يا جماعة الخير اشرايكم في زيارات سياحيه لأندونيسيا

[Mody]

يا جماعة الخير ابي أسألكم اشرايكم في زيارات سياحيه لأندونيسيا والاماكن اللي ممكن تكون
مناسبه للزيارات العائليه يعني بصراحه أنا غير مقتنع بهذه البلاد لكن اشوف أخواننا فاتحين لهم منتدى ويمدحون فيها وفي أماكنها السياحيه وكنهم يمدحون في شواطيء الريفيرا أو ميامي مثل هالموقع اللي تصفحته أكثر من مره indonesiahere.com وياليت لو أحد من الشباب أو العوايل راح هالبلد ينورنا وينصحنا نروح ولا لأ والاماكن السياحيه أيضا ؟

ويعطيكم العافيه والسموحه على الأطاله .

[سعود 99]

ان شاء الله الشباب يفيدونك بس أنا مثلك سمعت أنها حلوه

[Mody]

يعطييك العافيه اخوي غلوم

وياليت نحصل من يفيدنا

وله تجربه بهالبلاد

[ســـهم]

بصراحه افكر دائما في السفر لهذه الدوله طبيعتها خلابه ولكن لا اعرف عنها شيئا ..

نتمنى الاجابه ممن سافروا الى اندونيسيا ..

[بولينجر]

الصور اللي أشوفها عن أندونيسيا حلوة....واللي أعرفه إنها بلد ممطرة على مدار السنة.... نشاطها السياحي ماعندي فكرة

[Mody]

يعطيكم العافيه وننتظر من راح وشاف هالبلاد
وبصراحه اللي أشوفه بها الموقع السعودي
اللي هو indonesishere.com شي
غير طبيعي يعني أحس انه مجرد وله وحب
وعشق لها البلاد لسبب غير معروف .

[Night KNight]

والله انا مثـلكم ياخـواني

مارحت لها بس ماسمع عنها الى كل خيرر

وان شاء الله باقي الاعضاء الي زاروها يفيدونا

[Mody]

ياليت أحد يفيدنا من ديرتنا من اللي راحوا هالبلاد

أحسن ما ناخذ المشوره من مكان أخر

[Chambray]

الديرة ممتازة لكن ابعدوا عن ضجة جاكرتا
جرب متعه بالي :)

[غبيش]

السلام عليكم
تبي نصيحتي يابوسعود
غير الوجه لبلد ثانيه
انا رحت وقعدت فيها قرابت العشرة ايام الصيف الي طاف بدايه شهر 8 سكنت قي العاصمه وعقبها رحت للجبل بانشوك وتميت فيه 3 ايام والجو حلو هناك والشعب استغلالي او التجار لو صح التعبير والاسعار مرتفعه جدا
وفي الجبل حديقه سفاري حديقه حلوة وبعدها رحت مدينه باندوق وزرنا البركان
ورجعنا للعاصمه وقبل الرجعه بساعات جانا زلزال والله ستر علينا
واذا تبي تسمع نصيحت اخو ماتنفع عوائل
واذا تبي معلومات عنها حاضر يا بوسعود
تحياتي للكل

[BoAzozz]

الصراحه انا زرت جزيرة بالي واهي من اشهر الاماكن السياحيه
يموتون عليها الاستراليين واليابانيين
يسمونها برادايس لاند وجزيرة الوروود شي من هالقبيل
ويسمونها بعد جزيرة المعابد من كثر المعابد الي فيها
الطبيعه خلااااااابه شي روعه
السيااح الاجانب كثييير
الاسعار حسيتها غاليه
اذا بتروح عائله يفضل تبعد عن سيف البحر خاصه نهارا
جوها تقريبا مثل ماليزيا
الي يروح يحاسب من اكلهم
سكانها 90 % بوذيين انا ما شفت الا مسجدين

فيها ميزه انك ما تلاقي فيها عرب:secret:

طلعت منها بعد اسبوعين صارت تفجيرات بالي اذا تذكرون:eek5:
حرمت:eek5::eek5:

هذا الي اعرفه تحيـــــــاتي

[غدير البورصه]

شتبغي باندونيسيا ومجابل اهلها كفايه علينا مجابلينهم في بيوتنا . عن نفسي احب المانبا وخاصه دزل دورف بلا د هاديه وبرادها ووردها الجوري وفراولتها اللذيذه ييبون العافيه ويطردون التعب والملل وكل ما يغث لاكن و لاكن اسعارها ظو ونار يعني 200000ريال يكفون 14يوم في فندق 5نجوم وسلامتك. اما اندونيسيا رطبه ودوم مطرهم حار وبارد مثلهم ومشاهدهم يسبب لي احباط وحزن من كثر الطراره اما المانيا يا سلام على هذيج الوجوه الحلوه والهدو والاحترام للغرب (يعني احنا ))

[Mody]

يعطيكم العافيه والله على ارشاداتك وردودكم الطيبه أخواني غبيش
و BoAzozz وغدير البورصه وانا سمعت اخوي غبيش ان الجبل
وبونشاك وباندونغ ايضا اماكن حلوه ونظيفه والبعد عن جاكرتا غنيمه
لكن ماشالله اخواننا السعوديين هم اللي بكثره في هالبلاد خاصه من بعد
منعهم من السفر الى تايلند فتوجهوا الي اندونيسيا وهذا سبب من اسباب
غلاء الاسعار وانا في رأيي ان البلاد ما فيها أمان حتى خداماتنا الاندونيسيات
دائما يتعرضون للسرقه والسلب بالاكراه من بعض الماره وسائقي سيارات الاجره
والله يديم علينا النعمه ويجنبنا كل مكروه - اللهم أمين .

[التيما]

اندونيسيا معروفه كوجهه سياحية خاصه جزيرة بالي وهي جنه على الأرض وطبيعه خلابه تصلح للعرسان أكثر .. بس كدوله سياحية ما ظنتي تصلح ..

[شيزكيك]

احسها بلد كلها سحر

[قناص قطر]

السلام عليكم

اخوي اسأل مجرب ولا تسأل طبيب

اللي راح غير واللي يسمع غير اللي يشوف

انا اقولك روح والقلب داعيلك

توني جاي منها

كل سفرة لي بشرق اسيا بالتحديد بانكوك اجرب زيارة دولة جديده

مثال بانكوك هونكونج

بانكوك الصين

بانكوك ماليزيا

بانكوك بالي

بانكوك جاكرتا

المهم توني جاي من هناك فرش اخر قطري في جاكرتا هههههههههه

بلاد عائلية حلوه ورخيصه

رحت جاكرتا وسكنت بفندق وهذا الفندق ممتاز وملاصق لمول ( مجمع تجاري )

ورحت الجبل ورحلة حلوه وموفقه تقدر تزور بالجبل حديقه الحيوانات حلوه احلى من الحديقة اللي بفيينا

تمر هناك مطبخ للمندي وتطلب اللي تبية ( خروف ) ( تيس )

ساعه الكبسه جاهزة هههههههههههههههه ومنظر عجيب وانت تاكل تحت الجبال والعشب الاخضر

بخصوص السحر الله يبعد السحر الحمدلله ماشفت شيء من هذا القبيل

اما بخصوص النصب ما اعتقد دوله تخلو من النصب اذا كان السائح ساذج لهذه الدرجه

والدول العربية حدث ولا حرج ؟ !

نصيحه روح والله راح تستانس

بلاد لها مقومات سياحيه

روح وخذلك دريول مع السيارة بسعر 30 دولار باليوم

يالله التوفيق

[JoOoOoOoJ]

انا بصراحه ما رحتها لكن عندي زملاء عمل اندونيسيين و مسلمين و قالولي انها سياحيه من الدرجه الاولى و فيها اماكن حلوه ....ايامها كنت اخطط اني اروح شهر العسل هناك ...و قعدت تقريبا شهرين وانا اجمع معلومات عنها ع النت و في المنتديات و صور من جوجل ايرث ...لكن بالاخير ..اتخذت المدام قرار انه اندونيسيا بلد مش مناسب لأنه( خدامتهم اندونيسيه و مش كويسه) ...و رحت ماليزيا :weeping:..
هذا موقع لمنطقه جميله جدا قريبه من العاصمه جاكارتا www.kampungsampireun.com

[Mody]

يعطيكم العافيه اخواني الكرام ما قصرتوا

وشكر خاص لقناص قطر وجوجو

وبارك الله فيكم عالمعلومات

القيمه وانشالله بنجرب

ونضيف باندونغ بعد

[التيما]

السلام عليكم

اخوي اسأل مجرب ولا تسأل طبيب

اللي راح غير واللي يسمع غير اللي يشوف

انا اقولك روح والقلب داعيلك

توني جاي منها

كل سفرة لي بشرق اسيا بالتحديد بانكوك اجرب زيارة دولة جديده

مثال بانكوك هونكونج

بانكوك الصين

بانكوك ماليزيا

بانكوك بالي

بانكوك جاكرتا

المهم توني جاي من هناك فرش اخر قطري في جاكرتا هههههههههه

بلاد عائلية حلوه ورخيصه

رحت جاكرتا وسكنت بفندق وهذا الفندق ممتاز وملاصق لمول ( مجمع تجاري )

ورحت الجبل ورحلة حلوه وموفقه تقدر تزور بالجبل حديقه الحيوانات حلوه احلى من الحديقة اللي بفيينا

تمر هناك مطبخ للمندي وتطلب اللي تبية ( خروف ) ( تيس )

ساعه الكبسه جاهزة هههههههههههههههه ومنظر عجيب وانت تاكل تحت الجبال والعشب الاخضر

بخصوص السحر الله يبعد السحر الحمدلله ماشفت شيء من هذا القبيل

اما بخصوص النصب ما اعتقد دوله تخلو من النصب اذا كان السائح ساذج لهذه الدرجه

والدول العربية حدث ولا حرج ؟ !

نصيحه روح والله راح تستانس

بلاد لها مقومات سياحيه

روح وخذلك دريول مع السيارة بسعر 30 دولار باليوم

يالله التوفيق

دام توك جاي ورا ما حطيت موضوع وصور عن رحلتك والفنادق والمجمعات والترفيه عالاقل تحسن من الصورة الي في بالنا عنها ونعرف شفيها ومافيها :anger1:

[قناص قطر]

دام توك جاي ورا ما حطيت موضوع وصور عن رحلتك والفنادق والمجمعات والترفيه عالاقل تحسن من الصورة الي في بالنا عنها ونعرف شفيها ومافيها :anger1:

هههههههههههههههههههه

والله لو كل سفرة تقرير يبيلي منتدى كامل بس للسفرات

الله يحفظني ويحفط جميع المسلمين ما احب يمر شهر بدون سفره ازهق امل

اذا بالقطرية بطاقه غير الذهبية اعلى كان وصلتها منذ مبطي هههه حلوه مبطي منذ زمن بعيد


عن الحسد ههههههههههههههه

[التيما]

هههههههههههههههههههه

والله لو كل سفرة تقرير يبيلي منتدى كامل بس للسفرات

الله يحفظني ويحفط جميع المسلمين ما احب يمر شهر بدون سفره ازهق امل

اذا بالقطرية بطاقه غير الذهبية اعلى كان وصلتها منذ مبطي هههه حلوه مبطي منذ زمن بعيد


عن الحسد ههههههههههههههه

ماشاء الله الله لا يغير عليك .. حلو جذي ؟


وبعدين من اشتكالك عن كثره المواضيع :anger1: وقسم السياحة حق وشو حاطينه ؟ crazy لا عاد تعيدها ولا بطاقتك الذهبية بخليها بيج وفاتح بعد :tease:

[قناص قطر]

ماشاء الله الله لا يغير عليك .. حلو جذي ؟


وبعدين من اشتكالك عن كثره المواضيع :anger1: وقسم السياحة حق وشو حاطينه ؟ crazy لا عاد تعيدها ولا بطاقتك الذهبية بخليها بيج وفاتح بعد :tease:

هههههههههههههههههه

عندي بالكمبيوتر فوق 3000 صورة تقريبا ممكن 4000 صورة

الحمدلله مافي تحميض مثل قبل

يعني صور ونزل على طول

الله يخلي الافكار الابداعية بصراحه نستفيد وايد منهم

ما اقدر انزل شيء اسرار ههههههههه

عندي صور عن اندونسيا جبال وشلالات وخضرة ووناسه والحديقة

وجاكرتا والجبل وفوكت الله ايام حلوه متى الصيف يلا زهقنا نبي شرق اسيا

ترغيب وترهيب

[التيما]

هههههههههههههههههه

عندي بالكمبيوتر فوق 3000 صورة تقريبا ممكن 4000 صورة

الحمدلله مافي تحميض مثل قبل

يعني صور ونزل على طول

الله يخلي الافكار الابداعية بصراحه نستفيد وايد منهم

ما اقدر انزل شيء اسرار ههههههههه

عندي صور عن اندونسيا جبال وشلالات وخضرة ووناسه والحديقة

وجاكرتا والجبل وفوكت الله ايام حلوه متى الصيف يلا زهقنا نبي شرق اسيا

ترغيب وترهيب

بخصوص الي عاد انه يهتم وينطر الصيف حاله حال الفقارى مثلنا :weeping: .. حط ببالك السفره اليايه نبي موضوع وصور نوووو أعذار :nice:

[قناص قطر]

بخصوص الي عاد انه يهتم وينطر الصيف حاله حال الفقارى مثلنا :weeping: .. حط ببالك السفره اليايه نبي موضوع وصور نوووو أعذار :nice:

في سفرات لازم تعيشينها مع الناس الحشرة مع الناس عيد

يعني تروحين شرق اسيا بشهر 12 تحصلين قليليين الخليجين

وكذلك بشهر يناير وشهر 4 عكس الصيف خليجه وااااايد

بس الواحد بالصيف مايطول حده 10 تيام بس

عشان يعيش الجو الخليجي اشوي

هههههههههههههههه مافي صور ما ودي اخرعكم ههههههههههه

[غبيش]

صباااااح الخير للكل
شحالك يابوسعود
اذا كنت ناوي اتسافر لجاكرتا
انصحك بدخول منتدى المسافرون العرب بتحصل ارقام السواقين العرب
وبعض الارشادات . انا خذيت معلومات من هالموقع وفادتني في سفرتي
وانصحك اذا تبي اتحجز فندق في العاصمة احجزه من المطار تريح اول يوم او يومين قبل تطلع برا العاصمه
واول ماتطلع من صالة المطار وشفت الي ينتظرون المسافرين بتلاقي مكتب على ايدك اليسار اسمه كــاهـا
وعندة اسعار حلو للحجوزات
ودش المنتدى وبتلاقي فيه تقريبا كل شي حتى سعر الصرف
اخوانا السعودين موضحين كل شي وبعضهم بتفصيل
بس خلك حذر دايما هناك الديرة مو امان
تحياتي للكل

[ام حمودي]

الوالد زارها
بلد لا تنفع للسياحة اطلاااااااااااااااقا

[sood mhamed]

انا اقول في مدن كثير شوف لك واحدة

[Somoo]

ماليزيا احسن وانظف واكثر تقدما ..... اما اندونيسيا ففيها ازدحام وتلوث خاصة في العاصمة ولا تصلح للي عندهم ضيق تنفس او ربو... طبعا هناك اماكن اخرى خارج العاصمة قد تعجب البعض وهناك جزر كثيرة ولكنها تحتاج الى سفر وجهد .... والله الموفق:::ok:

[Mody]

صباااااح الخير للكل
شحالك يابوسعود
اذا كنت ناوي اتسافر لجاكرتا
انصحك بدخول منتدى المسافرون العرب بتحصل ارقام السواقين العرب
وبعض الارشادات . انا خذيت معلومات من هالموقع وفادتني في سفرتي
وانصحك اذا تبي اتحجز فندق في العاصمة احجزه من المطار تريح اول يوم او يومين قبل تطلع برا العاصمه
واول ماتطلع من صالة المطار وشفت الي ينتظرون المسافرين بتلاقي مكتب على ايدك اليسار اسمه كــاهـا
وعندة اسعار حلو للحجوزات
ودش المنتدى وبتلاقي فيه تقريبا كل شي حتى سعر الصرف
اخوانا السعودين موضحين كل شي وبعضهم بتفصيل
بس خلك حذر دايما هناك الديرة مو امان
تحياتي للكل


يعطيك العافيه يا الغالي

وياليت اسم الموقع ولا تهون

[Mody]

تسلمون كلكم عالردود وبارك الله فيكم

وياليت أخونا ألتيما يحط لنا بعض لصور

عن جاكرتا والجبل وبونشاك وباندونغ

لو متوفرين عندك ويعطيك العافيه.