سكرتيرة اردنية تطلب عملا !!!

[KHALID1]

بنت اردنية عمرها 23 عاما عملت في مووسسة قطر كسكرتيره لمدة سنة وعملت في اكاديمية الجزيرة لمدة سنتين وعملت في المارس المستقلة لمدة سنتين كسكرتيرة تنفيذية محترفه تتقن اللغة الانجليزية بطلاااااااقة كتابة وتحدثا وعندها المام بالاعمال السكرتارية كاملة حسنة المظهر ترغب في وظيفة في الخطوط القطرية او اي شركة من شركات البترول في الدولة او اي شركة خاصة بهدف تحسين الراتب علما بان راتبها في المستقلات 6000 ريال قطري ...
ما عندها اي مشكلة في الدوام دوامين او دوام واحد طويل ما في مشكلة ...

الرجا من يجد الوظيفة المناسبة الرجا الامراسلة علي الخاص !!!

[al.wafe]

مساء الخير اخوي خالد

دام راتبها 6000 قولها اتحمد ربها عالنعمه الي هي فيها

غيرها عندهم شهادات ومب لاقيين شغل

[ريان قطر]

مااعتقد تلاقي اكثر من 6000 ريال لانها اجنبيه ,,,,,,, وانا معاك الوافي في ناس مب محصله ولاريال

[ولد شرق]

ان شاء الله اتحصل في الشركات
ليتك قايل لي قبل شهر بس
تونا امعينين سكرتيره عندنا في الادارة

[meme1313]

6000 :omg: ومب عاجبها بعد عيل كم تبي ؟

[حارس الليل]

اذا عمرها 23 وسنوات الخبرة 5 سنوات يعني اشتغلت وعمرها 18 سنة يعني بالثانوية العامة
قطريات بالثانوية العامة مايحصلون 6000 ريال
تحب العافية ابرك

[HORK]

يا جماعة الخير لا تنسون انها بنت اجنبية
وتستاهل السكن والمواصلات والعلاوات والتذاكر .... الخ
فالها طيب انشاء الله

[elegance]

بالتوفيق ان شاء الله

[مستثمرة صغيرونة]

بالنسبة للخطوط القطرية حتى اذا لقت فرصة (بما انها ليست هندية)
فالراتب ماراح يزيد عن 6 الاف باي حال من الاحوال
تقعد في المدرسة ابرك لها

[509]

بيني وبينك انا ادور

بس 6000 غالي

لو سكرتيره قطريه ماتاخذ هالمبلغ في الحكومه

الصراحه الله يرزقها بس 6000 واجد

بالتوفيق

لو تبي اقل انا مستعد ولازم مقابله

[KHALID1]

يا جماعة الخير اشبلاكم قمتم علي ترا البنت هذي ممتااااااااازة ومت عنةها اي مشكلة في مدرستها بس مثل ما انتوا عارفين سياسة التقطير في المجلس الاعلي للتعليم انهم يفنشون الاجانب كلهم ويحلون محلهم قطريات بس والله العظيم البنت ما عليه كلام للامانة بس وللتوضيح .... وبالنسبة للراتب بترضي باقل لانها محتاجة الراتب تصرف علي اهلها والله يسوي اللي فيه الخير انشالله وتتوفق مع عيال الحلال ...

[عتيج الصوف]

الله يوفقها ,,ويسر امرها ,,ويرزقها الوظيفة المناسبة

مسامحة ,,دخلت على الموضوع ,,ولم املك سوى الدعاء لها بالخير والتوفيق,,,ولصاحب الطلب جزاه الله خير على سعيه لمساعدة الغير

[nor85]

ماراح تحصل مثل هذا الراتب الحين حتى مؤسسه حمد بتفنش الاداريين الاجانب من السكرتيرات وعطعتهم مهله 6 شهور عشان يوظفون القطريين صراحه الاجانب اذبحونا صاروا هم اصحاب البلد

[al.wafe]

ماراح تحصل مثل هذا الراتب الحين حتى مؤسسه حمد بتفنش الاداريين الاجانب من السكرتيرات وعطعتهم مهله 6 شهور عشان يوظفون القطريين صراحه الاجانب اذبحونا صاروا هم اصحاب البلد

أخوي توضيح لردك

بس حبيت اقولك انه لولا على قولت الاجانب ما عشنا

وبعدين هم مب اجانب هم عرب ومسلمين وكلمت اجانب تنقال للشخص الاجنبي الي لا هو عربي ولا ديانته ديانت الاسلام

ويريت تسأل عمرك بس تقدر اتعيش بدون هالناس

واذا جوابك راح يكون نعم

فيريت ترسلي رقمك عالخاص على اساس من بكرة اشوفلك وظيفه فالبلديه ولا فمغسله من المغاسل الي عندنا

ياخوي احمد ربك وترى ذيلا اخوانا ومافي فرق بين عربي ولا عجمي لا بالتقوى

[al.wafe]

اخوي يريت ترسلي رقمك عالخاص على اساس اتفاهم وياك لاني كلمت الوالد ولقيت لها شغل بس بأقل من الراتب الي هي فيه

واذا هي جديرة بالشغل يمكن يزيد راتبها

[nor85]

أخوي توضيح لردك

بس حبيت اقولك انه لولا على قولت الاجانب ما عشنا

وبعدين هم مب اجانب هم عرب ومسلمين وكلمت اجانب تنقال للشخص الاجنبي الي لا هو عربي ولا ديانته ديانت الاسلام

ويريت تسأل عمرك بس تقدر اتعيش بدون هالناس

واذا جوابك راح يكون نعم

فيريت ترسلي رقمك عالخاص على اساس من بكرة اشوفلك وظيفه فالبلديه ولا فمغسله من المغاسل الي عندنا

ياخوي احمد ربك وترى ذيلا اخوانا ومافي فرق بين عربي ولا عجمي لا بالتقوى

وانت ليه زعلان عليهم اولا هم فلبنيين وهنود وثانيا الظاهر انت منهم مادام متحمس لهم بهذه الطريقه

[المخفي]

الله يوفقها ويرزقها هذا اقل شي اقدر اسويه