المساعد الشخصي الرقمي

مشاهدة النسخة كاملة : كم سعر vxr2007 اصفار في وكالة قطر


الرحال
26-04-2008, 03:07 AM
صبحكم الله بالخير
شباب هل اقدر احصل لاند موديل 2007 vxr وكالة قطر
عداد اصفار
وكم اسعارهم من فضلكم

وممكن عناوين مكاتب السيارات بقطر يعني اشهر شارع
اخوكم من الكويت
فلفل حار
26-04-2008, 03:23 AM
في الوكاله موجود

بس اللون البحري

وسعره اقل من 2008 بشي بسيط حسب ماسألت من ثلاث شهور

يعني مايسوى يالغالي لا للونه ولا لسعره ،اتكلم عن الاصفار بالوكاله

واتمني الشباب يفيدونك اكثر بخصوص لمعارض
الرحال
26-04-2008, 05:59 AM
مشكوووووووور طال عمرك
وننتظر المزيد من المشاركات
hamoor4ever
26-04-2008, 01:24 PM
انا سألت قبل فتره لاني كنت ناوي اخذ ال 2007 قالوا لي مافيه ، ويمكن حد يعطيك خبر واحتمال يكون عندهم بس مخزنينه حق ربعهم
الوهاااااج
26-04-2008, 02:28 PM
اخوي انسى 2007 تحصله الا اللون اللي قال لك اخوي اما الؤلؤي او الابيض او الاسود او الرصاصي مستحيل لاني رحت لهم وقالوا خلاص معاد فيه اصفار ابدا شوف المعارض وبالتوفيق
بوخالد911
26-04-2008, 03:34 PM
من 170 الف - 180 الف

ويعتمد على
الشاشة
جلد
مخمل

لمتد

كل شي له سعره يالطيب
الوفي
26-04-2008, 03:43 PM
مريت مره بالاستور ولقيت أخوي اكثر من عشرين موتر تقريبا بس اذكر اللون البحري مثل ماقالك أخوك فلفل حار بس تبي نصيحتي تعال بالدوحه ومر المعارض وخذ 2008 شد بلاده اليابان وارد الدوحه vx-r وصدقني بتدعيلي وخلك من الكلام والأشاعات واسأل مجرب ولاتسأل طبيب والله موتر وأحسن من 2007 لاتسوي سواتي يوم خذيت سنة 1998 vx-r 97 وأنا معتقد القديم أقوى وأحسن وgxكان يقطعني ولما تطلع المواتر من المغاسل أنا الوحيد97 وأشوفها كنها دبابات وموتري السلق ولما تعودت عليها صار موتري بوحنه وهي السلقان
الرحال
26-04-2008, 04:11 PM
بيض الله وجيهكم جميعا

وننتظر مزيدا من الآراء
الـخـور
26-04-2008, 05:59 PM
لا تحمل تاخذ الشكل القديم

خلاص الشكل الجديد تعودنا عليه .,,
limited
26-04-2008, 07:06 PM
اعتقد معرض المشترك بشارع سلوى عندهم 2007 ابيض وسعر 192 الف
فلفل حار
27-04-2008, 12:57 AM
لا تحمل تاخذ الشكل القديم

خلاص الشكل الجديد تعودنا عليه .,,

كلام سليم ويـاريت تاخذه بعين الاعتبار وخذ نصايح المجربين ومنهم اخوي الوفي

لازم تحط في بالك انه ذي موتر عمر يعني ماراح تستخدمه اقل من 3 او 4 سنين ، والله حرام تاخذ الشكل القديم

مع العلم انه اسعار الـVXR2007 اصبحت مقاربة جدا لأسعار الـGX V6 2008

صدقني ماصار هالفرق الا علشان الشكل الجديد يسوى وابصم لك انا واغلب الناس غيري لو خيرونا بين هالاثنين شي اكيد بنختار الشكل الجديد:discuss:

فكر فيها ولاتستعجل واخذ لك من وكالة الساير اذا صج ناوي علي الكروزر انصحك لوجه الله انك تاخذ الجديد

وموفق ان شاء الله:)
الوفي
27-04-2008, 09:22 PM
واحد من ربعي يعز علي باع في اكس ار 2007 ب170000 ريال من شهرين (على كلامه ):أستلمت ال170000 ريال من شراي موتري بسلوى ورحت اقرب معرض وخذيت المبروكه الجي اكس2008 غير تماتيك سبير علاق والله ياربع اني كلمــــــــــا أتذكر سالفته أضحك على وناسته وأسلوبه الله يوفقه مستانس حده وهو يقولي بالسالفه لانه جابله سعر خيالي الفي اكس ار لانه مب ماشي شي ولحد الان مستانس ويمدح الجديد
hamoor4ever
04-05-2008, 01:04 AM
والله القديم مب شين ، والناس اذواق بس دايما الجديد يفرض نفسه
الرحال
05-05-2008, 09:10 PM
كل الشكر لمن ساهم بالموضوع
بآراء نيرة ومنطقية
والله يوفق لإختيار الأفضل
شموخ-qtr
05-05-2008, 10:29 PM
الناس اذواق

بدون مجاملة القديم احلى من الداخل بكثير لونه بيج وفاتح

اما الجديد لونه تعبان جدا من الداخل

بس انا انصحك تاخذ مستعمل لاتاخذ جديد من الموديل القديم شوف مستعمل ماشي قليل