رسالة للخادمة في حوشنا .. أبغي مترجم

[نون]

اليوم لقينا في حوشنا ورقة مطوية .. مكتوب فيها رسالة لخدامتنا بالاندونيسي ... أعتقد ان خدامة الجيران رمتها في حوشنا لآن معزبتها مانعتها تكلم خدامتنا وهذه طريفتهم للتواصل .. أبغي أعرف ايش كاتبة لخدامتنا ... عطوني فكرة كيف أترجم الرسالة بدون ما ألجأ لخدامات أهلنا الاندونيسيات

[مناحي السادس عشر]

حطي الرساله وبعطيها للربع الاندونسيين بالشغل يترجمونها

[بوحارب]

شوفي اي خدامة من خدم صديقاتج وأطلبي منهم يترجمونها لج !

[قــلم الرحيــل]

عادي الموضوع بسيط عطني الرساله وانا بخلي الاوفس بوي

الي عندنا يترجمها لك بعدة لغات بعد ولا يهمك اخوي

[ANONYMOUS]

اهم شي اختاري لج مترجم ثقه هاهاها

يمكن تكسر خاطره الخدامه.. ويغير المضمون


سويلها سكان.. وطرشيها ل 4 اشخاص في الشبكه

وكل واحد بيقول لج ترجمة الاندونيسي اللي عنده

وقارني بين الاجابات

[بولينجر]

اهم شي اختاري لج مترجم ثقه هاهاها

يمكن تكسر خاطره الخدامه.. ويغير المضمون


سويلها سكان.. وطرشيها ل 4 اشخاص في الشبكه

وكل واحد بيقول لج ترجمة الاندونيسي اللي عنده

وقارني بين الاجابات
فكرة ممتازة.....

[مستثمره جديده]

انا من رايي انج تشققينها وماتفكرين فيها لان لو قريتي خرابيط الخدم بتتعب نفسيتج

وبيطلع فيج ستين مرض بعيد الشر عنج ترى اكثر سوالفهم كلها كذب في كذب وخريط :telephone:

وكله يسوون قدام ربعهم انهم هم البطلات في البيت وان المدام تغار منها وتشغلها

واايد وماتخليها تنام كفايه وماتعطيها اكل :weeping: ..

نصيحتي انج تنسين موضوع هالرساله وتقطينها في اقرب سلة مهملات الله يعز القارئين وتحطين في بطنج

بطيخه صيفي مثل مايقولون وطنش تعش تنتعششش :nice:

[الكاسب]

من رأيي...انك تصورينها (الرسالة) وتسوين نفسك ماتدرين عن شئ وتعطين الخادمة الأصل...وتسألين عن محتوى الرسالة بعد معرفتك بالترجمة...إذا كان الموضوع عادي في الرسالة وكلامها مطابق..فهميها بأن طريقة التواصل بهذا الشكل غلط.وأن كان الموضوع في الرسالة خطير وكلامها عن محتوى الرسالة يختلف...فما لكم من الحل إلا تسفيرها.بعد التأكد بأن الرسالة تخصها..لأن الظلم حرام.

[محد يستاهل]

عندي المقهوي بخليه يترجمها لج !!

[الخيميائي]

ماشاء الله عليكم ياشباب

خدمات اونلاين على مدار الساعة :p

[بنت المنتدى]

ماشاء الله عليكم ياشباب

خدمات اونلاين على مدار الساعة :p



:funny::funny::funny::funny::funny:



أنا أشوف أنج ترفقين لنا الرساله وبخلي خدمنا يترجمون لج:victory:

[غزلان قطر]

اختي الغالية افضل انج تترجمينها وبسرعه يمكن يكون سحر خصوصاً ان هذا البلد بالذات مختص بهذي الامور وشوفي لج طريقه من الطرق اللي تفضلوا فيها الاخوان واتمنى ان مايكون سحر بعيد الشر ....

[nasi al nas]

اختي الغالية افضل انج تترجمينها وبسرعه يمكن يكون سحر خصوصاً ان هذا البلد بالذات مختص بهذي الامور وشوفي لج طريقه من الطرق اللي تفضلوا فيها الاخوان واتمنى ان مايكون سحر بعيد الشر ....

انا مع هذا الراى
ممكن انها مسوي لك عمل
احرق الورقه واقراء المعوذات وفك نفسك من هذا الولوال
ترى سمعت روايات كثير عن خدمات يسون طبوب بهذة الطريقة
ترى دير بالك

مع تحياتي

[يونيك]

شوقتونا... نبي نعرف شفيها الرساله خخخخخخخ

[مليت]

اختي من رايي المتواضع انه ما يجوز لج تفتحين الرساله او تقرينها لنج على ما قلتي جارتكم مانعه الخدامه من الاتصال في اي حد وهذي طريقة التواصل بينها وبين خدامتكم المفروض تودين الرساله للخدامه وانتهاء

تحياتي

ونصيحه لا تعطين الرساله لحد لنه قد يترجم مالا تتمنين سماعه يمكن فيه اسرار تخصكم لا سمح الله

[al-fahad]

أختي اذا السالفه للدرجه هذي مشغله بالج عيل روحي للسوفيتيل بتلقين هناك مكتب ترجمه بيترجمها لج بثلاثين ريال والله اعلم

[صوت قطر]

خليك فوق

ولا تدخلين في سوالف الخدم

[Smart]

وليش تعورين قلبج وتشغلين نفسج

[Mody]

أختي عليج بهالموقع وفيه ترجمه من أخواننا السعوديين - اندونيسيا هنا دوت كوم

www.indonesiahere.com وروحي على قسم الترجمه وفالج طيب