كيوتل وأستعداد لمنافسه فودافون

[Qa6ar]

تستعد كيوتل للمنافسه بخصوص شركه فودافون ومن أمثله ذلك

اتصل لي البريد قبل اسبوعين وقال لك ظرف لازم تجي تستلمه يدويا او أنوصله لك وين ماكنت

او نوصله لك لأقرب بريد لك:)

قلت خير قالو ظرف خاص ويستلم شخصيا من قبلكم:)

قلت خير انشاءالله...

وصلوا الظرف الى اقرب بريد مني واستلمته أكتشفت

انه مختاريني من النخبه او العملاء المميزين لكيوتل... وحاطين لي رقم خاص اتصل به

اي وقت ان سارت لي اي مشكله مع كيوتل وأذا مب وقت دوام اتصل طبعا على 111

وأتكون الافضليه لي من اي تلفون بأسمي واكتشفت ان ارقام تلفوناتي الجواله اللي بأسمي

بس 18 جوال:)

واتصلت وعرفوا لي الخدمه وخدمه ياجماعه كأن تتصل لأحد يبي منك شيء مو انت اللي تبي

منه اي شكوى اي شيء اتصل ولا تتردد:)

انشاءالله يطرحون شركه ثالثه علشان كيوتل ترتقي بخدماتها اكثر

[hich]

كيوتل = توظيف أجانب
فودافون= توظيف أجانب من قلب

مالنا الا البريد العام=هو الوحيد الي يحب القطريين وان كان لا يحب ان يدفع لهم رواتب عدله

[واحد في حاله]

لاتنسى ال2000 دقيقه المجانيه :taunt:

حركات النص كم ياكيوتل مب علينا :tease:

[khaldoon]

ان شاء الله انهم يستمرون في تحيبن خدماتهم

كفايه احتكارهم لنا كل هذه السنين وعقبال فك الاحتكار عن كل الشركات الخدماتيه


جزاك الله كل خير اخوي العزيز قطر

بس صحيح اخوي انت ايش تسوي ب 18 رقم جوال...انا عندي 2 وما استعمل الثاني ...الله يبارك لك فيهم

[سداوي&مدريدي]

والله فودافون خلتهم يتحركون شوي

يلا ترى احنا المستفيدين :nice:

وان شــاء الله انشوف خدمات افضل

[تاجر]

المشكله لو اتفقوا علينا الشركتين ..!!

منشار الله يذراكم بس ..

[بنت المنتدى]

السلام عليكم ورحمة الله وبركاته ،


أختاروا زوجي وعطوه رقم خاص وقالوا له اختار الخط اللي تبيه:eek5::eek5:

ولما قال لي السالفه قلت له .. هههههههه خل يلعبون غيرها كيوتل طيبين جذي مايصير:eek5::eek5::eek5::eek5::eek5::eek5:

[بوخالد911]

المشكله لو اتفقوا علينا الشركتين ..!!

منشار الله يذراكم بس ..



هلا

؛؛؛؛

لا تنسوون المجلس الأعلى للاتصالات وتكنولوجيا المعلومات بيقعد لهم عظم في البلعووم

مع التحية

؛؛؛؛

:nice::victory::nice:

[الخيميائي]

قاعدة اقتصادية

التنافس يهبط بالاسعار للاسفل ولكن وفق الشروط الطبيعية وان انتفت الشروط الطبيعية فلا مانع من تشارك الكعكة :p

وان شاء الله نشوف خدمات احسن في المستقبل القريب :)

[حمود قطر]

أخووووووووي حتى انا اختاروني من ضمن النخبة ..

مادري بس حطولي 2000 دقيقة مجانية ( مكالمات محلية فقط ) ..

واكتشفت انه عندي ارقام واااااااااايد مادري من وين طلعت ..؟؟

[HORK]

زين انا في 31 خط جوال بسمي

منهم 25 كرت اخذتهم في يوم واحد من اسبوع فقط

وما اشوف احد اتصل بي ولا قالي هلا ومرحبا

افا يا كيوتل راحت علي


عاد انا اتوقع اذا اتصلوا بي يمكن يعطوني تذاكر للمالديف في الصيف


:telephone::telephone::telephone:
:anger1::anger1::anger1::anger1:
:omen2::omen2::omen2::omen2:

[Al-sa7er]

كيوتل بتحاول انقاذ مايمكن انقاذه قبل دخول فودافون وتشيل عليها الجمل بما حمل, وطبعا بدأت بأكثر ناس بيربحوها عشان مايخسروهم :tease:

[ابودجانه]

اهلا بفوادفون ان كان بتنقذنا من نصب كيوتل اللي عيني عينك

[المشتاقه الى الجنه]

بدخول فودافون احنا المستفيدين

[عذب الكلام 1]

جاركم منشاركم مقصكم مقراضكم فودافون لكيوتل

[technical]

عن نفسي بشل كل تيليفوناتي من كيوتل للشركه الجديده لعده اسبابواولها اكرهك يا كيوتل.

يا كيوتل يلي ما عندك احترام لدستور قطر الي فيه ان اتصالات الفرد مصونه , كيف تسجلين مكلامتي للاستعلامات الى الله اعلم متى .

يا كيوتل يلي عجرفه بعض الي عندك تجبرنا على سماع الموسيقى عند الاتصال في استعلاماتك اصبري .

[عكاس]

دخول فودافون للسوق اهو فايده لكيوتل لان كيوتل وبكل بساطه بتم لها الاحتكار لين بكره
فودافون مجرد اسم والعقد ينص على ان فودافون لازم تستخدم البنيه التحتيه مالت كيوتل يعني ابراج كيوتل والاسلاك الارضيه مالت كيوتل لا وبعد يعطون كيوتل اجار عن الابراج مالت التقويه اللي يستخدمونها
وازيدكم من الشعر بيت كيوتل راح تاخذ نسبه من كل فاتوره من فواتير فودافون
يعني تيتي تيتي مثل مارحتي جيتي