انا بسافر ماليزيا انا وزوجتي وبدي اعمل جدول ساعدوني

[arcon]

مرحبا شباب انا بسافر ماليزيا انا وزوجتي وبدي حد يساعدني في عمل جدول انا بسافر 14 يوم او اقل 12 يوم وبدي اعرف وين في اماكن اكويسه وجزر حلوه وكم بتكلف الرحله ارجو من الجميع المشاركه وشكرا

[الزعفراني]

ادخل مموقع منتدى المسافرون العرب والا منتدى سفاري عندهم اللي تبيه

[arcon]

ما قصرت وجزاك الله كل خير وفعلا مواقع مهمه جدا وفيها المطلوب تسلم ياغالي

[ولد شرق]

تفضل الموقع وبتحصل فيه كل اللي في بالك واللي مش في بالك...
موقع ممتاز وشامل جدا...

http://www.daleel-malaysia.com/

[ام عبدالعزيز]

هلا اخوووي


ممكن ها الرابط يفيدك..


http://travel.maktoob.com/vb/travel150343/

[سعود 99]

هلا الشيخ

أنا بعطيك المختصر المفيد من تجربتي

في البداية أول ما تنزل المطار روح على مدينة سيلاجور وفيها فندق صن واي لاجون واسكن فيه يومين أو ثلاث حسب المزاج بس لا تكثر لآن المنطقة ما فيها غير مدينه الالعاب اللي في الفندق روووعه لازم تروح لها ... عقب طير على جزيرة بينانج واسكن فيه ثلاث أيام في فندق راسا ساينج شانجريلا (خمس نجوم) حلو وهادي ومطل على البحر وكل شي حولك الشارع الصيني والمطاعم عقب روح لنكاوي خذ يومين في فندق فور سيزن والجزيرة عامة هادية ورومانسية والفنادق عامة زينه في هالجزيرة وفيها تلفريك ... عقب روح للعاصمة كوالمبور واسكن في فندق مندرين اللي لاصق في البرجين أقل شي ثلاث أيام فندق فخم وروعه وخذ لك غرفه مطله على البارك ... وثلاث أيام أسكن في الماريوت في شارع العرب حق الشوبتق من ضمن هالأيام روح لمنطقة جنتنج تطلع لها من الصبح بدري وارجع آخر النهار لآنه ما فيها غير مدينة الألعاب بس حلوه وجوها بااااارد وروح عن طريق التلفريك أحلى .... وفي كوالمبور حدايق وايد مثل الفراشات والزهور والطيور و عندك المنارة و أفاموسى والمجمعات مثل تايم سكوير والسوق الصيني وفيه عالم البحار اللي حذا فندق مندرين ... وهذا اللي عندي وان شاء الله يعجبك المخطط لأني أنا سويت هالشكل وحسيت أنه أريح ... وأي استفسار أنا حاضر لك ...

[JoOoOoOoJ]

عندي الصافي:-
اول ما توصل اقعد ليلتين في كوالالمبور لأنه تعب الرحله مش طبيعي و فرق التوقيت يأثر
بعدين روح بالطيران الداخلي ع جزيرة بينينج 3 ايام (رحلات بحريه و شوي على شاطئ البحر و زيارة الجبل الاحمر و جزيرة الغوريلا)
بعدين روح بالفري ع لنكاوي 3 ايام و دور فيها واعملك رحله نهريه حلوه و شوف مزارع السمك
و انتا راجع من لنكاوي بالطيران الداخلي لمطار كوالالمبور اطلع على مرتفعات جنتنج اقعد فيها يومين ...منطقه روعه و بارده
و بعدين ارجع ع كوالالمبور اقعد فيها 4 ايام تسوق و تبضع و انتا راجع الدوحه ...
و لو بتحب ممكن تطلع ع دبي 4 ايام و انتا راجع ...
ترا انا عملت هيك و كانت رحله و الحمد لله موفقه جدا و جميله جدا ...وايا استفسارات تراني حاضر

[bo_hamad]

رحلة سعيدة وإجازة ممتعه بأذن الله تعالى وتحياااتي

[سمو]

جزيرة بيننج الروحة لها بالباص او السياره امتع مناظر حلوة واونس

اول الوصول كوالالمبور انصح بفندق قصر الخيول الذهبية (بالاس اف ذا جولدن هورس ) هادي ومنطقتة وايد حلوه ممكن العصاري تتمشون بالقارب يكون واقف قريب من البركة وتاخذونه لين المحطة الثانيه قريب من السوق الي وسطة قناه مائية

وفيه فندق سكناه في كولا لمبور عجبني وايد (لي مرديان) او (الهلتون) برجين جنب بعض وبجانبهم محطه
القطار << خصوصا المعلق الي مثل دبي تركبه حاليا ..لا يفوتكم تجربته ويوديكم كل الاسواق والمناطق في
كوالا لمبور واحسن لكم من زحمة الماريوت

موفقين واجازه سعيده

[شيزكيك]

انا العام رحت مالييزيا

وخذيت معلومات وايد من كذا مكان وفي اشياء اعجبتنا واشياء لا

كوالا حلوه

عجبني مركز سوريا للتسوق فظيع وكله ماركات وفي شارع العرب هناك ماتحس بالغربه ونشوف

العرب يتمشون لساعات متاخره من الليل

جتنيق ملاهي فوق الجبال وروح لها بالتلفريك وهو جدا مرعب وياخذ فيك عشرين دقيقه وانت

فوق الغابات ( رعب ) بس الملاهي روعه واناسه والجو حلو

رحنا القريه الفرنسيه وما استانسنا احسها تنفع للاجانب اكثر ومافيها الا مباني ومطاعم

رحنا افاموسا حديقة السفاري حلوه حق اليهال يشوفون الحيوانات وعروض الفيله والطيور

الحيوانات وعرض الكابوي وفيها جزيره القرود ويوم رحنا كانت القرود في اقفاص واحنا ننطر

المركب الا قرود صغيره على الشير فوقنا عاد تعالوا شوفوا الصراخ

وبعدين ودينا اليهال البرك وتسبحوا واستانسوا

ورحنا عقب مدينه الهنود الحمر وفيه سينما يعرضون فيها افلام وتلبس نظاره وكانك موجود في الفيلم

واذكر يوم طق المطر في الفيلم بللونا بالماي وفي مشهد فيران يركضون حسينا ان الفيران تركض على

ريولنا الصراحه شي

ومدينه افاموسا ممكن تقضي اليوم كامل فيها وحتى جتنيق


رحنا الاكويريوم حديقه الاسماك وصج صج روعه وعلى مستوى


رحنا الحديقه الليليه وفيها النافوره الموسيقيه والصراحه ما تسوى العنوه


رحنا ملاهي الصن وي لاقون روعه واليهال استانسوا على البرك والمناظر الحلوه


والزين فيهم ان اذا سكنت في فندق قريب من اي ملاهي يعطونك خصم

مثل يوم سكنا في فندق الخيول الذهبيه عطونا خصم حق الملاهي الليليه التعيسه

ويوم سكنا في برج الصن وي لاقون عطونا خصم حق الملاهي المائيه

ويوم سكنا فندق امبيانا عطونا خصم حق حديقه الاسماك

رحنا محل الشوكلاته وكافيهم مب لذيذ


الاكل في المطاعم العربيه غالي وايد ونهيبه بعكس مطاعم الوجبات السريعه

50 ريال تييب لنا وجبات لنا كلنا وحت البيتزا رخيصه



وبعدين رحنا بينانيغ والصراحه رحنا في السياره والمسافه 5 ساعات متعبه والصراحه ما استانسنا

فيها لان ما حصلنا حجز في الفنادق القريبه من البحر الي كل الخليجيين فيها


ورحنا هناك حديقه الفواكه والجو كان حار ولا شفنا فيها اي فواكه

ورحنا حديقه الفراشات ورحنا متحف الدمى كان وايد حلو وايهال اسانسوا عليه


وبس هاذي كل الاماكن الي رحناها بالاضافه الى المجمعات والاسواق




اتمنى لك الافاده

[sood mhamed]

ونعم الاختيار ماليزيا بس الجو حار

[المشتاقه الى الجنه]

رحلة سعيدة وإجازة ممتعه بأذن الله تعالى

[LOLOO]

مرحبا اخوي
انا نصيحتي لك اذا انت رايح انت وزوجتك بس بدون اطفال .....
لا تروح:nono:
والسبب الجو تعيس جــــــــــــــــــــــــدا
يعني طلعة الصبح احذفها من البرنامج الا اذا بترووح مجمعات مكيفة
وبالليل شارع العرب ماتمشي فيه شوي الا لزقت عليك ثيابك من الرطوبة والماي الي يرشونه عشان يبردوون الجو في الجلسات الي على الشارع طبعا هذا في كوالا لمبور
فيه منطقه اسمها جنتنق جوها روعه (اوربي) وفيها مدينة العاب خارجية وداخلية وفنادقها متصله ببعض بسلالم كهربائية وتل افريك وطبيعتها حلوه بس ماتقدر تقعد فيها اكثر من يومين
مافيها شي هذا غير انها زحمة يوم الاحد والاثنين صينين وهنود
(سوقها صغير مايبرد القلب)
مدينة سيلاجور فيها مدينه العاب مائية للصغار وفيها بحيره تاخذ فيها جولة
لكن بتقولي بتروح جزر وحدائق زهور فراش حيوانات وافا موسى..............
انسى
لانك من الحر والرطوبة بتكره نفسك........:weeping:
اقول لك اوربا وبس..............