المجلس الاعلى للتعليم يغشش الطلاب علنا

[الأصيل]

السلام عليكم ورحمه الله

اخواني وخواتي صارت لي سالفه ودي اني اشارككم فيها

مدرس ولدي من المصححيين الي صححوا مع المجلس الاعلى اختبارات الطلاب في مشروع التقويم التربوي
المدرس يقول ان ان النماذج الموجوده بالموقع الرسمي للمجلس والملازم الي موزعينها على طلاب المدارس عشان يدريونهم على الاختبارات هي نفس الاسئلة الي يجيبونها في الاختبارات كل سنة تقريبا
السالفة كبيره يا جماعه واتمنى انه يتم التأكد من الموضوع لان نتايج الاختبارات هالسنه بتكون مزيفه ومعروف ان النتايج الضعيفه الي حققها الطلاب اكدت المستوى الضعيف للمدارس المستقله وقله كفاءه المسؤولين فيها وبالمجلس الاعلى
اذا جابوا الطلاب درجات عاليه هالسنه مب لانهم تحسن مستواهم لكن لانهم تدربوا على الاسئلة نفسها
وهذا بيكون لمصلحة المجلس الاعلى والمسؤولين الي يبون يبيضون صفحتهم الي سودتها نتايج الطلاب السنه الماضيه وبينت انهم ما قدروا يحققون تعليم افضل من التعليم الي حققته مدارس وزارة التربية الي طاحوا فيها سب وكل هذا بيكون على حساب مستقبل البلد وتعليم عيالنا

اطالب كولي امر بمراجعه الي يصير بالمدارس المستقله والي يصير باختبارات التقويم الشامل وبتصحيح الاخطاء مب التستر عليها وتزييف الواقع ولو بالغش:anger1:

[يونيك]

من غشنا فليس منا

[MoHaMmEd114]

للاسف يبون ينجحون مشروعهم باي طريقة ووسيلة

[الصيـاد]

يعني شتوقع من هيئة فـــــــــــاشلة

هذيلا فضائحهم ما تخلص يقودون التعليم الي الهاوية

والسبب هالحريم من حطوهم علي راس التعليم واحنا نري كل يوم انحطاط

[يونيك]

للاسف يبون ينجحون مشروعهم باي طريقة ووسيلة


حتى ولو على مصلحة عيالنا



ويبون ينمون مستقبل قطر



كيف ستكون الاجيال القادمة







حسبنا الله ونعم الوكيل

[MoHaMmEd114]

كيف ستكون الاجيال القادمة؟






بتكون اذا سكتنا وغرقنا معاهم

بتكون :tease::tease::tease:

امه بلا اخلاق ولا دين ولا هدف

[يونيك]

يعني شتوقع من هيئة فـــــــــــاشلة

هذيلا فضائحهم ما تخلص يقودون التعليم الي الهاوية

والسبب هالحريم من حطوهم علي راس التعليم واحنا نري كل يوم انحطاط

:nice:

[bo_hamad]

أحد أقربائي يدرس في المستقلة يقول لي ما في رسوب ؟ صج هاي الكلام ؟

[الأصيل]

انا كتبت الموضوع لاني ودي اعرف الصج وودي يصير تحقيق بالموضوع لان نتايج الاختبارات بتطلع التجربه ناجحه وهي الفشل بعينه وعلمه
وياليت يحطون لجنه تحاسب المجلس الاعلى والمسؤولين الكبار فيه وتكون لجنه فاهمه تربويه وحياديه مالها مصالح خاصة ومن خارج المجلس وتضم اولياء امور ومدرسين وخبراء معترف فيهم

[شيخ الشباب]

كل شي جايز .. لكن يجب الاستدلال بصحة الكلام . . عشان نتناقش بموضوعية اكثر . . ويعطيك العافية

[ضوى]

يعني شتوقع من هيئة فـــــــــــاشلة

هذيلا فضائحهم ما تخلص يقودون التعليم الي الهاوية

والسبب هالحريم من حطوهم علي راس التعليم واحنا نري كل يوم انحطاط

:eek5::eek5::eek5:

اشدعوة الحريم ؟؟

[mooona]

اسمح لي على طرح هالسؤال اللجنة العليا للمجلس الاعلى من اعضائها ..
من وزارة التربية والتعليم اللي امضوا اكثر من 15 سنة بالوزارة وبعدين راحوا المجلس
هل مبادئهم تغيرت لما دخلوا المجلس ولا قبل اقنعة والحين شالوها وظهرت حقيقتهم سوال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[الأصيل]

اسمح لي على طرح هالسؤال اللجنة العليا للمجلس الاعلى من اعضائها ..
من وزارة التربية والتعليم اللي امضوا اكثر من 15 سنة بالوزارة وبعدين راحوا المجلس
هل مبادئهم تغيرت لما دخلوا المجلس ولا قبل اقنعة والحين شالوها وظهرت حقيقتهم سوال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

صج كلامك اختي واولهم الوزيره والحرقان ود حمده السليطي ونوال الشيخ هذيلا الي في الواجهه غير الي في الوظايف العاديه
شلوهم منيه وحطوهم هنيه وغيروا اسماء وظايفهم وزادوا رواتبهم يعني ايش بيسون اكثر من الي سووه في الوزاره ؟؟؟
وليش مسوين مجلس اعلى للتعليم اذا هم مستعيرين نصه من وزاره التربيه وجايبين النص الثاني اجانب رواتبهم تساوي ميزانية وزاره كامله ؟؟؟

[y.o.y.o]

السلام عليكم ورحمه الله

اخواني وخواتي صارت لي سالفه ودي اني اشارككم فيها

مدرس ولدي من المصححيين الي صححوا مع المجلس الاعلى اختبارات الطلاب في مشروع التقويم التربوي
المدرس يقول ان ان النماذج الموجوده بالموقع الرسمي للمجلس والملازم الي موزعينها على طلاب المدارس عشان يدريونهم على الاختبارات هي نفس الاسئلة الي يجيبونها في الاختبارات كل سنة تقريبا
السالفة كبيره يا جماعه واتمنى انه يتم التأكد من الموضوع لان نتايج الاختبارات هالسنه بتكون مزيفه ومعروف ان النتايج الضعيفه الي حققها الطلاب اكدت المستوى الضعيف للمدارس المستقله وقله كفاءه المسؤولين فيها وبالمجلس الاعلى
اذا جابوا الطلاب درجات عاليه هالسنه مب لانهم تحسن مستواهم لكن لانهم تدربوا على الاسئلة نفسها
وهذا بيكون لمصلحة المجلس الاعلى والمسؤولين الي يبون يبيضون صفحتهم الي سودتها نتايج الطلاب السنه الماضيه وبينت انهم ما قدروا يحققون تعليم افضل من التعليم الي حققته مدارس وزارة التربية الي طاحوا فيها سب وكل هذا بيكون على حساب مستقبل البلد وتعليم عيالنا

اطالب كولي امر بمراجعه الي يصير بالمدارس المستقله والي يصير باختبارات التقويم الشامل وبتصحيح الاخطاء مب التستر عليها وتزييف الواقع ولو بالغش:anger1:

لا هم مايغششون

هم يعطونا مذكرات من نماذج السنوات السابقة

عشان نعرف طريقة واسلوب الاسئلة الي بتجينا في الامتحانات

والاسئلة جاتنا مختلفة تماما

[ورقــة أمــل]

اخوي انا ماشوف فيها شي

يعني احنا في الكلية كانو يعطون ملازم واوراق تدريب بالضبط نفس طريقه الاسئلة

التغيير اللهم يكون في الارقام اذا كانت المادة حسابية

اما الاسئلة تجي من اشياء محددة بالضبط وماندرس باقي اللي ناخذه واحيانا الاسئلة تكون كووبي عن اوراق المراجعه..

وبعدين هم ماراح يجيبون كل الاسئله اللي في الملازم والاوراق بيختارون منها كذا سؤوال

وعلى الطالب يدرس كل الملزمة فوين الغش؟

صراحة مادري شتبون اذا دربوهم وعطوهم اللي بيجيهم قلتوا غششوهم واذا ما غششوهم قلتوا جابو لهم شي ماخذوه

[شيزكيك]

انا ما اشوف فيها شي بالعكس خل الطلاب يتدربون على نوعية الاسئله واشلون بتجيهم في الامتحان

واحنا بعد في الوزاره قبل اي امتحان عطي الطالبات اوراق مراجعه واسالتها نفس طريقه اساله الامتحان

[الأصيل]

ادرب الطالب على اسئله مثل الاسئله الي بتجي مب نفس الاسئله بالحرف والرقم
انا اتكلم عن المبدأ يعني المدرس الي يعطي طلابه تطبيق قبل الامتحان فيه نفس اسئله الامتحان ويصحح معاهم اجاباتهم ايش تقولون عنه ؟؟؟
ليش نسهل الامتحانات على الطلاب علشان يحلون عدل وهم في الحقيقه ما استفادوا ذاك الزود من دراستهم طول العام ؟؟؟

[بنت المنتدى]

هذا ذنب والعياذ بالله لأن النبي صلى الله عليه وسلم تبرأ من الغاش فقال (من غشنا فليس منا)


جزاك الله خير

[بو الجوري]

أخوي الاصيل ..

كوني موظف فإدارة إحدى المدارس المستقلة (ثانوي)..

صراحه الطلاب عندنا غير مبالين بالإختبارات الوطنية .. احنا نعطيهم توعيه وان هالاختبارات مهمه .. ولازم يحل بكل جديه عشان من خلال التصحيح يبين مستوى المدارس والطلاب ..

لكن لان هالاختبارات من غير درجات .. فالطالب يحل اي كلام .. حتى لو عنده نفس الاسئله!!
يقول ماعليه درجات ..

مره كنت اراقب على كذا طالب وكان الاختبار استماع .. قبل لايخلص الاستماع قال الطالب خلصت !! قلتله شلون حليت والاستماع للحين ماخلص من وين جبت الاجوبه ؟ قال استااااذ ماعليه درجات .. مب مهم !!

فالعيب مب فالمجلس او المدرسه .. العيب فالطلاب .. هم مب مهتمين ..

انا مانكر ان المدارس المستقله شبه فاشله .. لكن الطلاب هم اللي غير مبالين ..

تقبل مروري وتعليقي وتحياتي

[Fahad Alqahtani]

الاسبوع جاي عندهم امتحانات سالت اخواني قلت ليش ماتراجعون قالوا ليش والاسئلة موجودة
ومحلولة استغربت سالت اخوي العاقل بينهم وقلت صدق الكلام وقال ايه وسال مدرسه ويش الفايده من الامتحان قال له المدرس عشان محد يزعل والله انهم لعب وامتحانات التقييم الاسبوع الجاي

[الأصيل]

أخوي الاصيل ..

كوني موظف فإدارة إحدى المدارس المستقلة (ثانوي)..

صراحه الطلاب عندنا غير مبالين بالإختبارات الوطنية .. احنا نعطيهم توعيه وان هالاختبارات مهمه .. ولازم يحل بكل جديه عشان من خلال التصحيح يبين مستوى المدارس والطلاب ..

لكن لان هالاختبارات من غير درجات .. فالطالب يحل اي كلام .. حتى لو عنده نفس الاسئله!!
يقول ماعليه درجات ..

مره كنت اراقب على كذا طالب وكان الاختبار استماع .. قبل لايخلص الاستماع قال الطالب خلصت !! قلتله شلون حليت والاستماع للحين ماخلص من وين جبت الاجوبه ؟ قال استااااذ ماعليه درجات .. مب مهم !!

فالعيب مب فالمجلس او المدرسه .. العيب فالطلاب .. هم مب مهتمين ..

انا مانكر ان المدارس المستقله شبه فاشله .. لكن الطلاب هم اللي غير مبالين ..

تقبل مروري وتعليقي وتحياتي

هلا فيك اخوي ابو الجوري وصج كلامك الطلاب مب مهتمين بامتحانات التقويم الشامل لانه ما عليه درجات بس ما تكون الطريقه تغشيش الطلاب علشان ينجحون فيه !
الغايه ما تبرر الوسيله !
نتايج الاختبارات بتكون الاساس لتحديد نجاح المدارس المستقله والمجلس الاعلى في التجربه
وللاسف الكل عارف انهم فشلوا وفشلت التجربه بس النتايج بتقول العكس وما بني على باطل فهو باطل!

[الأصيل]

الاسبوع جاي عندهم امتحانات سالت اخواني قلت ليش ماتراجعون قالوا ليش والاسئلة موجودة
ومحلولة استغربت سالت اخوي العاقل بينهم وقلت صدق الكلام وقال ايه وسال مدرسه ويش الفايده من الامتحان قال له المدرس عشان محد يزعل والله انهم لعب وامتحانات التقييم الاسبوع الجاي

المصيبه محد حولك تتكلم وتشتكي وتلقيهم يا يتجاهلون الكلام يا طلعونك متخلف وما تفهم وواقف عثره في طريق التقدم
والي يبط الجبد لين قابلوهم في الصحافه ورزوا عمرهم انهم ناجحين والامور ماشيه صح والكل راضي والنتيجه لم يرسب احد !
وين صارت هذي :omg:

[maryam5]

عادي المجلس الاعلى توقع منهم كل شي

[الخيميائي]

موضوع من جانب واحد وياليت اخوي الاصيل تروح تزور المجلس الاعلى للتعليم وتستفسر عن الموضوع وترجع تقول لنا وش قالوا لك هنا بيكون الموضوع كامل :)

[ابوعلي]

لاحظت على ولدي بمدرسة من المدارس المستقلة انهم يعطونهم نماذج الامتحانات قبل الامتحانات الرسميه بحوالي 3-4 ايام ويحلون معاهم ، والولد داخل الامتحان بكل ثقة لأنه عارف الاسئله

الله يرحم ايام التربيه والتعليم :weeping:

[maryam5]

لاحظت على ولدي بمدرسة من المدارس المستقلة انهم يعطونهم نماذج الامتحانات قبل الامتحانات الرسميه بحوالي 3-4 ايام ويحلون معاهم ، والولد داخل الامتحان بكل ثقة لأنه عارف الاسئله

الله يرحم ايام التربيه والتعليم :weeping:


الله يرحم زمن اول كنا نحاول مع المدرسات يعطونا سؤال واحد من الاسئلة ولا يعطونا ويه:anger1::anger1:

يا حظهم الطلاب الحين على الاقل يخلصون دراسة بسرعة :nice:

[الأصيل]

موضوع من جانب واحد وياليت اخوي الاصيل تروح تزور المجلس الاعلى للتعليم وتستفسر عن الموضوع وترجع تقول لنا وش قالوا لك هنا بيكون الموضوع كامل :)

المدرسه ما يردون عليك :telephone:لين توصلهم بنفسك وكلامهم ما تمسك له راس من رجل والمجلس ما يردون على التلفون الا موظفه البداله عن الحلفه
يعني لازم اتعنى المطار اقابل الي بيرضى يقابلني ؟
يا جماعه الساكت عن الحق شيطان اخرس اشلون نسكت عن الغش عيني عينك ؟
مالي الا الجرايد اشتكي فيها وكانها مشكلتي بروحي مب مشكله كل طالب وكل ولي امر
وجيل كامل بينجح بالغش