،،،،:nice:

[المولع22]

بصراحة يعني اولا اشكر ناقل الموضوع اخوي جاسم ,,

وتسلم ايد كاتب الموضوع العنزي ,,

بخصوص التغيير ,, طبعا مب شي حلو ان كل فترة نغير ونغير ,, شدعوة ماعندنا راي ثابت ,, مب شي

اما بخصوص اللوحة بصراحة انا اشوفها وايد حلوة ورزة يعني

توني راجع من بريطانيا وماشاء الله اشوف شكثر سيارات قطرية هناك ياخي بالعكس وايد شكلها حلو

خصوصا اذا تشوفها في دولة غير دولتك شي يجذب النظر ,,

اما بخصوص التغيير مثل ماسمعنا قبل ان بنصير نفس دبي كلها ارقام انجليزية وبس ,, هالشي مب حلو كلللللش

يعني خلاص نتبرى من العربي ؟؟!!! مايصيييير وشكل اللوحة اصلا مب حلو بيطلع

انا من رايي الشخصي ان لو نتم على نفس اللوحة بس تتكبر الخطوط شوي خط الارقام العربية

وخط كلمة ( قطر ) واااايد بيكون الشكل Wow

والله يعطيكم العافية

موفقين يالداخلية

[مناحي السادس عشر]

صدق الكاتــب صــراحه

اللــوحــات القطــريه خاصـــه في الدول الأوروبيــــّــه تفشـــّــل

شكرا جــاسم ع النقـــل

الله يسامحك يا اخ الماسي الحين بس ان اللوحه بالعربي تفشل لانك بدوله اوروبيه. يعني عشان كم شخص يروح لندن او غيرها نغير اللوحه اللي اعتبرها احلى لوحه عربيه الى الان وبعدين من هالدول الاوروبيه اللي خلتنا نتفشل من لوحتنا بس لانها بالعربي؟؟؟؟؟؟؟؟؟؟؟؟؟؟؟؟؟؟ الله يهدينا ويهديكم

[BURBERRY]

اللوحه القطريه مافيها شي بالعكس حلوووه

لكن ينقصها كلمه Qatar و خلاص ..

[الخيااال]

وليش احنا ننجبر ونغير مبادئنا و " تراثنا " عشان الاجانب


يبون يتعلمون عربي حياهم الله.. مايبون.. يردون بلادهم

تعجبني والله بردك ماباقي الايقولون تكلم بلغه الاجانب علشان مايحسون بالغربه:::::

لغتنا لغه القران وارقامنا العربيه اللي راضي ولا يشرب من البحر///////

[الخيااال]

بصرااااحه احلى لوح ارقام قطر لأنها مميزة بالعربيه الصرااااااحة ...

و اتمنى انهم مايغيرونها ..

ااااااااااااامين