المساعد الشخصي الرقمي

مشاهدة النسخة كاملة : استشاره


خليجي
17-03-2005, 10:35 AM
اخواني الاعزاء

لين متى المصرف بيطلع؟ اليوم نازل شوي بس شكله بيطلع ثانيه؟

وشنو الافضل السلام ولا المتحده؟

ومشكورين
اللورد
17-03-2005, 01:18 PM
السلام ولا المتحدة

اخوي خليجي (كلهم حلوين)
صراف
17-03-2005, 08:44 PM
جميعهم من الاسهم الاكثر نشاطا وعليهم طلبات قويه....
سهم طايش
17-03-2005, 09:40 PM
المتحده طبعا

لو تشوف الشاشه بتشوف المتحده هي اكثر طلب

اليوم مطلوبه 800 الف سهم و العرض صفر من اسبوع
Alemadi
17-03-2005, 11:13 PM
يالربع السلام زينه بس لاتنسون سعرها كان 9-10 ريال والحين راح تكسر 60 يعني تضاعفت حول 6 مرات وانا اشوف فيها مغامره ان الواحد يشترالحين ...... ولاتنسون ان الأجانب مسموح يدشون فبها من زمان واتوقع انها راح تشير بين 65-75 ريال بعد دخول الأجانب ..... والمتحده ترها زينه ولها مستقبل كبير وحتى لوماارتفعت وايد بس مشاريعها كبيره وااايد وايد في الدوله يعني مع الأيام راح سعرها يكون خيالي خاصه لين تخفف القروض على الشركه
قطر
17-03-2005, 11:56 PM
اخوي العزيز اهلا بك بينا

المصرف سعره مرتفع ومايعتبر نازل
وزين بعد انه ثابت على 500 اليوم

شوف الدوحة توزيعاته اكبر وسعره نازل مع ان جمعيته يوم الثلاثاء


بس المصرف بينطلق مع اعلان موعد الجمعيه


بالنسبه للمتحده والسلام
اثنينتهم اوكي

لوحصلت في السلام لاتردد

انا اخاف اقولك المتحده ويعلنون عن زيادة راس المال باقل من 100% ويطيح السهم من صدمة الناس

مثل ماصار في الدولي الاسلامي


بس السلام عندك الاكتتاب الخاص يدعمه


واخيرا استخير وتوكل ولا تتواكل

:)
خليجي
18-03-2005, 02:08 PM
اشكر كل من ادلا بدلوه ولكن عندي سؤال لك يا مراقبنا العزيز قطر

هل احتفظ بالاسهم اللي عندي وهي كالتالي
المصرف
الصناعات
بنك الدوحه
السلام
لين بعد دخول الاجانب ولا ابيع قبل دخولهم؟
ياليت والله تجاوبوني على هالسؤال اللي محيرني وايد
ولكم شكري
قطر
18-03-2005, 08:49 PM
خليجي

بنك الدوحة يوم الخميس بينزل سعره اوتوماتك من السوق
فاذا انت اكتفيت بارباحه بيعه لكن انا ماانصح اي سهم ينباع حتى لو انتهت جمعيته
يعني عطه اسبوع بعد خله يرتفع عقب بيعه

بالنسبه للمصرف ممتاز جدا للاستثمار طويل الاجل

لاتبيعه ... واذا حبيت بيع الاسهم اللي اتجيب راس مالك وخل الاسهم المجانيه


صناعات سهم قوي مثل مايقولون طلعاته وايد هاليومين حرام اتبيعه ...
متى ماصار ثابت بين رقمين بيعه اذا مش محتاج له خله


السلام بعد مايحق لك الاكتتاب بيعه وخل اسهم الاكتتاب

:)

اخوي اسهم ميزتها ماعدا صناعات انها بتعطيك اسهم منحه او اكتتاب
الميزه في هالشي انها بترفع اسعارها
غير ذي لما تجي اتبيع
تقدر اتجيب راس مالك + ربح من الاسهم الاساسيه

واتخلي الاسهم الباقيه استثمار طويل

هذا نظامي وانت واختيارك

:)

ان شالله راحت الحيره؟


هلا بك
الآفاق
19-03-2005, 01:36 AM
خليجي انا لي راي ؟ التوفيق من الله شوف الصناعات لا تبيعها نهائيا والسلام كذلك وجمد قلبك وابشر بالخير