مذكرات مسافر عائد من الشام / فضفضة سياحة وسفر

[الزعفراني]

في هالموضوع راح اتناول وياكم خلاصة سفرتي الى الشام ( دمشق ) واللي امتدت لحوالي 8 أيام وراح افضفض لكم في هالموضوع بحيث احط خلاصة الرحلة وبعض النصايح والمواقف والتجارب اللي واجهتها هناك لعل وعسى اللي يفكر يسافر للشام يلقى في مذكراتي الفائدة

انتظروني

[الزعفراني]

حجز التذاكر والسكن :

طبعا الحجز يكون على القطرية - شر لابد منه - والمشكلة في رحلة القطرية الى دمشق انه في الغالب مافي بيزنس على طياراتهم اللهم اكنومي وفيرست .

السكن :

انصح صراحة بالحجز في فنادق اولا من ناحية امنية افضل من الشقق وثانيا من ناحية اخلاقية واجتماعية يعني ان سكنت في شقة مب مخلينك الناس اللي يشتغلون في الدعارة والخربطة يعرضون عليك جلب فتيات الليل والسهرات وغيره وسنداره من قلب .

الفنادق في دمشق محدوده اقصد فنادق الخمس نجوم واشهرها الشيراتون والميريديان والفورسيزون وايبلا الشام

طبعا اسعار هالفنادق تتراوح بين 600 ريال الى 1200 ريال وانصح الحجز يكون من الدوحة ويفضل باكيج مع وجبة الافطار من اي مكتب سفريات اهنيه في الدوحة لان فيه فرق في اسعار الحجوزات بين الدوحة واهناك وفرق واضح

مثال انا حاجز في ايبلا الشام من الدوحة ليلتين بـ 1300 ريال مع الافطار لين حبيت امدد وانا في دمشق قالوا لي الليله بالف ريال :rolleyes2:

فيه فنادق ثانيه مثل فندق الشام وفندق فردوس تاور والماجد وغيره من هالفنادق بو نجمتين وثلاث الصراحة فنادق عاديه ولحد يقص عليكم ويقول لكم انهم 5 نجوم لان مستوى 5 نجوم في هالفنادق في الاصل يمكن 3 نجوم يمكن اقل

فندق ايبلا الشام فندق نظيف وحليو ومرتب وسعره مناسب وهادي مافيه ازعاج وقريب من المطار بس عيبه شي واحد انه بعيد عن العاصمة ومافيه خدمات او تسوق قريبين منه يعني مافيه حياه وللعلم هالفندق اسكنوا فيه مرافقي رؤساء وزعماء الدول لعربية في القمة العربية الاخيرة

شخصيا ارشح لكم فندق المريديان ولو انه قديم لكن مقبول وسعره ازوين تقريبا 200 دولار مع الافطار ميزته كل الخليجييين تلقاهم في هالفندق مدري شالحكمة يمكن لانه قريب من شارع السفارات ويمكن لان سعره طيب مقارنه بسعر الفورسيزون والشيراتون

عيب هالفندق وجود مرقص قريب من بوابته وفيه مرقص مع دخلة الفندق يعني سنداره في الليل وفي الاشكال الوصخه اللي داخله وطالعه :rolleyes2:

للعلم في حجوزات الفنادق يستخدمون اليورو كعملة لكن ماعندهم مانع ياخذون بالدولار اما بالليرة انسى حد ياخذ منك اذا بغيت تدفع تكلفة حجز السكن في هالفنادق

على فكرة اذا تعرفون حد في السفارة القطرية ترى عادي يجيبون لكم سعر مخفض لحجز السكن ، انا طلع علي الحجز مع الضرايب مع وجبة الافطار بـ 142 دولار مع ان سعر الليله بـ 200 دولار :secret:

[HADi]

يعطيك العافيه اخوي على الفضفضه و هالمعلومات

والصراحه انا زرت دمشق من قبل

واكثر شي ضايقني اهي الاستغلال .. يقصون عليك عينك عينك اذا رفضت جاب شهود وكلهم يشهدون معاه
حتى لو مايعرفونه

فكانت سياستي في الاخير سو نفسك ماتدري :)

اتمنى تذكر لنا هل تعرضت لمثل هذي المواقف هناك ولا لا

[مايمدح السوق]

حركات يابواحمد خلنا نشوف وش سويت في بلاد الشام في الانتظار :)


مشمشها من مشمش

[حارس الليل]

موضوع قييم

[قطري طموح]

ماشالله بدايتك مشجعه وخصوصا ان اسلوبك سلس في السرد مع اني ماحب الشام ولا اهل الشام ولا انصح احد يزور هذي البلد المعروفه بحقد اهلها على الخليجين وكرههم لهم ومعاملتهم السيئه واستغلالهم اللامعقول منذ ان تطأء رجلك ارض المطار .

[الزعفراني]

نتابع وياكم والشكر للاخوان اللي تفضلوا بالرد على الموضوع

[الزعفراني]

بعد حجز التذاكر والسكن ننتقل لمرحلة الاستعداد للسفر

الاستعداد للسفر :

المقصود من هالعنوان راح يتضح لكم مع نهاية هالفقرة الخاصة فيه

1- من ناحية الفلوس ومصاريف السفر :

اكيد بتسأل نفسك كم فلوس باخذ وياي ؟؟ وشنهي العملة اللي باخذها معاي ؟؟ وهل اصرف في الدوحة والا اصرف في الشام ؟؟ وهل اخذ وياي الفيزا كارد والا لا ؟؟

وللاجابة على هالسؤال راح اختصرها لكم في الاسطر التالية ، اول شي دام السكن متوفر وحاجز ومخلص لازم تحدد شنهو تبي من هالسفره ؟؟ وهل بتشتري هدايا او اي اغراض مناك والا لا ؟؟

- مبدئياً انصحك تاخذ معك دولارات يعني تصرف اهنيه في الدوحة ومبدئيا 1000 دولار مناسبة وتعيشك هناك ( مواصلات واكل وحتى تشري ) لفترة مش اقل من 20 يوم ، طبعا الالف دولار تاخذها وياك احتياط يعني حق اي ازمة تواجهك هناك لكن مب للصرف ، طبعا غير الدولارات تاخذ وياك ( ليرة سورية ) ومبدئيا تقدر تصرف 4000 ريال للعملة السورية بتطلع لك تقريبا ( 50 الف ليرة سورية ) الخمسين ذي تقدر تصرف منها 4000 ليرة للاكل في الاسبوع اذا مب اقل يعني يعتمد عليك وعلى اكلك ، المواصلات تركب تكسي وبالعداد وطبعا التكلفة بسيطة وبعضهم طبعا يلعوزك وما يعترف بالعداد وذي بالاتفاق بينك وبينه وراح اتطرق للنقطة ذي في فقرة خاصة بالمواصلات .

- تحمل تاخذ معك الفيزا كارد لان نادرا ان لقيت مكان يستخدمها يمكن في المطار بس وبعض الفنادق حتى مب كلها وغير كذا اتوقع ما راح تحتاج لها مثل احتياجك لها في سفرة لاوروبا .

- بطاقة البنك هم بعد ما انصحك تاخذها وياك لان جربتها في كذا صراف ولا اشتغلت معاي رغم ان النابس والشبكة والالكترونيك موجودين في جهاز الصراف والبطاقة اللي عندي . غير كذا اجهزة الصراف عندهم محدودة ان لم تكن معدومه

- حاول تخرد من اهنيه ليرات سورية بو 100 وبو 50 ليرة لانك بتحتاج لهم في دفع مصاريف في مطار دمشق اقصد اجرة العربة والعمال واحيانا اكراميات .

هذا بما يتعلق بمصاريف السفر والمبلغ اللي بتاخذه وياك . وطبعا في الاخير انت تحدد كم تبي تاخذ وياك كاش موووني مع العلم البلاد رخيصه والاسعار مناسبة ومافيها صرفيات ومخاسير مثل السفر لاوروبا او اي دول خليجية مثلا .


2- شنطة السفر وأشياء أخرى :

انصحكم بشراء او حمل شنطة متوسطة مب صغيره وايد ولا كبيرة واجد والسبب انكم راح تترسونها بالاغراض والملابس وغيره من الشغلات اللي راح تشترونها من اسواق دمشق لان الاسعار تفرق عن الدوحة بنسبة معقولة وطيبة وانصحكم طبعا بعدم الاكثار من الملابس يعني خذ لك جيينز على كم قميص على بدي وانتهى الموضوع ، تحمل تاخذ وياك ثوب وغترة وعقال وتحمل تلبسهم اهناك لانك راح تكون فريسة سهله من قبل بعض الاستغلالييين

خذ معاك في الشنطة بنادول ومسكن للالام تحسبها لاي طارىء اهناك بدال ما تنزل وتلف اتدور لك على صيدلية واذا اتحب التصوير وغيره يبيلك كيمرا لان في دمشق اشياء كثيرة تستحق انك تخلدها بصورة


هذي من ناحية الاستعداد للسفر واتمنى ما نسيت شي ونكمل عقب مع رحلة الوصول الى مطار دمشق والاشياء اللي لازم تسويها واللي راح تواجهك

[الزعفراني]

يعطيك العافيه اخوي على الفضفضه و هالمعلومات

والصراحه انا زرت دمشق من قبل

واكثر شي ضايقني اهي الاستغلال .. يقصون عليك عينك عينك اذا رفضت جاب شهود وكلهم يشهدون معاه
حتى لو مايعرفونه

فكانت سياستي في الاخير سو نفسك ماتدري :)

اتمنى تذكر لنا هل تعرضت لمثل هذي المواقف هناك ولا لا


الله يعافيك اخوي هادي

صدقت اخوي في كلامك وعشان ما نعمم الموضوع خلنا نقول البعض يمارس هالاستغلال وان كانوا بكثره ، وبخصوص المواقف راح اذكرها في الموضوع لاحقا تابعنا وفالك طيب


حركات يابواحمد خلنا نشوف وش سويت في بلاد الشام في الانتظار :)


مشمشها من مشمش


اشكرك اخوي وعنبها من العنب


موضوع قييم


اشكرك ياحارس الليل


ماشالله بدايتك مشجعه وخصوصا ان اسلوبك سلس في السرد مع اني ماحب الشام ولا اهل الشام ولا انصح احد يزور هذي البلد المعروفه بحقد اهلها على الخليجين وكرههم لهم ومعاملتهم السيئه واستغلالهم اللامعقول منذ ان تطأء رجلك ارض المطار .


اشكرك اخوي قطري واحترم وجهة نظرك وماعندي تعليق اكثر
تابعنا وفالك طيب الى نهاية الموضوع

[سعد81]

اذ هذي طريقتك بالسفر شوقتني اني اسافر وياك
الله يحفظك