من الأفضل Range Sport Super Hst أم Lx 570

[أبا خطاب الهلالي]

السلام عليكم ورحمة الله وبركاته

أخواني حبيت أشوف في هذا الموضوع مختلف الأراء بالنسبة للسيارتين والمقارنة بينهم

من حيث المواصفات والشكل والعزم والسعـر أو أي معلومة بالنسبة للسيارة حد يعرفها

فهل الرنج السبورت سوبر شارج HST أفضل أم لكزس LX 570 ?

وهل يعقل أن اللكزس يتعدى سعره سعر الرنج لموديل هذي السنة 2008 فقط ؟

وهل صحيح أن اللكزس من ناحية الشكل مايستاهل وليس كالرنج ؟

بعد ماكانت هناك بعض الشكاوي على خدمات الفردان هل الآن تساوت مع خدمات عبد الغني بعد اللي شفناه في هذي السنة من تعامل وتأخير ؟


تساؤلات كثيره نحب نشوف ردودكم فيها

تفضلوا

[الوهاااااج]

بدزن مقارنه الرنج اخووووووووووووي وتوكل على الله والقلب داعي لك

[راعي ال2008 الاسود]

والله اخوي اشوف ان اللكزس احلى من الرنج

[BURBERRY]

اللكزس و بس

[تبوك]

والله شوف بالغالي
أنا أنسان جربت الأثنين
ترى اللكزس موتر حلوا وماعليه كلام
بس عيبه وكالته
عبدالغني يبهدل الناس في التجييكات يعني فرق السما والأرض بينه وبين
وكالة الفردان
إذا تبي الناس تشوفك مرتز وكاشخ حدك
مايبيلها أكيد الرنج
وإذا أنت من الناس اللي يفكرون
أنهم يمكن يخسرون في الموتر إذا باعوة
خذلك لكزس
بس أنا عن نفسي الحين هذي ثالث مرة أخذ فيها رنج
بعد ماحطيت أكبر أكس في العالم على عبدالغني
وبالتوفيق

[wa7sh q6r]

رنج سبورت والقلب داعي لك
شكله رزه اذا اسود
((اللكسز مب لين هناك هالسنه او اغلى اب وايد من الرنج))

[فلفل حار]

كـ تميز وشكل جديد اكيد اللكزس ، مع انه البدي مب لـ هناك لكن يلف الرقاب لـ كونه شكل جديد ، ماعاد نفس الرنج الي شبعوا الناس منه

وكـ سيرفز الاثنين سيرفزهم معقول ، طبعا اقصد سيرفز عبد الغني الخارجي مثل محطة بترول مدينة خليفه ومحطة بترول الصقر بالهلال ، لانه سيرفز الصناعيه ماينطاق ابد

وفالك خير ان شاءالله

[wa7sh q6r]

والله شوف بالغالي
أنا أنسان جربت الأثنين
ترى اللكزس موتر حلوا وماعليه كلام
بس عيبه وكالته
عبدالغني يبهدل الناس في التجييكات يعني فرق السما والأرض بينه وبين
وكالة الفردان
إذا تبي الناس تشوفك مرتز وكاشخ حدك
مايبيلها أكيد الرنج
وإذا أنت من الناس اللي يفكرون
أنهم يمكن يخسرون في الموتر إذا باعوة
خذلك لكزس
بس أنا عن نفسي الحين هذي ثالث مرة أخذ فيها رنج
بعد ماحطيت أكبر أكس في العالم على عبدالغني
وبالتوفيق


والله اني اشهدلك ياراعي الرنج :victory:

[ame32480]

الرنننج ازز .. والسيرفس احسن ..

والله يوفقك ..

[سطح القمر]

شوف تبغي موتر لك ولزمان تسافر فيه وانت متطمن


الكزس


تبغي موتر تكشخ وترتز مع ان الكزس كشخا بس مب مثل الرنج

بس امكانيات الكزس احسن من الرنج بالف مره

وعيب الرنج السبورت وعر خذ لك فوج احسن

بس خذ في بالك تبغي اتسافر مكان ترى مب موتر سفر في اي وقت يغفل عليك ويقولك جيك سستم

يعني برمجه

الربيع الي طاف احنا في البحرين على رنج ومصفطين قدام السيف وعطونا مخالفه موديل 2008 بدون سوبر


جينا بنطلع دقينا سلف اشتغل لاكن القير بالبارك عيا يتحرك كان يوم جمعا مافيه وكاله الا السبت


وجو الوكاه وتفاهمو وياه وبرمجوه في البحرين

الوكاله كلها رنجات اقطريه وبحرينيه وسعوديه وايماراتيه


يعني بالعربي بلشه



تقبل مروري ورايي


لكــــــــــــــــــــــزس

[H A S S A N]

خذلك البورش الجديده موتر الساحه حاليا وبتدعيلي وبكم اذا بتاخذ جي تي اس ب 320 يعني نفس سعر الكزس بس شوف الفرق في الشارع

[بوخالد911]

اذا راعي اعيال واسرة وخدم

خذ لك لكزس

لاتنسى فييه 3 سيتات
بعكس الرنج
لا تنسى هالنقطة المهمة