شركة المناعي ترفع سعر تشييك ال 5000 كيلو 350%

[msk]

السلام عليكم

شركة المناعي قامت برفع اسعار تشييك سيارات اليوكن والسوبربان من 100 ريال إلى 125 وبعدها 150 ريال إلى 277 والحين سمعت انها وصل التشييك إلى 350 ريال وكل الي تسويه هو بس تبديل ايل وفلتر وغسيل وهذا الكلام كان من 2005 لى يومنا هذا والظاهر ان الشركة حاطه عينها على ال 500 ريال .... وانا الحمدلله اني فكيت نفسي منهم وصرت ماشيك إلا عند الجيدة الي في اللاند مارك ومايكلفني إلا 100 ريال مع غسيل المكينه لا والتشييك ساري لضمان المناعي غصبن عن المناعي وإدارته في قطر .

[مناحي السادس عشر]

يعني قصدك لو عندك جي ام سي يوكن تقدر تشيكه بالجيده ؟؟؟؟؟؟؟؟؟؟؟؟؟

[ANONYMOUS]

الهدف 500

غطى على السهم الذهبي

:)

[I'm]

السلام عليكم

شركة المناعي قامت برفع اسعار تشييك سيارات اليوكن والسوبربان من 100 ريال إلى 125 وبعدها 150 ريال إلى 277 والحين سمعت انها وصل التشييك إلى 350 ريال وكل الي تسويه هو بس تبديل ايل وفلتر وغسيل وهذا الكلام كان من 2005 لى يومنا هذا والظاهر ان الشركة حاطه عينها على ال 500 ريال .... وانا الحمدلله اني فكيت نفسي منهم وصرت ماشيك إلا عند الجيدة الي في اللاند مارك ومايكلفني إلا 100 ريال مع غسيل المكينه لا والتشييك ساري لضمان المناعي غصبن عن المناعي وإدارته في قطر .

السلام عليكم ورحمة الله

مشكور اخوي msk على الموضوع

وطلب منك وليس اكراه

ياريت تعيد النظر وتعيد صياغة الجملة اللي انا محددها لك لانها شوي مب حلوه

واسمحلي على المداخله

واتمنى انك اتقبلها بصدر رحب

موصوله بالشكر

[فلفل حار]

بعد ارخص وافضل من التويوتا

ومعاملتهم افضل بـ وايد

[msk]

يعني قصدك لو عندك جي ام سي يوكن تقدر تشيكه بالجيده ؟؟؟؟؟؟؟؟؟؟؟؟؟

عادي الشيخ والضمان يسري حتى لو كان ضمان خمس سنوات لأن شركة الشيفروليت والأيسي ديلكو من الشركات المعتمدة لدى الجنرال موتورز .

[msk]

الهدف 500

غطى على السهم الذهبي

:)

هههههههه انشاء الله بعدها يكون في تصحيح الشيخ وتسلم على مرورك .

[msk]

السلام عليكم ورحمة الله

مشكور اخوي msk على الموضوع

وطلب منك وليس اكراه

ياريت تعيد النظر وتعيد صياغة الجملة اللي انا محددها لك لانها شوي مب حلوه

واسمحلي على المداخله

واتمنى انك اتقبلها بصدر رحب

موصوله بالشكر

تسلم يالغالي على نصيحتك وأسلوبك الراقي ... لكن يشهد الله اني انا اقصد شركة المناعي وليس شخص بذاته لأن شركة المناعي هي وكيل الجي ام سي وكشركة امريكية لها ضمان دولي والتشييك مب ألزامي عندهم إنما عند أي فرع من افرع الجنرال موتورز المعتمدة في العالم ..... وعلى فكرة الشيخ انا ذي اعتبرها خصلة لشركات الجي ام سي .

[م.قطري]

اخوي واذا بدلنا الايل مرره برع الشركه يروح الضمان ول شالسالفه

[msk]

اخوي واذا بدلنا الايل مرره برع الشركه يروح الضمان ول شالسالفه

شوف الشيخ ماعتقد ان الضمان يروح لو بدلت ايل برا وخصوصاً على ضمان الجي ام سي لكن ضمان شركة الجاب gap ..... لازم تبدل الأيل كل 10000 كيلو في احد افرع شركة الجنرال موتورز وهي المناعي ولا الجيده ولا الأي سي ديلكو واهم تشييك هو 20 -40-60-80 الف وانت رايح وبعد انا اقولها للشباب الي عندهم يوكن ان الجيده ارخص من المناعي في هالتشيكات يعني تشييك ال 60000 الف عند المناعي تقريبا 2000 لكن عند الجيده يمكن مايوصل 900 ريال وإذا شيكت عند الجيده بعد ان شاء الله ضمانك ساري .... وإذا طوفت تشييك ال5000 مرة او مرتين مب مشكله لكن لا طوف تيشييك ال20-40-60 الف لأن هني ضمان شركة الجاب( 5 سنوات وكيلومترات مفتوح) بيروح عليك .

[فلفل حار]

شوف الشيخ ماعتقد ان الضمان يروح لو بدلت ايل برا وخصوصاً على ضمان الجي ام سي لكن ضمان شركة الجاب gap ..... لازم تبدل الأيل كل 10000 كيلو في احد افرع شركة الجنرال موتورز وهي المناعي ولا الجيده ولا الأي سي ديلكو واهم تشييك هو 20 -40-60-80 الف وانت رايح وبعد انا اقولها للشباب الي عندهم يوكن ان الجيده ارخص من المناعي في هالتشيكات يعني تشييك ال 60000 الف عند المناعي تقريبا 2000 لكن عند الجيده يمكن مايوصل 900 ريال وإذا شيكت عند الجيده بعد ان شاء الله ضمانك ساري .... وإذا طوفت تشييك ال5000 مرة او مرتين مب مشكله لكن لا طوف تيشييك ال20-40-60 الف لأن هني ضمان شركة الجاب( 5 سنوات وكيلومترات مفتوح) بيروح عليك .

يعطيك العافيه اخوووي:)

بس ممكن توضح شنو ضمان شركة جاب ؟ مادري اذا هو الي في بالي ولا لا

[I'm]

تسلم يالغالي على نصيحتك وأسلوبك الراقي ... لكن يشهد الله اني انا اقصد شركة المناعي وليس شخص بذاته لأن شركة المناعي هي وكيل الجي ام سي وكشركة امريكية لها ضمان دولي والتشييك مب ألزامي عندهم إنما عند أي فرع من افرع الجنرال موتورز المعتمدة في العالم ..... وعلى فكرة الشيخ انا ذي اعتبرها خصلة لشركات الجي ام سي .

ربي يرحم واللديك... انا كنت داري انك ماتقصد شخص بذاته لكن مابغيت انك تطرح جملة تكون سلاح ذو حدين انت تقصد فيها شي وممكن شخص ثاني يفهمها شي ثاني...شكرا لك يوم انك بينت هالشي وبيض الله ويهك ومايلحقك لوم ياخوي msk من بعد مابينت و وضحت

ربي يوفقك ويحفظح فدنياك لاخرتك

[msk]

يعطيك العافيه اخوووي:)

بس ممكن توضح شنو ضمان شركة جاب ؟ مادري اذا هو الي في بالي ولا لا

السلام عليكم ،،،،

شركات الجنرال موتورز (المناعي + الجيدة) عندهم نوعين من الضمان :

1- النوع الأول : ضمان الجنرال موتورز الي هو ثلاث سنوات او ستين الف كيلومتر ايهما اسبق ويكون هالضمان ساري على كل اجزاء السيارة يعني من الصدام إلى الصدام وفي خلال هالفترة شركة الجنرال موتورز هي الي تتحمل جميع الأعطال الي في السيارة ان شاء برغي او ليت صغير

2-النوع الثاني : ضمان شركة الجاب وهذه شركة مثل شركات التأمين تعطيك ضمان من عند انتهاء الضمان الأولي الي حق الجنرال موتورز سواء 60000 الف كيلو او بعد الثلاث سنوات ويغطيلك هالضمان إلى خمس سنوات وكيلومترات مفتوح يعني ان شاء الله العداد يوصل مليون بعد مب مشكلة لكن هالضمان عليه شروط :

أ- تدفع زيادة 2000 ر.ق علشان تشتري الضمان (في السعودية 1200ر.س:weeping:)
ب- لازم كل التشيكات تكون في الوكالة او احد شركات الجنرال موتورز المعتمدة مثل ماذكرت في السابق وخصوصاً 20-40-60 الف الى ان تنتهي الخمس سنوات يعني لو موترك مشى 310000 كيلو وماشيكت عند 300000الف كيلو وتعطل راحت عليك يالحبيب .
ج- ضمان شركة الجاب يغطي بس أجزاء معينة في السيارة وليس جميع السيارة وحصلت لي انا اخترب عندي المكيف والقطعة الي اختربت قالولي ان الضمان مايغطيها:anger1: وهاذي الصراحة اكثر الناس مايعرفونها ( وكل هالشروط موجودة في كتيب شركة الجاب).

ترى الي مثل شركة الجاب موجود حق شركات ثانية لل بي ام والمرسيدس وغيرهم ويالربع لو تعطل عندكم الموتر بعد لازم يتصلح في الوكالة ولا احد الشركات المعتمدة ولا الضمان ترى بيودع :nice:

[م.قطري]

يعطيك العافيه الشيخ وماقصررت ع التنبيه

[msk]

يعطيك العافيه الشيخ وماقصررت ع التنبيه

الله يعافيك الشيخ ... وتسلم على مرورك