الخميس 17/3/2005

[مغروور قطر]

مرحبا شباب هاه شنو تتوقعون اليوم ارتفاع او انخافض احمر او اخضر ان شاء الله اخضر في انتظار ردودكم



تحياتـــــــــــــــــــــــــــــــي ;)

[الحزين]

السلام عليكم ..
اتوقع اليوم هبوط أسعار بعض الشركات .. واستقرار أسعار بعض الشركات اي بارتفاع بسيط ...
وكذلك اتوقع ان ان يستمر ذلك يوم الأحد خلال الساعة الأولي وبعدها تصاعد قوي في معظم او كل الشركات .. ومن الاسبوع القادم ستبدأ اشتعال الأسعار الى التاريخ الموعود 3/4/2005م ، وانصح من لديه سيولة ان يحاول شراء مايستطيع شراؤه من الاسهم اليوم وبداية يوم الاحد القادم ..
والله أعلم ...
واترك التوقع لباقي الاعضاء الكرام ..

[مغروور قطر]

يسلمووو الحزين

[قطري]

هلا شباب
الحزين توقعك نفس الي صار الاسبوع الماضي
انا الصراحة مع توقعك...واذا في نزول اليوم اشتري جزء
ونشوف يوم الاحد :)

[مغروور قطر]

قطري الله يوفقك والله فرصه اذا فيه نزلو اشتر

[قطري]

ويوفق الجميع اخوي مغرور :)
اي والله ياخي مثل ماتفضلت انا باشتري هلايام
لاني اعتقد لو في نزول بيكون النزول الاخير
والله اعلم

[إنتعاش]

هلا فيك اخوي مغرور قطر

احييك على هالاستضافه الصباحيه الجميله


والله من الملاحظ ان كميات الطلب اخذت بالانخفاض بالأمس

حتى بالشركات الكبرى ذات الطلب المتزايد كـ الصناعات والمتحده والسلام والكهرباء

وان كان الحال في الثلاث افضل من حال الصناعات

إلا ان عادة المضاربين يتفاؤلون كثيرا بالصناعات

وانها مهما كان . راح ترجع وبيكون عليها طلب اكثر

عموما اتوقع اليوم يكون اكثر توازنا ً من امس

لكن اتمنى ان ما نشوف كميات عرض مش معقوله قاعده تنعرض !

فاللي عنده كم سهم يمسكهم افضل له

[مغروور قطر]

صحيح كلامك انتعاش امسكو اسهمك الخير جايكم

[qatar_moon]

اليوم اتوقع ان بيبدأ السوق بنخفاض في بعض الشركات لكن اتوقع بعد الساعه 10 ونص الاسعار بترتفع

[مغروور قطر]

والله قبل الافتتاح بعض

[بيل جيتس]

صبحكم الله بالخير اخوانى ونتمنى ان يكون اليوم اخضر على الجميع

[مغروور قطر]

الله يسمع منك بيل جيتس ويكون اخضر والله المتحده للحين ماسكه على الارتفاع عسى الله يوصلها 150

[azgert]

صباح الخير للجميع
اتوقع السوق احمر و قبل الاغلاق بيكون اخضر للجميع لاسهم والله اعلم

[بيل جيتس]

يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــتارب يسمع منك يا مغروور

لكن ياجماعه ادعوا كمان للنقل الى موهجنى معاه ترى خلاص اعصابى ضاعت مع هالسهم

[قطري]

بيل جيتس الله يكون في عونك اخوي
والله صحيح ان يلعب في الاعصاب هذا السهم
وحالياً يواجه مقاومة كبيرة واذا تعداها ان شاء الله يكمل
والله يوفق الجميع

[العنان]

السلام عليكم
صبحكم الله بالخير ياشباب البورصه :)
انا اتوقع انه اليوم راح يكون في انخفاض لفتره بسيطه بعدها بيرجع السوق يرتفع
تدريجياً ..
ما اقول غير آآآخ على العقاريه

[ibrahem]

السلام عليكم جميعا


صباح الخير

[ibrahem]

لو تراجع السوق اليوم بقوه ارى ان الشراء ممتاز

[قطري]

الله يصبحكم بالخير
الصراحة انا مادري على شنو طالع التخصصي
حتى لي الحين ماسوى ولا عملية...شي غريب
اشوف الصناعات اعطت مؤشر للنزول

[ibrahem]

بداية نزول والله اعلم

[سلطان]

صباح الخير

بيل جيتس النقل ان شاء الله عليه اخبار حلوه خلال الايام القادمه

فلا تستعجل عليه بالاضافه ان توزيع ارباح البنوك قربت ولا شك ان لها تاثير عليه

الخير مقبل ان شاء الله, لا تستعجل

[bo_yousif]

اسعد الله صباحكم ياجماعة


من اول صفقة الصناعات -10

الله يستر ويوفقنا

[القطرية]

السلام عليكم اخواني

صبحكم بالخير
توقعاتي تنزل بع الشركات لكن بترتفع على طول ...

[بيل جيتس]

يارب ياسلطان يارب للحين نزل 7 ريال

الله يستر

[ibrahem]

ياجماعه حتى لو صار نزول ممكن في نفس اليوم يرتد السوق او يوم الاحد


يعني انصح انك تشتري ولا تخاف

[العنان]

ما عليكم ياشباب من نزول بعض الشركات بترجع ترتفع بس الاهم ماتزيد كمية العرض على الطلب بشكل كبير

[ibrahem]

فرصة الشراء الان الموواااااشي لاتفوتونها اي ارتداد بيصير اول شركه راح تكون لمت اب اهي

[سلطان]

العقاريه طالعه بقوه والمتحده كالعاده عرض صفري وطلب كبير والصناعات اليوم ما عليها طلب قوي

[العنان]

محد راضي يبيع في العقاريه لحد اللحين , الكل يبي الاسهم المجانيه والاكتتاب

[roadrunner]

السلام عليكم.

شباب ... الأسعار لو سمحتوا

[بيل جيتس]

وين اخونا قطر وانتعاش

اليوم عسى ما شر

[محمد]

صبحكم الله بالخير
يا جماعه الي يسألون عن الاسعار تقدرون اتابعونها مباشرة من هنا !
http://www.dsm.com.qa/site/flash/dsm_live_quotes.asp


يالله يالوقود شد حيلك <<< ما صار سهم يشجع المنتخب :p

[ibrahem]

ياجماعه حد يتابع الاسعار عن طريق جوال الاي ميت؟

[سلطان]

محمد في كثير من الدوائر الحكوميه مسويه حظر على موقع البورصه ولهالسبب في اخوان

تسأل عن الاسعار

[bo_yousif]

محمد في كثير من الدوائر الحكوميه مسويه حظر على موقع البورصه ولهالسبب في اخوان

تسأل عن الاسعار



صح كلامك ياسلطان


الله يهديهم هاملين المعاملات ومشاهدييين البورصة

خربوا على نفسهم !!!

[سلطان]

لا حظتوا السلام يا شباب كان عرض صفري وطلب 260 الف سهم

انباعوا في لحظه وبدا السعر ينزل

[قطر]

صبحكم الله بالخير

بيل جيتس هلا والله


موجود اتابع بس مشغوووووول حدي فاسمحوا لي اليوم



السلام صار فيه نسم للشراء

بس لولاحظتوا الحركة220 الف سهم تقريبا ادفعووهم مره وحده

ونزلوا السعر

:)

بس مقاوم هو سهم مرغوب جدا


الدوحة غيرب امره مابقى شي على جمعيته

المصرف ايش فيه انتكاسه ؟؟ شكلها لعبة كبار :)


ووهلا فيكم

[مغروور قطر]

ياشباب فرصه لشراء لحد يفوته هل فرصه اشترو

[إنتعاش]

الوطني300
تجاري 330
مصرف 505
دولي 472
الدوحه 408
الاهلي 160
- - - -

[إنتعاش]

قطر تامين 237.5
دوحه تامين 92.5
العامه للتامين 545
الخليج للتامين 319
الاسلاميه للتامين 397

[سلطان]

شباب انتعاش وقطر وينهم اليوم مالهم صوت, الظاهر تعبوا من تلفونات المجموعه وقرروا

يروحون بنفسهم البورصه :d

[ibrahem]

المواااااااشي متجه لمت اب ياجماعه الي عندده سيوله يشتري فيه

[إنتعاش]

تحويليه 81
اسمنت 410
مطاحن 50.9
صناعات 239
متحده 89.1
طبيه 49.6

[سلطان]

الاخ قطر وانتعاش صبحكم الله بالخير , واسمحوا لي توني مشيك الصفحه السابقه

ونورتوا منتدى النقاش الاقتصادي

[المستشار]

نص ساعة على بداية المبارة
ولحد الان الصناعات راس حربة ومفتل عيني عليه باردة
والمصرف الجناح الأيمن مالي مركزة والهجمات المرتدة كل عن طريقة
والنقل طايح متعور كسروة الكبار حسبي الله عليهم
والعقارية الظهير الجامد والله ثابت مثل الصخرة
والله يعين الحطياط المواشي والمخازن
معلش هذا فريقي اللى اتابعة بس

[نوكيا]

الصراحه
أي واحد عنده سيوله ومخليها في الحساب ويتفرج غلطااااان
السوق اليوم أحمر (مثل الصناعات) نزول زين للي يشتري
يعني على الأبداية الاسبوع الجاي إرتفاع انشاءالله
إذا كان خايف يبيع في بداية الاسبوع!!

صح أولا ؟؟

[bo_yousif]

اييييييييييييييييييش آآآآآآآآآآآآخذ ؟؟؟؟؟؟


انا بشتري

[إنتعاش]

كيوتل 360
كهرباء 117
النقل 191
العقاريه 209.3
السلام 54.5
اجاره 85.7
ملاحه 210
تخصصي 117
فحص فني 90.8
سينما 82.9
وقود 151
مواشي 58
مخازن 68.9

[مغروور قطر]

شباب مواشي ومخازن متجه الى اب لمت الحين مخازن 70 ومواشي 59 قربت من اب لمت

[سلطان]

البنوك اليوم نازله كلها تقريبا , ما ادري هل هو تجميع ولا تصريف!!! والمنطق يقول تجميع

[مغروور قطر]

بنك الدوحة جدا ممتاز سعره ياجماعه 409

[مغروور قطر]

ياجماعه والله الدوحة لتامين موب سعرها صدوقني خلال اشهر مو اقل من 140 ريال

[الوضع ما يطمن]

الوضع ما يطمن يالربع

[نوكيا]

الصناعاتتتتتتت الحين رد في الاربعيناااااااااااااات
مبروك للي شرا ويبيع الاسبوع الجاي

[ibrahem]

المواااااااااااااااااااااااشي 59


باقي شوي على اللمت

[الوضع ما يطمن]

شباب مواشي ومخازن متجه الى اب لمت الحين مخازن 70 ومواشي 59 قربت من اب لمت


:confused:

[مغروور قطر]

الوضع مايطمن بلعكس فرصه لشراء لكيان اشتر وبتحصل سعر االكيان

[قطري]

ياجماعة حد ردو عليه المجموعة؟
:mad: :mad: :mad:

[العنان]

يارب ترتفع مواشي زياده وزياده

[الحزين]

ياجماعة مثل ماقلت لكم في البداية ، شيء متوقع هذا الانخفاض اليوم ، وسيستمر الانخفاض خلال الساعة الاولى يوم الاحد القادم ، وبعدها ياتلحق ياماتلحق ... من الملاحظ ان نفسيات الناس لها تأثير على السوق .. السوق يحتاج الى قلب قوي ، والهوامير يستغلون نفسيات الناس حتى يشترون من الصغار بسعر نازل وبعدها يرفعون السعر فيغرون الصغار بالشراء على ان الارتفاع في الزيادة وهكذا يحاولون التحكم في السعر ...
انا مع من اقترح ان يحافظ كل واحد على اسهمه اللي عنده خاصة اذا كان غير محتاج للسيولة حالياً ... اليوم يوم شراء وليس يوم بيع ..
والله اعلم

[مغروور قطر]

اخوي ضبط لك حد من المجموعه بوكر ويفك لك الازمه وايد مضبطين وبخاشيش وعلى الجوال يحطون اوردرات

[مغروور قطر]

صحيح كلامك اخوي الحزين 100%

[قطري]

والله الظاهر هذا الي ماشي
الله يبعدنا عن الحرام :cool:
يعني لو يمنعون الجوال على الموظف بنرتاح

[قطر]

سلطان هلا ومرحبا :) يسعد صباحك

ملاحظتي في السلام في نفس توقيت ملاحظتك :)


........ بيذبحونا اليوم عقب ماقروا مقال الشرق

[العنان]

الوضع مايطمن لاتفوتك المواشي اذا ماخذت فيها خذ ...

[مغروور قطر]

شباب وش رايكم ابيع المتحده انا شاري على 33 او اصبر بتروح بعد

[الوضع ما يطمن]

المواااااااااااااااااااااااشي 59


باقي شوي على اللمت


اخ لو اني شاري اليوم بالعشرين الف اللي عندي :confused:

[مغروور قطر]

هههههه الوضع مايطمن شكلك بتجلس 20 الاف وبتشتري 50 سهم في مواشي بعد اسبوع امس كانت 160 سهم

[الوضع ما يطمن]

الوضع مايطمن لاتفوتك المواشي اذا ماخذت فيها خذ ...

المشكلة خو النحله اللي مكلمة البارحه حشرت تلفونه ولا يرد علي معطي عمه الاذن الصمخه
قهرني ياخي متوهق ماعرف شي في السوق اشلون يشترون الاوادم

اتهقى يمديني اشتري يوم الاحد ؟

:(

[الوضع ما يطمن]

هههههه الوضع مايطمن شكلك بتجلس 20 الاف وبتشتري 50 سهم في مواشي بعد اسبوع امس كانت 160 سهم


شسوي ياخوك اللي مكلمه يشتري لي عطاني فنغر وقهرني :confused:
انزين اشتري الاحد على 60 ؟؟؟؟

واتهقى متى بيوصل السهم على 100 ؟؟

اذا قريب يعني شهرين ثلاثه قول لي فديت خشمك عشان اشتري
لاني متحطم وشكلي باهون :(

[مغروور قطر]

والله يا اخوك السوق مايطمن وليش ماتشتري اليوم حاول معاه تو الوقت او افزع لسوق الحين وانت جالس على النت مديك تشتري والله فرصه لك التوقع وصلها على شهر اربعه 70 الى 75

[العنان]

الوضع مايطمن تلاحق عمرك دق موترك سلف وتوجه على البورصه على طول المواشي اذا
بتقعد تنطر مب مجمع لك شي عدل

[مغروور قطر]

خله شكله بي هون من الكيان الى كامري

[ابوسعود]

المجموعه وما ادراك ماالمجموعه
محد صوبك يمكن الموظفين اجازه
ولا شسالفتهم

[العنان]

الوضع مايطمن انا اتوقع اليوم مواشي بتوصل 60

[ibrahem]

لمت المواشي 59.9

[ibrahem]

السوق بدأ يشتد في النزول الله يستر

[BusinessWoman]

صبحكم الله بالخير

شسالفه الملاحه كل يوم قاعده تنزل ؟؟؟؟؟؟؟؟

[صافي النوايا]

اخيراً .. صدت لي خط فالمجموعة .. بعد 4 مكالمات بلا اي رد

اتصور الصناعات فرصة .. ينشرى اليوم .

شريته ب 239

اتصور سعر جيد .. والقادم افضل

[الحزين]

عليك بالعافية اخوي صافي النوايا .. وانشاءالله يرزقق بها أكثر وأكثر

[مغروور قطر]

الله يوفقك وان شاء الله توصل 300

[سراب الامل]

صباح الخيرات

ياجماعة ماتلاحظون ان المتحده والسلام والايجارة والعقارية

ماعليها اي عرض وماتلاحظون على المتحده الرقم اجمالي الطلب كم يوصل

الناس تحاول تشتري بالمتحده بس ماكو عرض

استفسار ليش المتحده عليها طلب كثير وتقريبا صارت تساوي الصناعات كانها هي ترمومتر الاسهم الثاني بعد الصناعات

[مغروور قطر]

المتحده طالع عليها اشاعه فيها زيادة راس المال 100%

[نوكيا]

مغرور شريت شي اليوم ولا للحين ؟؟

[مغروور قطر]

والله يا اخوي انا شاري من الصيف بصراحه وماسك وماشريت ولا بعت والحمد الله رب العاملين

[بيل جيتس]

النقل والصناعات كل ما يحاولوا يطلعوا يضربوهم على راسهم ليش يعني ... والله حرام

ما جول غير الله يهديهــــــــــــــــــــــــــــم

[تيمور]

السلام عليكم
مشترك جديد اتمنى اني اكون مشارك فعال في طرح المواضيع والرد عليها ان شاء الله

اليوم المؤشر أحمر ولو انه بعض الشركات وصل الليمت فيها up

والسلام ختام

[ابوسعود]

كلامك صحيح مغرور قطر الزياده سبب قوي
لارتفاع المتحده
والعقاريه

[العنان]

احلى سلام للمواشي 59.9 ليمت اب

[المستشار]

مرحبا يا تيمور
وشد حيالك

[ابوسعود]

اهلاااااااااااوسهلاااااااااا
تيموووووور
حياك الله وننتظر مشاركاتك
ونورت المنتدى
تقبل تحياتي
ابوسعوود

[مغروور قطر]

مرحبا اخوي تيمووور ومرحبا فيك بين اخوانك ونبي نستفيد منك وتستفيد منا

[العنان]

مرحبا بك اخوي تيمور

[قطر]

اهلا ويهلا تيمووووور

وان شالله تستفيد معانا

[نوكيا]

ياهلا فيك تيمور ونشالة تستفيد معانا وننتظر مشاركاتك

[الوضع ما يطمن]

والله يا اخوك السوق مايطمن وليش ماتشتري اليوم حاول معاه تو الوقت او افزع لسوق الحين وانت جالس على النت مديك تشتري والله فرصه لك التوقع وصلها على شهر اربعه 70 الى 75

يالربع ماعرف شي في السوق اشلون يعني اروح ادرعم واقول لهم عندي عشرين عطوني اسهم مواشي :mad:

[بيل جيتس]

ياترى النقل بدأ يعطونه اكسجين ولا هذا تهيأت

[الوضع ما يطمن]

الوضع مايطمن تلاحق عمرك دق موترك سلف وتوجه على البورصه على طول المواشي اذا
بتقعد تنطر مب مجمع لك شي عدل


:confused:

[مغروور قطر]

اخر 20 دقيقه تشهد ارتفاع طفيف

[الوضع ما يطمن]

خله شكله بي هون من الكيان الى كامري

زين لو كامري الا كورلا لا وعليها اقساط :d

[الوضع ما يطمن]

اخيراً .. صدت لي خط فالمجموعة .. بعد 4 مكالمات بلا اي رد

اتصور الصناعات فرصة .. ينشرى اليوم .

شريته ب 239

اتصور سعر جيد .. والقادم افضل

نصيحه مني بيع قبل مايفتحون حق الاجانب باسبوع لانه بيوصل 250 ريال
واول اسبوعين بيخق لين يوصل 200 ريال

ترى ذي كلام رفيجي مب انا لاني قلت له انك شريت بهالقيمه


:confused:

[العنان]

اخوي الوضع مايطمن اول شي روح البورصه وافتح لك حساب عندهم عقب روح حق اي شركة وساطة
وحط هندها طلب شراء الاسهم اللي تبيها وبالسعر اللي تبيه

[azgert]

من الي يعرف وشو السهم الوحيد الي ما نزل من شهر كله لميت اب يعني من تاريخ 17-2-2005

[مغروور قطر]

السلام هو اسهم الي مانزل

[نوكيا]

انا مو فاهم ليش الناس يبيعون الصناعات اليوم ؟ :confused:
باقي اسبوعين تقريباً على 3/4 في مجال السعر يرتفع بقوه :mad:

[LTX]

السلام هو اسهم الي مانزل


لحد ينسى العقارية :rolleyes:

[ابوسعود]

اخوووووووووي سهم الصناعات

مامنه خوف لان السعر الحالي مب سعره

ومع دخول الاجانب بيرتفع اكثر بس يبيله

صبــــــــــــــــــــــــــــــــــــــــــــــــ ـــــــــــر

ابوسعوووووووووووووود

[azgert]

هذيلي الي يتظاربون با الاسهم يبيعون و يشترووون ويطلعله كم الف ولا كم أميه

[الوضع ما يطمن]

اخوي الوضع مايطمن اول شي روح البورصه وافتح لك حساب عندهم عقب روح حق اي شركة وساطة
وحط هندها طلب شراء الاسهم اللي تبيها وبالسعر اللي تبيه

فتحت احساب وعطوني رقم مساهم انزين اي شركة وساطة اروح يمدحون الاسلامية واذا حطيت السعر وعدد الاسهم اللي ابيهم يشترون لي في شركة الوساطة والا يعطوني اشكل

واشلون ادفع لهم لفلوس كاش والا شيك مسحوب ؟؟

:confused:

تعبتك معاي السموحة منك بس اخوك ضايع في الطوشه

[الوضع ما يطمن]

انا مو فاهم ليش الناس يبيعون الصناعات اليوم ؟ :confused:
باقي اسبوعين تقريباً على 3/4 في مجال السعر يرتفع بقوه :mad:

ايه صح ليش يبيعون يقولك بيوصل 250 ريال الاسبوع الياي :D

[azgert]

الله يعينك يلي تشرح حق الوضع ما يطمن و الله انقترح علا المشرف يضع تعليمات كيف والطريقه لتكون مساهم في الاوراق الماليه حق الاعضاء و الطرق الاسهل من احسن واحد يشرح حق عضوا علا المنتدى
ولكم الشكر

[مغروور قطر]

وهكذا انتهت فترة التداااااااوم واقووول ياريت ان السوووق شغال 24 ساااعه عشان محد ينااااااااااااااام

[الوضع ما يطمن]

الوضع ما يطمن قبل لا تقفل الموضوع :d

[الوضع ما يطمن]

الله يعينك يلي تشرح حق الوضع ما يطمن و الله انقترح علا المشرف يضع تعليمات كيف والطريقه لتكون مساهم في الاوراق الماليه حق الاعضاء و الطرق الاسهل من احسن واحد يشرح حق عضوا علا المنتدى
ولكم الشكر

انت بدال ماتقول هالشي كان كتبت لك شي وعلمتني وكسبت لك اجر :mad:

لقيت الموضوع في الصفحة الرئيسية خلاص فيه الشرح جزاك الله خير اخوي العنان تعبتك معاي
واخوي قطر بعد يعطيك العافيه

[الشقيان]

الصنااااااااااااااااااااااااااعااااااااااااااااااا اااات

[قطر]

وبذلك ينتهي يومنا هنا تابعونا في بعنا وشرينا

:d