المساعد الشخصي الرقمي

مشاهدة النسخة كاملة : المجموعه وطوابييييييير الشيكات


المخلب
26-10-2005, 03:58 PM
السلام عليكم


طبعا البارحه بالليل رحت اركض ركيض مثل اي واحد من الشباب (( شباب وشياب قطر )) يبي يكون الاول علشان يخلص نفسه من الزحمه والمشاكل في المجموعه فاول مافتحت الساعه 8 ماشوف الا زحمه ابليس هناك طوابير لين الباب الرئيسي ! شسالفه ياجماعه يقولك نبي نصرف شيكاتنا علشان تعرفون في العيد راح تتقفل البورصه والمجموعه وهم سلمكم الله بيشوفون فلوسك قدامهم بقعدون بيتاجرون فيها لما تشغل البورصه (( بعد العيد )) فالعالم زحمه كل واحد يبي يسبق علشان يصرف الشيكات نسوان ورجاجيل فعلشان كذا قررروا المجموعه انهم يصرفون الشيكات للعملاء مو بس بالمجموعه نفسها الا تقدر تصرفه بفروعها علشان يخففون الزحمه والله المستعان .

وكل عام وانتوا بخير وعساكم من عواده
بروكر عتيج
26-10-2005, 06:15 PM
هذي احنا كل حاجة نخليها لآخر لحظة ، ثياب العيد نفصلها في آخر رمضان ونتهاوش مع الخياط نبيه يجهزها قبل العيد ،
ليلة العيد الساعة 12 انتذكر الغترة والعقال واللي ناسي ياخذ له قحفية.
الفجر زحمة عند الحلاقين.

وقيس هذا على كل شئ!!!

الزحمة الناس هي اللي تسويها ، وتحط اللوم على غيرها ، يجماعة انتوا سبب مشاكلكم ؟؟؟

:anger2:
KhalidQ
26-10-2005, 06:17 PM
ياخي اخذ الشيك ورح بنك الدوحة صوب السينما الخليج
مافية زحمة 10 دقيق وانت خالص
Qatary
27-10-2005, 08:20 AM
والله انا لاصف في طابور ولا هم يحزنون .. اروح على سعه ثاني يوم وادخل الشيك في حسابي وموضوعي خالص ! ليش هالطوابير اللي مالها معنى !!
alkaabi
27-10-2005, 10:57 AM
ياخي اخذ الشيك ورح بنك الدوحة صوب السينما الخليج
مافية زحمة 10 دقيق وانت خالص


هذا اللي نقوله من متى ..!!!

لكن الشباب مادري شفيهم الله يهديهم

يحبون الزحمة الظاهر

:)
غشيم
27-10-2005, 11:10 AM
الشيك المستعجل كم ياخذون عليه عمولة ؟
السيليه
27-10-2005, 01:32 PM
صح كلام اخوى سنيك روح البنك الا عند السينمات مافى زحمه انا مجرب
roadrunner
27-10-2005, 01:57 PM
انا مستغرب من هالمجموعة... ليش ما يفكونا من عوار الراس والزحمة ويحولون المبالغ على طول بحساب العميل ....


والله بيفكونا من اشياء وايد ... بيفكونا من الناس الي ما يعرفون يصفون بالطابور .. لالالا وتلقاه يدرعم ويدش على طول عند الكونتر ويسوي روحه ما يشوف الطابور .. وان قلت له لو سمحت رد يقول لك لا بس باسأل الرجال عن الشيك... او انه يتعيير عليك ويقول لك انا كنت بالطابور بس رحت شوي وتوني راجع.
ولد المعاضيد
28-10-2005, 01:34 AM
الشيك المستعجل كم ياخذون عليه عمولة ؟

30 ريال
بروكر عتيج
28-10-2005, 06:33 PM
الشيك المستعجل كم ياخذون عليه عمولة ؟


العمولة على الشيك المستعجل %0.25 ، ريالين ونص في الألف .
لأن المجموعة تدفع قيمة الشيك المستعجل من حسابها (يعني تقرض البائع) ، وتحصل المبلغ من الشاري بعد ثلاث ايام (مقاصة).
:eek2:
المخلب
30-10-2005, 08:13 PM
والله كلام مب معقول

النطره هذي بلوه

بس تدرون مثل ماتفضل اخونا roadrunner يحطونه بالحساب ويرحون بالنا

بس لاحظ انهم يكسبون من ورى الشغله هذي 30 ريال على كل شخص حاب انه يسويه مستعجل !

فتخيل كم الرباحه باليوم ؟
MTC-Q8
30-10-2005, 11:51 PM
كل شي جايز
concord
30-10-2005, 11:54 PM
اليوم سالتهم عن عمولة الشيك المستعجل

قالو لي 2.5 في الالف من سعر الشيك
يعني لو تبي تسحب 100 الف ياخذون 250 ريال
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!



بوق عيني عينك
roadrunner
31-10-2005, 01:23 AM
والله كلام مب معقول

النطره هذي بلوه

بس تدرون مثل ماتفضل اخونا roadrunner يحطونه بالحساب ويرحون بالنا

بس لاحظ انهم يكسبون من ورى الشغله هذي 30 ريال على كل شخص حاب انه يسويه مستعجل !

فتخيل كم الرباحه باليوم ؟

السلام عليكم

انا كلمت بعض المسؤلين عن فكرة ايداع المبالغ بالحساب الخاص بالعميل .. وقالوا لي ان هالفكرة مازالت تحت الدراسة ... والبنوك ماترضى بهالشي عشان ما تستوي عندهم زحمة ... بس انشالله البنوك توافق على هالشي .. بيفكونا من الطوابير وعوار القلب.
المخلب
01-11-2005, 08:04 AM
كل شي جايز

:confused: :looking:
المخلب
01-11-2005, 08:05 AM
اليوم سالتهم عن عمولة الشيك المستعجل

قالو لي 2.5 في الالف من سعر الشيك
يعني لو تبي تسحب 100 الف ياخذون 250 ريال
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!



بوق عيني عينك

بل اجل كذا كل الي ربحناه نصه بنهده لهم :(
المخلب
01-11-2005, 08:06 AM
السلام عليكم

انا كلمت بعض المسؤلين عن فكرة ايداع المبالغ بالحساب الخاص بالعميل .. وقالوا لي ان هالفكرة مازالت تحت الدراسة ... والبنوك ماترضى بهالشي عشان ما تستوي عندهم زحمة ... بس انشالله البنوك توافق على هالشي .. بيفكونا من الطوابير وعوار القلب.

والله اذا ناوينا صح بكون انجاز لهم وبخففون من اتعاب الناس بس ماعتقد بسوونها ببلاش يعني لازم وياها كم ريال ! :o
عاشق الدوحة
02-11-2005, 05:03 AM
والله بينى وبينكم المجموووعه حلوه وشييينه انا اركب من الكويت طياره وانزل بدوحه وطبعا معطيهم امر بيع وشيك مستعجل واخذه من البوورصه واروح بنك الدوحه فرع النصر واصرفه وانا واقف واطلع مستانس واتمشى بالدوحه وامر الجمااعه وراجع اليوم الثانى وحى على الفلاح وبس المجمووعه فيها تعثرااات بس مايمشوون الا بصووت العالى وتااخذ حقق ولما تكون خفيف دم واسلووبك حلو مع الموضف ولا المسؤال تااخذ عيوونه منه والله والتجااره فن وتعامل واخلاق
المخلب
11-11-2005, 03:19 PM
والله بينى وبينكم المجموووعه حلوه وشييينه انا اركب من الكويت طياره وانزل بدوحه وطبعا معطيهم امر بيع وشيك مستعجل واخذه من البوورصه واروح بنك الدوحه فرع النصر واصرفه وانا واقف واطلع مستانس واتمشى بالدوحه وامر الجمااعه وراجع اليوم الثانى وحى على الفلاح وبس المجمووعه فيها تعثرااات بس مايمشوون الا بصووت العالى وتااخذ حقق ولما تكون خفيف دم واسلووبك حلو مع الموضف ولا المسؤال تااخذ عيوونه منه والله والتجااره فن وتعامل واخلاق

اي والله صدقت ان عطيته وجه قط الميانا كانك تعرفه من سنين ... هذا مشكله انك تشغل اجانب (( عرب )) :funny:
MEGAMIX
12-11-2005, 12:08 AM
الوقفة في الطابور ممله خصوصا مع المجموعه ---- ما ادي اذا كان عندهم طابور خاص ل V.i.p
المخلب
12-11-2005, 01:33 PM
الوقفة في الطابور ممله خصوصا مع المجموعه ---- ما ادي اذا كان عندهم طابور خاص ل V.i.p


احلى احلى :app: اجل بنصير كذا عنصريين

ناس هاي هاي وناس تحت الماي :looking: