بخصوص ورقة عرض السعر من المعااارض

[اهـم001]

السلام عليكم اخواني بغيت اعرف شي وبغيت اجابه منكم الحين علشان ورقة عرض سعر من المعارض ياخذون من الشخص من 1000 الى 3000 ريال مع ان السيارة مب من عنده من برع بس البنك يبي عرض سعر ليش يقولون معامله بنكيه مع ان هالشي اشوفه مبالغ فيه واااااااااااايد ياليت اتجاوبوني وتفهموني هي حق لهم ولا حرام عليهم

[الدم البنفسجي]

صح كلامك اخوي وحد من الربع راح كذ معرض وحد يقول 1500 وحد يقول باخذ من شيك 3000 والله حرام االمفروض يوحدون سعر مب كل وحد يحط سعر على كيف واذا تعرف راعي المعرض الورقه بلاش

[سفيرالاحزان]

لا تعليق

[راعي ال2008 الاسود]

بالتوفيق

[مهاجر]

انا عن نفسي ماعرف راعي المعرض وخذت عرض سعر من المعرض بلاش

مادري يمكن يعتمد على سعر الموتر ونوعه ؟

[لوسيل]

العمولة 2000 للي تحت 100 ألف ريال ... و3000 للي فوق 100 ألف (هاذي الأسعار توها جديده )

وقبل كانت العمولة 1000 للي تحت 100 ألف و2000 للي تحت 100 ألف ( الأسعار القديمة )

لا تلومون المعرض لأن راعي المبنى يرفع عليهم الإيجار كل سنة .. يعني المعرض كنا ندفع له 3500 والحين وصلنا 8000 تقريباً .

بس الأسعار الجديدة ماتتطبق وايد يعني تقريبا نفس الاسعار القديمه إلي 1000 و 2000

ومندوب المعرض هو إلي يتابع الموضوع ويختم الأوراق ويروح المرور ويقلب الأسامي والبنك يطلب السيارة من المعرضعشان يعاينها وتنزل الفلوس في حساب المعرض ويروح المندوب ويصرف الشيك ويخلص الموضوع .. يعني عوار راس

[al.wafe]

لا عوار راس ولا شي


اخوي يريت اتقولي انت اي بنك وانا راح اساعدك

[X 4 X]

؟؟ سؤال ؟؟

واذا السياره مرهونه ع بنك مثلُ...والريال يبغي يبيعها كاش..هل المعرض هو اللي يتكفل بهاي الموضوع؟؟

[المنشــــــر]

صح كلام الاخ لوسيل

وكل شي مرتفع اللحين

[لوسيل]

؟؟ سؤال ؟؟

واذا السياره مرهونه ع بنك مثلُ...والريال يبغي يبيعها كاش..هل المعرض هو اللي يتكفل بهاي الموضوع؟؟


راعي السيارة لازم يروح البنك ويفك الرهن ويجيب ورقة فك الرهن ( 300 - 500 ) قيمة فك الرهن على حسب البنك وعقب يقدر يبيع كاش ... لأن ورقة فك الرهن توديها للمرور وهناك يقلبون الملكية باسم الشاري وتتم السلفية على البايع ويدفع كل شهر :) إلا إذا دفع فلوس الموتر للبنك وصكر السلفية إلي عليه

[اهـم001]

ومندوب المعرض هو إلي يتابع الموضوع ويختم الأوراق ويروح المرور ويقلب الأسامي والبنك يطلب السيارة من المعرضعشان يعاينها وتنزل الفلوس في حساب المعرض ويروح المندوب ويصرف الشيك ويخلص الموضوع .. يعني عوار راس






الشيخ انا الي تابعت الموضوع بنفسي وخلاصت موضوع البنك من عندي وانا جبت له الشيك لين عنده ارجووك قولي المعرض اش سوى حق هاموضوع ابي ردك ابي اعرف ليش خذو علي 2000 لا ويقولي معامله بنكيه هو ما تحرك مندوبي الخاص هو الي يستاهل 2000 مب المعرض علشان ورقه واشوي حبر 2000 ما ادش البال واذا ارفعو الايجار عنده سيارات في المعرض انا كنت ابي ورقة (كوتيشن) بس

[اهـم001]

مشكورين الجميع على المشاركة بس بغيت اعرف من حق المعرض ياخذ هالمبلغ

[لوسيل]

إذا أنت إلي راكضت وسويت وخلصت مالهم حق تبي الصراحه ... يعني لو بياخذ 500 كفاية عليه عشان الختم والكوتيشن ... بس باقولك شي .. ليش مانلوم البنك نفسه ؟ ليش ورقة من المعرض يعني ؟ أنا باشتري سيارة من رفيجي مثلاً شفيها لو رحت البنك وودينا السيارة لهم ووقعنا أحنا الأثنين على الاوراق وتنزل الفلوس في حساب البايع وانتهينا ... يعني العتب على البنك مب المعرض ... والمعرض إلي بياخذ ألف ولا الفين لازم يخلص الموضوع من ألف للياء وتستلم سيارتك أو فلوسك وانت مرتاح بس اللهم تمر البنك وتوقع على الاوراق والشيكات وبس .

[بومشاري؟]

يا شباب انتبهو هذا نوع من انواع الربا

[الجوكر90]

انا عندي واحد من الاهل شرى موتر قبل يومين والموتر كان سعره 250 الف وراح حق راعي المعرض وطلب منه يعطيه ورقه وعطاه ب1000 ريال بس مب نفس الي بعض المعارض يطلبون بس المشكله ماعرف اسم المعرض بسال عنه وبعطيكم خبر

[HADi]

انا اكثر من مره اشتري سياره ..

اتواعد مع البايع في البنك ونخلص الموضوع

من غير عوار راس

[اهـم001]

المشكله في البايع اذا ما اقدر اقوله تعال البنك انخلص او مسافر فلازم اخلص عن طريق المعرض بس لا حول ولا قوه شنقوووووووول كله فلوس هالدنيا نسو ان في حسااااااااب في الاخره مشكورين على الردود الطيبه......... تحياتي لكم