ايش رايكم في تاهو Z71

[SKYTECH]

السلام عليكم
يا جماعة اريد ان اشتري سيارة تاهو 2008 Z71 فل ابشن بس متردد
المشكلة ان الكل بيقول ان سعرها يطيح بسرعة لكن دورت على سيارة مستعملة وما حصلت
ولما رحت على الوكالة بصراحة السيارة ما عليها كلام
انصحوني جزاكم الله خير

[مناحي السادس عشر]

واذا سعرها طاح شالمشكله انت مش ماخذها استثماااااار ونس عمرك واالي بخاطرك شيله يالغالي ولا تفكر بسعر بعد البيع لانك لو بتفكر بالطريقه هذي ماراح تشتري حتى فاير فلاي

[فلفل حار]

سعرها بالوكاله ان ماخاب ظني بـ حوول الـ175ألف مع شاشه ونافيقيشن ودي في دي خلفي وجلد ورووعه من داخل وقوويه جدا ، لكن طبعا مب أقوى من الدينالي

وسبورتيه الشكل وشبكها وايد حلو

لكن المشكله حزة البيع ، مب مرغوووبه وايد واذا مايهمك فرق السعر حزة البيع توكل علي الله وروح احجز اظن يبيلها مابين شهرين لـ ثلاث شهور على ماتوصل

بس نصيحه اخو ، لاتفكر بالقوه لانك ماراح تاخذها حق مسابق ومداعس ، دامك بتنطر فترة شهور وبتدفع مبلغ وقدره زيد شوي وخذ لك Gxr V8 وسعره بالوكاله بعد الخصم بـ 190 ألف تقريبا بس المكينه 8 سلندر وبتعيش معاك عمر وتلفت الانظار

صحيح انه مواصفاته من داخل ولا شي بالنسبه حق التاهو ، بس بصراحه بتكون كاشخ في موتر شكل جديد وتقدر تضبطه شوي شوي بـ راحتك وتركب له شاشه وحركات

وموفق الشيخ

[SKYTECH]

جزاكم الله خير على النصيحة
بصراحة سعرها الان في الوكالة 167000 ريال
والسيارة موفرة بكل الالوان تقدر تاخذها بكرة اذا فلوسك جاهزة
والمشكلة مع التويوتا انك يبيلك ما بين 3- 4 شهور حجز لين تحصل السيارة تكون موديل 2009 يبيله شهر وينزل

على كل الاحوال انا بتوكل على الله وباخذا وبقلكم كيف الانطباع بعد شهر

[msk]

السلام عليكم،،،

الله يوفقك الشيخ عامةً ال Z71 يعتبر موتر رياضي وهو الصراحة شكله احلى من العادي وشبابي اكثر وأعتقد صوت الدبات فيه بعد حلوة لكن الشيخ اسال عن الجامبينات الي فيه يمكن تكون شوي وعرة ..... بس انا استغرب من الي يقول ان الفي اكس ار الجديد انه كشخة وإذا ركبته بتكون كاشخ ....والله العظيم وهذي حلفة مني اني ماأشوف هالموتر إلا قمة في الهبالة وخصوصاً على الجنب .... واضحك على الي منتفخ وراكبه ويمر جدام المجمعات ويحس انه في قمت الكشخة والمسكين ما يدري انه راكب موتر اهبل .
ومرة ثانية الراي لك والله يوفقك .

[بومحمد978]

بكرة انا ماخذ واحد ذهبي اذا الله احينا بكرة توكل على الله وخذلك واحد معاي

[Qtr33]

اذا مقتنع في السياره وسعرها اتشوفه حلو مقارنه مع السيارات الثانيه اللي حاطها في بالك ومتردد شاللي تاخذه
توكل على الله وخذها وسالفة اذا بابيع السياره سعرها بيطيح جزاك الله خير انت ماراح تاخذ موتر بالقيمة الفلانيه لشهر او شهرين وعقبها بتبيعها وانا استغرب لين جيت تقول باخذ السياره الفلانيه يقولون لك لا تحمل ترى ماتنباع بسرعه او سعرها وقت البيع ماتجيب حتى نص قيمة الشراء..هذا الكلام مأخوذ خيره لانك دافع قيمة مش بسيطه وبإذن الله أكيد انك مفكر ان السياره تخليها عندك لمدة لاتقل عن سنة او سنتين وان شاءالله اكثر بعدها شالمشكله خل سعرها يطيح استخدمتها واستانست والاوضاع كلها ميسره ولله الحمدلله
وفي الأخير القرار راجع لك وعليك بصلاة الاستخاره وان شاءالله انها تكون من نصيبك وتتهنى فيها والله يعطيك خيرها ويكفيك شرها مقدما :)

[SKYTECH]

جزاكم الله خير على المشورة

[hamoor4ever]

خذ لك جي اكس اسود الشكل الجديد انا اشوفه احسن لك ،، مر ع معرض وخذ لك واحد ،، والاختيار لك ، والناس اذواق بس عامه الكروزر شكل جديد وبيطول لين يتغير بعدين للحين الناس ماخذت عليه شوي شوي وبيتقبلونه انا اشوفه افضل من الجمس ، وانت شوف اللي ترتاح له لاتفكر بالخساره بعدين لان كل موتر بيطيح سعره هاذي قاعده عند بيع المستعمل وبعدين كشكل شبابي الكروزر احلى بعدين بعد سنه بتلاقي له اكسسورات بالهبل اشكال وانواع وركب له اللي بخاطرك شاشه بوالين اريل مخفي وللعلم حتى جلد تقدر تركب له بالوكاله وانت ورايك يااخوي

[SKYTECH]

شباب جزاكم الله خير على المشورة
اليوم انا اشتريت الموتر لكن الحين أبي اركب عليه رقم مقبول
اعطوني النصيحة لا هنتم

[فلفل حار]

شباب جزاكم الله خير على المشورة
اليوم انا اشتريت الموتر لكن الحين أبي اركب عليه رقم مقبول
اعطوني النصيحة لا هنتم

مبرووك ويعطيك خيره ويكفيك شره ان شاء الله:nice:

مالك الا المرور ، بس بيني وبينك لاتعب نفسك لانه اللوحه الخضره مب واضحه ولا تلفت النظر:)

[كنترول]

فلفل حار اي لوحة خضرة الرجال يقولك تاهو z71 وانت تقوله خضرة
حرام عليك >
مبروك يارجال على الموتر والله يعطيك خيرةو يكفيك شره
بس الموتر دبل ولا سنجل

[سهم حار]

شباب جزاكم الله خير على المشورة
اليوم انا اشتريت الموتر لكن الحين أبي اركب عليه رقم مقبول
اعطوني النصيحة لا هنتم


مبروك ويتربى في عزك

[فلفل حار]

فلفل حار اي لوحة خضرة الرجال يقولك تاهو z71 وانت تقوله خضرة
حرام عليك >
مبروك يارجال على الموتر والله يعطيك خيرةو يكفيك شره
بس الموتر دبل ولا سنجل

اوووف احراج من قلب :eek5:

حالة تفهي وعدت ، توني مستوعب ياريال:shy:

ارقام مميزه مافي يالغالي لانه قبل كانت الارقام مطبوعه علي اوراق ولو تعرف حد يخليك تختار بنفسك بس ألحين من الكمبيوتر يعني انسى :weeping:

[msk]

شباب جزاكم الله خير على المشورة
اليوم انا اشتريت الموتر لكن الحين أبي اركب عليه رقم مقبول
اعطوني النصيحة لا هنتم

مبروك وتستاهل والله يهنيك به

[SKYTECH]

جزاكم الله خير
الحمد لله الشباب في الوكالة ما قصروا اختاروا لي رقم حلو وببلاش 199556
والسيارة والحمد لله حلوة

[فلفل حار]

جزاكم الله خير
الحمد لله الشباب في الوكالة ما قصروا اختاروا لي رقم حلو وببلاش
والسيارة والحمد لله حلوة

عليك بالعافيه ويعطيك خيرها ويكفيك شرها يالغالي :)

بس امسح الرقم عشان محد يتحبل لك ويقولك اعزمني علي كرك :tease:

[المخفي]

مبرووك ويعطيك خيره ويكفيك شره

[واقف حالي]

اخوي جزاك الله خير توكل على الله دام الموتر في خاطرك وانا واحد جربت التاهو ماعليه كلام والله بس مشكلته الخربات اشوي مع مروور الورقت والله يعينك على الوكاله انشالله لنا معاملتهم الله بالخير نصيحتي خذ دنالي ابركلك في شركه المنااعي ماشالله على معاملتهم حلو والخدمه جيده عندهم وبتوفيق اما بالنسبا لسعر انه بيطيح هذا عااادي كل موتر بتخسر فيه بس الامريكي بزياده بس اهم شي القناعه

[SKYTECH]

أخوي جزال الله خير على النصيحة بس مشكلة الدنالي ان ال4w مثل المرسيدس وال بي ام يعني مب قوي غلى الرمل وما فيه 4L وبصراحة في فرق في السعر حول ال50 الف وبصراحة اكثر لو كنت دافع اكثر من 200ال على سيارة كان اشتريت VXR :(

[simota uae]

والله يا غالي لو تبعد عن الامريكي ابركلك خذ الياباني وانت مغمض..........خذ ولا تشاور بعد............اذا حاب 8 سلندر موجود واذا حاب 6 موجود ............ وعليك الاختيار............وعلى فكره ترا الاوبشن مش كل شي فالسياره اهم شي الاستعمال واذا فكرت تبيع خل عندك بعد نظر لشي............اهم شي مثبت سرعه والباقي كله تقدر ادبره من برا.........الامريكي حق سنه سنتين وبعدين بتجلس تآخذ مواعيد من الوكاله رايح راد عليهم.........بس فالاخير لك الاختيار ......