الفزعة - محتاج موتر للخط " أبوسمرة " !!

[المبرمج]

السلام عليكم ورحمة الله وبركاتة

يالربع الله لايهينكم .. محتاج موتر .. شغال في أبوسمرة وتدرون بالخط !!

ياريت لو مكسيما 2001 - 2002 أو فورد 2000 - 2001

حط عيني على هالسيارتين - على قد الفلوس وبما أنه موتر ثاني ، ياريت يالربع الي يخبر لي

حد يبغي يبيع أو يعرف يمين يسار :discuss: لايبخل على أخوه .

في انتظاركم .

دمتم بخير ،،

[ريفيرا]

شرايك في سياره كديلاك موديل 2001 ماشيه 32000 كيلو وهي من سيارات التشريفات سابقا اللون اسود ومن الداخل جلد بيج ونوعها stc ونضيفه جداجدا اذا لك خاطر على الخاص والله يوفقك

[المبرمج]

اخوي ريفيرا .. شيك الخاص لاهنت .. الله يعطيك الصحة والعافية

[مريش]

تبي سيارتي مكروفه عى خط بوسمره هههههه
حتى ويه الصدام خلاص قال ارحمني ياخي خخخخ
انصحك والله بموتر للخط يكون مثل كامري ولا افالون

ومستعملين اكيد

[المبرمج]

مريش يامرحبا بك أخوي .. شاكر لك مرورك يالغالي .

الظاهر أنت ناوي أتخلص مني بس بطريقة غير مباشرة :) أفكر بالمكسيما ، عندي موتر ثاني بس فورويل

وعادي ماينفع على الخط !!!

أبغي الموتر الثاني للدوام فقط .

[HORK]

اقول يمدحون الهيلوكس
انت توحي

[بوحارب]

اقول يمدحون الهيلوكس
انت توحي

:victory::victory:

[فهد24]

مريش يامرحبا بك أخوي .. شاكر لك مرورك يالغالي .

الظاهر أنت ناوي أتخلص مني بس بطريقة غير مباشرة :) أفكر بالمكسيما ، عندي موتر ثاني بس فورويل

وعادي ماينفع على الخط !!!

أبغي الموتر الثاني للدوام فقط .

:victory::victory::victory:
بصراحه شي عالخط..بس اهم شي تكوون نظيفه وموديل 2003 وفوق..

[الجوكر90]

عندي شفر ابيكا موديل 2006 والموتر ماشي بين 30 وال40 الف وتامين شامل ونظيفه استخدام مره

[al_qa76ani]

عندي مرسيدس 320 يبيله شغل بس مكينه قير مكيف ماعليهم كلام يقط 210 ع البراد المهم مطلوب 16000 بس لا تنسى اذا كان اوكيه مو باقل عن 30 الف ما ابيعه بس الموتر لك عليه اشوي بس ما عليه كلام شغلات بسيطه ويستوي ورده المهم السيدي والمكيف و 60 ريال بترول وطول ع الصوت بس شي واحد يبيله ميزانيه رودات وتبديل تايرواحد بس ...فيه سلك قيمته 300 ريال يركب للقير وايل وفلاتر اما توايره جداد المهم بخلص ب 16 الف والتسجيل عليك ... طبعا عشانك بس .

[مريش]

هههههههههه يعني المكسيما الحين العاقله

والله انصحك بالكامري والله
انا من دوامت في بوسمره وعلى الكامري الحمدلله
مريحتني من ناحيه البترول وسواقتها حلوه على الخط
وبس الحمدلله

:)

[مستثمر 999]

اش رايك في Cl 500 موديل 2000 اللون برتقالي وارد

عليها زوايد برابوس والابواب الي كنها طياره

وبسعر معقول جدا

[المبرمج]

HORK- بوحارب - فهد24 - الجوكر90 - al_qa76ani - مريش - مستثمر 999

يامرحبا بكم .. شاكر لكم أهتمامكم ومروركم .. الله يعطيكم الصحة والعافية .

HORK - ياخوي أنت ناوي تكسر ظهري على الخط !! أخبر الهيلكس يابس على الخط

الجوكر90 - يعطيك العافية .. بس ابيكا 4 سلندر .. وأنا أبغي يــا 6 سلندر أو 8 سلندر .. خبرك الواحد يمكن

يصنف ويطلع على السعودية مشوار !!

al_qa76ani - شاكر لك أخوي على عرضك - بس أنا أبغي ياباني أو أمريكي " مكسيما ، فورد "

لأن هالمواتر مجربة على الخط والمشاوير .. لكن الماني علته عله !!

مريش - أخوي الكامري 4 سلندر وكلامك صحيح لكن فرق بين 6 سلندر و 4 سلندر .. صحيح أن

4 سلندر أقتصادي لكن هم الــ 6 سلندر يعطيك عمر !! أنا أفضل على الخط مكسيما على الكامري :(

مستثمر 999 - الله يوفقك أخوي في بيعت الموتر - مالي في الألماني طال عمرك . شاكر لك أخوي

الله يجزاكم خير جميعاً .

[Mody]

عزيزي المبرمج عندي لك سياره حلوه حق الخط واحلى من المكسيما

عندي لك متسوبيشي ماغنا في أر أكس موديل 2003 وتشييك وكاله

على طول صب بترول ولا تحاتي شي مكيف وسرعه وركاده عالخط

والسعر 31000 قابل شوي لو لك خاطر واسأل اللي جرب الماغنا

6 ساندر 3500 سي سي سيتات رياضيه فول اوبشن وتثبيت سرعه

يعني تربع على السيت ريح رجولك وثبت السرعه والموتر يعرف دربه .

[BARBICAN]

شرايك في سياره كديلاك موديل 2001 ماشيه 32000 كيلو وهي من سيارات التشريفات سابقا اللون اسود ومن الداخل جلد بيج ونوعها stc ونضيفه جداجدا اذا لك خاطر على الخاص والله يوفقك


كم سعرك عالخاص أخووي

[المبرمج]

Mody - يامرحبا بك أخوي .. شاكر لك مروك وعرضك .. الله يعطيك الصحة والعافية .

الله يوفقك أن شاء الله في بيع الموتر .. مالي خاطر في المتسوبيشي !!

دمت بخير ،،

[المبرمج]

للضرورة تم الرفع !!

[السعدي999]

عندي لك كابرس ابو غزاله موديل 96 مخزن

ماشي 80 الف ارسل لي تلفونك على الخاص

[هام السحاب]

انصحك بالكامري وبس حق الخطووط

[المبرمج]

السعدي999 - محمد الرياني يامرحبا بكم .. شاكر لكم مروركم الله يعطيكم الصحة والعافية !!

السعدي999 - ياخوي الكابرس ماعلية كلام بس " بوغزالة " مشاكل أخوي !! شاكر لك عرضك أخوي

والله يوفقك في بيعت السيارة .

محمد الرياني - شاكر لك أخوي على النصيحة ، على راسي يالغالي .. وربك يعين .

[ريفيرا]

الكديلاك موجود اذا تبيه رقمك على الخاص

[said454]

عندي شيروكي فل ابشن / جير اوتوماتيك موديل 2001 (عنابي) بحالة جيدة جداً
قاطع 140000 تواير جديدة - إستمارة سارية لين شهر 8
السعر: 25000 قابل

[كاتم المواجع]

اخوي عندي كابريس موديل 2000 اذا لك خاطر

[الـخـور]

http://a332.g.akamai.net/f/332/936/12h/www.edmunds.com/pictures/VEHICLE/2001/Chrysler/100000725/2001.chrysler.lhs.2812-396x249.jpg


عندي هالسيارة نظيفة جدا وتشيكاتها كلها وكاله .. الوكاله ماعليها كلام
على الخط رهيف وصرفيته روعة كل 100 كم / 5 ريال او اقل
نظيف جدا جدا

ماشي 130 الف .. والموديل 2001

[المبرمج]

ريفيرا - said454 - كاتم المواجع - الـخـور يامرحبا بكم .. شاكر لكم مروركم .

ريفيرا - ياخوي طرشت لك على الخاص وقلت لك ماعرف شكل السيارة !! لوصور أفضل .

يالربع منحرج منكم .. الله يرحم والديكم ، يامكثر العروض من الشباب الطيبين لكن أغلبها

أمريكي ومواتر مالي خبرة فيها !!

عموماً - لوماشريت أنا في غيري بالنسبة لعروض الربع - والله يوفقكم أن شاء الله ويرزقكم من

حيث لاتحتسبون .

مازلت أدور على مكسيما ومصمم عليها !! لو ماعينت ربكم يعين أشوف لي سيارة ثانية .

دمتم بخير ،،

[سوق واقف]

ما أنصحك بالمكسيما الخط وعر والمكسيما طيارة
نصيحة كامري 2004 في حدود35 الف

[الـخـور]

اذا تبي شي حق الخطوط انصحك بالامريكي
صرفيه تمام ورهيف في الخط

اما اذا تبي قطع غيار متوفره ورخيصه و في الخطوط فيه وعوره بس يمشي الحال
عليك بالياباني

[ftauae]

Is300 او gs وما راح تندم

[المبرمج]

سوق واقف - الـخـور - ftauae يامرحبا بكم .. شاكر لكم تعاونكم والله يرحم والديكم .

سوق واقف - شاكر لك على النصيحة يالغالي الله يحفظك .. لوالأمر بيدي كان أخترت الكامري

لكن المبلغ الي عندي بسيط .. مايتعدى 30 الف !!

الـخـور - حالياً عندي أمريكي وودي أغير الصراحة الأمريكي ينكبك !! خاطري ياباني . التنويع زين :)

ftauae - كلامك صحيح .. لكزس وبس .. بس ياخوي الي تحكمك الفلوس ؟ والمبلغ الي عندي بسيط !!

شاكر لكم تعاونكم .. والله يرزقكم الجنة

[The Blade]

افالون او التيما لاتفكر بغيرهم

[hxamad]

ليش ماتاخذ سيارة جديدة أحسلك لاتصلح ولا توقف عليك فى الخط

[بورصجي_جديد]

نصيحه للخط؟ خذلك فورد جراند
او رويال موديل 2005 او 2004

سعره مستعمل رخيص جدا

وعلى الخط يعطيك راحه وسرعه

تقبل تحياتي

[المبرمج]

The Blade - بورصجي_جديد - hxamad يامرحبا بكم .. شاكر لكم مروركم وتعاونكم معاي

الله يعطيكم الصحة والعافية !!

كلامكم وتوجيهاتكم على عيني ورأسي .. لكن الواحد على قد فلوسه يالربع ولو علي خذيت لي موتر من

الشركة .. عندي فورويل وهالموتر بغيته للدوام .

الله يهديهم بعض الأعضاء .. معين كذا موتر لكن دون فائدة !! ليش عارضين مواترهم للبيع ؟؟

طرش رسالة خاصة - لاحياة لمن تنادي !!

دمتم بخير ،،

[فلفل حار]

اشوفك صنفت علي المكسيما الـ 2001 ألي من شوي :eek5:

اسأل عن سعر السوق واعرضه علي صاحب الموتر والله يوفقكم اثنينكم وان صار وشريتها علي طووول صيانه كاامله وتغيير اي ربلات صوب المكينه خبرك مع حروورة السنين الي طافت وداخله عليك حرورة الصيف لاتوهق عمرك وتيبس عليك ربله وتصير جنها بلاستيك وتنكسر ويخر لك ماي الراديتر ، صارت لنا وايد بالكوامري والجيات ومواتر غير:victory:

فحص شامل وكامل وركب لها مخفي 20% من أي محل زينه حق الراحه من الشمس في ضرب الخطوط ولا تطلع فيها دواره في النصر عن تكبس المرور ،ونصيحه لايغريك الموتر وتسرع علي هالخط لانه المكسيما وايد خفيفه والله يحفظك ، ويعطيك خيرها ويكفيك شرها مقدما وتستاهل كل خير ، تعجبني ردودك وتعاملك الراقي مع الاعضاء الله يوفقك يالغالي :victory:

[المبرمج]

فلفل حار - جعل من جابك بالجنة يالغالي .. ويعلم الله أني منحرج من باقي الأعضاء الي أعرضوا علي

مواترهم !! ياخي أقل شي أنهم تعاونوا معاي من خلال ردودهم .. نصائحهم .. توجيهاتهم .

الله يوفقهم ويعينهم .

شوف .. أنا صايد لي شخص مصري " وسيط " يطلع مواتر من أجانب نظيفة متعرف علية من خلال النت

ياخذ عمولته ويقول لك شوف الموتر وأفحص .

شخص سعودي شاري مواتر بالهبل " مكسيما " من قطر غاز وعارضهم في سلوى شفتهم مادخلوا مزاجي

ممشاهم قريب 200 الف وأسعاره لك عليها .

وأن شاء الله خير !! يالغالي . ومازال البحث مستمر !!

[PathFinder]

اخي العزيز المبرمج؟
وين معروضة سيارات قطر للبترول المكسيما وفيهم كوامري ولا؟ وكم اسعارهم ؟ ولك جزيل الشكر

[المبرمج]

PathFinder حياك الله أخوي .. بالنسبة للعرض للأسف مافي كامري " مكسيما - بيك أب " .

السيارات منها ماهو معروض في المعارض !! ومنها في محطة الجزيرة - طريق سلوى بالقرب من الوسام

لتلميع السيارات .

الشخص سعودي أسمه - بوماجد أسأل عنه في المعارض الي داخل المحطة .

بالتوفيق أن شاء الله ،،

[bobos10]

ربنا معاك يا طيب

[مريش]

قايلك خذ من الكلام وخذلك كامري

انا عندي كامري وفديتها على الخط ماشيه بس بابيعها اذا لقيت كامري 2006
باخليها اجراميه شوي

[المبرمج]

bobos10 - مريش يامرحبا بكم .. شاكر لكم مروركم ، الله يعطيكم الصحة والعافية .

مريش - ينوبك من الحب ثواب - دور معاي :) وشوف لي مكسيما " الميزانية بدأت تدهور "

دمتم بخير ،،

[أمريكي]

السلام عليكم
في مكسيما موديل 2005 استعمال بيت وبتعبير أدق استعمال وحده وتندر طلعاتها فيها
اذا ما زليت ممشى المكسيما بالماينس :)

[المبرمج]

أمريكي - يامرحبا بك أخوي .. الله يعطيك الصحة والعافية .

أمس عينت لي 2003 واليوم أن شاء الله أذا الأمور مشت على مايرام راح أشوف السيارة وأفحصها

ومافي مانع أني أشوف مواتر غير .. يمكن مايحصل نصيب !!

عندي موتر وماني مستعجل طال عمرك - وعجزان أتم اتفرفر في خط سلوى !! ربك يعين

دمت بخير ،،

[( الفهد )]

السلام عليكم
في مكسيما موديل 2005 استعمال بيت وبتعبير أدق استعمال وحده وتندر طلعاتها فيها
اذا ما زليت ممشى المكسيما بالماينس :)
السلام عليكم ،، اشحالكم اخواني ،، ان شاء الله بخير

الله يوفقك اخوي المبرمج

ممكن نشوف المكسيما اخوي الامريكي .

[المبرمج]

وعليكم السلام ورحمة الله وبركاتة

الفهد الاسود يامرحبا بك أخوي .. شاكر لك مرورك يالغالي .

فلوسي كاش يالربع .. الميزانية بدأت تدهور :(

مازال البحث مستمر ....

[المبرمج]

أمريكي ياريت أخوي تذكر لي مواصفات الموتر فل أبشن - فل اتوماتيك !!!!

دمت بخير ،،

[بندر متعب]

والله انا واحد افضل الامريكي (فورد كراون فكتوريا)على الخط مريح في كل شيى

(اسئل مجرب ولاتسئل طبيب)

[بندر متعب]

نصيحت مجرب وايضا سعره مناسب
وانا افضله على المكسيما من حيث الراحه والصيانه وفطع الغيار

[Exclusiveperfumes]

اخوي انصحك بلكززس موديل 2000 جي اس او ال اس

وموفق ولا تفكر بسياره دفع امامي لانها بالخط مب نفس الدفع الخلفي

وموفق والله يعطيك العافيه

[Mody]

بل يالمبرمج شهر للحين ما داومت ناطرلك موووووتر ههههههههههههههه
ترى بالك طويل خذلك موتر نقوه من الشباب اللي اجمعوا عليه
وفك عمرك والله يحفظلك دربك

[سنين]

الله يعينك يالمبرمج

[ريفيرا]

كديلاك Dts 2001 و اوديa4 موديل 2001 وانا حاضر لطيبين

[راعي ال2008 الاسود]

اخوي عليك بالكامري لافيها صرفية ولا شي تلين لها على الخط والله ابرك من الجي
بألف مرة ولا هوندا اكورد او سيفك بس الاحسن الكامري الجديدة وبالتوفيق

[المبرمج]

يرجى من الإدارة أغلاق الموضوع - تم شراء سيارة ولله الحمد

بندر متعب - al_bdo0oy - Mody - سنين - ريفيرا - راعي ال2008 الاسود .

يامرحبا بكم .. شاكر لكم مروركم وتعليقكم .. الله يعطيكم الصحة والعافية .


بندر متعب - أخوي أنا عندي جراند ماركيز أداوم عليه بس الموتر قديم وحبيت أبدل .. العلل بدأت تطلع في

الموتر !!

Mody - خخخخخخخخخخخخخ .. راعي طويله !! عندي موتر أمريكي وماني مستعجل .. اليوم فحصت لي

موتر وخصلت مع الرجال يالغالي " شكلك متابعني من قلب :) "


al_bdo0oy - كلامك على عيني ورأسي .. ولو الميزانية تسمح صدقني مافكر بغير اللكزس يكفي أن

اللكزس خذت المركز الأول من حيث قلة أعطال المكينة أخوي . ربي يجزاك خير

سنين - الجميع يالغالي .. ومرورك أسعدني .

ريفيرا - ربي يعطيك العافية ماقصرت أخوي - شريت لي سيارة ولله الحمد .

راعي ال2008 الاسود - مرحب .. مرحب ، الله يجزاك خير .

يالربع أبشركم شريت لي اليوم سيارة .. الله يرحم والديكم جميعاً ويجزاكم خير .. ويوفقكم في سائر أموركم

يرجى من الإدارة أغلاق الموضوع - تم شراء سيارة ولله الحمد