ضيفة زارتنا في الفجر !!

[التيما]

الخميس يوم طلعة البنات مع بعض بحكم انه بداية الإجازو والخميس فيه الي ما يطلع يخيس :tease: المهم عدا اليوم على خير وعقب قعدت عالكمبيوتر مابين المنتدى وبين تفرفر في المواقع على الساعه اربع الا اخوي داق علي :omg: استغربت صراحة ورديت الا يقولي : عقب عشر دقايق تعالي تحت في ديوانية البيت :rolleyes2: " شسالفه " صراحة استغربت وكمل كلامه وقال ويبي معاج عباية وشيله لا تلبسينهم ييبيهم معاج بشرط ما تستخدمينهم يعني مو من عبيج :rolleyes2: تخرعت صراحة ...

على ما لقيت له عبايه قديمه ما البسها وشيله نزلت له الديوانية وادق عليه وانا قريب الباب لانها في طرف حوش البيت ويقولي دشي :eek5: سألته في حد ؟ قالي اي :anger1: شفيه اخوي ؟ شلون ادش وفي حد " مب صاحي " والبس العباية والشيله واغطي ويهي بالشيله وادش :eek5: واشوف بنت في الديوانية :secret: واعصب عليه واقوله شسالفه ؟ يقولي قعدي وشيلي الشيله والعباية .. شلتهم الا اشوف البنت تصيح :anger1: واطب في اخوي شمسوي فيها ومنهي هالبنت .. ويتحمد اخوي علي :shy: ويقولي يالخبله هاج السالفه ..

يقول والعهدة على الراوي اللي هو أخوي : قعدت الساعه 3 الفجر .. واروح صوب الديوانية وافتح الباب لاني نويت ادق على ربعي يجوني .. واشوف خيال يمر جدامي تراوالي انها بنت .. واطل الا صج بنت :omg: آخر الليل شتسوي هالبنت برا البيت ؟ واناديها اختي لو سمحتي تعالي .. شتسوين ؟ من إنتي ؟ وخافت مني .. واشوفها الا ياهل عمرها حول 14 سنه وتذكرت بنت اختي .. واقولها ترا هاي بيت ناس والأهل داخل لا تخافين دشي الدنيا أمان .. وتدش وتصيح واسألها شفيج وشمطلعج برا البيت هالساعه ؟ وتقول انها شاردة من اخوانها لانهم كل يضربونها :weeping: وانهم صاكين عليها وحارمينها من الجوال والتلفون والطلعه :( .. وانها كانت مع رفيجها :omg: ودق اخوي على رفيجها وجا وطبعا انا طلعت من المجلس الا ياهل مثلها عمره 18 سنه وقال انها دقت عليه ولانه يعرف ان اهلها صاكين عليها توقع انها تبي تشوفه من الدريشه ويوم وصل الا تطب في السياره وتقوله حرك ومن الخرعه حرك .. وتم يدور فيها ويترجاها ترجع وهي رافضة ومعية .. وفي الأخير نزلها ولمن شفتها دشت البيت حرك .. والظاهر بلغتها الخدامه ان اخوانها درو بطلعتها وخافت واشردت :anger1: .. ولقاها اخوي الفجر .. عطوني رقم اختها المتزوجة ودقيت عليها وقال لي وهي تصارخ : مالي خص .. انا قلت لخواني انها مب عندي .. قلت لها .. اولا عيب تصارخين على ناس يبون لكم ولهلج الستر .. وثاني شي .. قولي لخوانج انج ماتدرين انها ياتج وانها دشت الغرفه من وراج وكانت راقدة وانتي ماتدرين .. ثالثا .. يا بنت الناس ترى الله يحبكم لان الموضوع تم لعى خير وماطاحت بيد ناس ثانيه تلعب بحسبه بنتكم .. واتفقت معاها تجي مع لسواق تاخذ بنتهم .. ويبت لها فطور لانها صراحة اكسرت خاطري ياهل وبجلابيتها ومن غير عبايه ولا شيله .. وقعدت انصحها واقولها خافي الله بنفسج وبهلج .. ترى الله يبي لكم الستر لا تفضحينهم .. لو يبيج ولا يحبج يتقدم لج .. هاي سمعتج والبنت سمعتها جزاز لو انكسر ما يتصلح .. لا تخسرين ثقه هلج فيج .. وخافي من ربج لا تخافين من مخلوقاته ..

قصه غريبه صح ؟ والله هاي الي صار في بيتنا .. وقعدت اسأل نفسي .. شاللي خلا اخوي يقعد من نومه هالحزة ويفتح الباب ويشوفها ؟ هل لان اهل هالبنت ولا ابوها ولا اخوانها سوو خير في حد ولا استروا على حد عشان كذا الله ستر عليهم ؟ ولا ابوها كان رجل دين وخير والله يحبه فستره في الدنيا ؟ هل و هل وهل ..

دنيا عجيبه ..

[بوحارب]

الموضوع طويل التيما ممكن اختصار شوي

[اعالي الجنان]

سبحان الله
الله يجزاكم خير سترتم عليها الله يستر عليكم بالاخره يارب
والله قصه تعور القلب البنت ياهل وتسوي هالسوالف
وين امها عنها وابوها ليش مهملها ذوله اللي يتحاسبون على اهمالهم لها
الله يهديها يارب
بارك الله فيج اختي التيما ونور المنتدى عسى ماشر ليش هالغيبه يارب خير

[JoOoOoOoJ]

الموضوع طويل التيما ممكن اختصار شوي


يعني طويل لكن مهم .

..و جزاكم الله خير انتي واخوك يا التيما..

[المخفي]

الله يجزيكم خير و الله يستر على بنات المسلمين

[غزلان]

الله يستر على المسلمين

الله يجزيكم كل خير

[اهـم001]

الله يستر عليج وعلى هلج نفس ما سترتي على البنت تدرين اختي نفس القصه صارت معانا في البيت من حوالي ثلاث سنوات بس في اختلاف في نهاية القصه يعطيج العافيه........... تقبلي مروري

[التيما]

الموضوع طويل التيما ممكن اختصار شوي

واذا قلت لك اني مختصرتها أصلا وفي اشياء وايد ما قلتها :nice:

[دلة الرسلان]

موقف يخوف والله يحفظ بنات المسلمين

[التيما]

سبحان الله
الله يجزاكم خير سترتم عليها الله يستر عليكم بالاخره يارب
والله قصه تعور القلب البنت ياهل وتسوي هالسوالف
وين امها عنها وابوها ليش مهملها ذوله اللي يتحاسبون على اهمالهم لها
الله يهديها يارب
بارك الله فيج اختي التيما ونور المنتدى عسى ماشر ليش هالغيبه يارب خير

الي فهمته منها ان ابوها متوفي واخوانها دروا عن الي تعرفه فصكو عليه وتبين الصج لمن قالت ان اخوانها صاكين عليها قلت بنفسي " صاكين عليج وجذي تسوين .. عيل لو مخلينج على هواج شبتسوين ؟ " والمشكله تقول كل شي عالبحري واسم عايلتها واطلعو جيراننا من بعيد شوي .. يعني ماتعرف تستر على نفسها واهلها ياهل ..

المنتدى منور فيج وبخواتي واخواني

[التيما]

موقف يخوف والله يحفظ بنات المسلمين

انا انصدمت من كلامها وتميت اسأل نفسي عن هالموقف لانه صج يخوف والمصيبة ان الولد خايف على نفسه والبنت مو هامها وشردت .. والولد يحن عليها تنزل بيت اهلها وهي ماتبي .. كارثه والله

[التيما]

يعني طويل لكن مهم .

..و جزاكم الله خير انتي واخوك يا التيما..

الله يجزي الجميع اخوي .. الله يستر علينا وعلى بنات المسلمين

[التيما]

الله يجزيكم خير و الله يستر على بنات المسلمين

آمين يارب .. جزاك الله خير .. وشاكره مرورك

[التيما]

الله يستر على المسلمين

الله يجزيكم كل خير

امين يارب .. تسلمين غلاي وشاكره مرورج :nice:

[التيما]

الله يستر عليج وعلى هلج نفس ما سترتي على البنت تدرين اختي نفس القصه صارت معانا في البيت من حوالي ثلاث سنوات بس في اختلاف في نهاية القصه يعطيج العافيه........... تقبلي مروري

والله يستر على بنات وشباب المسلمين يارب .. بس ما قلت لنا شلون كانت نهايه قصتك ؟

[ANONYMOUS]

الله يكون بالعون

[..الاميرة..]

:eek5::eek5::eek5::eek5:


حسبي الله على اهلها إلي هملوها من البداية وما حافظوا عليها .. ناس ما عندها دم ..

التيمـــــا الله يجزاج ألف خير ويستر عليج وعلى هلج ويحفظ لج ولدج دنيا واخره يالغاليه ..

ويستر على بنات واعراض المسلمين ويبعد عنا وعن الجميع اعيال الحرام ..

[ريميه]

جزاكم الله خير والله يستر عليكم فى الدنيا والاخرة

تقبلى مرورى وتحيتى

[التيما]

الله يكون بالعون

اي والله اخوي الله يكون بالعون ..

[التيما]

:eek5::eek5::eek5::eek5:


حسبي الله على اهلها إلي هملوها من البداية وما حافظوا عليها .. ناس ما عندها دم ..

التيمـــــا الله يجزاج ألف خير ويستر عليج وعلى هلج ويحفظ لج ولدج دنيا واخره يالغاليه ..

ويستر على بنات واعراض المسلمين ويبعد عنا وعن الجميع اعيال الحرام ..

من كلامها مب مهملينها .. الا قصدج صاكين عليها .. تخيلي صاكين عليها وشردت :weeping: والله يستر عالجميع يارب .. تسلمين عالمرور اموره

[التيما]

جزاكم الله خير والله يستر عليكم فى الدنيا والاخرة

تقبلى مرورى وتحيتى

الله يستر عالجميع يارب .. شاكره مرورج اختي

[BURBERRY]

لا حول ولا قوة إلا بالله

هذي و اخوانها صاكين عليها تسوي كذي ؟؟!! الله يهديها و يصلح بالهم و يستر عليها في الدنيا و الاخره

و اختي التيما انتي ماقصرتي و الفضل لاخوج .. جزاكم الله كل الخير و الله يستر عليكم في الدينا و الاخره

[التيما]

لا حول ولا قوة إلا بالله

هذي و اخوانها صاكين عليها تسوي كذي ؟؟!! الله يهديها و يصلح بالهم و يستر عليها في الدنيا و الاخره

و اختي التيما انتي ماقصرتي و الفضل لاخوج .. جزاكم الله كل الخير و الله يستر عليكم في الدينا و الاخره

والله مانعرف شلون نتعامل مع هالجيل .. يغلطون ومايبون يتعاقبون .. وان عاقبناهم يقولون صاكين علينا ويضربونا .. وانا مع العقاب على حسب الغلط .. مع اني اتفق مع اخوانها في ضربها في هالشي خاصه ان يبدو ان مو اول مره لها تسوي هالتصرف وتتطلع .. ومادري شتبي اخوانها يتصرفون معاها يمكن تبيهم يطبطبون عليها ويضيفون رفيجها .. الله يستر عالجميع ..

[أمة الله]

وعليّه كسرت خاطري بس بعد شي يخوف الصراحه....لو آنا شفتها نفس هالحزه جان تيبّست في مكاني من الخوف وقلت انها ينيّه وتمّوا هلي يشربوني ماي مقري عليه اسبوع! :rolleyes2:

- الله يستر عليكم وعلى هلج مثل ما سترتي البنت.....سبحان الله كأن رب العالمين سخر لها أخوج ذيك الحزه وسخرج لها بعد.....ربي يآجركم ان شاء الله ويوفقكم دنيا وآخره يااااااااارب......و ربي كبرتي في عيني وأحس بفخر لوجود بنت بكبر عقلج :)

[التيما]

وعليّه كسرت خاطري بس بعد شي يخوف الصراحه....لو آنا شفتها نفس هالحزه جان تيبّست في مكاني من الخوف وقلت انها ينيّه وتمّوا هلي يشربوني ماي مقري عليه اسبوع! :rolleyes2:

- الله يستر عليكم وعلى هلج مثل ما سترتي البنت.....سبحان الله كأن رب العالمين سخر لها أخوج ذيك الحزه وسخرج لها بعد.....ربي يآجركم ان شاء الله ويوفقكم دنيا وآخره يااااااااارب......و ربي كبرتي في عيني وأحس بفخر لوجود بنت بكبر عقلج :)

تسلمين غلاي .. انا سالت اخوي ليش دقيت علي انا مو على خواتي الباقين .. قالي انتي الوحيدة الي ماراح تهاوشينها لاني عارف ان اي شي تسوي البنت عندج سبته الريال .. والبنت كانت تصيح وقلت محد بيواسيها الا انتي .. وثاني شي لانج تتدرسين طالبات اعدادي وهاي معناته تعرفين لهم :rolleyes2: .. بس تبين الصج اختي انا مسكت نفسي معاها مع اني اشوف جرأتها وهي تتكلم بس اكسرت خاطري ياهل وماتعرف مصلحتها واخوانها ما اعرفوا اشلون يتعاملون معاها .. انا للحين مصدومه من القصه والله .. اتخيل لو طاحت بيد شخص ولا ناس ولا ايًّا كان شبتسوي وشبيصير فيها .. الله يستر عليها وعلى بنات المسلمين يارب

[اّل ثاني 77]

الله يستر عليكم مثل ماسترتوا عليها
والله شئ محزن

[نبـــــراس]

لا حول ولا قوة الا بالله ..
الله يستر على امة محمد صلى الله عليه وسلم
جزاكم الله كل خير يا التيما

[التيما]

الله يستر عليكم مثل ماسترتوا عليها
والله شئ محزن

الله يسمع منك اخوي آمين والي اتمناه انها افهمت رساله الله لها في هالدرس ..

[التيما]

لا حول ولا قوة الا بالله ..
الله يستر على امة محمد صلى الله عليه وسلم
جزاكم الله كل خير يا التيما

الله يستر عالجميع امين .. الدنيا للحين بخير والحمد لله فينا كلنا واي انسان في محل اخوي ومحلي بيسوي نفس ما سوينا .. شكرا عالمرور

[غدير البورصه]

((((من ستر على مسلم ستر الله عليه في الدنيا وفي الاخره)))) هذا الحديث احفظوه ورددوه وعلموه عيالكم يا اخواني وخواتي.
ومن تتبع عورة مسلم تتبع الله عورته وفضحه في ملاء_________الخ

[سوق واقف]

اختي العزيزة جزاكم الله الف خير
من ستر على مسلم ستره الله في لدنيا والآخره
والله يبارك في أخوك الطيب سلمي عليه وقولي له سوق واقف يسلم عليك

[التيما]

((((من ستر على مسلم ستر الله عليه في الدنيا وفي الاخره)))) هذا الحديث احفظوه ورددوه وعلموه عيالكم يا اخواني وخواتي.
ومن تتبع عورة مسلم تتبع الله عورته وفضحه في ملاء_________الخ

يسلمووو وشاكره مرورك اخوي

[التيما]

اختي العزيزة جزاكم الله الف خير
من ستر على مسلم ستره الله في لدنيا والآخره
والله يبارك في أخوك الطيب سلمي عليه وقولي له سوق واقف يسلم عليك

تسلم اخوووي .. واخوي متواجد في المنتدى ويشوف الردود معاي شاكره مرورك

[انتظار مصير]

من ستر مسلم ٍ ستره الله في الدنيا و الآخره

جزاك الله كل خير

[هدوء العاصفة]

التيما بغض النظر عن الموضوع وانه يمكن يطلع شلخ مثل موضوعج السابق ...

اللي سويتيه مفروض اي انسان محترم يسويه

[التيما]

من ستر مسلم ٍ ستره الله في الدنيا و الآخره

جزاك الله كل خير

يسلمو عالمرور .. شاكره مرورك اخوي

[التيما]

التيما بغض النظر عن الموضوع وانه يمكن يطلع شلخ مثل موضوعج السابق ...

اللي سويتيه مفروض اي انسان محترم يسويه

هههههههههههههه اما موضوعي شلخ هاي ضحكتني فيها لان الموضوع الي فات صار صج بغض النظر صار لي او ماصار لي شخصيا المهم انه صار .. بس هالقصه أأكد لك انها صارت في بيتنا صج .. وانت قلتها الي سويناه ممكن يسويه اي انسان شريف ومحترم ويخاف الله في اعراض الناس .. شاكره مرورك اخوي

[ضوى]

كل اللي اقدر اقوله الله يستر عليج ويجزي اخوج كل الخير على اللي سويتوه ويا هالبنت ولا اقدر اقول شئ ثاني

[العقيد]

قصه حلوه وفيها بعض الحكم بغض النظر ان كانت حدثت معك او مع غيرك او كانت من بنات افكارك

[وطن]

الله يستر عليكم وعليهم دنيا واخره

[@ دانتيل قطر @]

الحمدلله والشكر
الله يحفظ بناتنا
وهاذي أخر الدلع
وجزاكم الله خير انكم سترتو عليها
والله مادري شاقووول قلبي عوورني

[ســـهم]

التيما الله يجزاج خيرا

لكن هل تابعتي الموضوع بعد ان خرجوا من بيتكم ؟

ان شاء الله سيكون مافعلتي دافع بلا عنج وعن هلج ان شاء الله

[بوخالد911]

الله يستر علينا كلنا

[التيما]

الله يستر عليكم وعليهم دنيا واخره

امين يارب العالمين .. تسلمين عالمرور غلاي ..


قصه حلوه وفيها بعض الحكم بغض النظر ان كانت حدثت معك او مع غيرك او كانت من بنات افكارك

ههههههههههههه .. القصه صارت معاي ومع اخوي هالمره صج ..


كل اللي اقدر اقوله الله يستر عليج ويجزي اخوج كل الخير على اللي سويتوه ويا هالبنت ولا اقدر اقول شئ ثاني

تسلمين اختي ضوى .. شاكره مرورج

[التيما]

التيما الله يجزاج خيرا

لكن هل تابعتي الموضوع بعد ان خرجوا من بيتكم ؟

ان شاء الله سيكون مافعلتي دافع بلا عنج وعن هلج ان شاء الله

لا والله اخوي سهم ما تابعت الموضوع .. بس يتراوالي البنت خذت درس من الي صار لها .. واخوي سمعها كم كلمة بعد ان غلط الي سوته وتهور ..


الحمدلله والشكر
الله يحفظ بناتنا
وهاذي أخر الدلع
وجزاكم الله خير انكم سترتو عليها
والله مادري شاقووول قلبي عوورني

القصه فعلا تعور القلب .. انا بعمري هاي اخاف اطلع بالليل بروحي وتخيلي هالبنت من غير عبايه ولا شيله تمشي بجلابيه البيت .. الله يستر عليها يارب

[التيما]

الله يستر علينا كلنا

آمـــــين يارب العالميـــن

[سلامي للكل]

دنيا غريبة عجيبة:eek5:

الله يجزي اللي كان السبب

الدوحـــــة وصلت لـ هلمواصيل:eek5:

الله يستر على الجميع


محد يقول انها قصة من واقع الخياااااااااااااااال:tease:

[التيما]

دنيا غريبة عجيبة:eek5:

الله يجزي اللي كان السبب

الدوحـــــة وصلت لـ هلمواصيل:eek5:

الله يستر على الجميع


محد يقول انها قصة من واقع الخياااااااااااااااال:tease:


ياريت نقدر نقول انها من الخيال .. ترى انا للحين مصدومه وادعي لها بالهداية والستر ..

شاكره مرورك أخوي ..

[ســـهم]

التيما

شدراج يمكن اختها الكبيره تجاهلت نصيحتج لها

وبلغت اخوانها !!

يعني ممكن تكون البنت في حاله لايعلم بها الى الله

ولكن عليك متابعة القصه حتى نهايتها ونتمنى أن تكون سعيده

وان شاء الله نشوفها مثل الافلام الهنديه البطل يتزوج البطله !!

اتصلي في اختها العوده وبلغينا اول بأول لازم نعرف نهايتها .

[التيما]

التيما

شدراج يمكن اختها الكبيره تجاهلت نصيحتج لها

وبلغت اخوانها !!

يعني ممكن تكون البنت في حاله لايعلم بها الى الله

ولكن عليك متابعة القصه حتى نهايتها ونتمنى أن تكون سعيده

وان شاء الله نشوفها مثل الافلام الهنديه البطل يتزوج البطله !!

اتصلي في اختها العوده وبلغينا اول بأول لازم نعرف نهايتها .

اختها صارخت علي لمن قلت لها شتسوي .. تبيني ادق اسالها لالا مب حلوة كلش ..


:omg: ليكون تبي تتخلص مني :anger1:

[بوخالد2]

الله يهدي الجميع ان شاءالله

[التيما]

الله يهدي الجميع ان شاءالله

أمين يارب العالمين .. شاكره مرورك اخوي بوخالد2

[FG]

رجعتي لعيني ..

الله يستر عليكم مثل ماسترتوا على البنت ..!

لكن هذا لايمنع أن البنت غلطانه ..

[milan]

لاحول ولاقوة الا بالله

الله يستر عليكم وعلى البنت

[ورقــة أمــل]

باااااال شالجراءة اللي في هالجيل

يحبون ويشردون ولا يرضون بالعقاب

لاحول ولا قوة الا بالله

الله يستر عليج مثل ما سترتي عليها

هذي صج صج متأثرة بالافلام الهندية

[ســـهم]

اختها صارخت علي لمن قلت لها شتسوي .. تبيني ادق اسالها لالا مب حلوة كلش ..


:omg: ليكون تبي تتخلص مني :anger1:


لا

لا

تكفين التيما تابعي الموضوع يمكن صارت تطورات

كملي جميلج وحاولي تكملينه على أكمل وجه

علشان يطلع الموضوع مكتمل انتي الآن عطتينا شق من الموضوع

وباقي شق مهم :weeping:

ننتظر اخر المستجدات :victory:

[التيما]

رجعتي لعيني ..
الله يستر عليكم مثل ماسترتوا على البنت ..!

لكن هذا لايمنع أن البنت غلطانه ..

هههههههههههههههههههه اما رجعت لعينك هاذي مافيها حيله ..

اتفق معاك ان البنت غلطانه .. بس المشكله يبي لها مسايس وناس تسمعها مشكلتنا ما نسمع صوت هالجيل نبي نربيهم ونعلمهم نفس ما تعلمنا وبطريقتنا وهاي الغلط ..

شاكره مرورك وتسلم لي عينك اخوي ..

[التيما]

لاحول ولاقوة الا بالله

الله يستر عليكم وعلى البنت

شكرا عالمرور اخوي ..

[التيما]

باااااال شالجراءة اللي في هالجيل

يحبون ويشردون ولا يرضون بالعقاب

لاحول ولا قوة الا بالله

الله يستر عليج مثل ما سترتي عليها

هذي صج صج متأثرة بالافلام الهندية

اي والله جرأه .. بس لازم نسمع لهم شنسوي .. الله يستر على بناتنا يارب

[التيما]

لا

لا

تكفين التيما تابعي الموضوع يمكن صارت تطورات

كملي جميلج وحاولي تكملينه على أكمل وجه

علشان يطلع الموضوع مكتمل انتي الآن عطتينا شق من الموضوع

وباقي شق مهم :weeping:

ننتظر اخر المستجدات :victory:


انا سويت معاها نفس ما اسوي مع بناتي الطالبات عطيتها رقمي وقلت لها دقي علي لو تبين حد يسمعج .. اخوي سهم انا ماقدر اتدخل وماحب اي حد يسمعني كلمه مو حلوة لاني اتدخل في شئؤون بيتهم واسرارهم حتى لو عندي علم بها ..

[جلمود]

:eek5:

[التيما]

:eek5:

:weeping:

[هتـان قطر]

الله يستر علينا وعليكم وعلى هالبنت يارب...:(

منوره التيما ..:)

[التيما]

الله يستر علينا وعليكم وعلى هالبنت يارب...:(

منوره التيما ..:)

الله يسمع منج يارب ويستر على جميع المسلمين .. والموضوع منور بردج غلاي

[ســـهم]

انا سويت معاها نفس ما اسوي مع بناتي الطالبات عطيتها رقمي وقلت لها دقي علي لو تبين حد يسمعج .. اخوي سهم انا ماقدر اتدخل وماحب اي حد يسمعني كلمه مو حلوة لاني اتدخل في شئؤون بيتهم واسرارهم حتى لو عندي علم بها ..

بس البنت قالت لج ماعندها تلفون واهلها صاكين عليها شلون راح تتواصل معاج

حاولي تتصلين في اختها العوده بأسلوب حلو وتحملي علشان هالبنت

انتي توقفتي في نصف المشكله لذلك ان استطعتي فحاولي حتى انتهائها

ومره اخرى الله يجزاج خير ..

[مكنتوش]

تسلمين غلاي .. انا سالت اخوي ليش دقيت علي انا مو على خواتي الباقين .. قالي انتي الوحيدة الي ماراح تهاوشينها لاني عارف ان اي شي تسوي البنت عندج سبته الريال .. والبنت كانت تصيح وقلت محد بيواسيها الا انتي .. وثاني شي لانج تتدرسين طالبات اعدادي وهاي معناته تعرفين لهم :rolleyes2: .. ( تهاوشينهم:secret: )بس تبين الصج اختي انا مسكت نفسي معاها مع اني اشوف جرأتها وهي تتكلم بس اكسرت خاطري ياهل وماتعرف مصلحتها واخوانها ما اعرفوا اشلون يتعاملون معاها .. انا للحين مصدومه من القصه والله .. اتخيل لو طاحت بيد شخص ولا ناس ولا ايًّا كان شبتسوي وشبيصير فيها .. الله يستر عليها وعلى بنات المسلمين يارب


الساعة تشير الي 2:06 صباحا
يعني صباح الخير
يعل ربي يسلمكم ويحفظ هذا الجيل

[فلفل حار]

الله يستر عليكم مثل ماسترتوا عليها

[هداف]

تحدث في احسن العايلات الله يستر على المسلمين


بس كلمة ( ديوانيه ) مادري من اي قاموس قطري طالعه :) ترى في قطر ما يسمون المجالس ديوانيه للعلم فقط

[التيما]

بس البنت قالت لج ماعندها تلفون واهلها صاكين عليها شلون راح تتواصل معاج

حاولي تتصلين في اختها العوده بأسلوب حلو وتحملي علشان هالبنت

انتي توقفتي في نصف المشكله لذلك ان استطعتي فحاولي حتى انتهائها

ومره اخرى الله يجزاج خير ..

صدقني ماقدر .. صعبة تخيل لو السالفه صارت في بيتكم هل بتتصل انت في اخوها تسأله عنها ؟ عن نفسي أنا ماقدر :weeping:

[التيما]

الساعة تشير الي 2:06 صباحا
يعني صباح الخير
يعل ربي يسلمكم ويحفظ هذا الجيل

صباح النووور :nice:

ههههههههههههه اما اهاوش طالباتي .. لا أخوي علاقتي معاهم من أحسن ما يمكن ولله الحمد والمنه ..
والله يسمع منك يارب ويستر على هالجيل

شاكره مرورك ..

[التيما]

الله يستر عليكم مثل ماسترتوا عليها

امين يارب ويستر على بنات المسلمين .. شاكره مرورك أخوي

[التيما]

تحدث في احسن العايلات الله يستر على المسلمين


بس كلمة ( ديوانيه ) مادري من اي قاموس قطري طالعه :) ترى في قطر ما يسمون المجالس ديوانيه للعلم فقط

ههههههههههههههه اخوي هداف انت تختفي ولمن ترد لازم تعلق تعليقات مالها رد :anger1:

عدني كويتيه ولا تزعل :nice: من طول الغيبات

[حقيقه]

مراهقه
بزر
اخخخ لو احصلها بسوي لها صيانه للمخ من جديد

التيما الله يستر عليج وعلى اخوج مثل ماسترتو على البنت
:victory:

[التيما]

مراهقه
بزر
اخخخ لو احصلها بسوي لها صيانه للمخ من جديد

التيما الله يستر عليج وعلى اخوج مثل ماسترتو على البنت
:victory:

اما صيانه للمخ هههههههههههههههه .. ما قصرنا أنا وأخوي يعطيك العافيه .. شاكره مرورك أخوي ..

[حقيقه]

اما صيانه للمخ هههههههههههههههه .. ما قصرنا أنا وأخوي يعطيك العافيه .. شاكره مرورك أخوي ..


صيانه لمده طويله يعني شهر شهرين ... الخ
لين ماتسنع
:victory:

[التيما]

صيانه لمده طويله يعني شهر شهرين ... الخ
لين ماتسنع
:victory:

ههههههههههههههههههههههه :nice:

[بولينجر]

الله يستر عليكم انتي وأخوج أختي التيما.... موقف غريب ومحزن في نفس الوقت.... والبنت غلطانة لكن غلطها من أهلها اللي ماعرفوا يتعاملون معاها بالحكمة والموعظة الحسنة وأهم شيء اختيار الصحبة الصالحة للأبناء....ترى الأهل مسؤولين أمام الله عن اختيار صحبة أبنائهم....والحديث الشريف اللي فيه حامل المسك ونافخ الكير....يعني لابد من تأثير صديقاتها عليها....والظاهر إنهم من فئة نافخ الكير....
الله يهديها ويجزيكم خير جميعا

[ونه الم]

الله يكثر من أمثالج ويستر عليج أختي التيما أنتي وأخوج دنيا وأخره

[بنت سعادة السفير]

لاحوول ولاقوة إلا بالله العلي العظيم

الله يستر علينا اجمعين

ويجزيكم خير حبوووبه بس صج صج

تقشعر بدني وعوورتي قلبي عليهااا

الله يفرج همهاا المسكينه

[سعود ناصر]

البنت هذي عندها طاقات لازم تتأدب

[مزيون الدوحه]

بصراحه في ناس اهم السبب في ضياع بناتهم

جزاكم الله خير اختي
والله يستر عليكم دنيا واخره

[بوبندر]

حسبي الله ونعم الوكيل....المشكله في البنات انفتحو على الدنيا ..والشباب من شماليهم بعد الله يستر من الجاي
الثقافه الجنسيه

[MoHaMmEd114]

الله يستر عليها بالاول

والمفروض ان اهلها يدرون عن خرابيطها ويربونها

انتي ساعدتيها انها تكمل المشوااار

انا لو مكانج اكلم اخوانها عشان يذبحونه ويفتكون من عارها

[قطري شايب]

الله يهديج يا ابله التيما ,,,, وانتي جايه تنشرين غسيلهم بالمنتدى !! يعني الي مايعرف عرف

كل من صار وياه شي حطه بالمنتدى !!


خييييييييييييييير ان شاء الله

[الطرف الأغر]

كثر الدق يفج اللحام ،،

بعض الأسر للأسف يفتكرون ان التربيه بس انهم يصكون ويحكرون حق البنات وفي البيت ما يدرون عن هوى دارها ،،
اذا هي غلطت الغلط بدا من داخل البيت مب من برا ،،
الغلط من الأسره والاخوان الي بس يعرفون يضربون والتربية الاساسيه بعيده كل البعد عن الدين والتعامل بالحسنى

اخر وصايا الرسول :اتقوا الله في النساء، اتقوا الله في النساء، اوصيكم بالنساء خيرا

رفقا بالقوارير

[التيما]

لاحوول ولاقوة إلا بالله العلي العظيم

الله يستر علينا اجمعين

ويجزيكم خير حبوووبه بس صج صج

تقشعر بدني وعوورتي قلبي عليهااا

الله يفرج همهاا المسكينه

عيل انا شاقول انا صراحة مشاعري كانت متناقضة مابين هالياهل وبين الي سوته لان مو شي سهل الي سوته .. بس الحمد لله اعتقد انها خذت درس ..


الله يكثر من أمثالج ويستر عليج أختي التيما أنتي وأخوج دنيا وأخره

يسلمووو .. شاكره المرور ..


الله يستر عليكم انتي وأخوج أختي التيما.... موقف غريب ومحزن في نفس الوقت.... والبنت غلطانة لكن غلطها من أهلها اللي ماعرفوا يتعاملون معاها بالحكمة والموعظة الحسنة وأهم شيء اختيار الصحبة الصالحة للأبناء....ترى الأهل مسؤولين أمام الله عن اختيار صحبة أبنائهم....والحديث الشريف اللي فيه حامل المسك ونافخ الكير....يعني لابد من تأثير صديقاتها عليها....والظاهر إنهم من فئة نافخ الكير....
الله يهديها ويجزيكم خير جميعا

الموقف محزن من القلب اخوي .. واتفق معاك ان اسلوب اخوانها غير حكيم لكن هم الي سوته البنت غلط ..

[التيما]

بصراحه في ناس اهم السبب في ضياع بناتهم

جزاكم الله خير اختي
والله يستر عليكم دنيا واخره

وفي بنات هم السبب .. الي صار خطا من الإثنين من البنت ومن الاخوان .. البنت لانها عبالها انها كبيره وعبالها عايشه بزمن اول والاخوان لانهم تصرفوا معاها بعقليه التعامل مع الجيل الماضي ..


البنت هذي عندها طاقات لازم تتأدب

اخوي سعود البنت هذي تنضرب وتنحبس ومع كذا شردت .. عيل الطريقه معاها مو بالضرب الا القعدة معاها والكلام بصراحة وبمواجهة ..

[التيما]

حسبي الله ونعم الوكيل....المشكله في البنات انفتحو على الدنيا ..والشباب من شماليهم بعد الله يستر من الجاي
الثقافه الجنسيه

مشكلتنا تدري وين ؟ مشكلتنا نربي اعيالنا على ثقافة ابهاتنا بس بزمن عصري وجديد ومن غير ما نقصد نبني جيل يتعامل معانا بعقليتنا ومع الي من جيله بعقليه ثانيه .. والصح اننا نربيهم بلغه جيلهم ونبني صح في زمن غريب ..

[التيما]

الله يستر عليها بالاول

والمفروض ان اهلها يدرون عن خرابيطها ويربونها

انتي ساعدتيها انها تكمل المشوااار

انا لو مكانج اكلم اخوانها عشان يذبحونه ويفتكون من عارها

:omg: .. تدري انا لمن كلمت اختها شقلت لها ؟ قلت لها لو اختج لقت من يسمع لها ما دورت برا على من يسمع لها ... ولو تبونا نتكلم بواقعيه الحب والعلاقات بين الطرفين صارت منتشره بدال ما اضرب واحبس اقنعها بنفسي ان هالشاب يلعب وبسمعها باذنها انه يلعب ويتسلى ... خاصه الشباب يقدر يتصل عليه ويقوله انه لقا رقمه عندها وانها رفيجته ويسأل رفيجها عنها وخلها تسمع رايه الصحيح فيها كبنت تسوي الي سوته ..

[التيما]

الله يهديج يا ابله التيما ,,,, وانتي جايه تنشرين غسيلهم بالمنتدى !! يعني الي مايعرف عرف

كل من صار وياه شي حطه بالمنتدى !!


خييييييييييييييير ان شاء الله

انشر غسيل من ؟ اتحداك تقول .. ومن الي عرف ؟ وشو عرفوا ؟ وعن من ؟ احنا لمن نذكر قصه نذكرها عبرة ودرس للي عيونهم للحين مب قادره تتصالح مع شباب هالجيل من الطرفين بنات واولاد .. لمن نشرت غسيلهم لا تنسى اني حطيت الموضوع عني وعن اخوي يعني الكل بيعرف عايلتي وانا منو هاي لو حد على قولتك عرف .. وبعدين انا لمن على قولتك نشرت غسيل واذا قريت كلامي في الأخير .. راح تعرف ان لي هدف اكبر من اني اقول القصه لان هالقصص نسمعها وايد في حياتنا بالتالي انت ماتعرف عن اي مغسله اتكلم تدري وشو هدفي يالشايب ؟؟

هدفي اني اوعي الطرفين بنات كنا ولا شباب ان الدنيا دواره .. وهالبنت الله ستر عليها وراد لها الستر لان ابوها ولا اخوانها ولا احد من عايلتها الا ما يكون ستر على بنت من بنات الناس .. وعبره للي ماشي يتسلى ببنات الأوادم وينشر فضايحهم جدام ربعه اقوله مرده مالدنيا تدور وبيصير لك ولهلك نفس ماصار للبنات الي فضحتهم ..

[التيما]

كثر الدق يفج اللحام ،،

بعض الأسر للأسف يفتكرون ان التربيه بس انهم يصكون ويحكرون حق البنات وفي البيت ما يدرون عن هوى دارها ،،
اذا هي غلطت الغلط بدا من داخل البيت مب من برا ،،
الغلط من الأسره والاخوان الي بس يعرفون يضربون والتربية الاساسيه بعيده كل البعد عن الدين والتعامل بالحسنى

اخر وصايا الرسول :اتقوا الله في النساء، اتقوا الله في النساء، اوصيكم بالنساء خيرا

رفقا بالقوارير

كلامج عين العقل وماقدر اضيف عليه الا انج قلتي الحكمه بعينها .. شاكره مرورج اختي الطرف الأغر ..

[وحيد-الشوق]

جزاج الله خير اختي التيما زين الي سيتوه في ميزان حسناتكم ان شاء الله

دايما الاهل مسؤولين عن ضياع عيالهم وبناتهم

والله موقف مادري شقول بصراحه اعجز عن التعليق ...

وشكرااا

[التيما]

جزاج الله خير اختي التيما زين الي سيتوه في ميزان حسناتكم ان شاء الله

دايما الاهل مسؤولين عن ضياع عيالهم وبناتهم

والله موقف مادري شقول بصراحه اعجز عن التعليق ...

وشكرااا

تسلم اخووي .. شاكره مرورك

[قطري شايب]

انشر غسيل من ؟ اتحداك تقول .. ومن الي عرف ؟ وشو عرفوا ؟ وعن من ؟ احنا لمن نذكر قصه نذكرها عبرة ودرس للي عيونهم للحين مب قادره تتصالح مع شباب هالجيل من الطرفين بنات واولاد .. لمن نشرت غسيلهم لا تنسى اني حطيت الموضوع عني وعن اخوي يعني الكل بيعرف عايلتي وانا منو هاي لو حد على قولتك عرف .. وبعدين انا لمن على قولتك نشرت غسيل واذا قريت كلامي في الأخير .. راح تعرف ان لي هدف اكبر من اني اقول القصه لان هالقصص نسمعها وايد في حياتنا بالتالي انت ماتعرف عن اي مغسله اتكلم تدري وشو هدفي يالشايب ؟؟

هدفي اني اوعي الطرفين بنات كنا ولا شباب ان الدنيا دواره .. وهالبنت الله ستر عليها وراد لها الستر لان ابوها ولا اخوانها ولا احد من عايلتها الا ما يكون ستر على بنت من بنات الناس .. وعبره للي ماشي يتسلى ببنات الأوادم وينشر فضايحهم جدام ربعه اقوله مرده مالدنيا تدور وبيصير لك ولهلك نفس ماصار للبنات الي فضحتهم ..

هدي اعصابج ياشيخ التيما :)

ترا بدز لج طالبه تفشش تواير الالتيما :tease:

وبما ان الشي بالشي يذكر كل ماقلتي ديوانيه عبالي ديوانيه البخاري :tease:

واخيرا وليس اخرا ممكن القصه تنذكر من غير تفاصيل دقيقه :nice:

[قطري33]

أخت التيما يزاج الف خير انتي واخوج والله يستركم فوق الارض وتحت الارض ويوم العرض ان شاء الله
اما بالنسبه للسالفه ففعلا احزنتني لانه المرهقه مثل القنبله الموقوتة اذا ماعرفت تتعامل معاها وتربيتها احسن تربيه انفجرت في البيت كله.
وتقبلي مروري ...

[وهج المشاعر]

اختي الغاليه التيما

الله يجزاكم بالخير ومن ستر على مسلم ستر الله عليه
المشكله اكثر الشباب يدورون الياهل عشان يضحك عليها وهي تصدق من جهلها

الله يكثر من امثالك

اختك

[ALKASER]

لا حول ولا قوة الا بالله
الله يستر على شباب المسلمين ويستر عليكم مثل ما سترتوا عليها
بس الله يهداها شي تسوي هو الغلط عليها وعلى اهلها الموضوع ن=مشترك بس عليها اكثر طبعا الله المستعان بس
شكرا عالموضوع
دمتم بود
سلام

[عذب الكلام 1]

والله عشنا وشفنا والله يستر من اللي جاي ويجزاك الله الف خير والستر زين والله يكون في عون كل مسلم

[أم حماني]

:omg::omg::omg:
:eek5::eek5::eek5:
:weeping::weeping::weeping:
ياهل عمرها 14 وتكلم وتطلع؟؟؟؟؟:eek5: شعرفها في هالسوالف؟؟؟؟:secret: والله حرام
الله يستر علينا وعلى الجميع، ويجزيكم كل خير إنشاء الله ويستر عليكم مثل ما سترتوا عليها

[دنيا الاسهم]

الله يستر عليج اختي التيما ويستر على اخوج وجزاج الله الف خير
الله يهدي بنات وشباب الجيل الجديد ويستر عليهم

[k__]

جزاكم الله خير إنتي واخوج , والله يستر عليكم وعلى المسلمين في الدنيا والاخرة

[SpeedSter]

الله يستر على المسلمين

الله يجزيكم كل خير

[alwahesh]

الحمد لله انها طاحت بيد اخوج ولا غيرها

وصج بعدها الدنيا بخير