سلوكيات الاطفال بنكهة المربيات المستوردات [الأرشيف]

مشاهدة النسخة كاملة : سلوكيات الاطفال بنكهة المربيات المستوردات

alanood

27-04-2008, 01:13 AM

موضوع طال و تعدد النقاش فيه..وقد لا يتطرق له و لا يكترث به الا من على وعي باهمية الامر..والبقية ومن نتمنى ان يلقوا نظرة على هذا الامر لا يعبأ به بتاتا
...لم اكن اود ان اتحدث عنه لعلمي بانه ليس ذو شعبية كبرى بين الاباء والامهات ولكن بعد جلسة عائلية هذا المساء كنا نتحاور عن موضوع المربيات وكيف لبعض من صادفناهم من الاطفال نجدهم توابع لسلوك مربياتهم وامتداد لهم...
لا لن اكرر هذه العبارة المستهلكه:اين الام واين الاب...بل اقول:كلكم راع وكلكم مسؤول عن رعيته...
في موقف بسيط نشأت منه هذه السطور..حين اصطحبت الاطفال اى الالعاب فوجئت بالولد يبصق في وجه ابني و يتفوه الفاظا رذيله!والخادمه تتحدث مع -الله يستر عليها-طبعا تمالكت اعصابي و سالته...:ليش؟؟؟..لاني حذا الولد ولا شفت ولدي سوى شي...
التفتت الصبيّه تقول:شينو سوّي انتا!!..هادا سيتان...والحديث يطول...
يبون بوب كورن وديتهم الله يحفظهم..وخذنا الدور الاحظ العيال اللي قدامنا مع خداماتهم..
كان واضح جدا على اللكنه ان الخدم امهات هالعيال...
فحطيت هاللي شفته الحين عاللي شفته من زمان وعاللي يقولونه العيال عن المدارس وجيت
...لكن:ماعرفت اقولها لاهاليهم

هذه رساله وأمانه...هالعيال مسؤولية..راح ننسأل عنهم بكره
نعمة من الله ياما ناس تمنوها
كل شي ينتظر الا هالفترة من التربية...ان تركتوها ما تتعوض..
واتذكر كل حرف قاله اخوي :ان تعبنا الحين نربي هالعيال ويجي منها فايده
احسن مانتعب بكره نصلح فيهم وياريته حتى نافع...

واسمحوا لي على الاطاله

بوخالد911

27-04-2008, 01:17 AM

هلا

والله صارت الخدامة هي الأم !!

ما قاصر الا انها تجييب اعيال بس !!!!!!!!!!!!!!!!!!!!

:(

ANONYMOUS

27-04-2008, 01:19 AM

الله يجزاج خير

خلاص امهات هاليومين ( الا من رحم ربي ) ماقاموا ينفعون حق شي

لاطباخ

ولا تربية عيال

ولا ترتيب واشراف ع البيوت

انا لله وانا اليه راجعون

بوحارب

27-04-2008, 01:19 AM

جزاج الله خير وبارك الله فيج على هالرساله الطيبة

وللأسف انا عندي مثال فالبيت ملوع كبدي { أخوي وزوجتة } عيالهم عند الخدامة

اكثر من ما يكونون عند امهم

الله المستعان

alanood

27-04-2008, 01:27 AM

هلا

والله صارت الخدامة هي الأم !!

ما قاصر الا انها تجييب اعيال بس !!!!!!!!!!!!!!!!!!!!

:(
كل شي جايز هالايام...شفنا العجب الله يهدينا اجمعين
شاكره هذا المرور

الله يجزاج خير

خلاص امهات هاليومين ( الا من رحم ربي ) ماقاموا ينفعون حق شي

لاطباخ

ولا تربية عيال

ولا ترتيب واشراف ع البيوت

انا لله وانا اليه راجعون

لكن العدد يتزايد هاللي يزعل...الاول كانت هذه الظاهره اقل حجما مماآلت اليه

كل شي يهون لا البيت ولا الطباخ ولا شي ...الاولوية لتربيتهم..

اشكر لك هذه الاضافه اخوي

جزاج الله خير وبارك الله فيج على هالرساله الطيبة

وللأسف انا عندي مثال فالبيت ملوع كبدي { أخوي وزوجتة } عيالهم عند الخدامة

اكثر من ما يكونون عند امهم

الله المستعان

ادعي لهم بالهداية...ماظن يعرفون بخطوره تواجد العيال مع الخادمه الا بكره بعد مايكبرون العيال و يتحسفون انهم ما عطوهم حقهم...ذيك الساع من بيشيلهم؟من وين يتعلمون العيال يشيلون اهلهم لا كبروا؟من الخدم؟!يمكن بيطرشون معاشات للام والاب بكره..سيم سيم

جزاك الله خير على المرور اخوي والله يحفظ عيالنا اجمعين

ANONYMOUS

27-04-2008, 01:33 AM

لا وطلعوا بفنتق يديد ( انا اول مره اعرف هالشي)

قاموا الحريم يودون عيالهم ( اعمارهم كم شهر ) لحظانات

قال ايش

عشان الام تنام عدل .. او مادري اذا في اسباب اخرى

جعني ابكيها

المشكله لاتشتغل ولا تسوي شي بالبيت

انا اطلق رصاصة الرحمه على مكاين هاليومين ( حريم حق الحمال بس )

ورصاصه ثانيه على الجيل القادم من الابناء

بوحارب

27-04-2008, 01:34 AM

ANONYMOUS

27-04-2008, 01:47 AM

قول غيرها يا ولد :eek5::eek5::eek5:

:weeping:

هلا الحربي

والله مادري اش فهمت انت من هالكلمه

اقصد

عشان ينامون عدل من غير انقطاع

لان الاطفال كل ربع ساعه يقومون من النوم ويصيحون

:shy:

بوحارب

27-04-2008, 01:48 AM

هلا الحربي

والله مادري اش فهمت انت من هالكلمه

اقصد

عشان ينامون عدل من غير انقطاع

لان الاطفال كل ربع ساعه يقومون من النوم ويصيحون

:shy:

:shy::shy:

ياخي مادري شارد عليك ........

ANONYMOUS

27-04-2008, 01:51 AM

:shy::shy:

ياخي مادري شارد عليك ........

للحين مافهمت

الامهات يبون يشاخرون وينامون نوما عميقا من غير ازعاج الاطفال الحديثي السن

:eek5:

فهمت ولا اكتب لك اندونيسي

:tease:

بولينجر

27-04-2008, 02:09 AM

والله كلامج عدل وعين الصواب أختي العنود وأنا أنتقد أكثر ما أنتقد تربية الخدم لعيال الناس المحيطين بي....

المفروض التربية تكون على الأم والأب مب على الخدامة.... لا وبعد عطوها اسم يضيف عليها "صبغة شرعية"...مسمينها "المربية"!!!

والأم كله في السوق وإلا من عرس لعرس وإلا مع صديقاتها ومب "متفرغة" تربي عيالها... والله أمرهم عجيب

شقردي

27-04-2008, 03:15 AM

العنود كل الشكر والتقدير لطرح مثل هالموضوع الذي يعاني منه المجتمع فعلا هناك من يترك اولاده على المربييه لتقوم بكل شي حتى مع الاسف الشديد منهم من يترك الطفل ينام مع المربيه لكن انا عتبي على ولي الامر( الاب) المفروض يمنع هالتسيب ويضع له حد
وكل الشكر والتقدير على الموضوع الرائع

فراغ

27-04-2008, 01:31 PM

السلام عليكم
أما أنا فصارلي موقف أخر مختلف في هذا الموضوع وأحببت أن أنقله لكم وأنتم تقيمونه في عقولكم وتقدرون أضرارة المستقبليه على نشئ أطفال اليوم شباب المستقبل
أنا كنت في يوم من الأيام مسافر لدبي بسيارة وعند عودتي عن طريق البر وكان الوقت ظهر قلت أمر (مكدونل) وأخذ وجبه سريعه لطريق
وفي مكدونل حصلت الموفاجئه
دخلت وطلبت وبعدي دخلوا أطفال الأماراتيه بعمر 5 أو 6 سنوات يلبسون ثوب أبو كركوشه بخداماتهم وطلبوا بالفلبيني وجباتهم من الرسبشن (الفلبينيين) وكانوا العاملين فرحين بهم لأنهم يتكلمون لغتهم وأنا كذالك كنت فرحان ومتعجب
ولكن عندما خرجت على الخط رجع الموضوع على عقلي وقلت لنفسي سبحان الله الجسم أماراتي والعقل فلبيني أنهم ليسوا أماراتيه بل فلبينيين بلباس أماراتي والله أعلم هل هم مسلمين أم بوذيين وقادني عقلي الى أن أسرة الأطفال ليسوا مهتمين بأطفالهم وأن الأطفال يحسون أن أمهاتهم الخادمات الفلبينيات
وهذا خطر كبير يهدد المجتماعات الخليجيه
فلأب مشغول والأم مهتمه بنفسها والأولاد لهم الله والخادمات
فالى أين تسير المجتماعات الخليجيه في المستقبل
أعتقد الى الفار أيست
فلا تلومون الأطفال والخادمات بل لومو أنفسكم يا أسر الخليج والأفضل أن لا تنجبوا وتتركوا غيركم يحل مشكلت صنيعتكم في أسرتكم
صديقي يقول لي بأن أطفاله بكوا عندما سافرت الخدامه
قلت في نفسي بأن الذي سافر هي أمهم
فالأم ليس من ولد ولكن من ربى
تحياتي لكم

المخباط

27-04-2008, 02:53 PM

ANONYMOUS

27-04-2008, 03:12 PM

اشفيكم على الامهات في موضوع هتان حاسدينهم على المعاش
وهنا حاسدينهم على النوم المساكين سهرانيين الليل على التلفزيون وما يرقدون الا بعد صلاه الفجر
ينتظرووووووووووون الاباء وهذا حال 50%من نساء قطر
لو كل رب اسرة يقابل بيته ويربي عياله ويتابعهم ماراح كل واحد يقط مسئوليته على الآخرين
تحياتي للطرح

امحق ابآء هذيلا اللي يجون عقب صلاة الفجر

لان ماعتقد سهرهم في طاعه

ويكند ممكن.. مع ان مستحيل..

وبعدين هالأبهات مايداومون

وامحق امهآت هذيلا اللي يصبرون عليهم

:)

ورقــة أمــل

27-04-2008, 03:18 PM

:weeping::weeping::weeping::weeping:

alanood

27-04-2008, 11:19 PM

alanood

27-04-2008, 11:45 PM

هلا الحربي

والله مادري اش فهمت انت من هالكلمه

اقصد

عشان ينامون عدل من غير انقطاع

لان الاطفال كل ربع ساعه يقومون من النوم ويصيحون

:shy:
اذا عندها اكثر من طفل ماظن في مانع من انها ترقد فالنهار و تسهر الليل مش العكس لان الخادمة مستحيل تصبر عالجاهل فالليل...غير انها تقدر تحط كاميرا تراقب الجاهل انا بصراحه استخدمت هالاسلوب بس عقب ما كمل ال6 شهور قبلها ماذقت نوم لا النهار ولا الليل ولازلت استخدم كاميرات المراقبه في حال ما تركتهم لكن هالطريقه تستغرق وقت لان عالاقل ساعه وانا اراقب واسمع الكلام ..بعد ما امتهنت الشغله هذي قمت امشي الفلم على اي اكشن اوقف واسمع...هذا حل بصراحه السهر عالطفل تعب لا يوصف...في نفس الوقت هو اجر ارباحه احلى من ارباح المتحده:victory:

والله كلامج عدل وعين الصواب أختي العنود وأنا أنتقد أكثر ما أنتقد تربية الخدم لعيال الناس المحيطين بي....

المفروض التربية تكون على الأم والأب مب على الخدامة.... لا وبعد عطوها اسم يضيف عليها "صبغة شرعية"...مسمينها "المربية"!!!

والأم كله في السوق وإلا من عرس لعرس وإلا مع صديقاتها ومب "متفرغة" تربي عيالها... والله أمرهم عجيب
جزاك الله خير اخوي على المرور والاضافه...والاعراس نروحها مافيها شي بعد مايرقدون لكن الغرض من هالموضوع هو بيان مدى خطورة اهداء الابناء للمربيات والغفله عنهم..
نطلع وناخذهم معانا مافيها شي وعن نفسي اليوم اللي اقول حق رفيجتي انطري بلبس العيال تقول لي لا يابنت الحلال هوّننا مب طالعين:omen2:

العنود كل الشكر والتقدير لطرح مثل هالموضوع الذي يعاني منه المجتمع فعلا هناك من يترك اولاده على المربييه لتقوم بكل شي حتى مع الاسف الشديد منهم من يترك الطفل ينام مع المربيه لكن انا عتبي على ولي الامر( الاب) المفروض يمنع هالتسيب ويضع له حد
وكل الشكر والتقدير على الموضوع الرائع
مرحبا اخوي شقردي
كل الشكر والامتنان على تواصلك الطيب واضافاتك القيمه
صحيح الاب له دور كبير فالموضوع
والله وفي منهم فالمجالس يدق عالخدامه يسال فرشوا اسنانهم العيال قبل لا ينامون! ماعرف وين كانت مرته؟هذا سمعته تحديدا من مره تقول رجلها يقول لها..في ذمتها مش في ذمة الناقل:secret:
بروح اشوف العيال فرشوا سنانهم؟كأني نسيت:rolleyes2:

السلام عليكم
أما أنا فصارلي موقف أخر مختلف في هذا الموضوع وأحببت أن أنقله لكم وأنتم تقيمونه في عقولكم وتقدرون أضرارة المستقبليه على نشئ أطفال اليوم شباب المستقبل
أنا كنت في يوم من الأيام مسافر لدبي بسيارة وعند عودتي عن طريق البر وكان الوقت ظهر قلت أمر (مكدونلد) وأخذ وجبه سريعه لطريق
وفي مكدونلد حصلت المفاجئه
دخلت وطلبت وبعدي دخلوا أطفال الأماراتيه بعمر 5 أو 6 سنوات يلبسون ثوب أبو كركوشه بخداماتهم وطلبوا بالفلبيني وجباتهم من الرسبشن (الفلبينيين) وكانوا العاملين فرحين بهم لأنهم يتكلمون لغتهم وأنا كذالك كنت فرحان ومتعجب
ولكن عندما خرجت على الخط رجع الموضوع على عقلي وقلت لنفسي سبحان الله الجسم أماراتي والعقل فلبيني أنهم ليسوا أماراتيه بل فلبينيين بلباس أماراتي والله أعلم هل هم مسلمين أم بوذيين وقادني عقلي الى أن أسرة الأطفال ليسوا مهتمين بأطفالهم وأن الأطفال يحسون أن أمهاتهم الخادمات الفلبينيات
وهذا خطر كبير يهدد المجتماعات الخليجيه
فلأب مشغول والأم مهتمه بنفسها والأولاد لهم الله والخادمات
فالى أين تسير المجتماعات الخليجيه في المستقبل
أعتقد الى الفار أيست
فلا تلومون الأطفال والخادمات بل لومو أنفسكم يا أسر الخليج والأفضل أن لا تنجبوا وتتركوا غيركم يحل مشكلت صنيعتكم في أسرتكم
صديقي يقول لي بأن أطفاله بكوا عندما سافرت الخدامه
قلت في نفسي بأن الذي سافر هي أمهم
فالأم ليس من ولد ولكن من ربى
تحياتي لكم
صحيح الام من تربي ليست الام من تلد
شكرا جزيلا اخوي على هذه المشاركه الرائعه و على فكره
يعني اللي يتكلم اوردو مب شرط امهاتهم ما كانوا معاهم...هي ميزة المفروض نستغلها في تواجد الخدم :اكتساب لغاتهم وليس عاداتهم والادهى معتقداتهم...
الخوف على الجيل القادم كل الخوف والله...

اشفيكم على الامهات في موضوع هتان حاسدينهم على المعاش
وهنا حاسدينهم على النوم المساكين سهرانيين الليل على التلفزيون وما يرقدون الا بعد صلاه الفجر
ينتظرووووووووووون الاباء وهذا حال 50%من نساء قطر
لو كل رب اسرة يقابل بيته ويربي عياله ويتابعهم ماراح كل واحد يقط مسئوليته على الآخرين
تحياتي للطرح
صح معاك حق...تعبنا وحنا نتكلم عنهم:(نغير وجهتنا
نتكلم عن ارتفاع اسعار استقدام العماله...وفمنتدى الاسهم لو الواحد يفكر يحوش بيزاته ولا يجيبهم يقدر يشتري اسهم اكثر:victory:

:weeping::weeping::weeping::weeping:

ليش؟الخدامه شسوت عندج