مكيف السيارة ؟؟؟:(

[qqqtttoooppp]

بسم الله الرحمن الرحيم

السلام عليكم

شباب عندي جي اكس موديل 2003 أول امس وانا طالع فجاء اسمع صوت غريب واشم ريحة بلاستك اصف على جنب وابطل البانه مالقيت شي صكيت المكيف راح الصوت لومه اشغله يرجع المهم رحت طريج سلوى في محل واحد كان مبطل عشان يوم جمعه :rolleyes2: قالي اليولي مال الكمبيرسير خربان مع كلاجاته ؟؟؟
وقال ما عنده قطع لازم انا ايبله
المهم رديت البيت اليوم الثاني الصبح كل شي عادي ومافي مشاكل واشحلاته بس اليوم صار نفس الشي وصكيت المكيف وشغلته بعد مده ورد طبيعي
المهم
ان ابي اودي محل عدل عشان الجو حر ومب فاضي في في عز الظهر وانا قابض خط يوقف على ؟؟؟؟
وين احسن محل حق المكيفات ؟؟؟؟؟

واسف على الازعاج

[مستثمر 999]

محل اسمه الساري شارع بن محمود

بتاني شاطر

[بوسلطانH]

مثل ما قال أخوي بشارع بن محمود محلات وايد وشغلهم عدل بس لا تمشي بالمزتر عشان ما يجيم عليك الكمبريسر..
والله يعينك

[qqqtttoooppp]

تسلمون على الردود

[العابر]

مثل ماقالوا الربع الساري بن محمود وأنا مجربة وماعلي كلام روح عند واحد اسمه عارف باكستاني ممتاز والله يوفق الجميع

[k__]

محل اسمه الساري شارع بن محمود

بتاني شاطر


انا مصلح سيارتي عندة وشغلة ممتاز

[الســـهم]

عندك محل في بن محمود ..

نسيت اسمه بس مكتوب تحت الاسم ابراهيم بنات ..

لعبته مكيف الكروزر وشغله ماعليه كلام بس اغلى من الثانيين بشي بسيط ..

[qqqtttoooppp]

تسلمون

[فلفل حار]

عندك محل في بن محمود ..

نسيت اسمه بس مكتوب تحت الاسم ابراهيم بنات ..

لعبته مكيف الكروزر وشغله ماعليه كلام بس اغلى من الثانيين بشي بسيط ..

مع اني مادانيه هالدب يبط جبدي من سوالفه :anger1:

بس للأمانه اشهد له شغله ماعليه كلام وأقدم واحد شغل مكيفات بالدوووحه

انا ماروح الا عنده حتي الغاز الي يحطه لك غاز اصلي مب الغاز التايواني الي عند الساري وربعهم مع انه شغلهم جيد بس انا مجربهم كلهم وماشفت شغل مثل ابراهيم بنات

روح حق ابراهيم بنات علي ضمانتي بس كاسره بالاسعار وقوله مابي ارجع واشوف ويهك الا عقب علي الاقل 3 سنين قداااام:eek5: ان الله عطانا طولة العمر ان شاء الله:discuss:

واي قطع تبيها روح حق محل نوبل بتحصله في اخر الشارع قريب من مغاسل السيارات الي صوب اشارات تويز ار اص

خذ القطع الي يبيها وقط الموتر عنده ساعتين او ثلاث وارجع استلمه واستمتع بمكيف الكروزر مع صيف قطر :tease: