عاجل أحد يساعدني وينصحني ... أنا مسافر 4/5/2008 الأحد الجاي مع الأهل شرم الشيخ

[بوهميان]

السلام عليكم ... أحد يساعدني وينصحني أنا مسافر الأحد الجاي مع الأهل شرم الشيخ وأول مرة أروح شرم الشيخ ورحت السفريات وشفت الفنادق ودخلت على على مواقع بالانترنت كثيرة بس أحس الفنادق مش 5ستار الي أن عرفة . أنا أنصحوني بالفور سيزون والحياة ريجنسي والماريوت ولحد الحين ماحجزت ومتحير ....:con2: ياجماعة الخير الي راح شرم الشيخ ينصحني على أي فندق ...أبي بصراحة أرتاح في السفرة ويكون الفندق راقي جدا وشرط السيف والبحرنضيف و قريب من الفندق والرمال بيضاء (مش البحر مدلخ وحصى)... أنا في انتظار ردودكم

[قطريه ماركه]

ان شالله يفيدونك اهل الخبره في مصـــــر ^ ___ ^

[الزعفراني]

ادخل منتدى المسافرون العرب او منتدى سفاري وبتلقى مطلوبك

[خالي مشاعر]

اخوي بالنسبه لبحر شرم الشيخ لاتحاتي ترى البحر حلو هناك في كل مكان
والفنادق تقريبا كلها على البحر وكل فندق له شاطئ خاص فيه بس الفرق اذا الفندق قريب من وسط شرم الشيخ ولابعيد
يعني اذا الفندق قريب بتروح للقهاوي والمطاعم مشي اما اذا كان بعيد لازم تاخذ تاكسي بس كلها3 دقايق من ابعد فندق لوسط المدينة.

انا سكنت في موفنبك خمس نجوم بس انا اشوفه 4 نجوم بس الزين فيه مكانه في وسط السوق بالضبط بس اذا تبي شئ راقي وبتروح بالتاكسي للمطاعم بس مثل ماقلت لك كلها 3 دقايق.
وبعدين بترتاح في شرم من الشحاتين ومابتحصل ولا واحد بس الله يعينك على شركات السياحه بيسندرونك وبيقولونلك عندنا عرض لمدة ساعه وبتاخذ غرفه ببلاش و و و و الزبده اسفههم
واذا عندك استفسار ثاني انا حاضر اخوي

[التيما]

اخوي انا رحت شرم وقعدت في فندق ماريوت وهو ممتاز صراحة وراقي .. واحنا هناك مرينا على حياة ريجنسي و الشيراتون حلوووين بعد .. بس الريتز ارقاهم صراحة بس ما دشيته شفته من برا .. يعني لو تبي عليك بالريتز

[المشط]

نفس ما قال الاخ خالي مشاعر لاتحاتي البحر بالعكس حلو وممتاز

انا سكنت في فندق ماريوت ممتاز وراقي

وربي يعينك على الاشكال اللى راح تشوفها هناك على السيف

[الجنوبي 11]

يا طيب شرم الشيخ ما تصلح للعوائل واللى يدور الاحتشام ،الحقيقه تصلح للاوروبين اللى جايين ايدورون الشمس والتفصخ واكثرهم ايطاليين والمان.وانت صاحب القرار.