قطر وعمان تفصح عن بياناتها المالية للربع الأول من العام 2008

[عزوز المضارب]

(17/04/2008) قطر وعمان تفصح عن بياناتها المالية للربع الأول من العام 2008



أفصحت شركة قطر وعمان للإستثمار عن بياناتها المالية الربعية للفتره المنتهية في 31/03/2008 , حيث بلغ صافي الربح 4.9 مليون ريال قطري.


كما بلغ العائد على السهم 0.16 ريال قطري في الربع الأول من العام (2008).

[النعيمي وبس]

يعطيك العافيه

[alsahran]

ارباح اقل من المتوقع...الله المستعان

شكرا لك

[GaaaZ]

عائد سهم قطر وعمان للربع الاول اعلى من عائد السهم الذهبى ناقلات للربع الاول بس للمضاربات دور رئيسى بصعود الاسهم متى يصير قطر وعمان سهم ذهبى

[GaaaZ]

التوزيعات النقدية المتوقعة من السنة الأولى إلى السنة الخامسة
0.12 ريال للسهم
1.06 ريال للسهم
9.06 ريال للسهم
2.77 ريال للسهم
9.18 ريال للسهم
الأجمالي 22.19 ريال للسهم
ارباح اقل من المتوقع...الله المستعان

شكرا لك
لاحظ اخوى ان العائد للربع الاول اعلى من المتوقع للسنة كلها واللة الموفق حسب دراسة الجدوة الى سوتها الشركة ومبروك لملاك السهم مع انى كنت متوقع على الاقل نص ريال لا كن العجلة مو زينة واللة الموفق

[essa12]

العائد المتوقع لسنة كاملة حسب دراسة الجدوى 12 درهم
والعائد للربع الاول 16 درهم اي اعلا من سنة كاملة اي ارباح ااكثر من المتوقع
مبروك لملاك السهم

[Clueless]

نشوف ردة فعل السهم يوم الاحد على الاعلان
والله الموفق

[Clueless]

عائد سهم قطر وعمان للربع الاول اعلى من عائد السهم الذهبى ناقلات للربع الاول بس للمضاربات دور رئيسى بصعود الاسهم متى يصير قطر وعمان سهم ذهبى


لا فض فوك اخوي

ولكن اين عقلاء الاستثمار من هذا السهم؟؟؟؟؟؟؟

[العقيد]

عائد سهم قطر وعمان للربع الاول اعلى من عائد السهم الذهبى ناقلات للربع الاول بس للمضاربات دور رئيسى بصعود الاسهم متى يصير قطر وعمان سهم ذهبى

لايوجد اي مجال للمقارنه بين الشركتين ولو بنتكلم من هذا المنطق فسهم السلام موزع 12.5% اسهم مجانية وسعره اقل من قطر وعمان

[العقيد]

اخوي عزوز هل وضحت الشركة مصدر ال 4.9مليون هل هي ارباح تشغيليه ام فوائد وديعة اموال المساهمين في البنك .

[GaaaZ]

لايوجد اي مجال للمقارنه بين الشركتين ولو بنتكلم من هذا المنطق فسهم السلام موزع 12.5% اسهم مجانية وسعره اقل من قطر وعمان
اخوى العقيد ومن قالك ان سهم السلام مو مركعينة عدل العدل حالة حال سهم قطر وعمان بس تاكد ان لهم حظ من الصعود بس متى روح اسال التجار والهوامير قولهم مت ادشون اللة يطول اعماركم واللة الموفق

[كلمة مرور]

سهم قطر وعمان ذهبي بل ماسي ويبيله صبر وراح يجي دوره قريبا..................

[Clueless]

سهم قطر وعمان ذهبي بل ماسي ويبيله صبر وراح يجي دوره قريبا..................

ياخوي كلمة مرور والله الواحد تعب من كثر ما يقول هالكلام.............. بس خلهم علشان لما يرتفع السهم فوق الثلاثين بعد كم شهر ان شاء الله يجون يركضون ونعطيهم اياه وناخذه من تحت بعد ما يقطونه ...... وهذا ما جناه على نفسه وكل واحد مكتوب له رزقه من الرازق

الله يوفق الجميع الى ما يحب ويرضى

[مكنتوش]

ياخوي كلمة مرور والله الواحد تعب من كثر ما يقول هالكلام.............. بس خلهم علشان لما يرتفع السهم فوق الثلاثين بعد كم شهر ان شاء الله يجون يركضون ونعطيهم اياه وناخذه من تحت بعد ما يقطونه ...... وهذا ما جناه على نفسه وكل واحد مكتوب له رزقه من الرازق

الله يوفق الجميع الى ما يحب ويرضى

الحين يقطون الناقلات اللي عطتهم 14 ريال وقطر عمان 0.30-

تراني من ملاك قطر عمان :tease:

[Clueless]

الحين يقطون الناقلات اللي عطتهم 14 ريال وقطر عمان 0.30-

تراني من ملاك قطر عمان :tease:

حبيبي مكنتوش .... الله يخليك عطني سبب واحد يخلي ناقلات ترتفع الى هذا السعر ؟؟؟؟ هذي والله التعليقة اللي الله يستر منها

ياخوي ترى السوق ما له امان ,,,, يا ما شفنا اسهم فوق وما حد قدر يلحقها والحين اسفل سافلين ما حد يبيها يوم خذو الكبار ثمرتها ونشبوها في حلوق الضعوف