واخرتها مع الاجانب؟؟ كلام في الصميم

[حبر سري]

السلام عليكم ورحمة الله وبركاته

صراحة مادعاني الى كتابة هذا الموضوع هو ماأثير عن الاجانب ووجودهم , والخطر الذي قد يشكلونه في المجتمع القطري الذي اسأل الله ان يديم عليه نعمة الامن والاستقرار وان كره الحاسدون

بصراحة قريت مواضيع كثيرة تنتقد الاجانب , وفي مواضيع تدعو الى ترحيلهم!!!! وفي مواضيع تقول انهم علة في قلب قطر

ولكل هؤلاء اقول :

ليش مانكون واقعيين وصريحين مع انفسنا ؟؟؟؟ اذا استغنينا عن الاجانب , مع بيشتغل في محطات البترول؟؟؟ من اللي بيشتغل في المعاصر اللي الشباب 24 ساعة امطيحين عندها؟؟؟ من اللي بيشتغل في الدوبي(مغلسة الملابس) ؟؟؟ من اللي بشتغل دريول؟؟؟ هل في قطري يرضاها على نفسه؟؟؟ هل في قطري يرضى انه يشتغل دريول او طباخ؟؟ هل في قطري واحد يرضى ان دريولهم يكون قطري؟؟؟

من اللي بيشتغل في الشوارع؟؟؟احنا؟؟؟؟من اللي بيقوم بالبنيان ؟؟؟ احنا؟؟

اذا احنا بصراحة والحق ينقال مع انه مر , ترفعنا عن الاعمال هاذي , وجبنا الاجانب هاذول علشان نرتاح لان صرنا مانتنزل نشتغلها , ليش كل يوم نقول عنهم انهم مشكلة؟؟؟
وهل الاجنبي جاي ياخذ صدقة؟؟ هو يشتغل وياخذ راتبه

والمشكلة الشغل اللي يشتغله احنا والله مب قادرين انسويه , لان للاسف شفنا نفسنا بعد البترول , صرنا مانتنزل انقوم بالاعمال هاذي , هل شفنا قطري بنّاي؟؟؟ هل شفنا قطري يشتغل في معصرة؟؟؟كل هالاعمال وغيرها اجانب يقومون فيها , وخصوصا الاسيويين , طيب ليش احنا صرنا متضايقين من وجودهم؟؟؟ تخيلوا هاذول كلهم سافروا , من راح يبيع في المحلات؟؟؟ القطريين؟؟؟ القطري مايتنزل , مع ان اشرف خلق الله اللي هو الرسول عليه السلام كان راعي غنم , وهو ولد اشراف قريش وزعماءهم

ايها الاخوة
ادري ان في اجانب في قطر لهم رواتب خيالية وعلى الفاضي , لكن اللي انا اشوفه ان اللوم صار موجه للاجانب وكنهم دخلوا بلادنا غصبا علينا , او كنهم جايين ياخذون صدقات , مب كأن معظمهم مكروفين ليل مع نهار وبرواتب ضئيلة

انا اليوم كنت في الحلاق (بنغالي الجنسية) وسالته عن ساعات شغله وراتبه , اتصدقون ان ساعات شغله هي 18 ساعة في اليوم !!!!! والراتب تقريبا 2000 ريال !!!! هل في قطري يوافق انه يشتغل هالشغلة؟؟؟؟

ورب الكعبة اني اقول هالكلام وكلي مرارة واسف , لكن هاذي الحقيقة اللي لازم الكل يعرفها , ولازم احنا اول ناس نحطها في بالنا ,

ومهب معنى كلامي اني ادعو لزيادة عدد الوافدين , لان هالشي فعلا ممكن يشكل مخاطر كثيرة على المستوى الاجتماعي وحتى الامني , لكن شنسوي اذا كانوا القطريين مب راضين يشتغلون هالشغلات اللي يشتغلونها الاجانب لانها في نظرهم حقيرة؟؟؟؟

مب عيب ان احنا نجيب اجانب , العيب ان احنا نقعد نتذمر واحنا ندري انهم اذا راحوا احنا برنوح فيها وراح يصير شلل اقتصادي في البلد

وطبعا هذا مش تقليل من مجهودات بعض الاخوة الوافدين من عرب وغيرهم , اللي فعلا ساهموا في نهضة البلد , وجاؤوا لكي يكتسبوا لقمة عيشهم بالحلال , فتحية لهم ولكل الشرفاء

اسمحوا لي على صراحتي يااخوان , لكن الحق احق ان يتبع , وانا ارجع واقول انه يجب ان يكون هناك تخطيط بعيد المدى وليس عشوائيا كما يحدث الان , ولكن اللوم ليس موجه للاجنبي الذي اتى ودخل الى البلد بطريقة مشروعة , خلونا اندور السبب الحقيق وراء ذلك ونحاول اصلاحه , ونعترف في نفس الوقت ان هناك بعض التخصصات اللي لحد الان احنا نعاني من نقص فيها , ولابد من الوافدين لادارتها شئنا ام ابينا , فحتى ذلك الوقت اللى نقدر نستغني فيه عنهم , ونقوم بكل المهام لوحدنا , ويصير عندنا اكتفاء ذاتي من القطريين في التخصصات النادرة والصعبة ( وباذن الله سوف يتحقق ذلك) وماذلك على الله العلي القدير , ثم على عزائم الرجال بعزيز , فحتى ذلك الوقت يجب علينا ان ننظر نظرة موضوعية خالية من التعصب لهذا الامر

كلمة اخيرة: لكل من يدعو الى تسفير الاجانب او التخلص منهم , هل تقدر تشتغل دريول عندنا بعد ماأسفر دريولنا الهندي؟؟؟


اللهم ارنا الحق حقا وارزقنا اتباعه , وارنا الباطل باطلا وارزقنا اجتنابه
والله من وراء القصد


اخوكم
حبر سري

[فارس الكلمة]

كلمة اخيرة: لكل من يدعو الى تسفير الاجانب او التخلص منهم , هل تقدر تشتغل دريول عندنا بعد ماأسفر دريولنا الهندي؟؟؟
لا أعتقد أن مهنة السواقة عيباً .. و القطريون اشتغلوا سواقين باصات و معدات و سيارات

في كثير من فترات حياتهم .. الخوف من الاجانب يتطلب في ترشيد استقدامهم .. و أختيار جنسيتهم بما يتوافق

مع ديننا و معتقداتنا الإسلامية و العربية ...

[التيما]

اسمح لي اخوي .. هالعماله الي تقول عنها موجودة من قبلي وقبلك .. احنا مو اعتراضنا على هالعماله .. إحنا اعتراضنا على زيادة أعدادهم .. من خمس ولا ست سنوات كان في عماله لكن مو بهالعدد ! محطات البترول والمغاسل والمعاصر من ولدنا وهم نفسهم الي يشتغلون فيها ... بس الوظائف الثانية والشركات والهيئات والوزارات والمدارس هني نقول ليش الأجنبي ؟؟؟

[حبر سري]

لا أعتقد أن مهنة السواقة عيباً .. و القطريون اشتغلوا سواقين باصات و معدات و سيارات

في كثير من فترات حياتهم .. الخوف من الاجانب يتطلب في ترشيد استقدامهم .. و أختيار جنسيتهم بما يتوافق

مع ديننا و معتقداتنا الإسلامية و العربية ...

مرحبا اخوي فارس الكلمة
طبعا السواقة مب عيب , لكن انت قلتها بلسانك , (القطريين اشتغلوا) يعني في الماضي , وادري ان للحين في قطريين في هالمهنة , لكن هل تقدر تضمن لي ان لو استغنينا عن كل السواقين ان احنا بنلقى قطريين مكانهم؟؟؟
وبالمناسبة اخوي فارس الكلمة , دامك قلت السواقة مب عيب , هل ترضى تشتغل سواق ؟ سواء في بيت او شركة؟؟
انا عن نفسي اقول لك ماابي اشتغل هالشغلة بصراحة


اسمح لي اخوي .. هالعماله الي تقول عنها موجودة من قبلي وقبلك .. احنا مو اعتراضنا على هالعماله .. إحنا اعتراضنا على زيادة أعدادهم .. من خمس ولا ست سنوات كان في عماله لكن مو بهالعدد ! محطات البترول والمغاسل والمعاصر من ولدنا وهم نفسهم الي يشتغلون فيها ... بس الوظائف الثانية والشركات والهيئات والوزارات والمدارس هني نقول ليش الأجنبي ؟؟؟

هلا اخت التيما
اختي تدرين شنهي مشكلتنا ؟؟؟ ان احنا دايما مانصارح نفسنا بعيوبنا , اختي خليني اقول لج شي :
هاتي لي موضوع واحد يتكلم عن الاجانب ويشير للي ذكرتيهم , ماراح تلقين
الكلام عن الاجانب بشكل عام , وبالذات الاسيويين اللي تقولين انهم موجودين قبلي وقبلج
وهم فعلا موجودين قبلي ( ماادري اذا قبلج بعد لاني مب عارف عمرج) , وصارت زيادة رهيبة في اعدادهم لان احنا قاعدين انجيبهم ليل مع نهار لان مشاريعنا ولله الحمد زادت وعجلة التنمية دارت بشكل قوي ولله الحمد
فاذا كنا احنا اللي جايبينهم , ليش الاعتراض ؟؟؟وبعدين اختي بالنسبة للمؤسسات والهيئات على قولتج , هل هاذول جايين ياخذون رواتب بدون شغل؟؟؟ يمكن في نسبة ضئيلة وجودهم كعدمه , لكن الحق ينقال , انهم ساهموا في نهضة البلد

والصراحة راحة
واتمنى اتزورين الرابط التالي , وتشوفين الاجانب اللي الكل يتكلم عنهم ومتضايق من وجودهم , مالمقصود فيهم , وراح تلقين معظم الكلام عن الاسيويين اللي موجودين على قولتج قبلي وقبلج

http://www.qatarshares.com/vb/showthread.php?t=171442

تحياتي

[التيما]

هلا اخت التيما
اختي تدرين شنهي مشكلتنا ؟؟؟ ان احنا دايما مانصارح نفسنا بعيوبنا , اختي خليني اقول لج شي :
هاتي لي موضوع واحد يتكلم عن الاجانب ويشير للي ذكرتيهم , ماراح تلقين
الكلام عن الاجانب بشكل عام , وبالذات الاسيويين اللي تقولين انهم موجودين قبلي وقبلج
وهم فعلا موجودين قبلي ( ماادري اذا قبلج بعد لاني مب عارف عمرج) , وصارت زيادة رهيبة في اعدادهم لان احنا قاعدين انجيبهم ليل مع نهار لان مشاريعنا ولله الحمد زادت وعجلة التنمية دارت بشكل قوي ولله الحمد
فاذا كنا احنا اللي جايبينهم , ليش الاعتراض ؟؟؟وبعدين اختي بالنسبة للمؤسسات والهيئات على قولتج , هل هاذول جايين ياخذون رواتب بدون شغل؟؟؟ يمكن في نسبة ضئيلة وجودهم كعدمه , لكن الحق ينقال , انهم ساهموا في نهضة البلد

والصراحة راحة
واتمنى اتزورين الرابط التالي , وتشوفين الاجانب اللي الكل يتكلم عنهم ومتضايق من وجودهم , مالمقصود فيهم , وراح تلقين معظم الكلام عن الاسيويين اللي موجودين على قولتج قبلي وقبلج

http://www.qatarshares.com/vb/showthread.php?t=171442

تحياتي

اخوي وقبل من كان يبني ويساعد في نهضة البلد ؟؟ وبعدين من قبل كان في اخوان عرب يشتغلون هالشغلات .. الحين نسمع مئات الألوف من النيباليين والسيرلانكيين وغيرهم ؟؟؟ وبعدين تأكد ان في قطريين يقبلون يشتغلون بعض الوظايف خاصة كبار السن والي مقاعدينهم بدري والي مب مكملين تعليمهم ومنثبرين في البيت .. لكن على أدناها الدون أييب هندي ولا بنغالي ولا نيبالي واحطة في قسم كمونيكيشن .. ولا سيكيوريتي .. ولا ريسبشن .. ولا ولا ليش ؟ وبعدين لمن نجيب اجنبي على قولتك ونعطيه ذيك الوظيفة بذاك الراتب لو نحط قطري ما سويناله جذي ليش ؟ هاي اعتراضنا وللعلم في قطريين هاجروا من الظلم الي يشوفونه والتحيز للأجنبي على حساب ولد البلد ولا تقول مافي ..

[ANONYMOUS]

وجود الاجانب ضروره قصوى


الاعتراض من ناحيتي شي واحد

استقدام العماله ( عمالة الطبقه الدنيا) والزج بهم في الفرجان كل بيت فيه 100 عامل


....


يودونهم يسكنونهم في كومباوندات خارج مدينة الدوحه على الطرق الخارجيه..

ولتعيش الاسر والعوائل بخير ونعمة الامن والاستقرار والهدوء



وتوته توته خلصت الحدوته

[بوحارب]

السلام عليكم ورحمة الله وبركاته


وعليكم السلام ورحمه الله وبركاته


في البادية احييك على هالأسلوب الحلو:)



ليش مانكون واقعيين وصريحين مع انفسنا ؟؟؟؟ اذا استغنينا عن الاجانب , مع بيشتغل في محطات البترول؟؟؟ من اللي بيشتغل في المعاصر اللي الشباب 24 ساعة امطيحين عندها؟؟؟ من اللي بيشتغل في الدوبي(مغلسة الملابس) ؟؟؟ من اللي بشتغل دريول؟؟؟ هل في قطري يرضاها على نفسه؟؟؟ هل في قطري يرضى انه يشتغل دريول او طباخ؟؟ هل في قطري واحد يرضى ان دريولهم يكون قطري؟؟؟

هذولي مب من الناس اللي يطالبون بأبعادهم

لأن هذي الفئه صارت منا وفينا :secret:

لأنهم يخدمونا ليل ونها :nice:



من اللي بيشتغل في المعاصر اللي الشباب 24 ساعة امطيحين عندها؟؟؟

:looking::looking::looking:

:con2:



من اللي بيقوم بالبنيان ؟؟؟ احنا؟؟

ياخي ضربتني على الوتر الحساس :D:D




كلمة اخيرة: لكل من يدعو الى تسفير الاجانب او التخلص منهم , هل تقدر تشتغل دريول عندنا بعد ماأسفر دريولنا الهندي؟؟؟


:no2::no2:


أخوي حبر سري الناس تشتمي من الاجانب اللي من اوروبا

شوف عددهم كم عوائل بالآلف لييييش هذا كله

خذوا لامجمعات السكنية كلها والفنادق وانتشروا في الأسواق

كان البلاد صارت بلادهم

ورواتبهم مالها حل:sneaky:

وبعظهم ما ينفع بريال:)
v
v
v
v
v
هذي الفئة اللي نبي التخفيف منها

وشكرا لك

[بوحارب]

بعدين من قبل كان في اخوان عرب يشتغلون هالشغلات .. الحين نسمع مئات الألوف من النيباليين والسيرلانكيين وغيرهم ؟؟؟ ..

الخبرة كلها عند السيرلانكيين فالبنيان

عليهم شغل بلاستر مظبوط :secret:

اما بعض الجنسيات العربيه يجي اهنيه يتعلم:mad:

خلونا فالموضوع:looking:

[حبر سري]

اخوي وقبل من كان يبني ويساعد في نهضة البلد ؟؟ وبعدين من قبل كان في اخوان عرب يشتغلون هالشغلات .. الحين نسمع مئات الألوف من النيباليين والسيرلانكيين وغيرهم ؟؟؟ وبعدين تأكد ان في قطريين يقبلون يشتغلون بعض الوظايف خاصة كبار السن والي مقاعدينهم بدري والي مب مكملين تعليمهم ومنثبرين في البيت .. لكن على أدناها الدون أييب هندي ولا بنغالي ولا نيبالي واحطة في قسم كمونيكيشن .. ولا سيكيوريتي .. ولا ريسبشن .. ولا ولا ليش ؟ وبعدين لمن نجيب اجنبي على قولتك ونعطيه ذيك الوظيفة بذاك الراتب لو نحط قطري ما سويناله جذي ليش ؟ هاي اعتراضنا وللعلم في قطريين هاجروا من الظلم الي يشوفونه والتحيز للأجنبي على حساب ولد البلد ولا تقول مافي ..

وقبل من كان يساعد في نهضة البلد؟؟ بعد الاجانب
هاذي مايبيلها كلام
وبعدين اختي الحين تبين اتفهميني ان قلبج يعني على العرب وليش حلوا محلهم السيرلانكيين؟؟؟ اختي انتي لو صاحبة عمل راح اتدورين الارخص , ليش انسوي نفسنا ملائكة يعني؟؟؟
واخحتي انتي لو قارية موضوعي كله كان قريتي فيه اني انا بعد معترض ومعترف للاسف ان في اجانب برواتب خيالية , وهالشي اصلا غير منطقي , وياريت لو يعطون كل ذي حق حقه
وانا اتكلم بشكل عام , لان كل المواضيع اللي شفتها تتكلم عن وجود الاجانب وخاصة الاسيويين , وارجع واقول لج اقري الرابط اللي حطيته لج الشيخة
وبعدين اختي كبار السن على قولتج اللي (منثبرين) في بيوتهم على قولتج , انا ماتكلمت عنهم , لكن خليني اجاريج في كلامج , تبينا انجيب كبار السن هاذول ونشغلهم في البنيان مثلا؟؟؟؟؟؟؟وكل ساعة قاعدة تقولين هاذي اعتراضنا وهاذي اعتراضنا , ممكن اعرف تتكلمين باسم من انتي اصلا؟؟؟ التيار السائد معارض لوجود الاجانب وزيادة عددهم وبالذات الاسيويين
لكن اذا كان هذا اعتراضج انتي , فاحييج عليه بصراحة

اختي المشكلة ان الاجانب اللي جوا بلادنا ( سابقا ولاحقا) وسووا شغلهم , وخذوا مقابل عليه , الحين احنا انشوف انهم ماسووا شي وانهم علة في قلب المجتمع , وارجع اقول لج ارجعي للرابط اختي وحاولي تقرين الموضوع كامل قبل ماتكتبين الله يخليج

[حبر سري]

وجود الاجانب ضروره قصوى


الاعتراض من ناحيتي شي واحد

استقدام العماله ( عمالة الطبقه الدنيا) والزج بهم في الفرجان كل بيت فيه 100 عامل


....


يودونهم يسكنونهم في كومباوندات خارج مدينة الدوحه على الطرق الخارجيه..

ولتعيش الاسر والعوائل بخير ونعمة الامن والاستقرار والهدوء



وتوته توته خلصت الحدوته

والله ياخوي شنو يعني سعر الدعم كلامك مختصر وايد
لكن خير الكلام ماقل ودل
وانا معاك في كلامك
وشكرا على المرور

[التيما]

الخبرة كلها عند السيرلانكيين فالبنيان

عليهم شغل بلاستر مظبوط :secret:

اما بعض الجنسيات العربيه يجي اهنيه يتعلم:mad:

خلونا فالموضوع:looking:

اخوي بو حارب اشرايك في هندي كان يشتغل فراش في مدرسه هبابه يفك الخط وعلم نفسه بنفسه وصار يشتغل في بنك كبير في الدوحة .. ماقلنا ما يعرفون .. بس دامهم يحطون شروط توظيف للقطري ويلتزمون فيها ورا ما يحطون نفس الشروط للأجنبي ؟؟

[حبر سري]

وعليكم السلام ورحمه الله وبركاته


في البادية احييك على هالأسلوب الحلو:)




هذولي مب من الناس اللي يطالبون بأبعادهم

لأن هذي الفئه صارت منا وفينا :secret:

لأنهم يخدمونا ليل ونها :nice:




:looking::looking::looking:

:con2:




ياخي ضربتني على الوتر الحساس :D:D





:no2::no2:


أخوي حبر سري الناس تشتمي من الاجانب اللي من اوروبا

شوف عددهم كم عوائل بالآلف لييييش هذا كله

خذوا لامجمعات السكنية كلها والفنادق وانتشروا في الأسواق

كان البلاد صارت بلادهم

ورواتبهم مالها حل:sneaky:

وبعظهم ما ينفع بريال:)
v
v
v
v
v
هذي الفئة اللي نبي التخفيف منها

وشكرا لك

هلا بوحارب
صدقني استانس على ردودك مادري ليش

لكن اخوي بوحارب انا والله معاك ان في اجانب (وخصوصا الاوربيين والامريكان) رواتبهم خيالية وعلى الفاضي , ومتأكد ان هاول ممكن اي حد غيرهم يمسك شغلهم ( طبعا مب كلهم ) , وبكفاءة عالية , وانا بعد مايعجبني هالوضع
لكن ارجع واقول لك ان الكلام كله عن زيادة بعض الوافدين وبالذات الاسويين
وارجع لكل المواضيع اللي انكتبت عن وجود الاجانب , وبتلاقي الكل قاعد يتكلم بشكل عام , وبدون تخصيص

ويعطيك العافية الشيخ وشكرا على مرورك الحلو

[حبر سري]

الخبرة كلها عند السيرلانكيين فالبنيان

عليهم شغل بلاستر مظبوط :secret:

اما بعض الجنسيات العربيه يجي اهنيه يتعلم:mad:

خلونا فالموضوع:looking:

قايل لك خبير بنيان قلت لي لا
الله يبارك لك
:nice::nice::nice::nice:

[بوحارب]

اخوي بو حارب اشرايك في هندي كان يشتغل فراش في مدرسه هبابه يفك الخط وعلم نفسه بنفسه وصار يشتغل في بنك كبير في الدوحة .. ماقلنا ما يعرفون .. بس دامهم يحطون شروط توظيف للقطري ويلتزمون فيها ورا ما يحطون نفس الشروط للأجنبي ؟؟

معاج حق

الكورس اللي راح كان عندنا مدرس كندي

والله ما استفدنا منه ولا كلمة ولا يعرف شي فالتدريس

وآخر شي موفرين له يت وراتب عالي وسيارة وووووووو

وهو ما يستاهل حتى نــ ....... :secret:

الأجانب لازم يكون لهم حد من الأحترام

على قوله الشاعر

تسألك يا لفان حضرن وبدوان @ وش جبت يا لفان غير الحريقة

شفت الأجانب فيك من كل الألوان @ وكلن ملا مخباه بأسرع طريقة

خليت يا لفان للأجنبي شآن @ يسرح ويمرح والعلاقة عميقه

وأجفيت من كانوا لك عضود واخوان @ لي جا لهم صلوح كلن يعيقة

يكفيك يا لفان صدن وحقران @ هذا الجفا محدن لك الله يطيقة

:)

[بوحارب]

هلا بوحارب
صدقني استانس على ردودك مادري ليش

لكن اخوي بوحارب انا والله معاك ان في اجانب (وخصوصا الاوربيين والامريكان) رواتبهم خيالية وعلى الفاضي , ومتأكد ان هاول ممكن اي حد غيرهم يمسك شغلهم ( طبعا مب كلهم ) , وبكفاءة عالية , وانا بعد مايعجبني هالوضع
لكن ارجع واقول لك ان الكلام كله عن زيادة بعض الوافدين وبالذات الاسويين
وارجع لكل المواضيع اللي انكتبت عن وجود الاجانب , وبتلاقي الكل قاعد يتكلم بشكل عام , وبدون تخصيص

ويعطيك العافية الشيخ وشكرا على مرورك الحلو

شوف اخوي حبر

العمال الأسويين جايين عشان يقومون البلد <<<< على قولة هوامير المقاولات:secret:

لكن السؤال الي يطرح نفسه من هو راعي هذي الشركات

واللي يقدر يدخل عمال بالآلف

هذا تلاقيه فلان بن فلان الفلاني:)

ومحد يقدر يقوله لا

وهو المستفيد طبعا من هذا العدد الهائل من العمال

تلاقيهم يدخلون ملااااييين عليه:victory:


قايل لك خبير بنيان قلت لي لا
الله يبارك لك
:nice::nice::nice::nice:

:shy::shy:

ما عندي الا الكلام

[ذوق]

محد مانع من وجود الأجانب...لكن نشتكي من قلة أدبهم وعدم أحترامهم لثقافتنا

من ناحية اللبس أو الأخلاق

وصلت إن المواضيع الي يكتبونها في البدايه الأخوان الي يقولون المواقف الي تصيرلهم في اماكن معينه...كنا نلاحظ أن عدد الردود والمشاهدات كثيره من الأستنكار....

ولكن الأن؟؟؟

شوف انت بأم عينك في المواضيع الأخيره والجديده الي بتنزل...كم عدد المشاهدات والتعلقيات :) ؟؟؟


صدقني ولا شي من قبل


تدري ليش؟

لأنهم بأختصار تعودوااا على رأيت مثل هذه القذارات اليوميه :weeping:


اقربها من يومين شفت لبنانيه مع احترامي للفظ ( كانت تلحس رقبة رجل امام مرأى الستار بكس...في فيلاجيو ولا كأن حد موجود غيرهم ... ويوم زفيتها هي وياه...قام يعايني وكأنه صاحب الحق..ويهاوش...هزللللللللللت والله!!!

وين التحريات وين الشرطه وين العضيد...الخ...


بــــــــــحح على قولتهم :)




وشكرآ

[المغترب 123]

من يومين شفت لبنانيه مع احترامي للفظ ( كانت تلحس رقبة رجل امام مرأى الستار بكس...في فيلاجيو ولا كأن حد موجود غيرهم



وشكرآ


:rolleyes2::rolleyes2::rolleyes2:

:shy:

[ANONYMOUS]

محد مانع من وجود الأجانب...لكن نشتكي من قلة أدبهم وعدم أحترامهم لثقافتنا

من ناحية اللبس أو الأخلاق

وصلت إن المواضيع الي يكتبونها في البدايه الأخوان الي يقولون المواقف الي تصيرلهم في اماكن معينه...كنا نلاحظ أن عدد الردود والمشاهدات كثيره من الأستنكار....

ولكن الأن؟؟؟

شوف انت بأم عينك في المواضيع الأخيره والجديده الي بتنزل...كم عدد المشاهدات والتعلقيات :) ؟؟؟


صدقني ولا شي من قبل


تدري ليش؟

لأنهم بأختصار تعودوااا على رأيت مثل هذه القذارات اليوميه :weeping:


اقربها من يومين شفت لبنانيه مع احترامي للفظ ( كانت تلحس رقبة رجل امام مرأى الستار بكس...في فيلاجيو ولا كأن حد موجود غيرهم ... ويوم زفيتها هي وياه...قام يعايني وكأنه صاحب الحق..ويهاوش...هزللللللللللت والله!!!

وين التحريات وين الشرطه وين العضيد...الخ...


بــــــــــحح على قولتهم :)




وشكرآ



يمكن تجرب طعم العطر الجديد لاتظلمينها

:secret:

[ابورغد&جود]

اعتقد التخطيط المناسب هو اللي يقدر يحدد عدد العمالة ونوعيتها اللتي تحتاجها البلد

والتستر على العمالة المخالفة هو الخطاء الكبير


احترام النظام مسئولية الجميع

[ضوى]

محد مانع من وجود الأجانب...لكن نشتكي من قلة أدبهم وعدم أحترامهم لثقافتنا

من ناحية اللبس أو الأخلاق

وصلت إن المواضيع الي يكتبونها في البدايه الأخوان الي يقولون المواقف الي تصيرلهم في اماكن معينه...كنا نلاحظ أن عدد الردود والمشاهدات كثيره من الأستنكار....

ولكن الأن؟؟؟

شوف انت بأم عينك في المواضيع الأخيره والجديده الي بتنزل...كم عدد المشاهدات والتعلقيات :) ؟؟؟


صدقني ولا شي من قبل


تدري ليش؟

لأنهم بأختصار تعودوااا على رأيت مثل هذه القذارات اليوميه :weeping:


اقربها من يومين شفت لبنانيه مع احترامي للفظ ( كانت تلحس رقبة رجل امام مرأى الستار بكس...في فيلاجيو ولا كأن حد موجود غيرهم ... ويوم زفيتها هي وياه...قام يعايني وكأنه صاحب الحق..ويهاوش...هزللللللللللت والله!!!

وين التحريات وين الشرطه وين العضيد...الخ...


بــــــــــحح على قولتهم :)




وشكرآ



حسبنا الله ونعم الوكيل

صاروا مثل البهايم جدام الناس لا حيا ولا مستحى ، لا والله ابهايم اشرف منهم يتوارون بعيد عن الناس يعني عندهم حيا اكثر من البشر

[زقرتي ومزاجي]

مساء الخير يا حبر سري

احس انك معصب على هالموضوع ، بادخل في الموضوع على طول

احنا نتكلم عن الاجانب مثل :-



- قصه توظيف عدد من الخليجين بالاخص عمان والبحرين في الوظائف الحكومية .
- قصه جلب وتوظيف 9.000 مصري يعملون عندنا في قطر في قطاعات مختلفة ليش مافي قطريين يعملون اتوقع عدد الناس القطريين في بيوتهم اكثر من هالعدد .
- قصه توظيف بعض الامريكان والاوربيين في وظائف قياديه حساسه في الدولة.
- قصه التعاقد مع سيريلانكا و 100.000 من العماله الماهره.
- قصه تسكين العماله بين الاحياء السكنية.
- قصه التاشيره السياحيه وبعض اثارها الضاره.
- قصه تغيير الهويه الاعلامية ( مثل اكثر المواضيع المطروحه في الاعلام تختص بالاجانب )
- قصه عدم احترام عرف المجتمع القطري.
- قصه تعالي الاجانب على القطريين .
- قصه تحقير القطري في وظائف البترول والغاز .. الخ والابقاء على الطابع الاجنبي.
- تزايد حالات النصب والاحتيال والسرقه والاغتصاب.



هذي المواضيع مب من حقنا نتكلم فيها .. جاي تقولي معصره ودريول .. الله يهديك
وبعد شباقي قولي ياخوي والله قهر ..،

[al-fahad]

مساء الخير يا حبر سري

احس انك معصب على هالموضوع ، بادخل في الموضوع على طول

احنا نتكلم عن الاجانب مثل :-



- قصه توظيف عدد من الخليجين بالاخص عمان والبحرين في الوظائف الحكومية .
- قصه جلب وتوظيف 9.000 مصري يعملون عندنا في قطر في قطاعات مختلفة ليش مافي قطريين يعملون اتوقع عدد الناس القطريين في بيوتهم اكثر من هالعدد .
- قصه توظيف بعض الامريكان والاوربيين في وظائف قياديه حساسه في الدولة.
- قصه التعاقد مع سيريلانكا و 100.000 من العماله الماهره.
- قصه تسكين العماله بين الاحياء السكنية.
- قصه التاشيره السياحيه وبعض اثارها الضاره.
- قصه تغيير الهويه الاعلامية ( مثل اكثر المواضيع المطروحه في الاعلام تختص بالاجانب )
- قصه عدم احترام عرف المجتمع القطري.
- قصه تعالي الاجانب على القطريين .
- قصه تحقير القطري في وظائف البترول والغاز .. الخ والابقاء على الطابع الاجنبي.
- تزايد حالات النصب والاحتيال والسرقه والاغتصاب.



هذي المواضيع مب من حقنا نتكلم فيها .. جاي تقولي معصره ودريول .. الله يهديك
وبعد شباقي قولي ياخوي والله قهر ..،

عفارم عليك خييي
انا كان بدي أحكي بس هلا لا انا مافيااا

[حبر سري]

محد مانع من وجود الأجانب...لكن نشتكي من قلة أدبهم وعدم أحترامهم لثقافتنا

من ناحية اللبس أو الأخلاق

وصلت إن المواضيع الي يكتبونها في البدايه الأخوان الي يقولون المواقف الي تصيرلهم في اماكن معينه...كنا نلاحظ أن عدد الردود والمشاهدات كثيره من الأستنكار....

ولكن الأن؟؟؟

شوف انت بأم عينك في المواضيع الأخيره والجديده الي بتنزل...كم عدد المشاهدات والتعلقيات :) ؟؟؟


صدقني ولا شي من قبل


تدري ليش؟

لأنهم بأختصار تعودوااا على رأيت مثل هذه القذارات اليوميه :weeping:


اقربها من يومين شفت لبنانيه مع احترامي للفظ ( كانت تلحس رقبة رجل امام مرأى الستار بكس...في فيلاجيو ولا كأن حد موجود غيرهم ... ويوم زفيتها هي وياه...قام يعايني وكأنه صاحب الحق..ويهاوش...هزللللللللللت والله!!!

وين التحريات وين الشرطه وين العضيد...الخ...


بــــــــــحح على قولتهم :)




وشكرآ
وين الشرطة والعضيد؟؟؟اختي انتي اتصلتي في اي واحد منهم؟؟؟
هذا اول شي

ثاني شي , اختي والله العظيم في قطريين يسوون بلاوي وجدام الناس , يعني الغلط غلط من الاجانب وغيرهم
وعندي من الامثلة مايشيب له الولدان
وانا مااحب احول الموضوع الى كلام عن غلطات الاجانب (اللي احنا سمحنا لهم يدخلون البلاد وماجوا غصبا علينا) , لان الغلط غلط , ومايعتمد على جنسية الشخص
شاكر لج مرورج ياذوق

اعتقد التخطيط المناسب هو اللي يقدر يحدد عدد العمالة ونوعيتها اللتي تحتاجها البلد

والتستر على العمالة المخالفة هو الخطاء الكبير


احترام النظام مسئولية الجميع
انا اثني على كلامك
وبارك الله فيك

حسبنا الله ونعم الوكيل

صاروا مثل البهايم جدام الناس لا حيا ولا مستحى ، لا والله ابهايم اشرف منهم يتوارون بعيد عن الناس يعني عندهم حيا اكثر من البشر
في اجانب غير محترمين , وفي اجانب محترمين
وتحياتي للشرفاء من القطريين والاجانب


مساء الخير يا حبر سري

احس انك معصب على هالموضوع ، بادخل في الموضوع على طول

احنا نتكلم عن الاجانب مثل :-



- قصه توظيف عدد من الخليجين بالاخص عمان والبحرين في الوظائف الحكومية .
- قصه جلب وتوظيف 9.000 مصري يعملون عندنا في قطر في قطاعات مختلفة ليش مافي قطريين يعملون اتوقع عدد الناس القطريين في بيوتهم اكثر من هالعدد .
- قصه توظيف بعض الامريكان والاوربيين في وظائف قياديه حساسه في الدولة.
- قصه التعاقد مع سيريلانكا و 100.000 من العماله الماهره.
- قصه تسكين العماله بين الاحياء السكنية.
- قصه التاشيره السياحيه وبعض اثارها الضاره.
- قصه تغيير الهويه الاعلامية ( مثل اكثر المواضيع المطروحه في الاعلام تختص بالاجانب )
- قصه عدم احترام عرف المجتمع القطري.
- قصه تعالي الاجانب على القطريين .
- قصه تحقير القطري في وظائف البترول والغاز .. الخ والابقاء على الطابع الاجنبي.
- تزايد حالات النصب والاحتيال والسرقه والاغتصاب.



هذي المواضيع مب من حقنا نتكلم فيها .. جاي تقولي معصره ودريول .. الله يهديك
وبعد شباقي قولي ياخوي والله قهر ..،

مساك الله بالنور والسرور
لاني معصب ولا شي , مادري ليش حسيت هالاحساس اخوي
وثاني شي , ارجع واقول لك المواضيع كلها اللي انكتبت عن الاجانب كانت تعمم على الكل الشيخ , ومافي داعي ننكر , لان المواضيع للحين موجودة في المنتدى وتقدر انك ترجع وتقراها , وانا كاتب في موضوعي اخوي (اللي مادري اذا قريته كامل ولا خذت اللي تبيه منه وبس) , اني ضد جلب اجانب برواتب خيالية وعلى الفاضي , والحين انا اقول لك وبشكل مباشر , المفروض قبل مانجيب اجانب انوظف القطريين
بس ياخوي وظايف وايد القطريين مايبون يشتغلونها , شنسوي يعني؟؟؟؟؟؟؟
ولا خلني اقول لك شي , احنا كلنا ندري ان الاسيويين يشكلون الغالبية العظمى في الدوحة , ومشاكلهم وايد , وكثرت في الاونة الاخيرة
وشرايك انسفرهم كلهم , ونجيب قطريين يصلحون لنا الشوارع؟؟؟؟؟
وشرايك؟؟؟

[ابو الحارث]

اسمح لي اخوي .. هالعماله الي تقول عنها موجودة من قبلي وقبلك .. احنا مو اعتراضنا على هالعماله .. إحنا اعتراضنا على زيادة أعدادهم .. من خمس ولا ست سنوات كان في عماله لكن مو بهالعدد ! محطات البترول والمغاسل والمعاصر من ولدنا وهم نفسهم الي يشتغلون فيها ... بس الوظائف الثانية والشركات والهيئات والوزارات والمدارس هني نقول ليش الأجنبي ؟؟؟



في الصميم

:tease:

[حبر سري]

في الصميم

:tease:

شكرا لمرورك

[سعادة الوزير]

في نقطة هامة جدا عند التحدث عن وجود الاجانب في قطر ، هناك نوعان منهم :

اجنبي وجوده يخدم البلد.

وهناك اجنبي وجوده يهدم البلد.

[واحد في حاله]

اخوي الله يهداك

الناس ترى مايلومون الاجانب ليش يسوون ولا ليش يسوون

الناس تلوم الي دخلهم البلاد بدون اي تخطيط وبدون اي حسبان للعواقب

وكل الي نتمناه ان يكون فيه تخطيط يحكم تصرفاتهم في البلاد ومانشوف الي كل يوم قاعدين نشوفه

وبخصوص الوظايف المهنيه ... ترى احنا ماغير 200 الف !!؟ " اعتقد القوى العامله منهم 56 الف فقط "

وكثير من الوظائف الحساسه ماسكينها " الاجانب " ... وانت تقول سايق وراعي معصره وحلاق !!


نعم الدوله في نمو اقتصادي ونعم محتاجين عماله لكن محتاجين تخطيط نتايجه ايجابيه .. مب بوقات ومشاكل سكن وجرائم وتصرفات غير اخلاقيه وعدم احترام للدين الاسلامي او للمجتمع القطري

للأسف الوضع غير محتمل والله المستعان

[بوحارب]

في نقطة هامة جدا عند التحدث عن وجود الاجانب في قطر ، هناك نوعان منهم :

اجنبي وجوده يخدم البلد.

وهناك اجنبي وجوده يهدم البلد.

صح كلامك يالوزير :):victory:

[قطر501]

هؤلاء المذكورين الي يشتغلون في المعاصر ومحطات البترول .... الخ ماعلينا منهم لكن القصد الاجانب الي عايشين في المجمعات السكنية وياكلون ويشربون بلاش هذوال كالوا خير بلادنا

[حبر سري]

في نقطة هامة جدا عند التحدث عن وجود الاجانب في قطر ، هناك نوعان منهم :

اجنبي وجوده يخدم البلد.

وهناك اجنبي وجوده يهدم البلد.

صح الله السانك اخوي
ومشكور على مرورك القيّم


اخوي الله يهداك

الناس ترى مايلومون الاجانب ليش يسوون ولا ليش يسوون

الناس تلوم الي دخلهم البلاد بدون اي تخطيط وبدون اي حسبان للعواقب

وكل الي نتمناه ان يكون فيه تخطيط يحكم تصرفاتهم في البلاد ومانشوف الي كل يوم قاعدين نشوفه

وبخصوص الوظايف المهنيه ... ترى احنا ماغير 200 الف !!؟ " اعتقد القوى العامله منهم 56 الف فقط "

وكثير من الوظائف الحساسه ماسكينها " الاجانب " ... وانت تقول سايق وراعي معصره وحلاق !!


نعم الدوله في نمو اقتصادي ونعم محتاجين عماله لكن محتاجين تخطيط نتايجه ايجابيه .. مب بوقات ومشاكل سكن وجرائم وتصرفات غير اخلاقيه وعدم احترام للدين الاسلامي او للمجتمع القطري

للأسف الوضع غير محتمل والله المستعان

ويهداك ان شا الله

بس اخوي هل تقدر تتكرم وتشرح لي شنهي الوظايف الحساسة اللي ماسكينها الاجانب؟؟؟
شنهو تعريف الوظايف الحساسة؟
نورنا الله ينور عليك

وبعدين اخوي انت تقول تتكلمون عن الوظايف الحساسة , وبعدين تقول بوقات ومشاكل سكن وجرائم وتصرفات غير اخلاقية , طيب اخوي هل تقدر تقول لي من اللي يرتكب مثل هالجرائم كلها؟؟؟
اللي في الوظايف الحساسة على قولتك؟؟؟ اللي في الوظايف الحساسة اصلا مب محتاجين لانهم ياخذون رواتب عالية , والكسن عندهم متوفر , طيب من بقى؟؟

الاسيويين , اللي منهم اصحاب المعاصر وغيرهم

المشكلة ان احنا مانبي نعترف
انلف وندور في نفس الموضوع

[blueZircon]

انا ماعندي مانع اني اشتغل في محطة بترول او في مطعم , بس بشرط واحد

ان يكون هناك قانون يحمي ويحدد تكلفة الايدي العامله بالساعه الواحده وهو النظام اللي تعمل به دول العالم الاول.

ليش نشوف مثلاً في بريطانيا او امريكا او استراليا المواطنين نفسهم يشتغلون بالمحلات ومحطات البترول والمطاعم ؟

لانه يوجد قانون يحمي حقوقهم وتعرفة سعريه للايدي العامله بالساعه الواحده , مثلا هني في استراليا اللي يبي يشتغل part time يعطونه على الاقل بالساعه 80 ريال.

80 * 30 ساعه = 2400 ريال اسبوعياً

اعتقد مافي شخص بيرفض هالعرض وانا منهم الصراحه , بدل القعده الفاضيه مابعد العصر الين العشاء بالبيت.

للاسف مافي هناك خطط ولا توجهات لحث المواطن على العمل في هذي القطاعات .

اسمحولي لو خرجت برع الموضوع

تحياتي

[حنيــن]

مساء الخير يا حبر سري

احس انك معصب على هالموضوع ، بادخل في الموضوع على طول

احنا نتكلم عن الاجانب مثل :-



- قصه توظيف عدد من الخليجين بالاخص عمان والبحرين في الوظائف الحكومية .
- قصه جلب وتوظيف 9.000 مصري يعملون عندنا في قطر في قطاعات مختلفة ليش مافي قطريين يعملون اتوقع عدد الناس القطريين في بيوتهم اكثر من هالعدد .
- قصه توظيف بعض الامريكان والاوربيين في وظائف قياديه حساسه في الدولة.
- قصه التعاقد مع سيريلانكا و 100.000 من العماله الماهره.
- قصه تسكين العماله بين الاحياء السكنية.
- قصه التاشيره السياحيه وبعض اثارها الضاره.
- قصه تغيير الهويه الاعلامية ( مثل اكثر المواضيع المطروحه في الاعلام تختص بالاجانب )
- قصه عدم احترام عرف المجتمع القطري.
- قصه تعالي الاجانب على القطريين .
- قصه تحقير القطري في وظائف البترول والغاز .. الخ والابقاء على الطابع الاجنبي.
- تزايد حالات النصب والاحتيال والسرقه والاغتصاب.



هذي المواضيع مب من حقنا نتكلم فيها .. جاي تقولي معصره ودريول .. الله يهديك
وبعد شباقي قولي ياخوي والله قهر ..،


وأضيف على اللي قلته
- قصة العمالة الهاربة اللي الجهات الرسمية تهمل البحث عنها أو تحط لها حدود ..

أغلب بيوت قطر ألحين فيها واحد أو اثنين شاردين .. ولقوا من يوظفهم ..
وهذول هم اللي نعترض على وجودهم .. لكن اللي دخولهم للبلد وشغلهم رسمي .. ما نقول عنهم شي ..

لو بس يشوفون لنا حل مع سالفة الهروب هذي احنا بخير ..

أما الأجانب اللي شاغلين الوظائف الحساسة .. سواء أمريكان أو أوروبيين والا استراليين أو حتى جنوب أفريقيا ..
فأحلف بالله .. نسبة عالية منهم تقضي ساعات العمل عندنا في اتصالات مع أهاليهم عن طريق النت ..
والمصيبة لما تجي وتبلغ المسؤول القطري يقول لك .. ( أنا عندي قناعة .. لو أستفيد منهم بنسبة 10% أحسن من إني أقيلهم وأترك مكانهم فاضي :eek5: )

قهرررر وربي :tease:

[واحد في حاله]

صح الله السانك اخوي
ومشكور على مرورك القيّم



ويهداك ان شا الله

بس اخوي هل تقدر تتكرم وتشرح لي شنهي الوظايف الحساسة اللي ماسكينها الاجانب؟؟؟
شنهو تعريف الوظايف الحساسة؟
نورنا الله ينور عليك

وبعدين اخوي انت تقول تتكلمون عن الوظايف الحساسة , وبعدين تقول بوقات ومشاكل سكن وجرائم وتصرفات غير اخلاقية , طيب اخوي هل تقدر تقول لي من اللي يرتكب مثل هالجرائم كلها؟؟؟
اللي في الوظايف الحساسة على قولتك؟؟؟ اللي في الوظايف الحساسة اصلا مب محتاجين لانهم ياخذون رواتب عالية , والكسن عندهم متوفر , طيب من بقى؟؟

الاسيويين , اللي منهم اصحاب المعاصر وغيرهم

المشكلة ان احنا مانبي نعترف
انلف وندور في نفس الموضوع


هلا اخوي حبر سري

اولآ بخصوص الوظايف الحساسه اقصد فيها المناصب العليا من مدراء او رؤساء ادارات او مهندسين او .... الخ او على قوتهم الهاي بوزشن

وهذي الفئه الي اقصد فيها البوقات الي بالملايين مب جرائم السرقه

ف القطريين اولى انهم يمسكونها بدال المعاصر :D


والفئه الثانيه الي هي العمال العاديين من بناي او سباك او فراش او سائق شاحنه او .. الخ

وهذي العماله مثل مانت عارف اعدادهم كبيره وفي تزايد .. والا شلون صرنا مليون ونص :rolleyes2:

وصار عندنا ازمة ارتفاع الاجارات وازمة سكن العزاب

او الامور الي كل يوم نشوفها في المنتدى من تصرفات غير اخلاقيه او لبس غير محتشم او ثقافات غريبه او عدم احترام لاهل البلد ولعاداته وتقاليده



تحياتي :nice:

[التيما]

انا ماعندي مانع اني اشتغل في محطة بترول او في مطعم , بس بشرط واحد

ان يكون هناك قانون يحمي ويحدد تكلفة الايدي العامله بالساعه الواحده وهو النظام اللي تعمل به دول العالم الاول.

ليش نشوف مثلاً في بريطانيا او امريكا او استراليا المواطنين نفسهم يشتغلون بالمحلات ومحطات البترول والمطاعم ؟

لانه يوجد قانون يحمي حقوقهم وتعرفة سعريه للايدي العامله بالساعه الواحده , مثلا هني في استراليا اللي يبي يشتغل part time يعطونه على الاقل بالساعه 80 ريال.

80 * 30 ساعه = 2400 ريال اسبوعياً

اعتقد مافي شخص بيرفض هالعرض وانا منهم الصراحه , بدل القعده الفاضيه مابعد العصر الين العشاء بالبيت.

للاسف مافي هناك خطط ولا توجهات لحث المواطن على العمل في هذي القطاعات .

اسمحولي لو خرجت برع الموضوع

تحياتي

:nice: عجبني ردك وتعليقك ..