ياجماعة حاجز سيارة من شهر واحد

[بويوسف]

مش معقولة وكاله عبدالغني .. متى بتوصل السيارة؟؟

ياخي الواحد بفلوسه ويحس انه ينذل مايسوة علينا !! هل يوجد حل ثاني يا اخواني؟ والا مالنا الا انتظار اتصال من الوكالة ؟؟

[الـخـور]

انت من شهر واحد

انا اعرف واحد حاجز من نهاية شهر 11 وللحين ما استلم موتره

[بويوسف]

انت من شهر واحد

انا اعرف واحد حاجز من نهاية شهر 11 وللحين ما استلم موتره

معقولة ؟؟؟؟؟؟؟؟ ماهي الاسباب وهل هذا بعلم الادارة العليا؟؟

ولماذا نرى السيارات الجديدة تجوب البلد وهل هناك واسطة بالموضوع؟

[A.L.I]

انا اعرف واحد حاجز من 12 وللحين ما استلم

[بوحارب]

الله يعينكم

بويوسف مبروك مقدما ^ ـــ *

[بويوسف]

انا اعرف واحد حاجز من 12 وللحين ما استلم

عبالي بروحي :rolleyes2:


الله يعينكم

بويوسف مبروك مقدما ^ ـــ *

ههههههه والله انت :victory:

ماتدري بحالتي :(

[The Doctor]

ياخي هالوكاله مافي أتعس منها في كل شي ,, لا اهتمام في العملاء والشغل ماشي عندهم بالواسطه , يعني لو تحجز قبل سنه ويكون في بعدك واحد عنده واسطه او واصل ( او اي مسمى من المسميات اللي مالها لزمه ) ممكن انه يخذ حجزك وانت يأخرونك ,, الود ودي يابويوسف ان الناس يبدون يفكرون انهم يدزون ايميلات حق الشركه الام في اليابان عن كل المشاكل اللي يلاقونها مع هالوكاله التعيسه ,,

[بويوسف]

ياخي هالوكاله مافي أتعس منها في كل شي ,, لا اهتمام في العملاء والشغل ماشي عندهم بالواسطه , يعني لو تحجز قبل سنه ويكون في بعدك واحد عنده واسطه او واصل ( او اي مسمى من المسميات اللي مالها لزمه ) ممكن انه يخذ حجزك وانت يأخرونك ,, الود ودي يابويوسف ان الناس يبدون يفكرون انهم يدزون ايميلات حق الشركه الام في اليابان عن كل المشاكل اللي يلاقونها مع هالوكاله التعيسه ,,

يعني في فايدة؟

[The Doctor]

للأسف احنا وايد نستخف بمسألة الشكاوي .. لان عودتنا المؤسسات والشركات المحليه ان الشكاوي مكانها الوحيد الزباله ( الله يعزكم ) , بس هالنظريه ما تتطبق بره , هناك في أقسام كبيره في الشركات العالميه تهتم براي كل مستهلك كبير او حتى صغير .

[Mody]

أخوي أذا انت واصل أو عندك واسطه وتعرف حد من عيال عبدالغني

طرش فلوسك وبالتلفون تستلم في أقرب فرصه لكن لا تنطر هالكثر

بصراحه حرام اللي دافع وقاعد ينطر ثلاث واربع وخمس شهور

ترى نفسه بتصد من السياره أو انه ياخذها من مكان ثاني

أو دوله مجاوره ويطب ويتخير من المواتر المعروضه

[بويوسف]

أخوي أذا انت واصل أو عندك واسطه وتعرف حد من عيال عبدالغني

طرش فلوسك وبالتلفون تستلم في أقرب فرصه لكن لا تنطر هالكثر

بصراحه حرام اللي دافع وقاعد ينطر ثلاث واربع وخمس شهور

ترى نفسه بتصد من السياره أو انه ياخذها من مكان ثاني

أو دوله مجاوره ويطب ويتخير من المواتر المعروضه


على يدك للاسف مب واصل :rolleyes2:

[فلفل حار]

روح الوكاله زن علي راسهم

انت الله يهديك قاعد تنطر اتصالهم ، مثل الي ينطر ربح السحب علي مليوون

ياخي تحرك وفك عمرك :)

[Mody]

جرب وشوف عطهم العين الحمره شوي - عل وعسى

[نايف عمار]

الله يوفقك اخووووي ومبروووك عليك الموتر مقدمـا

[HORK]

هين افلوسك ولا اتهين نفسك اخوي
المعارض مليانه موتر 2008 وارد عبدالغني
زيد كم الف واستلم اصفار وفوري
وسلامتك اخوي

[الأختصاصي]

للأسف
لازم يكون عندك واسطه او تبخشش من تحت الطاوله
هذي شركة التويوتا
ناس تبدل كل شهر لون وماعمري سمعت انهم ناطرين بالدور
واحد من الشباب سلموه في اكس ار ابيض وكان طالب لولوي
يوم راجعهم قالوله تعال بداية شهر خمسه
وتخير اللون الي تبيه رضوه له لو واحد غيره قالوله مافي اله هاللون تبي ولاكيفك

[ليث العرين]

هل السعر تغير او نفس وقت الحجز

[المارونـــي]

والله ياخوي هي ترى كلها لعبه
عندك حد تمشي
ماعندك توقف مكانك
وان كانك تبي النصيحه
مالك الا تدش على عبدالرحمن عبدالغني
انت شاري بفلوسك ماهي بمعطينك اياهها بلاش
تقبل مروري اخوي والله يوفقك ان شاء الله

[فلفل حار]

كلام الاخوان كله صح وماقصرو :victory:




هل السعر تغير او نفس وقت الحجز

يتغير الشيخ ومابتعرف قيمة موترك الا حزت مايوصل وتروح تدفع فلوسه :weeping:

[ولد شرق]

انا الصراحه ماشوف الغلط من وكالة التويوتا
انا اشوف الغلط منا احنا شباب قطر واقفين طابور عند الوكاله جنه ميتيين من الجوع وناطرين قرص خبر
لا احترام من الوكاله ولا خدمه ولا شي واتروح الوكالات الثانيه يحترمونك وتستلم سيارتك على طول

ياخي رحت الوكاله اسأل عن اسعار اللكزس الفورويل والفي اكس آر جنك قاعد تطلب صدقة منهم
يكلمك باحتقار ويعطيك نص المعلومه
تفلت عليهم ورحت وكالة الرنج
وشوف الفرق

[قطري33]

اخوي بويوسف .... مــســـاك الله بالخـيــر
لاتروح لعبدالرحمن ولا تراويهم العين الحمره ولا حتى العين الخضره
انا قبلك كنت حاجز موتر من شهر 12 توني مستلمه اسبوعين
اول شي عبدالرحمن مايقابل احد الا بالصدفه وهو طالع من مكتبه شاف احد يعرفه وقف وسلم عليه ... بالعاده بيسألك مدير مكتبه عن موضوعك وبيقولك انا بكلم مدير المبيعات هشام وان شاء الله وان شاء الله وبيراضونك بكم كلمه وبتكون ماسويت شي حرقت اعصابك ع الفاضي .
ثانيا الواسطه بكل مكان وبكل ديره... ماتقدر ليش فلان عطيتوه سياره وانا لاء
اصبر وانا اخوك ان الله سبحانه وتعالى معا الصابرين ... ولعل في الامر خير لك ان شاء الله
وبلمبارك اخوي بويوسف مقدما ان شاء الله .
وتقبل مروري ...

[الـخـور]

معقولة ؟؟؟؟؟؟؟؟ ماهي الاسباب وهل هذا بعلم الادارة العليا؟؟

ولماذا نرى السيارات الجديدة تجوب البلد وهل هناك واسطة بالموضوع؟

واسطة اشكره

وبعدين لو انت ماتحن عليهم وتذكرهم ينسونك

احسن شي انك تشتري الي بالمعارض وتفك عمرك

[اكسجين]

يضرب الحب شو بذل...!!!!

[بومحمد978]

الطيب روح الاحساء فى الوكاله اتصل اذا عندهم المواصفات الى تبيه حول المبلغ واستلم الموتر عند المركز سلوي ولاتعور راسك الان انا سويت واخذت استنادر من السعوديه لمدة اسبوع فقط والموصفات احسن

[ولد قطــــــر]

اخوي جرب التضامن .. انا اعرف واحد حاجز سيارة في شهر 3 .. واستلم السيارة من كم يوم ..

[ANONYMOUS]

واحد من الشباب ودى فلوسه معاه الوكاله..

3 ايام اتصلوا له قالوا له تعال استلم

والموتر جي اكس

يمكن ال في اكس ار غير ؟

[abdulla88]

السالفه واسطات هاي الي اقدر اقوله لك والله يعين

[H A S S A N]

انا اعرف واحد دقة في راسه جي اكس قير عادي سبير علاق
ثاني يوم العصر جانه في الموتر بس حرام كان يبي سلفر وما حصل خده لؤلؤي
شوف الواسطه

[سفيرالاحزان]

الله يعينك اخوي

[simota uae]

السلام عليكم ورحمة الله وبركاته...........

يا شباب مثل ما تعرفون ان السوق طلب وعرض..............وفالايام هذي الطلب اكثر من العرض......وعند ما تكون الحاله هذي موجوده فالاسواق....التاجر والوكيل معا" هم اللي يحكمون قبضتهم على المستهلك.....بيسأل احد الاخوان كيف يعني يلعبون بالسوق؟؟؟؟؟؟؟؟؟؟ بسيطه الوكيل عشان يرفع السعر لازم ينشف السوق...... يعني يقدر يقولك لا توجد مركبات متوفره فالوقت الحالي مع انه لو تروح المخازن او الاستورات بتشوف اسطول من السيارات....... والتجار أهل المعارض مع معاملتهم القديمه وفلوسهم الكاش هيه اللي تخلي الوكيل يضمن فلوسه ويصرف بضاعته في اسرع وقت.....وأهل المعارض يآخذون ب5 او 10 او 20 ويصرفونهن في اقل من شهرويجامعه لا تلومون اهل المعارض لان لو اي واحد منا كان تاجر كان ما رد الصفقه هذي.................................اللوم كله عالوكيل يا جماعه

[حمد]

نصيحة خذ لك يوكون دينالي

وكالة محترمة ... وخدمة مايحتاي في كل دول الخليج .... عازينك ومكرمينك .

لا يقولك ضمان ولا غيره ... والمواصفات احسن مليون مره من الكروزر اذا مب مليونين بعد

[nym]

اخوي اذا حاجز vxr الله يعينك اما اذا حاجز gxr او gx فااعتقد انه متوفر اثنين من اللربع طلعوا من اسبوع بدون حجز بس يبيلك واسطه عندهم