مسافريين النمسا و سويسرا ونبي نصيحه

[laheeb60]

الأ خوه والأخوات السلام عليكم جميعا
ان شاء الله بنسافر في شهر سبعه النمسا وسويسرا وهذه اول مره ونبي نصيحه منكم اي مناطق نزور واحنا عائله من ثمانية اشخاص ولا تبخلون علينا ومشكوريين مقدما

[6611]

اخوووووووي بخصوص النمسا

في مناطق تبعد عن النمسا حول ساعتين او ثلاث فالسياره وانصحك تروحها

وصدقني بتنسى الدوحه

منهم zell am see
salzborg
st.wolfgang


وان شاء الله بتعجبك وبتعجب عايلتك

واي شي ثاني انا حاظر


اخوك ولد الكعبي

[أبي أربح]

السلام عليكم ..

تونا اليوم نفكر بالنمسا والحمدلله حصلت هنا الموضوع ..

ابي شرح مفصل عن كل شي وعن الفنادق والاسعار ..


من الدوحة تنصحني اخذ باكج من اي شركة سفريات ..؟؟

[laheeb60]

مشكور ياولد الكعبي : ان شاء الله بنروح الأماكن الي ذكرتها , بس فيه اماكن حق لعب العيال
واي احسن اروح النمسا او سويسرا اول

[Chambray]

السلام عليكم
إذا تبي نصيحة اخو .. خلها على سويسرا ولا تشتت عمرك في اكثر من مكان ،، سويسرا على صغرها إلا انها رهيبه جداً

قسم وقت في سويسرا .. مابين لوزيرن وانترلاكن ولوزيرن وهايدي لاند وزيرمات و و و و و إلخ ، لكن ابعد عن المدن الكبيرة مثل زيورخ وجنيف ..

ولا اقلل من جمال الغرب النمساوي فهو رائع جداً جداً جداً ... انسبورغ وزيلامسي و و و وإلخ .. سالزبورغ وزيلامسي قراب من بعض فحرام تسكن هنا وتسكن هناك .. وإذا فكرت تروح النمسا ابعد عن فيينا .. < ماحبها

[Chambray]

اخوووووووي بخصوص النمسا

في مناطق تبعد عن النمسا حول ساعتين او ثلاث فالسياره وانصحك تروحها

وصدقني بتنسى الدوحه

منهم zell am see
salzborg
st.wolfgang


وان شاء الله بتعجبك وبتعجب عايلتك

واي شي ثاني انا حاظر


اخوك ولد الكعبي


مافهمت اخوي ولد الكعبي شلون تبعد عن النمسا وهم في النمسا :tease:


يمكن تقصد فيينا .. فأعتقد زيلامسي تبعد مو اقل من 4 ساعات

[بنت الفيصل]

اخوي من رايي... اجلس بمكان واحد.... فالطبيعه متشابهة... وان كنت اشوف النمسا احلا ...... ويمكن يكون اقتراح الاخ البدر معقول..... موفق....

[laheeb60]

شكرا للجميع على المعلومات . بس فيز النمسا وسويسرا من وين هل من السفاره الألمانيه

[لــولــو]

نفس الفيزا اللى هي شنغن تصلح حق الدولتين من السفاره الالمانية

[عالي مستواة]

نعم الفيزا شنغل من السفاره الالمانيه

وبعدين اذا بتروحون سويسرا روحوها وقت الكرنفال لانه حلاتها في هذا الكرنفال وانصح باخر ثلاث ايام

واذا بروحون النمسا طبعا روحوا فينا وبالنسبه للفنادق عندكم الماريوت وامبيسدور موقعهم جدا متاز والهيلتون بعد قريب شارع المشاه وشارع فيكتوريا للتسوق طبعا
وفي فينا عندكم ملاهي اسمها براتر وفيه مادري شسم المنطقه تاجير طراريد صغار يعني مايبيلها دريول
وعندك بعد سلازبورج وزيلامسي وخاصه زلامسي طبيعه ولا اروع

واي سوال انا حاضر

[بو نيوفي]

هلا اخوي انا بقولك عن فيينا انها روعه وتناسب الاطفال بعد ومثل ما قال اخوي عالي مستواه فيها ملاهي (( براتر )) عجيييييب وااايد يونس وفيه العاااب كثيره وبالنسبه لزل ام سي روووعه جوها وفي رحله فوق الجبل واتشوف الثلج وتتزلج ع الثلج بعد وناااسه شي غريب وحلو ومناسب للاطفال وللكبار
زل ام سي فيها بحيره كبيره تاخذ فيها مركب وتدور ف البحيره ( المركب حق 4 اشخاص ) المنطقه هاذي وااايد فيها خليجيـــــــن وفيها اسواق بعد ومطاعم عربيه وفي كل مكان بتحصل المطهم المفضل للجميع ( ماكدونلدز )

اما بالنسبه لسويسرا كانت جنيف روعه ايام الكرنفال العاب ووناسه ع طووول الكورنيش اللي عندهم عند اطول نافوره ف سويسرا اما انتر لاكن منطقه جميله تقريبا نفس زيل ام سي اللي في فيننا جبال ثلج وحدائق كبيره للقعده والجو روووعه وفيها سوق بعد ينفع للحريم

اما بالنسبه للحجوزات احنا خذنا كل شي من قطر يعني الفنادق حق كل دوله كنا حاجزينها من قبل عشان مانتوهق واسمحلي اذا طولت عليك

اون شاءالله تستمتعوون برحلتكم

[داعم طوفه]

اشوف سويسرا احلى من النمسا

[نـــــوره]

):


ماعندي ألا نصيحه لنعيريه تبينها

[سمو]

ممكن انعرف المده حتى نساعدكم في التخطيط وطريقة التنقل الي ناوين عليها بين الدولتين ؟؟؟؟

[laheeb60]

شكرا للجميع
ان شاء الله ناويين على 25 يوم مابين فيينا, سلامسى , جنيف , واخيرا ميونخ والعوده الى الدوحه وخلاص اخذنا التذاكر دوحه فيينا ميونخ دوحه . بس باقي حجز الفنادق وهمتكم معاي اشلون الترتيب . وشكرا

[سمو]

خلنا نقول مبدأ 6ايام فينا (الماريوت - ساس - لي مرديان) بعدها 5 ساعات
زلمسي 7ايام (جراند هوتيل اربع نجوم المبنى الفرعي الجديد)6 ساعات

انترلكن7 ايام (جراند بيوريفاج خمس نجوم - متروبول اربع نجوم )ما ادري كم المسافة بتأكد وبرد

ميونخ 5 ايام (لي مرديان )

هذا مبدئيا بس ياريت اتقول انتوا ايش ميولكم يعني رحلات وكل يوم برنامج والا من النوع الي سوق وتمشي في المنطقة

حدد المده والفنادق واحجز من هالشهر حتى تظمن افضل الاسعاروالفندق الي تبيه قبل الزحمة

ما قلت طريقة التنقل الي ناوين عليها قطار او تاكسي او بتأجرون سيارة ((انصحك بلسواقة متعة وسهله))؟؟؟

[laheeb60]

شكرا اخوي هتان

والله احنا عايله والاولاد ماشاء الله 6 يعني بين الالعاب والمناظر الحلوه الى شفناها في النت والتسوق .
اما عن السواقه ماضنتي اسوق بدور لي على سايق عنده فان 8 كراسي وبندور معاه
واذا اتعرف احد منهم لا تبخل علينا جزاك الله كل الخير

[سمو]

شكرا اخوي هتان

والله احنا عايله والاولاد ماشاء الله 6 يعني بين الالعاب والمناظر الحلوه الى شفناها في النت والتسوق .
اما عن السواقه ماضنتي اسوق بدور لي على سايق عنده فان 8 كراسي وبندور معاه
واذا اتعرف احد منهم لا تبخل علينا جزاك الله كل الخير

العفو اخوي انت تامر ..
صدقني اخوي جرب لسواقه والله بتدعيلي اصلا سواقتهم مثلنا يسار وشوارعهم مرتبه وبتستانس اكثر من السايق فكر في الموضوع

في فينا ما تحتاج لا تسوق ولا سايق استخدم الاندر قراوند سهل ومريح واوفر لك
في المناطق الباصات زينه (سالزبورغ -زلمسي - انترلكن)
ميونخ استخدم الاندرقراوند
اما بين المناطق اما القطار اذا معاك حد يساعدك في شيل الشنط واذا صعبه اجر سياره
فان وابتعد عن العرب نصيييييييحة ..للاسف ما عندي ارقام حد ممكن ينقلك الفندق بيساعدك
او ممكن حد من الاعضاء عنده ..
اش رايك تضيف منطقه بين فينا وزلمسي ((سالزبورغ)) فيها مناظر خيال وحلوه

يكفيها 3 ليالي ((اذا ما كانت سالفة التنقل تضايقكم ))

المسافه بين فينا وسالزبورغ 3 ساعات وبعدها ساعة ونص تقريبا الى زلمسي

واذا من فينا الى زلمسي مباشر ما تبي تمر سالزبورغ اربع الى خمس ساعات اذا انتو مثلنا وايد توقفون عند كل محطة اليهال كل ما شافو محطة حنو ,,

المهم انها من فينا لزلمسي 400 كم تقريبااذا مسكتو الخط دايركت 4 ساعات

شفت لك المسافة من انترلكن لين ميونخ 483 كم حوالي 5 ساعات

بالنسبة لزلمسي فيه منطقه قريبه منها اسمها الكابرون 10 دقايق تقريبا..اهدى منها
والسكن ارخص وفيه باصات تنقلكم الى زلمسي
اختك هتان :)

[laheeb60]

شكرا اختي هتان :shy: على كل المعلومات , واليوم انشاء الله بروح على المكتب يرتب لي الفنادق .

[سمو]

الله ييسر امورك واي استفسار لا تتردد وانا اختك

[رجل شرقي]

الاخت/ هتان ابد ما قصرت .. وكانت نصائحها ممتازه جداً ..
ولكن انصحك تغير خط سير الرحله ( دوحه - فيينا - زيورخ - دوحه ) او ( دوحه - فيينا - جينيف - دوحه )
او ( دوحه - فيينا - ميونخ - دوحه >> بشرط عدم الذهاب الى سويسرا )

وهل عرفت كيفية الانتقال من زيلامسي الى انترلاكن ؟!! لا تحجز كذا والسلام !! فالتخطيط الجيد يعني رحله جيده .

بالقطار 8 ساعات تقريبا ، مع التبديل في كذا محطه ؟!!! وبالسياره لا تقل المسافه عن 7 ساعات !! واذا استأجرت سياره ففي الغالب السائق لن يذهب معك الى طوال الرحله في بلد آخر ، ممكن يوصلك ويرجع ولكن ستكون التكلفه مرتفعه جداً جداً جداً .

[مهاجر]

انا انصحك خليها الدوحه فيينا - ميونخ الدوحه

وطبعا الطبيعه احلى في النمسا ( فيينا + زلامسي + سازبورغ )
والتسوق والالعاب اكثر في ميونخ

[رامي]

مشكورين على هل النصايح لأني افكر اودي العيال
بس بالنسبه للمواصلات واش اخذ وهل في سائق عنده سيارة اتفق معا وفي سائقين عرب وانا عندي عائله من سبع اشخاص واقصد في فينا