شوفوا وش صار معي ....!!

[بنت المنتدى]

السلام عليكم ورحمة الله وبركاته ،,


أمس رحت السوق .. وشريت لي غرض بـ9800 ريال .. و أنا من النوع اللي مستحيل اشيل الفلوس معي في البوك فعطيته البطاقه .. سحب وعطاني الوصل وقال لي .. أنا لازم اسحب على كل 100 ريال ، ريالين :eek5::eek5::eek5::eek5: يعني المبلغ اللي بيسحبه غير عن سعر الغرض:omg: وانا طول حياتي اسحب بالبطاقه واول مره تصير معي هالسالفه:eek5: المهم قلت له ليش قال لان بطاقتج ماستر وانا بطاقتي مش ماستر ومستحيل اخذ ماستر او فيزا وتميت معاه حول النص ساعه والله العظيم ان مب عشان اللي بيسحبه لكن الحق حق :anger1::anger1::anger1::anger1: والمشكله ان الوالده معي وحسيتها تسندرت وهو فهمني ان هذا نظام البنك :eek5: فقلت له خلاص خلاص اخذ بس فكني وعلى طول سحب ... عاد انا من امس لليوم احس انه مكذب علي :anger1: ومقهوره وماحبيت اظلمه .. من شوي اتصلت البنك وقلت لها السالفه كيت وكيت وكيت ، أله قالت لي .. شنووو .. عيدي السالفه :rolleyes2: واعيد لها مره ثانيه :eek5: المهم قالت لي بالحرف الواحد ... فلانه .. قلت لها نعم قالت .. تراااااه باقج :eek5::eek5::eek5:

بصراحه انا محتره عليه .. بس ماادري أخاف أكون ظالمته لاني بروح له العصر ان شاءالله عشان مره ثانيه مايسويها مع غيري لانه وراني كم وصل ومسوي نفس السالفه مع ناس كثيره غيري والله :eek5:

أبي شوركم وأله يمكن فيه أحد منكم عنده فكره ع الموضوع ؟؟

رفيجتي تقولي ودي له الشرطه خل يتعلم الادب ويتفشل ، وانا اقول ماابي افضحه :( ، ولو سكت عنه بيعيدها مليون مره وبيصير اغنى هندي في العالم على حسابنا:eek5: ، والله ماحطيت في بالي انه بيبوقني وعلى نياتي لكن قهرني لانه استغفلني ، المهم وش تشورون علي:weeping:

[بوحارب]

أذا بتقوليين انا مابي افضحة وانا مابي اقطع رزقة

هذا الكلام ما ينفع هالأيام

ولا ليش كاتبة الموضوع وانتي ماتبي تسوين شي

سمعي كلام رفيجتج وأشتكي عليه فالشرطة

وخليه يكون عبرة لغيرةhttp://www.qatarshares.com.qa/data/208/211/storm_1056448665_810881353.gif

[coolqtri]

اخخخخخخخخخخخخخخخخ:anger1::anger1::anger1::anger1:
شفية الكاش .. الله يهداك .. وبعدين مادمتي شفتي ان الموضوع .. قام يختبص .. لية ماسحبتي فلوس من الاي تي ام .. اخخخ .. قهرتيييييييني بموضوعك ..
صدق المبلغ .. شوي .. بس الحركة هاذي ماينسكت عليها .. علمي الشرطة .. سيدة ..

ودمتم .. للذهب .. يابنات ..

[جمال العبدلي]

هذي حذر بها المصرف المركزي وفعلا في محلات تاخذ عمولة عالمشتريات بالبطاقه وطالب المركزي عن التبليغ عن اي محل يتعامل بهالطريقه فياختي لا تسكتين وتخلينهم يستغلونج ويستغلون غيرج فبلغي لان هذا نصب واحتيال

[غزلان]

اختي دايما اشتري بالبطاقه محد قال لي بسحب زياده

[مالك أمل]

أضم صوتي لصوت بو حارب
والأفضل تفاهمي مع منهو أعلى منه كالكفيل كإجراء أول
للأن طلوع السلم حبه حبه
وبعدين رجال بو مشعل

[بوخالد2]

اتصلي بالعضيد <<<< اشدخل


لا اختى احلى ملاك بالعكس اشتكي عليه من الحين اتصلي بعد

ولا اكتبي اسم المحل علشان غيرج ياخذ الحذر من امثاله

كلهم يفكرون (( قطر كلها فلوس -- قطر الخير للغير ))

مع اني دايما اشتري بالبطاقه اختى

بالعكس لاترددين اتصلي وبلغني عنه ولا بسويها معا اكثر من زبون :victory:

[شويهينــه]

قومي الحين وروحيله مع دوريه شرطه
هذا اخذ منج انتي يروحج تقريبا 600 ريال وشوفي كم واحد قبلج
يلا قومي

[بنت المنتدى]

أذا بتقوليين انا مابي افضحة وانا مابي اقطع رزقة

هذا الكلام ما ينفع هالأيام

ولا ليش كاتبة الموضوع وانتي ماتبي تسوين شي

سمعي كلام رفيجتج وأشتكي عليه فالشرطة

وخليه يكون عبرة لغيرةhttp://www.qatarshares.com.qa/data/208/211/storm_1056448665_810881353.gif




بوحارب انا ماقلت ماابي اسوي شي .. أنا قلت يمكن فيه شي بالموضوع وماحبيت اتسرع واخرتها اكون انا اللي مب فاهمه السالفه لكن ابشر بسعدك وان شاءالله بخليه عبره لغيره :anger1:

[بوحارب]

بوحارب انا ماقلت ماابي اسوي شي .. أنا قلت يمكن فيه شي بالموضوع وماحبيت اتسرع واخرتها اكون انا اللي مب فاهمه السالفه لكن ابشر بسعدك وان شاءالله بخليه عبره لغيره :anger1:

:nice:

[بنت المنتدى]

اخخخخخخخخخخخخخخخخ:anger1::anger1::anger1::anger1:
شفية الكاش .. الله يهداك .. وبعدين مادمتي شفتي ان الموضوع .. قام يختبص .. لية ماسحبتي فلوس من الاي تي ام .. اخخخ .. قهرتيييييييني بموضوعك ..
صدق المبلغ .. شوي .. بس الحركة هاذي ماينسكت عليها .. علمي الشرطة .. سيدة ..

ودمتم .. للذهب .. يابنات ..



وشدراك :eek5:
ليكون كنت هناك خخخخخخ


مشكور والله من القهر اضحك:anger1:

[A07]

أذا بتقوليين انا مابي افضحة وانا مابي اقطع رزقة

هذا الكلام ما ينفع هالأيام

ولا ليش كاتبة الموضوع وانتي ماتبي تسوين شي

سمعي كلام رفيجتج وأشتكي عليه فالشرطة

وخليه يكون عبرة لغيرةhttp://www.qatarshares.com.qa/data/208/211/storm_1056448665_810881353.gif




نصيحة لوجه الله :nice:
اخذي الرشاش اللي في يد بوحارب وروحي له :secret:
:secret:

[مليت]

الله يعين الي بياخذج 9800 ؟؟؟؟ بس لا يدخل حد من الدول الفقيرة ويقرا الموضوع ويضرب الملبغ بعملته ويطيح علينا

[بنت المنتدى]

هذي حذر بها المصرف المركزي وفعلا في محلات تاخذ عمولة عالمشتريات بالبطاقه وطالب المركزي عن التبليغ عن اي محل يتعامل بهالطريقه فياختي لا تسكتين وتخلينهم يستغلونج ويستغلون غيرج فبلغي لان هذا نصب واحتيال

حسبي الله عليه والله انقهرت:anger1:

مشكور اخوي لاهنت ع التوضيح

[بنت المنتدى]

غزلان & السهم المنسي & بوخالد2 & المستثمره


مشكورين ماقصروا

بروح له حسبي الله عليه قصوره يبوقني وانا في بلادي

[coolqtri]

وشدراك :eek5:
ليكون كنت هناك خخخخخخ


مشكور والله من القهر اضحك:anger1:


انا داري .. ياذهب .. ياساعة كريستيان ديور ..

بس مااعتقد تشترين الساعة والوالدة معك .. فأكيد ذهب .. ياذهب ..

ودمتم .. للهنود .. تمويلاااااا ..

[بنت المنتدى]

نصيحة لوجه الله :nice:
اخذي الرشاش اللي في يد بوحارب وروحي له :secret:
:secret:




:eek5::eek5::eek5::eek5::eek5::eek5:

يمه زين اني ماقلت اسم المحل لأنه بالراحه بينذبح اليوم:secret:

[بنت المنتدى]

الله يعين الي بياخذج 9800 ؟؟؟؟ بس لا يدخل حد من الدول الفقيرة ويقرا الموضوع ويضرب الملبغ بعملته ويطيح علينا

ضحكتني وانا ماابي اضحك :funny::funny::funny:

[بنت المنتدى]

انا داري .. ياذهب .. ياساعة كريستيان ديور ..

بس مااعتقد تشترين الساعة والوالدة معك .. فأكيد ذهب .. ياذهب ..

ودمتم .. للهنود .. تمويلاااااا ..


ماشاءالله على تحليلك :victory:

تستاهل الوالده :shy:

[فارس الكلمة]

يا أحلى ملاك ..

المبلغ المخصوم منج .. هو 196 ريال فقط ..

بعض الدول .. محلاتها تاخذ نسبة معينة غير السعر الاصلي .. لأن البنك يخصم عليهم 3 - 4% من السعر.

بعدين.. ليش ما تاخذين سحب بطاقة آلي .. بدلاً من الماستر ..

[ANONYMOUS]

بس عشان اشرح لكم سبب الـ ريالين

اللي اعرفه ان البنك يوم يعطي المحل خدمة السحب بالبطاقه.. البنك يجرج المحل مبلغ يمكن ريال او ريالين بالكثير.. على كل 100 ريال

عشان كذا هو بغى ياخذ منج العموله..لان البنك بيسحبها منه اوريدي


في هالنوع من المحلات.. دايما يعطون السعر على اعتبار انه كاش..

فيوم يعرف انج بتسحبين بالبطاقه.. بيشوف نفسه خسر هالعموله..

فيقوم يجرجها عليج

الحل

اعتقد تتصلين في البنك اللي مزوجه الخدمه سواء الجاري او الوطني.. وتشوفين ردة فعلهم..


واعتقد بيهزئونه.. او بيسحبون الجهاز منه .. او مابيسوون شي لانهم مستفيدين



وانا اقول

رب ضاره نافعه

شدخل

[بنت المنتدى]

فارس الكلمة & سعر الدعم



مـ(ـصـ)ـكورين على المرور :(

[بوحارب]

نصيحة لوجه الله :nice:
اخذي الرشاش اللي في يد بوحارب وروحي له :secret:
:secret:

له له له

هذا خطر على البنات وانا خوك:nice:

[بنت المنتدى]

الحل

اعتقد تتصلين في البنك اللي مزوجه الخدمه سواء الجاري او الوطني.. وتشوفين ردة فعلهم..


واعتقد بيهزئونه.. او بيسحبون الجهاز منه .. او مابيسوون شي لانهم مستفيدين


وانا اقول

رب ضاره نافعه

شدخل:eek5::eek5::eek5::eek5::eek5::eek5:





بخصوص البنك قالوا مالنا خص فيهم وبعدين من جدك البنوك منها فايده بيقولون لك اصبر لين تلوع جبدك

مشكور ع المرور الطيب

[بنت المنتدى]

مشكورين ع الردود


ارجوا من المشرفين إغلاق الموضوع ، المعلومه اللي ابيها اوصلت:nice:



لاهنتوا جزاكم ربي كل خير

[::.Silent.::]

انا من شهر رحت العبيدلي للإطارات اللي في شارع الريان طبعا كل الشباب عارفين المكان

وسحبت عن طريق بطاقتي ATM العاديه

قالي لازم اخذ منك 50 ريال زيادة .. قلت له: ليييييش؟ قال هاي نظام البنك ( التجاري ) لانها مكينه البنك التجاري .. قلت له: والله ما تسحب وان سحبت بارجع التواير عليك ..

قالي: كلم العبيدلي قاعد هناك

رحت للعبيدلي وقلت له الموضوع .. تم يحاول يفهمني ويفهمني .. وانا راسي ضرب .. وصرت ما افهم .. قلت له مب دافع شي لاني اول مره اسمع بهالشي ..

قام وقال للبايع: خلاص الغي الــ50 ريال !!!!!!!!

وين قانون البنك التجاري والخرابيط اللي قالي اياها ..

وبس .. تعبت ..

[فسفوري]

و الله لازم ترجعيله و تسمعي كلام خله يفهم و عشان يكون عبرة و الله في ناس كثير من هالاشكال بتتصرف نفس التصرف و المؤمن لا يلدغ من جحر مرتين

[بنت المنتدى]

أخوي سايلنت عاش من شافك .. ومشكور ع الرد ربي يعافيك


فسفوري .. الف شكرلك لاهنت ع المرور

[الســـهم]

هلا اختي احلى ملاك ..

هذي تصير في كثير من المحلات المتخلفة عندنا ..

لين اليوم يحبون الكاش , رغم ان هالخدمة تلغي تداول العملات المزورة ..

والله في دبي مب بعيد عنا انهم صاروا يحبون الدفع بالبطاقة لأنها اضمن بحيث انها تنخصم مباشرة من الحساب وتدخل في حساباتهم , وماعليه اخر الشهر الا انه يطابق الفواتير مع كشف حساب البنك , وفي نفس الوقت ضمن ان الفلوس اللي في حسابه ماعليها اي غبار , شنسوي في العقول المغبرة اللي عندنا , وللعلم ان البنك يقدم تسهيلات في حساب المحلات اللي توفر الاجهزة , وماعليك منه اللي يقول انا ادفع 2% من جيبي , ترى كل خدمة ولها مقابل ..

اذا فيج نفس وطولة بال , اشتكي حتى لو اضطريتي توصلين للمصرف المركزي ..

وعساج عـ القوة ..

[بنت المنتدى]

السهم هلافيك

والله مافيني طولة بال ولااحب الازعاج وعوار الراس


الف شكرلك

لاهنت

[qqaattaarr]

لازم يتأدب