منطقه بين فرنسا والمانيا وسويسرا وقريبه من النمسا .. اتعرفونها ؟ [الأرشيف]

المساعد الشخصي الرقمي

مشاهدة النسخة كاملة : منطقه بين فرنسا والمانيا وسويسرا وقريبه من النمسا .. اتعرفونها ؟

الجسراوي

20-04-2008, 11:09 PM

خالي مشاعر

21-04-2008, 12:45 PM

اخوي انا كنت مخطط اروحلها بس ماجاتني فرصه

انت بتروح بس حق هالملاهي ولا بتروح سياحه وتسوق وكم يوم تبي تقعد؟

الجسراوي

21-04-2008, 09:52 PM

اخوي انا كنت مخطط اروحلها بس ماجاتني فرصه

انت بتروح بس حق هالملاهي ولا بتروح سياحه وتسوق وكم يوم تبي تقعد؟

هلا اخوي

انا رايح علاج للاهل في ميونخ تقريبا 3 ايام وبس وبعدين سياحه
هل ميونخ تصلح للسياحه سمعت انها مدينه صناعيه
والله ودي اعرف
بس في ناس خبروني عن هالملاهي وعن سالزبورج في فيينا مدري عاد شاسوي ابغي شوركم ياهل العزم دلوني:)

قطر

22-04-2008, 06:48 PM

بالسياره

من سالزبرغ الى يورو بارك
4:44

من باريس الى يوروبارك
4:56

من ميونخ الى يوروبارك
3:26

والأفضل انك تاخذ قطار من ميونخ اذا انت ماتسوق في اوروبا

وتقعد يومين وترجع

ميونخ حلوه كتسوق وسياحه
فيها اماكن للاطفال كثير

وطبعا الافضل انك كل يوم تاخذ السياره وتروح المدن الريفيه والبحيرات القريبه

خالي مشاعر

22-04-2008, 08:05 PM

هلا اخوي
بالنسبه لميونخ ترى مدينه حلوه والاهل بيستانسون فيها يقدرون يتسوقون ويتمشون
بس حاول انك تاخذ فندق قريب من وسط المدينه marienplatz
تقدر تسكن في كيمبنسكي او المريديان وتروح مشي للاسواق والكافيهات
3 ايام تكفي لميونيخ

وبعدين اتروح الملاهي اللي في بالك بالقطار وتقعد فيها يومين وترجع بالقطار لميونيخ
وبعدين اتأجر سياره وتروح زيلامسي 4 ايام تتمشى على البحيره وتروح فوق الجبل للثلوج وبعدين تقدر اتروح سالزبورج يومين

واذا الميزانيه كافيه تقدر اتروح فيينا

من ميونيخ لزيلامسي ساعتين وشوي بالسياره
ومن زيلامسي لفيينا تقريبا 3 ساعات

سماء الدوحة

26-04-2008, 02:32 AM

اخوي في منطقه اسمها ( فردرج هافين ) وايد حلوة انا قعت فيها 5 اشهور وتبعد عن ميونخ ساعتين في السيارة بس وايد حلوة والمناطق الي جنبها بعد حلوه والكورنيش امشاهد جبال الالب.. يعني تركب العبارة وتروح سويسرا

هاجن داز

26-04-2008, 03:16 PM

الاماكن السياحية والترفيهية والمطاعم :داخل ميونخ :
bavaria films stadt /1 وهي حديقة لصناعة الافلام يعني اشلون يسوون افلامهم وفيها بعض الالعاب للاطفال .

lego land /2 وهي مدينة العاب حلوة من التركيبات في مدينة Gunzburg تبعد عن ميونخ ساعه ونصف وهي ملاهي مناسبه لمختلف الأعمار والحديقه تغلق الاثنين والثلاثاء والاربعاء.

3 /حديقة الحيوان thalkirshen zoo حديقة صغيرة وبسيطة .

4/ حديقة العاب اوروبا بارك وهي بعيدة عن ميونخ تقدر تروح لها يفضل بالسيارة وفيها فندق الاندلس راقي .

5/ حديقة anglish gardan هي عبارة عن حديقة للتمشي وفيها بحيرة وتاجير قوارب.

6/ حديقة الرقص تنفع حق يوم الاحد يكون فيها مطاعم على البحيرة وهي منطقة ريفية وفيها يوم الاحد العجايز حقهم يرقصون يعني تنفع حق يوم الاحد لانه طويل وفيه تاجير قوارب ايضا اسمها starnberg

herrsching /7 وهي منطقة حلوة تقع على البحيرة وفيها مطاعم وتاجير مراكب ايضا

8 / متحف هتلر اذا كنت من محبي المتاحف dachau stadt .

9/ حديقة الغزلان تنفع اذا كان فيه اطفال poing .

10/ حديقة العاب مؤقته تفتح في شهر 8 وهي حديقة الاولمبياد olympia zentren

المطاعم :

1- مطعم سفرة خانه ( pars restaurant) مطعم ايراني عنوانة ( dachauer strasse 19)

2- مطعم الدهباشي ( dehbaschi) هو مطعم ايراني عنوانة dachauer strasse 36)

3- مطعم ارابيسك ( arabesk) مطعم لبناني ايراني وهو يفضل للعائلات غداء فقط ام العشاء فيكون اكثر تواجد للشباب لان يكون فيه رقص شرقي وغيره.

4- المطاعم التركية وهي موجودة بكثرة عند ا اذا طلعت من فندق الميريديان روح على يدك اليمين يعني كنك رايح حق مطعم البيتزا والهندي وغيره كله مطاعم تركية واسلامية حلال .

5- بالاضافة الى مكدونالدز وربعة .

6- بالاضافة الى المطاعم الموجودة في محطة القطار المحطة الرئيسية فيه مطعم ( برجر كينغ والمطاعم حقت السندويشات واسواق وجمعيات صغيرة لتقضي الحوائج )

الاسواق :

1- سوق المشاة او شارع المشاة marien platza روعة هالشارع فيه قهاوي مطاعم سناتر من كل نوع ويتفرع منه شارع الماركات وفيه كنيستهم حولها كله قهاوي.. تونس حزة العصر و المغرب وهو شارع حي يمكن التمشي فيه حتى ساعة متاخرة بدون خوف لانه فيها كل العرب والاجانب وبعض البهلوانين والمغنين وغيرهم .

2- سوق الاولمبياد olympia zentuum وهو مجمع فيه محلات راقية وكافيهات ومطاعم

3- شارع الماركات odeons platza

4- مجمع اسمه اعتقد ( احنا مسمينه الريم لانه مكتوب عليه ...ream) يقع في محطة الاندرقراوند التالي اسمها على ال ( u2-u7) اسم المحطة messestadt-west
مجمع حلو يستحق الزيارة

5- اسواق بعيدة بالقطار السريع ساعة واطلقنا عليه السوق البعيد يقع في منطقة (ausgang burg)

هذي المعلومات عندي من الصيف الي راح وهي عباره عن تجارب وخبرات كثير من الاعضاء
وعلى رأسهم الراقيه

ويشهد الله ان المعلومات هذي كانت الشمعه الي امشي فيها في ميونخ واختصرت علي كثير من الجهد والوقت .

وبالتوفيق

هاجن بن داز

الجسراوي

29-04-2008, 07:02 PM

اولا رحم الله والديكم وماقصرتوا والله كفوا عليكم

ثانيا سامحوني على تاخر ردي عليكم

ولميونخ ان شاء الله بدون خوف .....

Chambray

29-04-2008, 11:21 PM

بسم الله الرحمن الرحيم

اخواني واخواتي الافاضل

حبيت استفسر عن منطقه موجوده في المانيا وقريبه من فرنسا وسويسرا والنمسا تقريبا ...

دشيت موقع ولقيتها اسمها يوروب بارك .... مدينه ملاهي اوروبا

الزبده من عنده فكره عنها او راح لها اتمناه يشفي غليلي بمعلومات ونصائح واشلون اوصل لها باسهل طريق وخصوصا لو ابغي اسافر من قطر لاوروبا اي مدينه انزل ..؟؟؟

ومشكورين

هاي موقعهم

http://resort.europapark.de/lang-en/c637/default.html

المدينة جميلة جداً اقصد مدينة الملاهي وانا افضلها عن يورو ديزني لاند
انصحك بالمكوث بها من 2 - 3 ايام
ماتمل منها ابداً
مدينة الملاهي في قريه rust الالمانية .. واقرب مدينة فرنسية لها ستراسبورغ 45 كيلو
ساعتين وشوي عن مدينة انترلاكن السويسرية interlaken

وبالتوفيق يالغالي

Chambray

29-04-2008, 11:23 PM

هلا اخوي

انا رايح علاج للاهل في ميونخ تقريبا 3 ايام وبس وبعدين سياحه
هل ميونخ تصلح للسياحه سمعت انها مدينه صناعيه
والله ودي اعرف
بس في ناس خبروني عن هالملاهي وعن سالزبورج في فيينا مدري عاد شاسوي ابغي شوركم ياهل العزم دلوني:)

ميونخ حلوه حق سياحة 3 - 4 ايام بالكثير ..
في فندق 3 نجوم ميركور غرفه حلوه وقريب 5 دقائق عن شارع المشاه وعندك الميريديان
اكثر ما يميز ميونخ كثرة العرب والخليجيين بها وكثرة الجالية الكردية والتركيه بها على وجه الخصوص ! يعني ما راح تتعب في ايجاد اكل حلال :)
موفق يالغالي

الجسراوي

30-04-2008, 05:09 PM

ميونخ حلوه حق سياحة 3 - 4 ايام بالكثير ..
في فندق 3 نجوم ميركور غرفه حلوه وقريب 5 دقائق عن شارع المشاه وعندك الميريديان
اكثر ما يميز ميونخ كثرة العرب والخليجيين بها وكثرة الجالية الكردية والتركيه بها على وجه الخصوص ! يعني ما راح تتعب في ايجاد اكل حلال :)
موفق يالغالي

مشكور اخوي وماقصرت والله يوفقك :victory: