المساعد الشخصي الرقمي

مشاهدة النسخة كاملة : عبد الغني Vs البريمي .. حد يفيدني وجزاكم الله خير


desert hunter
23-04-2008, 10:50 AM
السلام عليكم ورحمة الله

اشكركم جميعا وعندي سؤال اتمنى حد يفيدني وجزاكم الله خير

بالنسبه لللاند كروزر

وفي ناس نصحوني بموتر البريمي

فحبيت اعرف الفرق بين هالموتر الي من البريمي والموتر الي يطلع من عبد الغني ( الوكاله)


هل في فروقات في السياره ؟
السعر شلون ؟
والضمان شلون ؟ وهل ضمان عبد الغني نفس البريمي؟ يعني لو صار حادث لاقدر الله شلون اتصرف لو الضما مب وكاله؟

اتمنى حد يفيدني وجزاكم الله خير :)
الـخـور
23-04-2008, 11:53 AM
اذا يهمك الضمان طلعلك وارد عبدالغني

اذا يهمك السعر وبعض الزوائد الشكليه ومستعجل على السيارة يعني ماتبي تنتظر وتحجز وسالفه عليك بالبريمي
إلى متى
23-04-2008, 01:52 PM
اخوي سيارات البريمي اسعارها مرتفعة بالنسبة لسعر عبدالغني

هذا مثال
Gxr V8 سعره اليوم في البريمي 205000 الى 215000 الكامل
وعند عبدالغني 196000 قبل الخصم

و سيارات البريمي ما عليها ضمان في قطر
اما المواصفات البريمي افضل بكثير من داخل وخارج السيارة

عليك الاختيار والله يوفقك
HEART_LION
25-04-2008, 01:35 PM
السلام عليكم

بخصوص الفكسار انا ماخذ وواحد بريمي طلع علي تقريبا 250 الف

وواحد من الربع عنده مواصفات عبدالغني طبعا اللي عندي فيه فروق وايد ومميزات اكثر من عبدالغني يعني بريمي احسن بوايد عشان تحسب السعر بالتقريب خذته 27الف ريال عماني

تبي نصيحتي عليك بالبريمي وضمان انترناشونال والله يوفقك

عبدالغني ضمانه محدود واشوفه غالي ومش هذيك المميزات

هذي وجهة نظري وبالتوفيق

لاتنسى هالسعر كامل المواصفات جلد جناح شنب قدام فل ابشن يعني

وفيه مكيفات ورا تحت السيتات الخلفيه عبدالغني ماعنده هالمواصفات
فلفل حار
25-04-2008, 01:51 PM
ماعرف اسعار وارد البريمي لكن الي اسمع به انه اغراض السياره اصليه مب تجاريه مثل وارد عبد اللطيف

وبغض النظر عن السعر والمواصفات انا انصحك بوارد الدوحه ، حزت مشاكل القير والمكينه محد بينفعك لانه الموتر بلا ضمان

وبالنسبه للحوادث ماله علاقه بضمان السياره هذي يعتمد علي تأمينك ان كان شامل ولا ضد الغير وطبعا سياره جديده انصحك بتأمين شامل كأول سنه علي الاقل

اخوي انت شنو بخاطرك بالضبط ؟ جي اكس ولا ؟ حدد وان شاء الله نقدر نفيدك بوارد الدوحه ان قدرنا
HEART_LION
25-04-2008, 01:53 PM
بالنسبه للضمان انترناشونال بس ماينفعك في الدوحه لان عبدالغني ضمانه محدود

يعني اذا صارت لك مشكله لازم تودي السياره الامارات او اي مكان والله يعين
desert hunter
29-04-2008, 07:05 PM
السلام عليكم ورحمة الله


الاخوان الي ردو علي

aljarrah

فلفل حار

إلى متى

الـخـور


لكم مني الشكر الجزيل واسف اسف اسف على ردي المتاخر كله مني


انا بقولكم الصراحه والي في قلبي والي ابيه وانا ابي شي ارتاحله بصراحه

لان هالموتر ابيه يتم عندي فتره

المهم


انا خاطري في جي اكس ار 6 سلندر يكون في شاشه بنفجيشن وكاميرا وبلوتوث وشاشة دي في دي نركبها ماهي بمشكله

وتكون فيه مواصفات وايد وانا اشوف من الردود ان البريمي له مدحه الكبير


لكن المشكله هي الضمان

انا لو اخترب علي الموتر , بصراحه ماعرف شاسوي وين اوديه شنو المطلوب

قطع غيار الكروزر في كل مكان متوفره لكن لو اخترب علي الجير ولا المكينه شاسوي

المشكله الكبيره ومع احترامي اني سمعت ان شركة عبدالله عبد الغني فيها نوع من الانتظار والتسويف في الموضوع يعني الواحد تحترق اعصابه

صح وارد الوكاله زين ضمان وماالى ذلك, لكن الخوف من التسويف الي مامنه فايده

ومواصفات البريمي بصراحه شي ولا في الخيال


المهم هاي الكلام الي كان في قلبي وابي ردكم عليه

وعندي استفسارات بسيطه

شنو الفرق في المواصفات
هل اقدر اركب حركه تشغل قنوات نفس الي في ال BMW X5
شلون التصليح وماالى ذلك

وفي العلم انا شخص ابي السياره للبلد واحتمال اسافر فيه الدول القريبه

اتمنى حد يفيدني عشان احدد موقفي وجزاكم الله خير انتوا فيكم الخير والبركه :)
فلفل حار
30-04-2008, 02:21 AM
فرق المواصفات بالجكسار بين وارد البريمي و قطر هو كالتالي

البريمي سعره اغلى من الدوحه بـ شوي لكن يجي معاه شاشه لو كان جكسار + بدون خطوط + جناح + لحيه + حدايد علي السقف "عرشه" ومشوهين صورة الكروزر بـ نظري+ دواسات فيبر نفس وارد الدوحه + ليتات علي دواسات الباب لما تفتحه من الداخل يولعون لون زرق ومكتوب عليه لاند كروزر

ووارد الدوحه مع خطوط وطبعا الشكل احلى + بدون عرشه وهذا احلى شي + بدون زوائد مالها داعي لانه الكروزر ماتليق له هالسوالف والدليل جان نزلوها علي اللكزس الفخمه+ مافيه الليتات الي علي الدواسات الداخليه + دواساته عاديه كأنها مالت G قديم مب كروزر واتوقع بتتغير في الدفعات الجايه

وعلي سالفه الشاشه ترا شاشه الجكسار مالت الوكاله مب شي ولا حد قد مدحها والافضل تركب لك شاشه من الشاشات المعروفه مثل بايونيير او كينوود مع نافيقيشن وكميرا خلفيه واخر الموديلات واحدثها بحدود 5 إلى 7 الاف ، ومافهمت قصدك بتلفزيون البي ام ؟ بس التلفزيون موجود بالشاشه الي بتشتريها بس لازم تركب له آريل صغير خاص له

والتصليح محد يعلم به ، خبرك الموتر جديد وطبعا اي شي يصير الافضل الوكاله

ودامك تبي السياره للسفر الافضل تنفض مخباك شوي وتاخذ لك 8 سلندر وصرفيته جدا حلوه ومعقوله ومكينته تستحمل خطوط وكرف اكثر من الـ6 سلندر وافتك من حنة الـ6 سلندر

تعبت وانا اكتب المفروض الاداره يعطوني نجمه اعلقها علي ملابس عضويتي :rolleyes2:
فلفل حار
30-04-2008, 02:24 AM
ونسيت ارد علي سؤالك بـ خصوص الوكاله وتعسفهم مع الناس

طالما الموضوع مجرد تشييكات روح فرع مدينة خليفه الساعه 10 فليل بالضبط "بدايه شغلهم بعد البريك" لانهم يسكرون 1 ونص

دايما اروح لهم بـ هـ الاوقات ، ومن يومين رحت مع واحد من الربع وخلصو موتره في 20 دقيقه بالضبط :)

او حتي توديه الساعه12 فـليل ماميش اي مشاكل

وان بخاطرك بشي ثاني تفضل اخوي:discuss: