ياخبرة البوالين ممكن استفسار ولا تهونون ؟؟

[Fahad77]

السلام عليكم ورحمة الله وبركاته

ياشباب اللي عندكم خبرة في البوالين ,, وين ممكن أحصل البالون الصغير اللي يركب

على الرنجات الـ17 بس يكون حجمه مثل الـ16 يعني مش البالون العود


ومشكلة الرقلة اللي تجي في الموتر لما تركب بالون خاصة النيسان بترول لها حل غير

تبديل الجامبين رود وتركيب الأصفر ؟؟؟ لأني جربت ركبت ومانفع بعد الموتر فيه نفضة !!

والله لايهينكم ياجماعة ويعطيكم العافية

[فلفل حار]

شكلك قصدك علي الجامبينات الغاز الي تنباع بالتيسير ، يقولون جيده وتريف الموتر بس لين اخترب الجامبين يطيح الموتر مره وحده بيصير جنه عراوي

النيسان من خلقته وايد مرفوع مايحتاي ترفعه ولا تنزله خله مثل ماهو ، والرقله يبيلك واحد شاطر يضبطها لك بس بشرط يكونون الرنقات اصليه والبوالين جداد او استعمال حشمه لانه العكس له أثر كبير علي الرقله

وعن الـ17 الي اسمع به انه احسن شي الاوهيرو الي يليق علي الجيات الجداد ، مع العلم انه ينحل بسرعه

وموفق اخوي

[لاداعي]

شكلك قصدك علي الجامبينات الغاز الي تنباع بالتيسير ، يقولون جيده وتريف الموتر بس لين اخترب الجامبين يطيح الموتر مره وحده بيصير جنه عراوي

النيسان من خلقته وايد مرفوع مايحتاي ترفعه ولا تنزله خله مثل ماهو ، والرقله يبيلك واحد شاطر يضبطها لك بس بشرط يكونون الرنقات اصليه والبوالين جداد او استعمال حشمه لانه العكس له أثر كبير علي الرقله

وعن الـ17 الي اسمع به انه احسن شي الاوهيرو الي يليق علي الجيات الجداد ، مع العلم انه ينحل بسرعه

وموفق اخوي

:nice: صااادق يالغالي

والتو اااير الى تقول عنهم موجودين عند الراجحي طريق سلوي أول ماتعدى دوار مدماااك

كنك متجه صوب دوااار قطر لديكور أول ماتعدى الدوااار على اليمين:)

[ROLEX]

السلام عليكم ورحمة الله

اخوي Fahad

النيسان بالبالون 17 يرج

وماله دخل فالرودات

انا عندي نيسان رنقات الوكاله 17 والتواير ماكسس

والموتر يرج وديته لبيرلي اللي في طريق سلوى

وظبط الرودات ومازال الموتر يرج

اذا ما تبغي الرجه ركب بالون دنلوب 16

وورى تغدر تركب اسيام لانها ماتنحل بسرعه

والافضل من هذا الميجر على ال 17

[نيساني]

تبي تروح الرجه عطه هوا 50 قدام
و60 ورى وعيب هالحركه
يتنبه بسرعه والتواير يمكن مايكملون
شهرين اذا انت راعي مداعس

[غالي قطر]

والله مشكله هالبوالين رزه ومشاكله مشاكل

[Fahad77]

يعطيكم العافية شباب وماقصرتوا والله

والله يرحم والديكم على الخدمة والمعلومات الزينة :)

اخوي العزيز (لاداعي) شكلك فهمت ايش اقصد بالتواير اللي ابغيها وباروح اليوم اشيك عليها

عند الراجحي ,, وماقصرت والله يالغالي لأني صارلي فترة ادور عليهم ومافي مب لاقي كله التواير الكبيرة

مافي الصغيرة ,, خدمتني خدمة ماراح انساها لك يالغالي :)

والسلام عليكم ورحمة الله وبركاته

[شموخ-qtr]

ركب( هيروا )

أو( مالون) ماتنفظ نفس الشركة التايرين

تلاقيهم في المرة

على خمسمية ريال 500

[الســـهم]

هلا اخوي Fahad77 ..

مشكلة الرقلة حلها موجود وبتدعيلي ان شاء الله ..

في محل بطريق سلوى بطخة السلطان ووكهربائي المعمورة اسمه ميزانية بروسلي ..

مر عليه وقوله يسويلك كبس حق الرودات , وبعدها روح حق بريللي اللي بعد التضامن او محل حسين صالح اللي قبله وسو الميزانية والترصيص عند واحد منهم ..

وعطني رايك بعد ماتسوي اللي قلتلك عليه ..