][ ظـاهـره جـديـده .:. حـق الـخـشـوم !! ][

[مريش]

السلام عليكم ورحمه الله وبركاته

هالأيام اشوف ظاهره نسائيه جديده لكن انا شخصياً مادري
هل هي ظاهره عاديه او شي عادي او انه شي محرم او انه مكروه
او او او او !!!

القرار لكم

انا لاحظت في الفتره الأخيره وكثير من البنات والمشكله في دوام في احدى الهيئات
واثناء الدوام الرسمي الاخت حاطه فص في خشم او بمعنى الاصح اسمه زميم
قاضه خشمها بهاي الشي وحاطته
بصراحه انا شفت من نفس الهيئه تقريبا 3 بنات مسوين هالحركه !!!
هاي غير حجاب بونفخه هههه والله استغفر الله اللهم لاشماته جنها من كوكب زحل

ياجماعه علموني انتو تأيدون هالشي
والمشكله هيئه معروفه وكبيره والمفروض
يوقفون هالتصرفات المشبوهه هاي الشي
يضر البلد وسمعه البلد والله بنات آخر زمن

ولازال القادم مذهل

[ANONYMOUS]

اي صج شفت وحده مسويه في الدوام

شفيهم البنات استخفوا


يمكن فيهم عرق اري تومكاهي تومكاري سبيكه انا مايبيها

[بوحارب]

موضه بايخة !!

[بوحارب]

يمكن فيهم عرق اري تومكاهي تومكاري سبيكه انا مايبيها

موشكل نهيه ادر تو:nice:


كل شي جايز :secret:

[دانـة قطـر]

وع أصلاً مو حلو :rolleyes2:

الله يهديهم إن شاء الله

[حقيقه]

مشكله اللي يقلدون شرق آسيا في كل شيء :nice:

[alwahesh]

عادي وخاصه اذا اصلهم من عمان ؟؟؟؟؟؟؟؟؟؟؟؟؟

[بنت المنتدى]

يع وش هالحركات .. بس على فكره بنات هاليوم مايحطون الزميم (يعني مايبطون خشومهم) لااا يحطون لك فص (لصقه)


الله يهدي خشومهم ان شاءالله

[قطري شايب]

يع وش هالحركات .. بس على فكره بنات هاليوم مايحطون الزميم (يعني مايبطون خشومهم) لااا يحطون لك فص (لصقه)


الله يهدي خشومهم ان شاءالله

ههههههههههه

[عذوبـة قلم]

آخبر هالموضه قديمه .. من أيام الأعداديــــــه ..

شكلهم من الملل .. رجعوهاااااا !!

بس فالدوااااااام .. >> قويـــه :secret: ...



الله يهدي خشومهم ان شاءالله

تذبحني من الضحك تعليقااااااااتج .. ههههههههه

[بوحارب]

http://www.qatarshares.com.qa/data/208/211/storm_2002695551_2114972831.gif <<<<<< هذي داخله تبي زميم ^ ـــ ^

[مايمدح السوق]

غريبة وانتوا تمشون وتقزون خشوم البنات :) والا يمكن اللمعة تبهركم :)

[Abdulla Ahmed]

أكسسوار الأنف- ( الزميم )

--------------------------------------------------------------------------------
الزمام
جاء في المعجم الوسيط الجزء الاول ويقال هو زمام قومه قائدهم .. وطبعا فيه يقصدون الزمام اللي نعرفه
طبيعي اتعرفون الزمام او الزميم مثل مايسمونه امهاتنا، موضة كانت منتشرة جدا قديما بين الناساء والفتيات وجات فترة واندشرت، لكن رجعت هالموضة بالسبع السنين الحالية، شاللي رجعها الله اعلم، كل اللي اعرفه انه بناتنا محبات للركض ورى الموضة،..
قديما الزمام كان من الذهب وحاليا بعد من الذهب لكن اللي يفرق هو انه الحين بناتنا يلبسون الزمام الصغير والنعوم ....
شوفوا قديما..
عاد هذي ماادري من اي منطقة
وفيه أنواع زمام اللي نفس التاتوو، اتكون كريستالات صغيرة اتلزق، والغريب البنات دايما يحطون جهة الزمام عاليمين،، اذكر من زمان جربت وحطيته عاليسار استلمتني وحدة وقالت انتي باكستانية اتحطينه عاليسار,, العرب عاليمين وهم يسار !!!! غريبة هالمقولة صح !!!
اللي اتحب تثقب اتروح لمستوصفات نفس المجمعات الطبية الخاصة لانه عندهم الآلة اللي تثقب الأذن واتكون الابرة دقيقة جدا،، لانه الآلة اللي تثقب الأذن غير عن اللي تثقب الخشم..
حتى انه العرب تغنوا في الزميم -((الزمام))
مثل قول ابن شاهين:

الخد براق سمر في غمامه
وعيون سود ناعسات مكاحيل
والخشم مسلوب زهابه زمامه
كنه من الرهاف البيض المصاقيل
وقول العريني:
ابو زميم على مثل البرد هفا
ما حطه الا عذاب للهواوية
ويقول غيره:
ابو عيون هدبهن صفة الريش
وزميمه تحت حجر العين بان
والآخر من الشعر القديم
يا بو زميم مشذرا
ومزهي وجه راعيته
ومن الشعر القديم قول القائل من قصيدة:
وزميمه اللي من مقدم الخشم كنه
نوار حوذان جلت عنه الارتاد
ومن الشعر القديم:
ليتني شذرة زمام على مبسم له
فوق بيض تلاعج مثل برق الغمام




منقول للأمانة

[Abdulla Ahmed]

*الزميم: مصغر زميم، وزميم مصغر زمام وهي حلقة من الذهب تضعها المرأة على جانب أنفها بعد ثقبه وقد تزينها بالشذر الأزرق وجاء اسم الزميم من الزمام وهو الحبل الذي يربط بخزامه أنف البعير
.
الخزامة: وهي حلقة كبيرة من الذهب أكبر من حلقة الزميم تضعها المرأة البدوية في جزيرة العرب على جانب أنفها فتتدلى على الشفة العليا للمرأة.

[Abdulla Ahmed]

http://www.adma1.com/vb/t1270.html

[Abdulla Ahmed]

اخترت لكم هذا الموقع شوفو الصور
http://www.adma1.com/vb/t1270.html