حد يعرف مكان ألبس السيتات بطريقة ما تخرب منظرها الاصلي؟؟

[RJ83]

السلام عليكم..

بغيت البس سيتات الموتر بس بطريقة مرتبة ما تخرب الشكل والديكور الداخلي ، وابي شي يحمي السيتات من لون العباية لان الاهل يركبون معاي مرات ومن خبرتي في السيارة اللي قبل شفت ان لون العباية يطبع عالسيت بسهوله وصعب ازالته.. اللي يعرف أحسن الاماكن ياليت يفيدني..

ويعطيكم العافية

[Index Signal]

والله ياخوي إنت بين نارين..

نار إنك تلبّس السيتات و يصير شكلهم أسوء من الأصل مهما كان التلبيس جيد..

و نار إنك ما تلبّسهم و يصيدهم لون العبايه مع المده..

المشكله لو بتلبّسهم نايلون شفاف بتتأذى من الحراره خصوصاً بالصيف لأنه يمنع التهويه عن الجسم..

حاول تشوف لو في نوع من النايلون يكون فيه مسامات تسمح بالتهويه و بالتوفيق.

[RJ83]

مشكور اخوي عالمرور.. منتظر الحلول من الاخوان

[بوحارب]

وشو الموتر أخوي !!!

[بوسعود180]

اتوقع ان عباية الاهل تكون جديده

مع الغسيل يروح اللون اللي فيها وماتطبع ان شاء الله

[RJ83]

وشو الموتر أخوي !!!

الموتر نفس اللي فالتوقيع ..من داخل جلد وشمواه

[RJ83]

اتوقع ان عباية الاهل تكون جديده

مع الغسيل يروح اللون اللي فيها وماتطبع ان شاء الله

ما اعتقد اخوي لان لون العباية خاصة في الصيف يتفاعل مع حرارة الشمس ويطبع في السيت بسهولة حتى لو تنغسل مليون مره..

[بوحارب]

الموتر نفس اللي فالتوقيع ..من داخل جلد وشمواه

لو كروزر كنت بقولك روح عند محل الخليج للتنجيد :nice:

ولكن دام هذا الموتر ما عندي علم والله:)

وبعدين اول مرة اعرف ان لون العباية يطبع فالسيتات !!

نصيحتي لبسه نايلون وخل سيتات الشركة ابرك لك :victory:

[بوسعود180]

دام كذا

حط عندك سجادتين للصلاه واذا ركبوا الاهل معك افرشها على السيت

ولا تلبس الاسيات ولا تخرب شي

[Index Signal]

ما اعتقد اخوي لان لون العباية خاصة في الصيف يتفاعل مع حرارة الشمس ويطبع في السيت بسهولة حتى لو تنغسل مليون مره..

كلامك صحيح و أنا أعاني من نفس المشكله .

[بوالنوف]

انا اللي اعرفه ان البورش عندهم تلبيسه من قماش وتكون مخرمه ولونها أبيض
واهيه تجي مع السياره وقت الشراء

اذا ماعندك روح الوكاله وخذلك منهم


واذا تبي تلبيش جلد

عندك الجلد الألماني اللي عند رافكو صدقني ماتفرق بين سيت السياره والتلبيسه

[بــوعــوف]

مرحبا الشيخ ..

في حل :nice:


فصلك قطعة قماش فرو أو غيره على السيت من النص بدون الأطراف ..

والشكل بيكون أحلى من التلبيس بوايد ..

يعني لا تلبس السيتات كاملة ، بس السيتين اللي قدام ..

يعني ممكن اتشيلها في أي وقت ، والقطعة تتركب من تحت التكيات وتنربط تحت الكرسي ،

وعندك محل بانكوك في الصناعية ، أو العبيدلي في الريان ..


إذا اعجبتك الفكرة .. لا تنساني من الدعاء :)

[Index Signal]

مرحبا الشيخ ..

في حل :nice:


فصلك قطعة قماش فرو أو غيره على السيت من النص بدون الأطراف ..

والشكل بيكون أحلى من التلبيس بوايد ..

يعني لا تلبس السيتات كاملة ، بس السيتين اللي قدام ..

يعني ممكن اتشيلها في أي وقت ، والقطعة تتركب من تحت التكيات وتنربط تحت الكرسي ،

وعندك محل بانكوك في الصناعية ، أو العبيدلي في الريان ..


إذا اعجبتك الفكرة .. لا تنساني من الدعاء :)

المشكله إن الأطراف تتأثر بلون العبايه أكثر من النص

[أســ الحـب ــير]

الحل عندي وانا بو..................
الله يسلمك اتعرف المناديل مالت اليهال بيبي جونسن الي نفس مالت ازالة المكياج حق الحريم في نفسهم حق اليهال الظاهر على 5 ريال شي هشكل المهم اخذ هالفوطه وجرب تفرك مكان السواد عدل بتشوف المنديل يصير اسود قطه واخذ الثاني افرك لين تفرك واتشوف مافيه لون يطلع وبتشوف الفرق من قلب يرد طبيعي
لو هو يأثر كان اثر على اليهال ولك سلامي بس .

[RJ83]

انا اللي اعرفه ان البورش عندهم تلبيسه من قماش وتكون مخرمه ولونها أبيض
واهيه تجي مع السياره وقت الشراء

اذا ماعندك روح الوكاله وخذلك منهم


واذا تبي تلبيش جلد

عندك الجلد الألماني اللي عند رافكو صدقني ماتفرق بين سيت السياره والتلبيسه

مشكور اخوي بس ممكن تعطيني مكان الجلد الالماني بالضبط لاني مو متذكر وين رافكو

[RJ83]

المشكله إن الأطراف تتأثر بلون العبايه أكثر من النص

صح كلامك اخوي.. وهو اول مكان يبين عليه لون العباية..

[Thamer_Qat]

افضل حل انهم يروحون مع الدريول ولا توصخ موترك او تخربه بتلبيس وتنجيد
وبالمره ما تعور راسك مع مشاوير الحريم اللي ماتخلص

[RJ83]

افضل حل انهم يروحون مع الدريول ولا توصخ موترك او تخربه بتلبيس وتنجيد
وبالمره ما تعور راسك مع مشاوير الحريم اللي ماتخلص

راسي ما يعورني لما اودي الاهل لانه برغبتي..
عندك حل ثاني ؟؟

[Index Signal]

شرايك تاخذ تلبيس الوكاله الأبيض و تلبسه مقعد السيت التحتاني و شويه فوق..

بحيث إنك و إنت ماشي بالموتر ما يبين التلبيس للناس بس لما تفتح الباب تشوف التلبيس..

جرب و منت خسران و عطني خبر إذا نفعت هالطريقه عشان أسويها..!! :)

[RJ83]

شرايك تاخذ تلبيس الوكاله الأبيض و تلبسه مقعد السيت التحتاني و شويه فوق..

بحيث إنك و إنت ماشي بالموتر ما يبين التلبيس للناس بس لما تفتح الباب تشوف التلبيس..

جرب و منت خسران و عطني خبر إذا نفعت هالطريقه عشان أسويها..!! :)

هلا اخوي..
تصدق اني اليوم رحت الوكالة اخذ تلبيس السيتات الابيض خليته يلبس السيت نفس ما قلت.. وانا اشوف انها احسن حل وسهل ينحط وسهل ينشال..
وبوديها ان شاء الله زيبارت طريق سلوى يسوي لك حماية للسيتات عشان ما تتوسخ بدون ما يلبسها اي شي بحيث يحطون لك نفس المادة عالسيت ما تبين كأنها مش موجودة عشان اذا توسخ سهل ينمسح وما يصيد الوسخ جلد السيارة.. بس بعد يقول لك ما تحمي من العباية بس تقلل من المدة اللي ممكن يتأثر فيها جلد السيارة بالعباية..

[Index Signal]

هلا اخوي..
تصدق اني اليوم رحت الوكالة اخذ تلبيس السيتات الابيض خليته يلبس السيت نفس ما قلت.. وانا اشوف انها احسن حل وسهل ينحط وسهل ينشال..
وبوديها ان شاء الله زيبارت طريق سلوى يسوي لك حماية للسيتات عشان ما تتوسخ بدون ما يلبسها اي شي بحيث يحطون لك نفس المادة عالسيت ما تبين كأنها مش موجودة عشان اذا توسخ سهل ينمسح وما يصيد الوسخ جلد السيارة.. بس بعد يقول لك ما تحمي من العباية بس تقلل من المدة اللي ممكن يتأثر فيها جلد السيارة بالعباية..



مابي آحبطك بس أنا جربت زيبارت و الماده إللي حطوها ما سوت شي بالعكس أحس إنه الجلد مع المده نشف أكثر من أول بسبب الماده و رجع لون العبايه أكثر من أول..

خلك على التلبيس و بدله كل شهر أو مع تبديل الآيل أو التشييك و لا تخرب الجلد بهالمواد لأنه جديد و هالماده بتأثر عليه بعد فتره.

[RJ83]

مابي آحبطك بس أنا جربت زيبارت و الماده إللي حطوها ما سوت شي بالعكس أحس إنه الجلد مع المده نشف أكثر من أول بسبب الماده و رجع لون العبايه أكثر من أول..

خلك على التلبيس و بدله كل شهر أو مع تبديل الآيل أو التشييك و لا تخرب الجلد بهالمواد لأنه جديد و هالماده بتأثر عليه بعد فتره.

زين قلت لي انا كنت متردد وخايف انه يخرب الجلد..
والله حاله ما لقينا الحل الامثل :( بس بنسوي الخطة البديلة اللي قلت عنها :nice:
زين جربت الحماية اللي يسوونها عالسيارة من برع؟؟؟

يعطبك العافية

[بو غنيم]

لبس السيتات فرو

[Index Signal]

زين قلت لي انا كنت متردد وخايف انه يخرب الجلد..
والله حاله ما لقينا الحل الامثل :( بس بنسوي الخطة البديلة اللي قلت عنها :nice:
زين جربت الحماية اللي يسوونها عالسيارة من برع؟؟؟

يعطبك العافية

الله يعافيك يالغالي..

بصراحه جربت الخدمه الذهبيه الشامله و بصراحه شغلهم تعبان حييييييل..

إسم عالمي عالفاضي والله إدخل داخل و شوفهم شلون يشتغلون تحس إنهم متوهقين..

تصدق لما جيت أستلمها والله لا منظفين الدبه و السبير وصخ ما لمسوه قعدت معاهم ساعه أعلمهم شلون ينظفون لين زهقت من شغلهم و خذت موتري بوصاخته و مشيت..

عموماً حرام موترك جديد ما يحتاج تنظيف ولا تلميع..

إذا ودك تسوي شي رش عليه من تحت الماده العازله للصوت تخفف إزعاج الشارع..

و موضوع التنظيف و التلميع خليه بعدين عالأقل بعد سنه لأن المواد الكيماويه تضر أكثر من فايدتها بتستانس أول كم يوم بعدين كل شي بينشف بالموتر.

[limited]

اخوي قول للاهل يلبسون عبايات جلد شامواه وافتك مره وحده

[RJ83]

الله يعافيك يالغالي..

بصراحه جربت الخدمه الذهبيه الشامله و بصراحه شغلهم تعبان حييييييل..

إسم عالمي عالفاضي والله إدخل داخل و شوفهم شلون يشتغلون تحس إنهم متوهقين..

تصدق لما جيت أستلمها والله لا منظفين الدبه و السبير وصخ ما لمسوه قعدت معاهم ساعه أعلمهم شلون ينظفون لين زهقت من شغلهم و خذت موتري بوصاخته و مشيت..

عموماً حرام موترك جديد ما يحتاج تنظيف ولا تلميع..

إذا ودك تسوي شي رش عليه من تحت الماده العازله للصوت تخفف إزعاج الشارع..

و موضوع التنظيف و التلميع خليه بعدين عالأقل بعد سنه لأن المواد الكيماويه تضر أكثر من فايدتها بتستانس أول كم يوم بعدين كل شي بينشف بالموتر.

المادة العازلة للصوت يسوونها في زيبارت ؟؟ وهل في فرق واضح لما احطها؟؟
ومشكور اخوي

[بوسالم90]

يالربع المتعه في كرسي الوكاله

ليش اروح البسه والله حرام

عشان تحافظ عليه حق المشتري

اللي بعدك ؟

[RJ83]

يالربع المتعه في كرسي الوكاله

ليش اروح البسه والله حرام

عشان تحافظ عليه حق المشتري

اللي بعدك ؟

كلامك صح ان المتعة في كرسي الوكالة.. بس انا احافظ عليه لنفسي ولشكل الموتر علشان ما يتوسخ خبرك في اوساخ او بقع صعب تنظيفها ..وانا ما ابي شي دايم او يخرب شكله الاصلي نفس ما ذكرت ..

وتسلم عالمرور

[Index Signal]

المادة العازلة للصوت يسوونها في زيبارت ؟؟ وهل في فرق واضح لما احطها؟؟
ومشكور اخوي

نعم يسوونها بزيبارت بس ما جربتها ومابي أفتي لك بشي ما جربته..

و أعتقد إنها تنفع أكثر للسيارات الأمريكيه و اليابانيه لأن جودة تصنيعها أقل من السيارات الأوروبيه و بالتالي يكون صوت الشارع مزعج فيها..

إذا إنت ما تعاني من إزعاج صوت الشارع مافي داعي تحطها و الماده عليها ضمان مدى الحياة و ما عندي فكره كم تكلف.

[RJ83]

نعم يسوونها بزيبارت بس ما جربتها ومابي أفتي لك بشي ما جربته..

و أعتقد إنها تنفع أكثر للسيارات الأمريكيه و اليابانيه لأن جودة تصنيعها أقل من السيارات الأوروبيه و بالتالي يكون صوت الشارع مزعج فيها..

إذا إنت ما تعاني من إزعاج صوت الشارع مافي داعي تحطها و الماده عليها ضمان مدى الحياة و ما عندي فكره كم تكلف.

مشكور اخوي... انا افكر بالمادة العازلة ضد الصدأ لها فايدة ؟؟ وانا اروح البحر بس مب دايما..


يعطيك العافية :)

[qatara]

محل اسمه موسسه السيف خلف عماره الجيده من جهه الشرق العماره الي بجنب بترول ناصر بن خالد صحيح المحل قديم شوي لاكن شغله جيد بجنبه علاشان ماتضيع شيشه معسل وعماره جديده مقابله المحل المذكور توها مبنيه او عمارتين وبلتوفيق

[BURBERRY]

ياخوك لاتلبس السيت .. و بين كل فتره و فتره سوو بولش للسيتات

حلات الواحد يستانس بموتره و بجلد الوكاله ..

[slooom]

عندنا في الامارات تلبيس حلو حق الكلوزرات شكله حلو جدا الى درجة انه افضل من جلد الوكاله قماش خفيف وشكلة مطرز بزخارف عجيبة وسعرة رخيص بس مشكلته انه يلبس نصف الكراسي والراس فقط على فكرة مشكلة العبايا مشكلة مالها حل بس يقولون في قماش اصلي وماتطلع الصبغة مالته الله يعينك تفصل لجميع الاسرة وتعق العبايا الجديمة وبتوفيق اخوي .

[مضاربه]

ريح نفسك واطلب سياره بجلد اسود مره ثانيه لان لون العبايه يطبع في السيت كانه صمغ ولايطير حتى لو تفركه بالصابون انا عن نفسي دايما اطلب السياره بجلد اسود واريح بالي

[بوالنوف]

اذا تعرف المطابع الحديثة وفي السفاره الامريكيه
هناك بتحصل محل اسمه رافكو صوبه في المحل الالماني اللي اقولك عنه

[RJ83]

اذا تعرف المطابع الحديثة وفي السفاره الامريكيه
هناك بتحصل محل اسمه رافكو صوبه في المحل الالماني اللي اقولك عنه

اسمح لي ما اعرف اي واحد فيهم ممكن اعرف في اي منطقة..

[الدوحة قطر]

الشيخ المحل عند الجسر الجديد اللي يسونة مكان محطة بترول الجيدة الي سكروها

اذا تخبر التيك آوي او خياط سليني حذاهم المحل الالماني للجلود

بس نصيحة الشيخ انا عندي بورش وشغال على القطعة القماش مالت الوكالة

مافي احسن منها

تحياتي

[boooooon]

شسالفة الماده الي تعزل الصوت .؟؟ اول مرة اسمع عنها

تعزل اي صوت الصوت الي يطبع من المطبات والحفر والا ايش ؟

[فلفل حار]

مشكور اخوي بس ممكن تعطيني مكان الجلد الالماني بالضبط لاني مو متذكر وين رافكو

اذا ماقالك اقل من 10 الاف انا ماعرف شي ، وفوق جي مايسوى كلش خاصة انه السياره اوردي جلد ، حرام تلبسه

خذها من اخوك الكبير وسوي مثل ماقال لك احد الاخوان


ياخوك لاتلبس السيت .. و بين كل فتره و فتره سوو بولش للسيتات

حلات الواحد يستانس بموتره و بجلد الوكاله ..

بالنسبه لـبورش ، اشوفه افضل حل :)

ولك نصيحه اذا لك بـ سوالف البحر اسأل عند زيبارت عن الطبقه المانعه للصدأ بالاسفل ، مع انه يسوون بالتيسير بس الافضل تسويه بشغل سنع يليق للبورش "انت مب دافع شي بسيط" والافضل تدبر لك موتر ثاني حق هـ الطلعات

ولاتنسي تعمل لك حمايه علي الوجه كامل عند حمايه الي بالسد بـ حدود 4 الاف

والله يعينك علي هـ الخساير بس مابتروح ع الفاضي ان شاء الله :)

[فلفل حار]

شسالفة الماده الي تعزل الصوت .؟؟ اول مرة اسمع عنها

تعزل اي صوت الصوت الي يطبع من المطبات والحفر والا ايش ؟

حتي انا اول مره اسمع بها:)

وين اصحاب الجيات خل يفيدونا :)

[إنتعاش]

حيبيب قلبي .. بوصف لك الالماني للجلد ..


شفت اشارات الوعب ؟
اشارات الوعب مكونه من 4 اتجاهات :
1- اتجاه يوديك صوب استاد خليفة والعزيزيه ومعيذر
2- اتجاه بالعكس يوديك السد والنصر
3- اتجاه يوديك قطر للديكور
4- الاتجاه الرابع يوديك دوار الـ خويا

روح الاتجاه 4 اللي كنك رايح دوار الـ خويا

يجيك دوار الـ خويا كمل سيده ..

بيجيك دوار المكافحة .. كمل سيده ..

بيجيك الدوار الثالث لف يمين ..

بيكون على يمينك ملعب .. وعلى يسارك محلاااااااااااااااات كثيره ..

كمل الشارع للنهاية بيكون فيه يوتيرن .. ( رجوع اجباري )

على يمينك شوف المحل بتلقاه ..

[RJ83]

حيبيب قلبي .. بوصف لك الالماني للجلد ..


شفت اشارات الوعب ؟
اشارات الوعب مكونه من 4 اتجاهات :
1- اتجاه يوديك صوب استاد خليفة والعزيزيه ومعيذر
2- اتجاه بالعكس يوديك السد والنصر
3- اتجاه يوديك قطر للديكور
4- الاتجاه الرابع يوديك دوار الـ خويا

روح الاتجاه 4 اللي كنك رايح دوار الـ خويا

يجيك دوار الـ خويا كمل سيده ..

بيجيك دوار المكافحة .. كمل سيده ..

بيجيك الدوار الثالث لف يمين ..

بيكون على يمينك ملعب .. وعلى يسارك محلاااااااااااااااات كثيره ..

كمل الشارع للنهاية بيكون فيه يوتيرن .. ( رجوع اجباري )

على يمينك شوف المحل بتلقاه ..


مشكور تسلم عالوصف المفصل :victory:

[RJ83]

الشيخ المحل عند الجسر الجديد اللي يسونة مكان محطة بترول الجيدة الي سكروها

اذا تخبر التيك آوي او خياط سليني حذاهم المحل الالماني للجلود

بس نصيحة الشيخ انا عندي بورش وشغال على القطعة القماش مالت الوكالة

مافي احسن منها

تحياتي

القطعة القماش مالت الوكالة :nice: