||| انا واصدقائي ومنتدى شبكة الاسهم القطرية |||

[مايمدح السوق]

عندي اصدقاء من خارج المنتدى ودائما مانتبادل الحديث عن المنتدى واعضائه والمواقف التي تصير فيه ولكن الغريب انهم لايريدون احد من اعضاء المنتدى ان يعرف اننا نعرف بعض خارج المنتدى ودائما اشاهد مواضيعهم وردودهم ولكن مع ذلك احاول قدر الامكان ان ارد على مواضيعهم ولا ابين للاخرين انهم اصدقائي واخير احببت ان اشارككم هذا الموضوع مارايك في هذا التصرف ؟ ما العيب ان يعرف بقية الاعضاء ان هؤلاء هم اصدقائي خارج المنتدى ؟ وهل هناك من مبرر لطلب وتهرب اصدقائي من موضوع معرفة الاعضاء بانهم اصدقائي مع العلم انني واثق كل الثقة انهم سوف يشاركون في الرد على هذا الموضوع ولكن دون ان يشعروا الاخرين انهم اصدقائي او اننا نعرف بعض وهل بامكان اي عضو ان يخبرنا عن اصدقاءه من اعضاء المنتدى ؟ :)

[khaldoon]

حتى لا تظهر الشلليه في المنتدى

[مايمدح السوق]

حتى لا تظهر الشلليه في المنتدى

وش الفرق بين شللية المنتدى وشللية برا المنتدى يعني :(

[بولينجر]

من هم ربعك؟ علمني على الخاص :tease:
وما أشوف فيها شيء عادي جدا ما في شيء يفشل!!! مب حرام ولا غلط ولا عيب!!!

[التيما]

مالها تفسير صراحة .. مافيها شي لو عرفنا او ماعرفنا ماراح تفرق بس غريبه عدم رغبتهم بذلك .. أنا عن نفسي اعرف بنات واصرح بالنك جدام البنات عادي مايهمني

[مايمدح السوق]

من هم ربعك؟ علمني على الخاص :tease:
وما أشوف فيها شيء عادي جدا ما في شيء يفشل!!! مب حرام ولا غلط ولا عيب!!!

البيوت اسرار :) ماقدر اقول اساميهم بس يمكن اصيدهم بهاي الموضوع :)

[التيما]

حتى لا تظهر الشلليه في المنتدى

ما ظنتي هاي السبب خيو خلدوون :rolleyes2:

[مايمدح السوق]

مالها تفسير صراحة .. مافيها شي لو عرفنا او ماعرفنا ماراح تفرق بس غريبه عدم رغبتهم بذلك .. أنا عن نفسي اعرف بنات واصرح بالنك جدام البنات عادي مايهمني

يمكن لهم اسباب منطقية علشان مايرضون يصرحون بهاي الشيء وعموما تراج تاخذين حيز كبير من كلامهم بالخير طبعا :)

[مايمدح السوق]

من هم ربعك؟ علمني على الخاص :tease:
وما أشوف فيها شيء عادي جدا ما في شيء يفشل!!! مب حرام ولا غلط ولا عيب!!!

انزين عطنا مثال وابدأ بنفسك علشان تصير قدوتنا من هم ربعك بالمنتدى :)

[khaldoon]

وش الفرق بين شللية المنتدى وشللية برا المنتدى يعني :(

يعني لما نحس انه في شلليه في المنتدى فممكن اي رأي يبدونه موافق ومؤيد لك وهم فعلا صادقين فيه نظن انهم بس لانهم من شلتك وتضيع المصداقيه في الرد والتعليق والرأي مثلا ويصير المنتدى احزاب وتكتلات

[ANONYMOUS]

سألت احد الاصدقاء عن نفس الموضوع من فتره..


ثم وجه لي سؤال احرجني.... وبدوري اوجهه لكاتب الموضوع

مالفائده المرجوه لمعرفة اعضاء الشبكه.. ان فلان وفلان وفلان اصدقاء .. So What !

[khaldoon]

ما ظنتي هاي السبب خيو خلدوون :rolleyes2:

الله اعلم...ده اقتراحي بالاضيه يعني

[مايمدح السوق]

يعني لما نحس انه في شلليه في المنتدى فممكن اي رأي يبدونه موافق ومؤيد لك وهم فعلا صادقين فيه نظن انهم بس لانهم من شلتك وتضيع المصداقيه في الرد والتعليق والرأي مثلا ويصير المنتدى احزاب وتكتلات

وانا اخالفك الرأي بالعكس شلليلة المنتدى ممكن نقضي عليها لانه مافي اصدق من الانسان لما يكون مكشوف امام اصدقائه وقتها مايقدر يدعي المثالية ابدا شرايك بردي :)

[حقيقه]

اممم انا ماافضل انه حد يعرف انه فلانه تشارك بالمنتدى <<< :shy: فلانه اللي هي انا طبعاً
طبعاً اقصد الناس اللي مالهم علاقه بالمنتدى
اما بخصوص اللي بالمنتدى من اعضاء اتمنى اني اتعرف على البعض منهم برى :nice:

[مايمدح السوق]

سألت احد الاصدقاء عن نفس الموضوع من فتره..


ثم وجه لي سؤال احرجني.... وبدوري اوجهه لكاتب الموضوع

مالفائده المرجوه لمعرفة اعضاء الشبكه.. ان فلان وفلان وفلان اصدقاء .. So What !

وش السؤال الى احرجك وبعدين مافيها شيء يعرفون ان فلان وفلان وفلان اصدقاء يقول المثل لا تبوق لا تخاف :) الا اذا كان في اشياء تدخل في نطاق البوق والخوف :) انتظر عودتك

[khaldoon]

وانا اخالفك الرأي بالعكس شلليلة المنتدى ممكن نقضي عليها لانه مافي اصدق من الانسان لما يكون مكشوف امام اصدقائه وقتها مايقدر يدعي المثالية ابدا شرايك بردي :)

كلام مقنع....بس شوف طال عمرك ...الشلليه لها وجه مظلم وهو ردي ولها وجه مشرق وهو ردك...يعني عملة ذات وجهين لها ميزات ولها عيوب طبعا

ان شاء الله انك تكون متفق معاي في هذا الرد :shy:

[بولينجر]

انزين عطنا مثال وابدأ بنفسك علشان تصير قدوتنا من هم ربعك بالمنتدى :)
والله العظيم ما عندي ربع أعرفهم شخصيا في المنتدى.... ولو أعرف بأقولك على طول :nice:

[التيما]

يمكن لهم اسباب منطقية علشان مايرضون يصرحون بهاي الشيء وعموما تراج تاخذين حيز كبير من كلامهم بالخير طبعا :)

ههههههههههههههه اخوي ان كان كلامهم بالخير كثر الله خيرهم وماقصروا وان كان بالعكس فهم كثر الله خيرهم عطوني حسنات :nice: .. بس الي اقصده لو كان الموضوع يستدعي مثلا ذكر هالشي مافيها شي .. مثلا رحتو مقناص او حداق او او وقلت انك رحت مع العضو والعضو مافيها شي .. بس التصريح على الفاضي والمليان مالها معنى .. وعلى قولة اخونا شنو يعني سعر الدعم .. So What !!

[ANONYMOUS]

وش السؤال الى احرجك وبعدين مافيها شيء يعرفون ان فلان وفلان وفلان اصدقاء يقول المثل لا تبوق لا تخاف :) الا اذا كان في اشياء تدخل في نطاق البوق والخوف :) انتظر عودتك


انا لا ارىحسن الاختيار في اقحام المثل " لاتبوق لاتخاف " في هالموضوع

الا اذا كان الاصدقاء محللين فنيين.. او تجار .. فيمدح البعض منهم تحليل او اغراض الآخر..

[مايمدح السوق]

اممم انا ماافضل انه حد يعرف انه فلانه تشارك بالمنتدى <<< :shy: فلانه اللي هي انا طبعاً
طبعاً اقصد الناس اللي مالهم علاقه بالمنتدى
اما بخصوص اللي بالمنتدى من اعضاء اتمنى اني اتعرف على البعض منهم برى :nice:

يالحقيقة انا اقصد لو مثلا صديقتج تشارك معانا بالمنتدى هل فيها شيء لو صرحتي قدام الاعضاء انكم تعرفون بعض برا المنتدى والا فيها احراج لك :)

[مايمدح السوق]

كلام مقنع....بس شوف طال عمرك ...الشلليه لها وجه مظلم وهو ردي ولها وجه مشرق وهو ردك...يعني عملة ذات وجهين لها ميزات ولها عيوب طبعا

ان شاء الله انك تكون متفق معاي في هذا الرد :shy:

اتفق معاك على طول الخط لين الشمال لو تبي ياخلدون وجزاك الله خير على المداخلة الجميلة :)

[مايمدح السوق]

والله العظيم ما عندي ربع أعرفهم شخصيا في المنتدى.... ولو أعرف بأقولك على طول :nice:

صادق اخوي وشكرا على الحضور الجميل :)

[مايمدح السوق]

ههههههههههههههه اخوي ان كان كلامهم بالخير كثر الله خيرهم وماقصروا وان كان بالعكس فهم كثر الله خيرهم عطوني حسنات :nice: .. بس الي اقصده لو كان الموضوع يستدعي مثلا ذكر هالشي مافيها شي .. مثلا رحتو مقناص او حداق او او وقلت انك رحت مع العضو والعضو مافيها شي .. بس التصريح على الفاضي والمليان مالها معنى .. وعلى قولة اخونا شنو يعني سعر الدعم .. So What !!

ماقلنا على الفاضي والمليان يالتيما ولكن يعني مثلا لما صديقي يقول انه صار معاه الموقف مع شخص معين والشخص المعين معانا بالمنتدى هنا نقول له ليش مايقول مافيها شيء يعني :) لو بالفاضية والمليان كان شفتي علوم ونقلنا نشاط القهوة في المنتدى :) عموما ترا كلامهم بالخير لحد الحين ماوصل بالشر وان شاء الله مايوصل وتسلمين على المرور ولو مافيها شيء كان ماقلنا so what الي هي تبين عدم الاهتمام لكن في داخلها كل الاهتمام :)

[ANONYMOUS]

ههههههههههههههه اخوي ان كان كلامهم بالخير كثر الله خيرهم وماقصروا وان كان بالعكس فهم كثر الله خيرهم عطوني حسنات :nice: .. بس الي اقصده لو كان الموضوع يستدعي مثلا ذكر هالشي مافيها شي .. مثلا رحتو مقناص او حداق او او وقلت انك رحت مع العضو والعضو مافيها شي .. بس التصريح على الفاضي والمليان مالها معنى .. وعلى قولة اخونا شنو يعني سعر الدعم .. So What !!



اتفق معاج

:nice:

[مايمدح السوق]

انا لا ارىحسن الاختيار في اقحام المثل " لاتبوق لاتخاف " في هالموضوع

الا اذا كان الاصدقاء محللين فنيين.. او تجار .. فيمدح البعض منهم تحليل او اغراض الآخر..

اعتبرها استعارة لغوية على قوله اخونا العميمي وبقولك شيء طالما الواحد ماشي سيدة مايهمة شيء وهنا نقول له لا تبوق لاتخاف عموما باقي الكلام مافهمته :) وشكرا على مرورك

[بوخالد911]

متابع للردود

..............

[مايمدح السوق]

متابع للردود

..............

وليش ماتشاركنا قول مافي جعبتك :) من هم اصدقائك في المنتدى والذي تربطهم بك علاقة خارج المنتدى وهل تفضل ان يعرف باقي الاعضاء انك على علاقة بهم ام لا واذا كان لا لماذا :)

[مايمدح السوق]

اتفق معاج

:nice:

ارجع لردي عليها قبل ماتتفق معاها :tease:

[بوخالد911]

وليش ماتشاركنا قول مافي جعبتك :) من هم اصدقائك في المنتدى والذي تربطهم بك علاقة خارج المنتدى وهل تفضل ان يعرف باقي الاعضاء انك على علاقة بهم ام لا واذا كان لا لماذا :)

هلا بك

؛؛؛

صدقني أصدقائي كثر بالمنتدى وبيني وبينهم رسايل ع الخاص
ولكن ما أعرفهم شخصيا
ولا التقيت بأي 1 منهم برع المنتدى حتى لو face to face


هذا ردي لموضوعك الطيب يالطيب

:nice::):nice:

[ضوى]

انا اشوفها عادية جدا ولا فيها شئ ، ويشرفني انه لي صديقة كانت معاي ايام المدرسة وعرفتها بالصدفة هنا في المنتدى وطبعا هالشئ اسعدني جدااااااااااااا ، بس اني اقول اسمها لا طبعا محد راح يستفيد شئ لقلت روز صديقتي بره المنتدى واا التيما معاي في نفس المدرسة او قطرية عسل زميلة عمل او الراقية جارتي هنا الموضوع ليه اقول هالكلام كله ومنهو اللي راح يستفيد ؟؟ ولكن بذكر مواقف معينة فلا حرج فيها من ذكر انه قد حدث الموقف الفلاني مع العضو الفلاني والتي هي صديقتي برا المنتدى

شكرا اخوي ما يمدح السوق !!

[جمال العبدلي]

انا اللي اعرفهم في المنتدى اهني الصديق العزيز والزميل الصحفي حسن المحمدي وزميلي في الشغل العزيز قطري اعلامي والصديق الغالي والعزيز فلفل حار :) لو تبون اصرح باساميهم عادي ماعندي مشكله :)

[بنت المنتدى]

والله مافيها شي يااخوي:con2:

أله بستانس :nice:


لكن ،،

أنا تحسفت اني قلت لناس اني في هالمنتدى .. لأنهم ينتقدوني ويقولون لي اني وايد صريحه واللي في قلبي اكتبه :eek5: صرت اتضايق لما اشارك لكن ماعلي منهم :tease:

[khaldoon]

لي صديق عزيز وده يعرف ايش اسمي في المنتدى وانا عندي استعداد اقوله بس للاسف هو ما عنده استعداد يقولي مين هو ومازال الموضوع متروك له حتى يقر بلقبه في المنتدى

[بنت المنتدى]

لي صديق عزيز وده يعرف ايش اسمي في المنتدى وانا عندي استعداد اقوله بس للاسف هو ما عنده استعداد يقولي مين هو ومازال الموضوع متروك له حتى يقر بلقبه في المنتدى



أمبيه ليكون نص الاعضاء ربع :eek5::eek5:

أحسن لك ياخلدون خلك ضارب المخفي لين هو يقولك :tease: ههههههههه

[khaldoon]

أمبيه ليكون نص الاعضاء ربع :eek5::eek5:

أحسن لك ياخلدون خلك ضارب المخفي لين هو يقولك :tease: ههههههههه

تخيلي يكون احد معارفك وصديقاتك اللي تحبيهم هم الد اعدائك في المنتدى وانت وهم ما يدرون

[يونيك]

الشللية موجوده في المنتدى... فكم من موقف حدث أمامي بسبب الشللية .

والغريب ان الدفاع عن (الرفيج) اصبح طبيعيا عند فئة معينة.... وكلنا لاحظنا دفاع بعض الاشخاص عن (شخص) معين وهو مخطيء (معك ظالما او مظلوما) . ومن الذكاء ان لا تبين للناس اني اعرفك ولا تعرفني .

أي أن عدم معرفة الناس هنا بأنكم اصدقاء أمر ايجابي ومفيد عند (الفزعة) اكنت ظالما ام مظلوما.

[بنت المنتدى]

تخيلي يكون احد معارفك وصديقاتك اللي تحبيهم هم الد اعدائك في المنتدى وانت وهم ما يدرون

:eek5::eek5::eek5::eek5::eek5:

والله خليتني اتخيل .. واكيد بيجي يوم من الايام بنكون كلنا قاعدين مع بعض اله هي تقول شفتوا العله احلى ملاك ............. << تسبني الشريره وانا عيني بتصير جذي >:eek5: وبعدين اكيد باخذ اقرب لوح وبكفخها فيه :tease: هههههههههههههههه والله ضحكتني http://www.qatarshares.com/vb/images/icons/icon10.gif

[بنت المنتدى]

الشللية موجوده في المنتدى... فكم من موقف حدث أمامي بسبب الشللية .

والغريب ان الدفاع عن (الرفيج) اصبح طبيعيا عند فئة معينة.... وكلنا لاحظنا دفاع بعض الاشخاص عن (شخص) معين وهو مخطيء (معك ظالما او مظلوما) . ومن الذكاء ان لا تبين للناس اني اعرفك ولا تعرفني .

أي أن عدم معرفة الناس هنا بأنكم اصدقاء أمر ايجابي ومفيد عند (الفزعة) اكنت ظالما ام مظلوما.



افزع لواحد ظالم .. معصي والله

:eek5:



يونيك < كل ماشوف اسمك اتذكر الصالون :weeping:

[مايمدح السوق]

هلا بك

؛؛؛

صدقني أصدقائي كثر بالمنتدى وبيني وبينهم رسايل ع الخاص
ولكن ما أعرفهم شخصيا
ولا التقيت بأي 1 منهم برع المنتدى حتى لو face to face


هذا ردي لموضوعك الطيب يالطيب

:nice::):nice:

تسلم على ردك الطيب يالطيب بس انا ما اقصد اصدقائك الى بالمنتدى يتحولون خارج الشبكة اقصد العكس اصدقاء برا يتحولون للشبكة اكيد خربطتك :)

[انتظار مصير]

عاااادي أنا قايل حق ربعي بس إبش رايكم يقولون لي الربع إن في إخوان في المنتدى وكل واااحد يسوي نفسه مايعرف الثاني ؟؟؟؟

[بوخالد911]

تسلم على ردك الطيب يالطيب بس انا ما اقصد اصدقائك الى بالمنتدى يتحولون خارج الشبكة اقصد العكس اصدقاء برا يتحولون للشبكة اكيد خربطتك :)



ضعت في الطوووشة !!@@!!

:(:(:(
هل تقصد ان ادعوا ربعي اللي مو أعضاء بالمنتدى ؛ لينضموا بالمنتدى
وذا انضموا هم ما يحبون يكشفون عن اساميهم؟
:omg:
ولا انا ما احب أعلن عن اسمي المستعار ؟؟
:omg:
ممكن توضح يا حلووووووووووو
:omg:

[ام محمد ن]

مافيها شي انا اللي اعرفها برا المنتدى اكيد ردودي بتبان اني اعرفها
وربعك ماعندهم سالفة
ومبن يعرف شخصيتك الحقيقية عشان يخمن منهو ربعك

[بــو فهــد]

بالنسبه لي .. ماعرف اي عضو بالمنتدى face to face .. يمكن في بس ماعرفت لحد الحين ؟ الله يعلم ..

[ANONYMOUS]

انا اللي اعرفهم في المنتدى اهني الصديق العزيز والزميل الصحفي حسن المحمدي وزميلي في الشغل العزيز قطري اعلامي والصديق الغالي والعزيز فلفل حار :) لو تبون اصرح باساميهم عادي ماعندي مشكله :)



انت ماعندك مشكله

بس هم اكيد عندهم مشكله

ع العموم

الكاتب مايقصد بالتصريح بالاسم الحقيقي

[ANONYMOUS]

ضعت في الطوووشة !!@@!!

:(:(:(
هل تقصد ان ادعوا ربعي اللي مو أعضاء بالمنتدى ؛ لينضموا بالمنتدى
وذا انضموا هم ما يحبون يكشفون عن اساميهم؟
:omg:
ولا انا ما احب أعلن عن اسمي المستعار ؟؟
:omg:
ممكن توضح يا حلووووووووووو
:omg:





بوخالد

ستردي

يقصد لو ان ربعك خارج الشبكه معانا هنيه في الشبكه

بس ماحد يبي الاعضاء يعرفون انكم ربع


هلا

@@

[ANONYMOUS]

عاااادي أنا قايل حق ربعي بس إبش رايكم يقولون لي الربع إن في إخوان في المنتدى وكل واااحد يسوي نفسه مايعرف الثاني ؟؟؟؟



يقول لك الاقارب عقارب

ههههههههههههه

[لاداعي]

موضوع ممتاز لي رجعه بس الحــــن بروح الشليه:rolleyes2:

[khaldoon]

:eek5::eek5::eek5::eek5::eek5:

والله خليتني اتخيل .. واكيد بيجي يوم من الايام بنكون كلنا قاعدين مع بعض اله هي تقول شفتوا العله احلى ملاك ............. << تسبني الشريره وانا عيني بتصير جذي >:eek5: وبعدين اكيد باخذ اقرب لوح وبكفخها فيه :tease: هههههههههههههههه والله ضحكتني http://www.qatarshares.com/vb/images/icons/icon10.gif

هههههههههههههههههههههههههههههههههههههههههههههههه

انا لو مكانج بشاركها وبكون بصفها علشان تاخذ راحتها على الاخر وتقول كل مخططاتها ضدج

[MoHaMmEd114]

عشان الامن اخوي

[جمال العبدلي]

انت ماعندك مشكله

بس هم اكيد عندهم مشكله

ع العموم

الكاتب مايقصد بالتصريح بالاسم الحقيقي

قلتها من باب الغشمره فديت خشمك وتسلم عالمرور :)

[قطري عصامي]

صراحه ماحد من اصدقائي يعرف اسمي في المنتدى رغم اننا نتناقش عن مواضيع المنتدى ، والسبب في اخفاء اسمي عنهم ، انني لن آخذ راحتي وأنا اكتب، حيث احس اني بعيد عن اي ضغوط وان مسترسل في التعبير عن رأيي رغم اني لا اتطرق لأمور حساسة كما يسميها البعض.

[قطري شايب]

ربعي كلهم بدار العجزه ومالهم بالنت :(:(:(

كح كح يالله بحسن الخاتمه :weeping:

[HADi]

اعتقد ان احد الاسباب اهو الحريه في التعبير .. فالشخص لما يحس ان مافي حد يعرفه بيقول الي في خاطره كله

لكن انا اشوف مافيها شي بنسبه لي وانا مشارك بسمي الحقيقي هادي وماعندي مشاكل لو احط صورت

بطاقتي الشخصيه بدال التوقيع والي مايعرفني يعرفني لاني ماسوي شي غلط ..

اشارك وقدم الي عندي واطرح وجهة نظري في اي موضوع

والكلام الي مااقدر اقوله وانا بسمي الحقيقي معناته ماقدر اسويه في الحياه العامه

[ورقــة أمــل]

في اعتقادي شي عادي جدا بس احيانا لما تتفق مع شخص في راي معين يعتقد الاخرين بانك تنحاز له لانه صديقك....

[..الاميرة..]

والله يا خوي انا اشوف الموضوع عااادي جداً وما فيه أي مشكله لو تكلموا في مواقف معينه في المنتدى وقالوا افلان وفلان من ربعي ..

وشخصياً لو كان عندي صديقات او خوات في المنتدى بالعكس باقولها بكل فخر فلانه وفلانه قريبتي لكن للأسف ما عندي حالياً ..


إلا بسألك اشلون رفيجك المحجوز عساه طيب ومتى بيفرجون عنه .. :o

اقول إذا يبون فديه اخونا شنو يعني سعر الدعم قال:رقبتي سداده بدفع إلي يبونه .. :tomato:

[جمال العبدلي]

ماعتقد الشلليه وان وجدت في المنتدى بيكون لها تاثير لانها في الاخير اتظل شلليه او ( شلة ) وسط هذا الكم من اعضاء المنتدى فالاغلبيه تطغى على الاقليه وبالتالي لا يضر ان كانت هناك شلليات في المنتدى :) انا وحسن المحمدي وقطري اعلامي وفلفل .. هذول ربعي يعني احنا شلليه :)

[مايمدح السوق]

انا اشوفها عادية جدا ولا فيها شئ ، ويشرفني انه لي صديقة كانت معاي ايام المدرسة وعرفتها بالصدفة هنا في المنتدى وطبعا هالشئ اسعدني جدااااااااااااا ، بس اني اقول اسمها لا طبعا محد راح يستفيد شئ لقلت روز صديقتي بره المنتدى واا التيما معاي في نفس المدرسة او قطرية عسل زميلة عمل او الراقية جارتي هنا الموضوع ليه اقول هالكلام كله ومنهو اللي راح يستفيد ؟؟ ولكن بذكر مواقف معينة فلا حرج فيها من ذكر انه قد حدث الموقف الفلاني مع العضو الفلاني والتي هي صديقتي برا المنتدى

شكرا اخوي ما يمدح السوق !!

بس احيانا الموقف يفرض التصريح والبعد عن التهميش :) وارجع اقول مب نقعد نذكر على الفاضي والمليان ولكن بشكل عام نقصد ياضوى :) وشكرا على الرد :)

[مايمدح السوق]

انا اللي اعرفهم في المنتدى اهني الصديق العزيز والزميل الصحفي حسن المحمدي وزميلي في الشغل العزيز قطري اعلامي والصديق الغالي والعزيز فلفل حار :) لو تبون اصرح باساميهم عادي ماعندي مشكله :)

هلا بواحد من الناس :) المفروض شلتكم يصير اسمها صحفيو قطر :) وماتوصل لدرجة التصريح باساميهم :) بس تعجبني صراحتك اكثر من مواضيعك بالجريدة :tease:

[مايمدح السوق]

والله مافيها شي يااخوي:con2:

أله بستانس :nice:


لكن ،،

أنا تحسفت اني قلت لناس اني في هالمنتدى .. لأنهم ينتقدوني ويقولون لي اني وايد صريحه واللي في قلبي اكتبه :eek5: صرت اتضايق لما اشارك لكن ماعلي منهم :tease:


ممكن يكون معاج حق :) اتوقع هذا السبب الرئيسي هو الخوف من الناس انهم ينتقدوني او في سبب اخر اني اكون راسم صورة ثانية لنفسي وخايف الناس يكشوفني عن طريق اصدقائي :tease: شكرا على الرد يااحلى ملاك :nice:

[مايمدح السوق]

لي صديق عزيز وده يعرف ايش اسمي في المنتدى وانا عندي استعداد اقوله بس للاسف هو ما عنده استعداد يقولي مين هو ومازال الموضوع متروك له حتى يقر بلقبه في المنتدى

ها ها ها ياخلدون انا امس قاعد بالقهوة ونتناقش بهذا الموضوع وواحد من الاصدقاء قال لي لو شنو تسوي مابتعرف وش اسمي علشان ماتقعدون لي على الوحدة :) خلص مفاوضاتك ونخلص مفاوضاتنا ونشوف من الاشطر :)

[مايمدح السوق]

أمبيه ليكون نص الاعضاء ربع :eek5::eek5:

أحسن لك ياخلدون خلك ضارب المخفي لين هو يقولك :tease: ههههههههه

تقدرين تقولين 3ارباع المنتدى ربع واصدقاء بس للحين مب راضيين يزيلون الحواجز ويخلون البساط احمدي :)

[مايمدح السوق]

تخيلي يكون احد معارفك وصديقاتك اللي تحبيهم هم الد اعدائك في المنتدى وانت وهم ما يدرون

لو مايدرون بيتقبلون الفكرة لكن لو يدرون بيصير المنتدى قمة في الاكشن :tease:

[مايمدح السوق]

الشللية موجوده في المنتدى... فكم من موقف حدث أمامي بسبب الشللية .

والغريب ان الدفاع عن (الرفيج) اصبح طبيعيا عند فئة معينة.... وكلنا لاحظنا دفاع بعض الاشخاص عن (شخص) معين وهو مخطيء (معك ظالما او مظلوما) . ومن الذكاء ان لا تبين للناس اني اعرفك ولا تعرفني .

أي أن عدم معرفة الناس هنا بأنكم اصدقاء أمر ايجابي ومفيد عند (الفزعة) اكنت ظالما ام مظلوما.

لي صديق بعد كل مشكلة يتصل فينا كلنا ويقول وين فزعتكم ويعطينا موال عراقي قديم :) بس تأكد مانفزع له الا بالحق ان شاء الله وشكرا على رايك الجميل يايونيك الفريد :)

[جمال العبدلي]

هلا بواحد من الناس :) المفروض شلتكم يصير اسمها صحفيو قطر :) وماتوصل لدرجة التصريح باساميهم :) بس تعجبني صراحتك اكثر من مواضيعك بالجريدة :tease:

واحد من الناس كان اسمي المستعار في شبكة الخليفي :) والله ايام يالخليفي .. عموما التصريح باسم الزميل حسن المحمدي كوني اعرف الزميل حسن ان مثل هذه الامور ماتزعله ولا تضايقه وبعدين انا ماقلت وشو اسمه المستعار كل الي اعرفه ان الزميل حسن اهني بس وشو نكه مادري .. اما قطري اعلامي فلم اصرح باسمه وهو زميل عمل والنعم فيه بوعبدالله :) اما فلفل فهاذا صديق انترنتي تعرفت عليه من احد المواقع عزيز وغالي بو محمد :) وتسلم عالرد فديت خشمك :)

[مايمدح السوق]

:eek5::eek5::eek5::eek5::eek5:

والله خليتني اتخيل .. واكيد بيجي يوم من الايام بنكون كلنا قاعدين مع بعض اله هي تقول شفتوا العله احلى ملاك ............. << تسبني الشريره وانا عيني بتصير جذي >:eek5: وبعدين اكيد باخذ اقرب لوح وبكفخها فيه :tease: هههههههههههههههه والله ضحكتني http://www.qatarshares.com/vb/images/icons/icon10.gif

ها ها ها لحد يتهور ترا الدنيا فيها قانون ومحاكم مب فوضى :)

[مايمدح السوق]

افزع لواحد ظالم .. معصي والله

:eek5:



يونيك < كل ماشوف اسمك اتذكر الصالون :weeping:

بس تصير احيانا واحنا مشهورين بالفزعة سوءا ظالمين او مظلومين بس يمكن انتي غير واصابع اليد مب وحدة :)

[مايمدح السوق]

عاااادي أنا قايل حق ربعي بس إبش رايكم يقولون لي الربع إن في إخوان في المنتدى وكل واااحد يسوي نفسه مايعرف الثاني ؟؟؟؟

ها ها ها هنا السؤال ليش ماعندهم شفافية في هاي الموضوع :) الله يعين هذيلا وهم اخوان اشلون اذا ربع تسلم على شفافيتك يا انتظار مصير:nice:

[مايمدح السوق]

ضعت في الطوووشة !!@@!!

:(:(:(
هل تقصد ان ادعوا ربعي اللي مو أعضاء بالمنتدى ؛ لينضموا بالمنتدى
وذا انضموا هم ما يحبون يكشفون عن اساميهم؟
:omg:
ولا انا ما احب أعلن عن اسمي المستعار ؟؟
:omg:
ممكن توضح يا حلووووووووووو
:omg:



بديت احبك في الله يابوخالد لا انا اقصد افرض مثلا مثلا انك انت وربعك فلان وعلان اعضاء بالمنتدى بس ربعك مسوين نفسهم مايعرفونك ويقولون لك تحمل تقول حق اي حد انك تعرفنا :) شرايك :nice:

[مايمدح السوق]

مافيها شي انا اللي اعرفها برا المنتدى اكيد ردودي بتبان اني اعرفها
وربعك ماعندهم سالفة
ومبن يعرف شخصيتك الحقيقية عشان يخمن منهو ربعك

ياثقة يا ام محمد :nice: وفي الاخير هي مسئلة شفافية وثقة بالنفس الا اذا كان لهم مخطاطات اخرى :tease: تسلمين على الرد

[مايمدح السوق]

بالنسبه لي .. ماعرف اي عضو بالمنتدى face to face .. يمكن في بس ماعرفت لحد الحين ؟ الله يعلم ..

يمكن ناس وايد تعرفهم ومعانا هنيه بالشبكة بس ماتعرف انهم بالشبكة توقع كل شيء يمكن تكون تعرفني :) تسلم على الرد

[بوخالد911]

بديت احبك في الله يابوخالد لا انا اقصد افرض مثلا مثلا انك انت وربعك فلان وعلان اعضاء بالمنتدى بس ربعك مسوين نفسهم مايعرفونك ويقولون لك تحمل تقول حق اي حد انك تعرفنا :) شرايك :nice:



أحبك الله في الذي أحببتني من أجله
:victory::victory::victory:
اذن ربعي ما عندهم سالفة

و1000000 شكر للتوضيح
والله يديم المحبة

:nice:

[بوحارب]

بديت احبك في الله يابوخالد لا انا اقصد افرض مثلا مثلا انك انت وربعك فلان وعلان اعضاء بالمنتدى بس ربعك مسوين نفسهم مايعرفونك ويقولون لك تحمل تقول حق اي حد انك تعرفنا :) شرايك :nice:

الحين فهمت الموضوع :ok2:

بالنسبة لرائي هذا شي عاااادي وما فيها شي:nice:

وانا أخوي معاي فالمنتدى بس كاني ماعرفه ولا يعرفني:secret:

وهو مكانه الأسهم القطريه والتحليل وبس:victory:

مب مثلي حياسه فالمنتدى :shy:

تسلم ع الموضوع أخوي :ok2:

[مايمدح السوق]

انت ماعندك مشكله

بس هم اكيد عندهم مشكله

ع العموم

الكاتب مايقصد بالتصريح بالاسم الحقيقي

شكرا على توليك الموضوع اثناء غيابي وفرولها من فروالة :tease:


بوخالد

ستردي

يقصد لو ان ربعك خارج الشبكه معانا هنيه في الشبكه

بس ماحد يبي الاعضاء يعرفون انكم ربع


هلا

@@

نفس الى قاله ال باتشينو بالضبط يابوخالد :)


يقول لك الاقارب عقارب

ههههههههههههه

اذا الاقارب عقارب عيل الربع وشو ؟؟؟

[مايمدح السوق]

موضوع ممتاز لي رجعه بس الحــــن بروح الشليه:rolleyes2:

وننتظر رجعتك يا لاداعي بس لاتطول مالك عذر :)

[مايمدح السوق]

هههههههههههههههههههههههههههههههههههههههههههههههه

انا لو مكانج بشاركها وبكون بصفها علشان تاخذ راحتها على الاخر وتقول كل مخططاتها ضدج

خلدون هذي تذكرني بخطة نابليون في الشطرنج :)

[مايمدح السوق]

عشان الامن اخوي

الامن مستتب اخوي محمد والله يديم هالنعمة علينا ان شاء الله :)

[مايمدح السوق]

صراحه ماحد من اصدقائي يعرف اسمي في المنتدى رغم اننا نتناقش عن مواضيع المنتدى ، والسبب في اخفاء اسمي عنهم ، انني لن آخذ راحتي وأنا اكتب، حيث احس اني بعيد عن اي ضغوط وان مسترسل في التعبير عن رأيي رغم اني لا اتطرق لأمور حساسة كما يسميها البعض.

وجهه نظر نحترمها ياقطري عصامي :) بالفعل ممكن الواحد ياخذ راحته لما يحس انه محد يعرفه ويقدر يطرح رايه بعيد عن كلام وانتقادات الناس :) شكرا على الرد

[مايمدح السوق]

ربعي كلهم بدار العجزه ومالهم بالنت :(:(:(

كح كح يالله بحسن الخاتمه :weeping:

هاي برووووووو يالله بحسن الخاتمه ومانكون انا وانت بنفس الدار مع عندليب الدقي واللمبي :)

[مايمدح السوق]

اعتقد ان احد الاسباب اهو الحريه في التعبير .. فالشخص لما يحس ان مافي حد يعرفه بيقول الي في خاطره كله

لكن انا اشوف مافيها شي بنسبه لي وانا مشارك بسمي الحقيقي هادي وماعندي مشاكل لو احط صورت

بطاقتي الشخصيه بدال التوقيع والي مايعرفني يعرفني لاني ماسوي شي غلط ..

اشارك وقدم الي عندي واطرح وجهة نظري في اي موضوع

والكلام الي مااقدر اقوله وانا بسمي الحقيقي معناته ماقدر اسويه في الحياه العامه

ياسلام جبت الزبادة اخوي هادي :nice: كفيت ووفيت يعني كان معاي حق يوم قلت حق واحد من الاعضاء لا تبوق لاتخاف :) شكرا على الرد

[مايمدح السوق]

في اعتقادي شي عادي جدا بس احيانا لما تتفق مع شخص في راي معين يعتقد الاخرين بانك تنحاز له لانه صديقك....

سوء الفهم صاير صاير بس معاج لما يكون الاثنين معرفين انهم اصدقاء سوء الظن يكون اكثر واكثر تسلمين على الرد :)

[مايمدح السوق]

والله يا خوي انا اشوف الموضوع عااادي جداً وما فيه أي مشكله لو تكلموا في مواقف معينه في المنتدى وقالوا افلان وفلان من ربعي ..

وشخصياً لو كان عندي صديقات او خوات في المنتدى بالعكس باقولها بكل فخر فلانه وفلانه قريبتي لكن للأسف ما عندي حالياً ..


إلا بسألك اشلون رفيجك المحجوز عساه طيب ومتى بيفرجون عنه .. :o

اقول إذا يبون فديه اخونا شنو يعني سعر الدعم قال:رقبتي سداده بدفع إلي يبونه .. :tomato:

ها ها ها ولا انا عندي للاسف :tease:

والمحجوز للحين الكلبشات بيده ينطر الافراج او يروح كيوتل يطلع بطاقة جديدة :)

وماعليج من كلام الناس ترا كلام المنتديات يميحه نهار القهوة :) ووقت الفلوس تخيس النفوس :tease: تسلمين على الرد

[مايمدح السوق]

ماعتقد الشلليه وان وجدت في المنتدى بيكون لها تاثير لانها في الاخير اتظل شلليه او ( شلة ) وسط هذا الكم من اعضاء المنتدى فالاغلبيه تطغى على الاقليه وبالتالي لا يضر ان كانت هناك شلليات في المنتدى :) انا وحسن المحمدي وقطري اعلامي وفلفل .. هذول ربعي يعني احنا شلليه :)

المحك الحقيقي بنشوفه في اول موضوع يشهد اختلاف في وجهات النظر :) بس على العموم اتفق معاك ياجمال الشلليلة وان وجدت بالمنتدى ماراح يكون لها تاثير :) شكرا لك

[مايمدح السوق]

واحد من الناس كان اسمي المستعار في شبكة الخليفي :) والله ايام يالخليفي .. عموما التصريح باسم الزميل حسن المحمدي كوني اعرف الزميل حسن ان مثل هذه الامور ماتزعله ولا تضايقه وبعدين انا ماقلت وشو اسمه المستعار كل الي اعرفه ان الزميل حسن اهني بس وشو نكه مادري .. اما قطري اعلامي فلم اصرح باسمه وهو زميل عمل والنعم فيه بوعبدالله :) اما فلفل فهاذا صديق انترنتي تعرفت عليه من احد المواقع عزيز وغالي بو محمد :) وتسلم عالرد فديت خشمك :)

بالعكس اخوي جمال ترا نص الموجودين هنيه كانوا في شبكة الخليفي :tease: وماشوف فيها التصريح باسم من تعرفهم وخصوصا المحمدي فكل يوم يصرح باسمه بالجريدة :tease: وفديت خشمك هذي بعد من الشبكة :)

[مايمدح السوق]

أحبك الله في الذي أحببتني من أجله
:victory::victory::victory:
اذن ربعي ما عندهم سالفة

و1000000 شكر للتوضيح
والله يديم المحبة

:nice:

من ناحية ماعندهم سالفة فهم صج ماعندهم سالفة والدليل قاعدين الحين في الكورنيش نحتسي الكرك ركز على كلمة نحتسي :) ومعاي 2 من الربع وكل واحد قاعد ياكد على الثاني انه مايقول انه يعرف الثاني ولولا اني خايف يمدون البوز والا كنت بقول لك من بس خايف بعدين يروحون واقعد اغني لهم اغنية اصالة علشان يرجعون :tease: وتسلم على الرد

[مايمدح السوق]

الحين فهمت الموضوع :ok2:

بالنسبة لرائي هذا شي عاااادي وما فيها شي:nice:

وانا أخوي معاي فالمنتدى بس كاني ماعرفه ولا يعرفني:secret:

وهو مكانه الأسهم القطريه والتحليل وبس:victory:

مب مثلي حياسه فالمنتدى :shy:

تسلم ع الموضوع أخوي :ok2:

هاهاها بدري يابوحارب هذا وانا اقول انك الفطين الى يفهمها وهي طايرة :) عموما تسلم على الرد:)