@_@ الرجــــاء الدخول للضروره @_@

[بدور]

الاخوه والاخوات الاعضاء

انا من النادر اشارك بمواضيع ومكتفيه بالردود فقط

ولكن هالسالفه حصلت بالفعل لصديقه لي بمنتدى ثاني وحصل هالحوار بيني وبينها

فلانه نسميها حصه

حصه : بدور انا تركت المنتدى خلاص .. ماعاد لي مكان بينهم مع اني مشرفه وانتي مشرفه

انسحبتي مالومج يا بدور على انسحابج

بدور : ليش عسى ماشر

حصه : مشاكل لاتعد ولا تحصى وفوق هذا كله قصص وهميه وابتلاءات قذره

بدور : فهميني وشصار بالضبط

حصه : انا مشرفه احذف الغير لائق واجامل واشارك واقوم بعدة وظائف

........ وهناك عضو مشاكس ومراقبته رقابه صارمه لانه يتعدى حدوده بالغلط وانا احذف

....... وصار بيني وبينه تطش تدرين وشسوى يا بدور شيء مو معقول ولا يصدقه العقل

...... فضحني بين الاعضاء وابتلاني بعلاقه شخصيه بيني وبينه وقصة حب وخرابيط

...... بدور انا متزوجه ومو ناقصه هالسوالف وخرب سمعتي بين الاعضاء بقصه كاذبه

....... البعض صدقها والبعض كذبها وانا الحين مقهوره ادعي عليه ليل ونهار مع اني مجهوله

...... محد يعرفني بس هالكلام أثر فيني وايد وراجعت نفسي وتركت كل المنتديات

بـــــدور : وسعي صدرج هالكلام فاضي وكلنا مرينا عليه واغلب البنات يمرون بهالمواقف

وحصل بيني وبينها نقاش طويل يخص هالموضوع ومواضيع ثانيه ...

الاهم من كل هذا طرحت الموضوع للنقاش الجاد بيننا لانها مشكله غير صحيه تعتبر

وهي من اشخاص مصابون بمرض نفسي ووهمي

هل يوجد بيننا اعضاء يتصفون بهذه الصفه ولماذا ؟؟؟؟

ما السبب في اختلاق قصه وتشويه سمعة عضوه وهي اخت بيننا ؟؟؟

ارجو ان تطرحوا آرائكم وردة فعلكم للعضو الذي يشوه سمعة عضوة بلا تجريح

الموقف ليس له علاقه بمنتدانا هذا لاننا اعضاء نسمو بالاخلاق والتمسك الاخوي بيننا

وصديقتي تشوف النقاش وتقرأ كل حرف من الردود

وجهة نظركم تهمني ....

[مناحي السادس عشر]

حياج الله اخت بدووور بالعكس هذي انهزاميه دام انها مجهوله ومحد يعرفها تعطيه سين تربيع لان هالشي اعتبره مرض نفسي وفراغ داخلي من اي شخص يحاول انه يالف قصص حب ومدري شنو من خلال الانترنت او يشوه سمعة اي انسان سواء رجل ولا امراه
اتمنى خويتج المسماااه حصه ترجع وكما قيل بالمثل وش على السحاااااب من نبح الكلاب ((اكرمكم الله))

[يونيك]

موضوع قد يسبب حساسيات وقد يتم توجيهه بشكل غير سليم للمساس بالاعضاء الموجودين هنا .


وقد يسبب فتنة سواء بقصد او بغير قصد.

[الكاسر007]

بصراحة جزاها الله الف خير على المراقبة الصارمة لبعض الحثالة اللي ماعنده اي احترام

ولكن اقول لها هذا الحيوان ماعنده ذرة رجولة وصدقيني اللي يسوي هذا الشي اكيد الله بيبلي اهله بنفس الشي

(( كما تدين تدان ))

[جلمود]

بدور الموضوع يبغيله قعده لأنه في حجي وايد وايد بخاطري لاكن الحين بروح :yawn: شوي باقيل ولي رجعه قود نخت :rolleyes2:

[ANONYMOUS]

نص مرتادي الانترنت مرضى نفسيين



واللي صار مع صديقتج .. يعتبر ولا شي.. مقارنه مع قصص اخرى


الحل شنو..

خل ترّيح راسها.. وتنتبه حق زوجها وعيالها اذا الله رازقهم


وتخلي الاشراف للناس المتفرغه او عندهم وقت زياده عن اللزوم

[بواسطة]

والله شي يخرع معقوله في المنتدى تصير هالاشياء

اختي ومادام الشخص هذا مشاكس المفروض محد يصدقه

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ


من دون ماتدعي عليه الله راح يدمره تدميره ويلعنه ولاتقوم له قايمه من بعدها


ياوله

[بدور]

موضوع قد يسبب حساسيات وقد يتم توجيهه بشكل غير سليم للمساس بالاعضاء الموجودين هنا .


وقد يسبب فتنة سواء بقصد او بغير قصد.


يونيك الموضوع لايوجد به شي من الحساسيات ولا يثير اي فتنه ولا يمت بأي صله في هالمنتدى

وليش يمس اعضاء هنا ؟؟؟ تقصد هالسالفه بعد صارت عندنا

أجل بيكون ردي عليك اللي على راسه بطحه يتحسسها

على فكره انا وضحت كل النقاط في مشاركتي والرجاء اعادة قراءة المشاركه منك شخصياً

واذا عندك رأي يا مرحبا بك واذا عندك انتقاد غير موفق احتفظ به

[بدور]

حياج الله اخت بدووور بالعكس هذي انهزاميه دام انها مجهوله ومحد يعرفها تعطيه سين تربيع لان هالشي اعتبره مرض نفسي وفراغ داخلي من اي شخص يحاول انه يالف قصص حب ومدري شنو من خلال الانترنت او يشوه سمعة اي انسان سواء رجل ولا امراه
اتمنى خويتج المسماااه حصه ترجع وكما قيل بالمثل وش على السحاااااب من نبح الكلاب ((اكرمكم الله))

تحياتي لمرورك وجهة نظر موفقه


بصراحة جزاها الله الف خير على المراقبة الصارمة لبعض الحثالة اللي ماعنده اي احترام

ولكن اقول لها هذا الحيوان ماعنده ذرة رجولة وصدقيني اللي يسوي هذا الشي اكيد الله بيبلي اهله بنفس الشي

(( كما تدين تدان ))

تسلم على كلامك الطيب


بدور الموضوع يبغيله قعده لأنه في حجي وايد وايد بخاطري لاكن الحين بروح :yawn: شوي باقيل ولي رجعه قود نخت :rolleyes2:

ننتظر ردك يا جلمود

[بدور]

نص مرتادي الانترنت مرضى نفسيين

واللي صار مع صديقتج .. يعتبر ولا شي.. مقارنه مع قصص اخرى
الحل شنو..

خل ترّيح راسها.. وتنتبه حق زوجها وعيالها اذا الله رازقهم

وتخلي الاشراف للناس المتفرغه او عندهم وقت زياده عن اللزوم

الانترنت ساعد عباقره على الظهور

الانترنت له وجهيتين استخدامه في الخير والشر

المشكله في الاشخاص اللي يستخدمونه وين وجهتهم

تحياتي لك اخوي

[بدور]

والله شي يخرع معقوله في المنتدى تصير هالاشياء

اختي ومادام الشخص هذا مشاكس المفروض محد يصدقه

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ


من دون ماتدعي عليه الله راح يدمره تدميره ويلعنه ولاتقوم له قايمه من بعدها


ياوله

في اغلب المنتديات تصير مشاكل لاتعد ولاتحصى ..... ثااااانكسسسس على المرور اخوي

[امـ حمد]

والله حرام

وكما تدين تدان


خلي صديقتج تقعد في بيتها وتباري زوجها وعيالها احسن لها من هل الخرابيط

[يونيك]

هل يوجد بيننا اعضاء يتصفون بهذه الصفه ولماذا ؟؟؟؟



اختي بدور ....

تعليقي المدون في الاعلى كان ردا على هذا السؤال ....



وكان من المفترض عدم طرح هكذا سؤال ... خصوصا وان الصفات التي طرحتيها تمس الشرف والسمعة .... وعليك فقط ان تطرحي المشكلة دون توجيه سؤال لإعضاء منتدانا ... حتى لا يستغلها ضعاف النفوس في توجيه الاتهامات دون وعي , وكلنا نعلم بأنه لا يوجد منتدى لا يخلو من الخلافات الشخصية .

[بدور]

والله حرام

وكما تدين تدان


خلي صديقتج تقعد في بيتها وتباري زوجها وعيالها احسن لها من هل الخرابيط


البنت ما خربطت ولا سوت شيء غلط

هي حالها حالج انتي عضوه في هالمنتدى وهي عضوه ومشرفه في منتدى ثاني

وشلون تخربط البنت انظلمت من كلام فاضي ملفق ويمكن اي بنت تتعرض لمثل هالموقف

ويمكن انتي او انا نتعرض للسوالف هذي

وابشرج هي في بيتها ومملكتها ومهتمه بعيالها وزوجها

مثلج انتي تشاركين بالمنتدى واعتقد عندج بيت وعيال ومهتمه فيهم

حنا نبي ردود ليش يفكر الشخص اللي يحب ينتقم من عضوه يروج عليها كلام فاضي

[بدور]

اختي بدور ....

تعليقي المدون في الاعلى كان ردا على هذا السؤال ....

وكان من المفترض عدم طرح هكذا سؤال ... خصوصا وان الصفات التي طرحتيها تمس الشرف والسمعة .... وعليك فقط ان تطرحي المشكلة دون توجيه سؤال لإعضاء منتدانا ... حتى لا يستغلها ضعاف النفوس في توجيه الاتهامات دون وعي , وكلنا نعلم بأنه لا يوجد منتدى لا يخلو من الخلافات الشخصية .


هلا يونيك اوكي الحين او ضحت الصوره ووضحت ردك

الموضوع انطرح في هالمنتدى وابي اشوف ردودهم لاني ما لجأت لمنتدى آخر بطرح الموضوع

السمعه والشرف وراء جهاز يجب ان يتم نقاش الفكره لزيادة المعلومات والمواقف

السالبه والايجابيه في كل المواضيع

حاله حال أي موضوع يطرح للنقاش ويجب ان نواجه المشاكل ونتتبع الحلول والنصائح

للاستفاده .... واعتقد النقاش مو خطأ واتمنى وضحت لك وجهة نظري

[ضوى]

اختي بدور

الغيرة والحسد والحقد ممكن تسوي اشياء اكثر من اللي تعرضت له حصه ، بس مثل ما يقولون واثق الخطوة يمشي ملكاً ،، لو منها اكسر عينه واشارك واتم مشرفة واللي بيصدقه هو حر ما يهمني راي اي احد فيني دامني ماشية عالصراط المستقيم والنار ما تورث الا الرماد

[يونيك]

هلا يونيك اوكي الحين او ضحت الصوره ووضحت ردك

الموضوع انطرح في هالمنتدى وابي اشوف ردودهم لاني ما لجأت لمنتدى آخر بطرح الموضوع

السمعه والشرف وراء جهاز يجب ان يتم نقاش الفكره لزيادة المعلومات والمواقف

السالبه والايجابيه في كل المواضيع

حاله حال أي موضوع يطرح للنقاش ويجب ان نواجه المشاكل ونتتبع الحلول والنصائح

للاستفاده .... واعتقد النقاش مو خطأ واتمنى وضحت لك وجهة نظري


وهذا المقصد اختي الكريمة.... عندما يطرح موضوع يمس الشرف والسمعة من الذكاء عدم توجيه سؤال الى الاعضاء ...(هل هناك احد بهذه الصفات؟) ...

وهذه النقطة التي اردت ان اوضحها ... حتى يلتزم الاخوة بالمسار السليم وهي نصيحة لوجه الله ولا اكثر من ذاك.


وارجوا من الله ان يبين الحق المبين ويرد كيد الخبثاء الى نحورهم .

وشكرا للطرح ولتقبلكم نصيحتي المتواضعه.

[جمال العبدلي]

اللي واثق من نفسه ماعليه من غيره فالكلام في الاول والاخير في اطر المنتدى يعني ماله اي تاثير خصوصا ان هي وهو باسماء مستعاره يعني محد راح يعرفها فماشوف في مشكله واذا على كلام الناس بيتكلمون عالفاضي والمليان .. فخليها اتوسع صدرها ولاا تاحط بال لهالامور دام هالشي مامسها على ارض الواقع فكل السالفه كلام في كلام :)

[العـوا]

قصة عجيبه جدااا

وبصراحة عمل بلمثل القائل ( الباب الي يجيلك من ريح .....)

[خالد العمادي]

السلام عليكم ورحمة الله وبركاته

أختي الفاضله ...

أن ماتطرقتي له هي وجهة نظر أو كلام من طرف واحد فمن الذي يستطيع أن يحكم بأن ماقيل عن هذه المشرفه غير صحيح ...
نحن لانريد أن نرمي التهم جزافا .... لانظلم المشرفه ولا نظلم العضو الذي تكلم ... وهو غلطان في كل الأحوال سواء كان صادق أم كاذب ....
ولكن لنرجع للواقع .... فما الذي يجعلنا نصدق بأن هذه المشرفه صادقه ؟؟؟

نحن نعيش في عالم غير واقعي من خلال شبكة النت ....
نكتب بما يجول في خاطرنا دون رقيب أو خوف لأننا مجهولي الهويه ....
ولكن عندما يخاف أنسان أن يفضح أمره وهو على النت فمعنى هذا أن الشخص هذا او العضوه او المشرفه معروفين لدى أشخاص معينيين كانت تربطهم صله او علاقه خارج المنتدى ...!!!!
ولكن من يمشي بما يرضي الله فلن يخاف من شي ...

فأعذريني أختي الفاضله ليس كل مايقال صحيح .
لكي نحكم على موضوع يجب أن نسمع جميع الأطراف .

وتحضرني هنا قصة صديق ملتزم نوعا ما ويشارك في أحد المنتديات وكان ذو سمعه طيبه ومع الأيام بدأت المشرفه بالتودد له ومحاولة تكوين علاقه معه وعندما رفض العلاقه فما كان منها الا أنها تهاجمه وتضايقه وتبعث رسائل للأعضاء المقربين منها ليهاجموه في كل مناسبه وكذلك بعث رسائل لأعضاء وعضوات تحذرهم من هذا العضو وتتكلم عنه بشي يمس سمعتة بالباطل وقد وصل الكلام للعضو فما كان منه الا أن وكل أمره الى الله لينتقم منها
علما بأنها تدعي الرزانه والخلق وهي لاتعرف عنهم شي .
القصد من القصه أن الأنسان الواثق من نفسه وأخلاقه لايهمه مايقال عنه لأن هناك رب في السماء قادر على أن يقلب السحر على الساحر

ولن يضيع حق مظلوم عند الله وهو القادر على كل شي

[ســـهم]

أختي بدور

بما ان الجميع يكتب ويشارك تحت أسم مستعار فلا أعتقد أن مثل هذه الأمور مؤثره في الحياه الشخصيه

للعضو او العضــوه

ربما يكون هناك نوع من الصدمه والأنحراج أمام اعضــاء داخليا

ولكن أن رجعنا للواقع فالامر ليس بتلك الأهميه ..

[ROSE]

هلا وغلا بدور طرح قوي

المشكله اللي يتكلم في اعراض الناس ينسى ان الدنيا دواره

وعنده اهل الله بيجازيه

واللي يجيب في طاري بنات الناس انسان ضعيف والمشكله في اللي يسمعون

له للاسف ويصدقونه حتى وان جاب لهم البراهين والحجج هم نسوا ان اللي

يتكلم في الناس ممكن يتكلم عليهم هم بعد والله يهدي الجميع ان شاء الله

[بدور]

اختي بدور

الغيرة والحسد والحقد ممكن تسوي اشياء اكثر من اللي تعرضت له حصه ، بس مثل ما يقولون واثق الخطوة يمشي ملكاً ،، لو منها اكسر عينه واشارك واتم مشرفة واللي بيصدقه هو حر ما يهمني راي اي احد فيني دامني ماشية عالصراط المستقيم والنار ما تورث الا الرماد

تسلمين ضوى انتي فهمتي الموقف ورايج حلووو وواضح

[بدور]

اللي واثق من نفسه ماعليه من غيره فالكلام في الاول والاخير في اطر المنتدى يعني ماله اي تاثير خصوصا ان هي وهو باسماء مستعاره يعني محد راح يعرفها فماشوف في مشكله واذا على كلام الناس بيتكلمون عالفاضي والمليان .. فخليها اتوسع صدرها ولاا تاحط بال لهالامور دام هالشي مامسها على ارض الواقع فكل السالفه كلام في كلام :)

هي ماعليها من الكلام والسالفه من وراء جهاز ومن شخص مجهول هذا كله معروف

بس النقطه ليش ؟؟؟ الى متى بعض الناس يكون مستواهم الفكري دنيء للدرجه هذي

لماذا لانرتقي بالاسلوب والفكر الصحيح ونترك التفاهات والكلام الفاضي

والمشكله الكلام هو اللي يتعب وما يحس فيه الا الشخص المظلوم اما نحن لايهمنا

وحتى هذا الشخص مو معروف بس يترك جرح مفتوح بنفسه لماذا حصل لي هذا الموقف؟؟

[بدور]

وهذا المقصد اختي الكريمة.... عندما يطرح موضوع يمس الشرف والسمعة من الذكاء عدم توجيه سؤال الى الاعضاء ...(هل هناك احد بهذه الصفات؟) ...

وهذه النقطة التي اردت ان اوضحها ... حتى يلتزم الاخوة بالمسار السليم وهي نصيحة لوجه الله ولا اكثر من ذاك.


وارجوا من الله ان يبين الحق المبين ويرد كيد الخبثاء الى نحورهم .

وشكرا للطرح ولتقبلكم نصيحتي المتواضعه.


ثاااااااانكسسسسسسس يونيك شرفتني

[بدور]

قصة عجيبه جدااا

وبصراحة عمل بلمثل القائل ( الباب الي يجيلك من ريح .....)


ويا ما بتشوف من العجب عادك ماشفت شي يا العوا

اصحاب القلوب المريضه كثيره عافانا الله

هلا بك اخوي

[بدور]

السلام عليكم ورحمة الله وبركاته

أختي الفاضله ...

أن ماتطرقتي له هي وجهة نظر أو كلام من طرف واحد فمن الذي يستطيع أن يحكم بأن ماقيل عن هذه المشرفه غير صحيح ...
نحن لانريد أن نرمي التهم جزافا .... لانظلم المشرفه ولا نظلم العضو الذي تكلم ... وهو غلطان في كل الأحوال سواء كان صادق أم كاذب ....
ولكن لنرجع للواقع .... فما الذي يجعلنا نصدق بأن هذه المشرفه صادقه ؟؟؟

نحن نعيش في عالم غير واقعي من خلال شبكة النت ....
نكتب بما يجول في خاطرنا دون رقيب أو خوف لأننا مجهولي الهويه ....
ولكن عندما يخاف أنسان أن يفضح أمره وهو على النت فمعنى هذا أن الشخص هذا او العضوه او المشرفه معروفين لدى أشخاص معينيين كانت تربطهم صله او علاقه خارج المنتدى ...!!!!
ولكن من يمشي بما يرضي الله فلن يخاف من شي ...

فأعذريني أختي الفاضله ليس كل مايقال صحيح .
لكي نحكم على موضوع يجب أن نسمع جميع الأطراف .

وتحضرني هنا قصة صديق ملتزم نوعا ما ويشارك في أحد المنتديات وكان ذو سمعه طيبه ومع الأيام بدأت المشرفه بالتودد له ومحاولة تكوين علاقه معه وعندما رفض العلاقه فما كان منها الا أنها تهاجمه وتضايقه وتبعث رسائل للأعضاء المقربين منها ليهاجموه في كل مناسبه وكذلك بعث رسائل لأعضاء وعضوات تحذرهم من هذا العضو وتتكلم عنه بشي يمس سمعتة بالباطل وقد وصل الكلام للعضو فما كان منه الا أن وكل أمره الى الله لينتقم منها
علما بأنها تدعي الرزانه والخلق وهي لاتعرف عنهم شي .
القصد من القصه أن الأنسان الواثق من نفسه وأخلاقه لايهمه مايقال عنه لأن هناك رب في السماء قادر على أن يقلب السحر على الساحر

ولن يضيع حق مظلوم عند الله وهو القادر على كل شي

اولاً : السالفه ما تستحق نجيب الطرف الثاني لان الموضوع مش على ارض الواقع

وانت مافهمت وش القصد من الطرح

طيب انت ذكرت عن صديقك الملتزم والمشرفه توددت له وهو رفضها وتدعي البنت المثاليه

على قولتك وصديقك ملتزم وهي انتقمت منه بطريقة مثل ماصاد صديقتي

اوكي ليش اللي حصل لصديقك مو مثل اللي حصل لصديقتي وكان يتودد لها هالعضو وبعد

ماصدته شهر بها بالكلام الدنيء

وليش سالفة صديقك صحيحه وسالفة صديقتي ملفقه

وش الفرق حتى احنا نبي نعرف السالفه من الطرف الثاني لصديقك يمكن انه ملفق السالفه على المشرفه

[بدور]

أختي بدور

بما ان الجميع يكتب ويشارك تحت أسم مستعار فلا أعتقد أن مثل هذه الأمور مؤثره في الحياه الشخصيه

للعضو او العضــوه

ربما يكون هناك نوع من الصدمه والأنحراج أمام اعضــاء داخليا

ولكن أن رجعنا للواقع فالامر ليس بتلك الأهميه ..


اللي يعجبني فيك اختصارك بالرد المفيد

وتفهم الطرح كامل عيني عليك بارده يا سهم السهوم:nice:

[ROSE]

السلام عليكم ورحمة الله وبركاته

أختي الفاضله ...

أن ماتطرقتي له هي وجهة نظر أو كلام من طرف واحد فمن الذي يستطيع أن يحكم بأن ماقيل عن هذه المشرفه غير صحيح ...
نحن لانريد أن نرمي التهم جزافا .... لانظلم المشرفه ولا نظلم العضو الذي تكلم ... وهو غلطان في كل الأحوال سواء كان صادق أم كاذب ....
ولكن لنرجع للواقع .... فما الذي يجعلنا نصدق بأن هذه المشرفه صادقه ؟؟؟

نحن نعيش في عالم غير واقعي من خلال شبكة النت ....
نكتب بما يجول في خاطرنا دون رقيب أو خوف لأننا مجهولي الهويه ....
ولكن عندما يخاف أنسان أن يفضح أمره وهو على النت فمعنى هذا أن الشخص هذا او العضوه او المشرفه معروفين لدى أشخاص معينيين كانت تربطهم صله او علاقه خارج المنتدى ...!!!!
ولكن من يمشي بما يرضي الله فلن يخاف من شي ...

فأعذريني أختي الفاضله ليس كل مايقال صحيح .
لكي نحكم على موضوع يجب أن نسمع جميع الأطراف .

وتحضرني هنا قصة صديق ملتزم نوعا ما ويشارك في أحد المنتديات وكان ذو سمعه طيبه ومع الأيام بدأت المشرفه بالتودد له ومحاولة تكوين علاقه معه وعندما رفض العلاقه فما كان منها الا أنها تهاجمه وتضايقه وتبعث رسائل للأعضاء المقربين منها ليهاجموه في كل مناسبه وكذلك بعث رسائل لأعضاء وعضوات تحذرهم من هذا العضو وتتكلم عنه بشي يمس سمعتة بالباطل وقد وصل الكلام للعضو فما كان منه الا أن وكل أمره الى الله لينتقم منها
علما بأنها تدعي الرزانه والخلق وهي لاتعرف عنهم شي .
القصد من القصه أن الأنسان الواثق من نفسه وأخلاقه لايهمه مايقال عنه لأن هناك رب في السماء قادر على أن يقلب السحر على الساحر

ولن يضيع حق مظلوم عند الله وهو القادر على كل شي



اول شي اخوي اسمح لي ادخل في الموضوع

من اسلوب هالمشرفة انها انسانه تخاف الله

والدليل انها خايفة على بيتها وعيالها واكيد تخاف على سمعتهم

ثاني شي مستحيل وحده تتودد حق واحد ومااصدق هالكلام

تحصله هو اللي حاول معاها يوم رفضت قام يضايقها بردوده

لي ماقامت تكيل له وترد عليه فاوهم الناس انها هي تتودد له

وهو رفضها لاني مااصدق ان فيه وحده ممكن تتوود حق واحد

او تبادر بهالشي


ثاني شي بخصوص لو فعلا وصار ان انسانه فضفضت حق شخص

وادري ان هالشي ممكن غلط وهي غلطت بس مش المفروض انه يفضحها

وبيكون انسان ناقص اللي يتبع هالاسلوب ومش اهل حتى حق بيته وناسه

[بدور]

هلا وغلا بدور طرح قوي

المشكله اللي يتكلم في اعراض الناس ينسى ان الدنيا دواره

وعنده اهل الله بيجازيه

واللي يجيب في طاري بنات الناس انسان ضعيف والمشكله في اللي يسمعون

له للاسف ويصدقونه حتى وان جاب لهم البراهين والحجج هم نسوا ان اللي

يتكلم في الناس ممكن يتكلم عليهم هم بعد والله يهدي الجميع ان شاء الله


اتمنى ان يأخذ هالطرح مساره الصحيح ونطلع بنتيجه مرضيه

لان في هالمنتدى اعضاء متميزين لهم وزنهم الثقيل في الفهم والرد وذو ثقافه عاليه

تحياتي لك الغاليه:nice:

[المهاجر]

اختي بدور

كل الشكر لج على طرح الموضوع

انا من وجهة نظري ان اي انسان يتعامل خلف هذه الشاشه عليه اولا واخيرا ان يكون حريصا هو على نفسه وان لا يعطي مجالا للاخرين بان يتكلموا عليه سواء كان الكلام صحيحا او غير ذلك

اقول لصديقتك طالما انكي تعرفي نفسك واخلاقك جيدا فلا تهتمي لما يقال ولا تعيريه اهمية ابدا
واقول لمن تكلم في حقها لايجوز لك ان تتكلم حتى وان كان ما قلته صحيحا وحتى وان كنت تريد توضيح عيب في هذه الفتاه فايضا كان من المفترض ان لاتتكلم عنها لان الله امر بالستر وعدم فضح الناس واطلب منه ان يستغفر الله على ذلك

صديقتك ان كانت على حق فلتوكل امرها الى الله ولماذا تنسحب عن المنتدى طالما انها تراعي ربها وزوجها وبيتها ولا تقصر فيهم اما اذا كانت مقصره في هذه الامور فلتدع المنتدى من اجلهم وليس من اجل شخص تكلم في حقها وهي تعلم ان كلامه باطل وغير صحيح

وفي النهاية طالما هي مجهولة الهوية فاعتقد ان هذا الامر ليس له تأثير عليها ابدا

[ورقــة أمــل]

حركات يهالللوووه

واذا كتب قصه عنها يعني شصارر

عادي يعني هي بالنت ومحد يعرفها تقدر تكنسل المنتدى وتشوف غيره او تغير نكهاا

احط راسي مع راس واحد خايس واكدر نفسي ليش ان شاء الله

خلي يولي في الطقاق

[هسلان]

أختي بدور مساء الخير
أحب اقول للأخت صاحبة المشكلة ليس بالهرب تحل الامور
كان من المفترض أن تبحثي عن طريقة ما تفضحي بها هذا المريض بدلاً من الهروب
نحن نعلم أن هناك اشخاص تسيىء للأخرين بدافع الحقد والغيرة فلا نعطيهم هذه الفرصة بالهرب
وجود الشخص خلف الأسم المستعار قد يغريه للتهاون في اعراض الناس بحجة أنه مجهول
ونسيى أن الله لا تخفى عليه خافية
حاولي أن تواجهي المشكلة واستعيني بالله وثم ثقتك بنفسك
تحياتي أختي الفاضلة والله يظهر الحق وهو قادر عليه

[ابوالجازي]

بس مدام هو مايعرفها اعتقد مافي اي مشكله وشكل ماقالو الاعضاء ماعليها منه

[التيما]

اختي بدور اسمحي لي مافي دخان من غير نار .. أنا لا اتهم صديقتج بشي ولكن لابد أن يكون هناك ماهو خافي .. وبعدين اسمحي لي الإدعاء أن أغلب الكلام إشاعات غير صحيح وصدقيني له أدلته وبراهينه .. والمشكلة لمن يظن هؤلاء الأعضاء والعضوات أن محد يدري عنهم أو محد منتبه واثقين كل الثقة ببعض وهم ثعابين وأفاعي تلدغ من تحت لتحت .. أختي بدور كنت حابة لو حطيتي هالموضوع في المنتدى الثاني لانه ماراح يفيدنا بشي دام هني مايطلع حجي على قولتج وناس واعية .. بس اسمحي لي دام حطيتي الموضوع هني الا ما سمعتي كلام في منتدانا .. تبين تقولين ما سمعتي ؟ براحتج وبراحة أي عضو يدعي هالكلام ... والمصيبة ان الي يطلع الحجي غافل عن اشياء كثيرة بدور تدرين ان في أعضاء هني يكتبون إميلات عن أعضاء آخرين ومشرفين يمسهم بسمعتهم وهم مافي بلا ومرض نفسي الا فيهم .. لا ويوزعون الاميلات عبالهم محد بيدري عنهم .. ولو دروا عنها صارت علوم .. لاني ماحب النفاق الله يستر عليهم " رساله إلى ناس " ..
أنا ماحب المواضيع الي فيها تلميح ومافيها صراحة السموحه كلامي قد يزعل البعض بس تذكروا الي على راسه بطحه يحسس عليها .. والي يولع النار الا ماتحرقه ..

[فطومه999]

الله لا يجزاه خييييير
...........

[بدور]

اختي بدور

كل الشكر لج على طرح الموضوع

انا من وجهة نظري ان اي انسان يتعامل خلف هذه الشاشه عليه اولا واخيرا ان يكون حريصا هو على نفسه وان لا يعطي مجالا للاخرين بان يتكلموا عليه سواء كان الكلام صحيحا او غير ذلك

اقول لصديقتك طالما انكي تعرفي نفسك واخلاقك جيدا فلا تهتمي لما يقال ولا تعيريه اهمية ابدا
واقول لمن تكلم في حقها لايجوز لك ان تتكلم حتى وان كان ما قلته صحيحا وحتى وان كنت تريد توضيح عيب في هذه الفتاه فايضا كان من المفترض ان لاتتكلم عنها لان الله امر بالستر وعدم فضح الناس واطلب منه ان يستغفر الله على ذلك

صديقتك ان كانت على حق فلتوكل امرها الى الله ولماذا تنسحب عن المنتدى طالما انها تراعي ربها وزوجها وبيتها ولا تقصر فيهم اما اذا كانت مقصره في هذه الامور فلتدع المنتدى من اجلهم وليس من اجل شخص تكلم في حقها وهي تعلم ان كلامه باطل وغير صحيح

وفي النهاية طالما هي مجهولة الهوية فاعتقد ان هذا الامر ليس له تأثير عليها ابدا





البنت انسحبت وانتهت واقطعت المنتدى من فتره

تسلم على ردك

[بدور]

حركات يهالللوووه

واذا كتب قصه عنها يعني شصارر

عادي يعني هي بالنت ومحد يعرفها تقدر تكنسل المنتدى وتشوف غيره او تغير نكهاا

احط راسي مع راس واحد خايس واكدر نفسي ليش ان شاء الله

خلي يولي في الطقاق

واحد خسيس خل يولي .... وايد مثله

تسلمين الغاليه

[بدور]

أختي بدور مساء الخير
أحب اقول للأخت صاحبة المشكلة ليس بالهرب تحل الامور
كان من المفترض أن تبحثي عن طريقة ما تفضحي بها هذا المريض بدلاً من الهروب
نحن نعلم أن هناك اشخاص تسيىء للأخرين بدافع الحقد والغيرة فلا نعطيهم هذه الفرصة بالهرب
وجود الشخص خلف الأسم المستعار قد يغريه للتهاون في اعراض الناس بحجة أنه مجهول
ونسيى أن الله لا تخفى عليه خافية
حاولي أن تواجهي المشكلة واستعيني بالله وثم ثقتك بنفسك
تحياتي أختي الفاضلة والله يظهر الحق وهو قادر عليه

ردك اعجبني واعجبها بنفس الوقت تسلم اخوي

[بدور]

بس مدام هو مايعرفها اعتقد مافي اي مشكله وشكل ماقالو الاعضاء ماعليها منه


ثااااانكس ابو الجازي

[بدور]

اختي بدور اسمحي لي مافي دخان من غير نار .. أنا لا اتهم صديقتج بشي ولكن لابد أن يكون هناك ماهو خافي .. وبعدين اسمحي لي الإدعاء أن أغلب الكلام إشاعات غير صحيح وصدقيني له أدلته وبراهينه .. والمشكلة لمن يظن هؤلاء الأعضاء والعضوات أن محد يدري عنهم أو محد منتبه واثقين كل الثقة ببعض وهم ثعابين وأفاعي تلدغ من تحت لتحت .. أختي بدور كنت حابة لو حطيتي هالموضوع في المنتدى الثاني لانه ماراح يفيدنا بشي دام هني مايطلع حجي على قولتج وناس واعية .. بس اسمحي لي دام حطيتي الموضوع هني الا ما سمعتي كلام في منتدانا .. تبين تقولين ما سمعتي ؟ براحتج وبراحة أي عضو يدعي هالكلام ... والمصيبة ان الي يطلع الحجي غافل عن اشياء كثيرة بدور تدرين ان في أعضاء هني يكتبون إميلات عن أعضاء آخرين ومشرفين يمسهم بسمعتهم وهم مافي بلا ومرض نفسي الا فيهم .. لا ويوزعون الاميلات عبالهم محد بيدري عنهم .. ولو دروا عنها صارت علوم .. لاني ماحب النفاق الله يستر عليهم " رساله إلى ناس " ..
أنا ماحب المواضيع الي فيها تلميح ومافيها صراحة السموحه كلامي قد يزعل البعض بس تذكروا الي على راسه بطحه يحسس عليها .. والي يولع النار الا ماتحرقه ..


هنا انتي ولعتيها يا التيما

هي شراره وانتي سويتيها حريقه

بس اللي ذكرتيه اول مره يمر علي لاني بعيده عن هالسوالف او بسبب انقطاعي المؤقت

عن المنتدى >>>>> التيما ههههههههههه :nice:

[بدور]

الله لا يجزاه خييييير
...........

اللهم آآآمين تسلمين فطومه

[رفيعة الشآن]

يعطيج العافيه اختي على ماطرحتيه

بصراحه شدني العنوان وقلت لازم ادخل واشوف السالفه وبالذات ان اللي حاطه الموضوع وحده من الاخوات وتوقعته موضوع خطير :omg:،، بس بعد ماقريت القصه واللي صارت مكرره في اغلب المنتديات والكل قام يشكي من هالنوع من المشاكل والكلام فيها مايخلص... بس بعد حبيت اني ابدي رايي بما اني دخلت الموضوع واتمنى اني ماازعل حد وتتقبله كاتبة الموضوع بصدر رحب لاني لاحظت نقطه ياأخت بدور ان الشخص اللي يأيدج ويشكرج ترحبين به وتشكرينه لكن الشخص اللي يعارض ماتتقبلين رايه وفي النهايه انتي طرحتي موضوع للمناقشه فلابد تختلف فيه الاراء من مؤيد ومعارض والكاتب يتقبل كل الاراء بصدر رحب ويحاجج باللتي هي احسن وهاي شي في خاطري وكتبته

نرجع للموضوع نفسه المطروح للمناقشه

اول شي ليش البنت تطلع دامها واثقه من نفسها وماغلطت ؟؟ وبعدين هي ليش خايفه دامها مايجمعهم الا منتدى وانترنت يعني محد يعرف هوية الثاني ،، لأن الاغلبيه يدخلون بأسماء مستعاره ومستحيل حد يعرف هوية الثاني ...

ومثل ماتفضلوا بعض الاعضاء من قبلي وقالوا اذا البنت على حق توكل امرها لله وتمارس حياتها الطبيعيه وتحاول انها ماتتعرض للناس اللي تظن انهم اساءو لها وتبعد عنهم لأنها في نهاية الامر حرمه ومتزوجه وام اعيال ،، ولاتحط راسها براس رجال وتهدم بيتها بيدها ،،،

واذا على الكلام الكلام ماراح يخلص ولابد يجي اليوم اللي تتضح في صورة الحق وينتصر المظلوم وينكشف كل شخص على حقيقته ..

الله يوفق الجميع لما يحبه ويرضاه


واسمحي لي عالإطاله..

[التيما]

هنا انتي ولعتيها يا التيما

هي شراره وانتي سويتيها حريقه

بس اللي ذكرتيه اول مره يمر علي لاني بعيده عن هالسوالف او بسبب انقطاعي المؤقت

عن المنتدى >>>>> التيما ههههههههههه :nice:

شوفي بدور حبيبتي الشرارة انتي ولعتيها مب أنا وانتي بكلمة شراره تأكيد على كلامي بس أنا ماحب التلميحات بدور ليش ماتتكلمين بصراحة اوكي صار الموضوع في منتدى ثاني ما قلنا شي بس موضوعج هني يقصد ناس معينه كلناااااااااااااااا مثلج نعرفهم .. ومثل ما قلت مافي دخان من غير نار .. أنا عن نفسي طلع علي مره وحده كلام من عضو الله يهديه ويسامحه وقفت معاي المشرفة روز وتصرفت من غير علمي معاه جزاها الله خير ولا قالت لي ووصل لي الحجي من اخوي لانه اداري في المنتدى .. ولا هزتني السالفة أنا وأخوي ولا تأثرت لاني واثقة من نفسي وثوقي بشروق الشمس بعد الليل وغلطتي الي اعترف فيها اني حاولت اساعده ليس الا .. لكن حطي ببالج كل الحجي يوصل ومن قاله ؟؟ وعلى من ؟؟ وربي يشهد اني مارضى على أي حد في المنتدى خاصه البنات لكن اسمحي لي بعضهم ريحتهم ظهرت وياريت يبدون يحطون معطر للجو .. تحياتي :nice:

[ضوى]

شوفي بدور حبيبتي الشرارة انتي ولعتيها مب أنا وانتي بكلمة شراره تأكيد على كلامي بس أنا ماحب التلميحات بدور ليش ملتتكلمين بصراحة اوكي صار الموضوع في منتدى ثاني ما قلنا شي بس موضوعج هني يقصد ناس معينه كلناااااااااااااااا مثلج نعرفهم .. ومثل ما قلت مافي دخان من غير نار .. أنا عن نفسي طلع علي مره وحده كلام من عضو الله يهديه ويسامحه وقفت معاي المشرفة روز وتصرفت من غير علمي معاه جزاها الله خير ولا قالت لي ووصل لي الحجي من اخوي لانه اداري في المنتدى .. ولا هزتني السالفة أنا وأحوي ولا تأثرت لاني واثقة من نفسي وثوقي بشروق الشمس بعد الليل وغلطتي الي اعترف فيها اني حاولت اساعده ليس الا .. لكن حطي ببالج كل الحجي يوصل ومن قاله ؟؟ وعلى من ؟؟ وربي يشهد اني مارضى على أي حد في المنتدى خاصه البنات لكن اسمحي لي بعضهم ريحتهم ظهرت وياريت يبدون يحطون معطر للجو .. تحياتي :nice:

:rolleyes2::rolleyes2::rolleyes2::rolleyes2:


عشان جذي ابيجج تكونين جارتي الباب بالباب تعجبني :shy:

[التيما]

يعطيج العافيه اختي على ماطرحتيه

بصراحه شدني العنوان وقلت لازم ادخل واشوف السالفه وبالذات ان اللي حاطه الموضوع وحده من الاخوات وتوقعته موضوع خطير :omg:،، بس بعد ماقريت القصه واللي صارت مكرره في اغلب المنتديات والكل قام يشكي من هالنوع من المشاكل والكلام فيها مايخلص... بس بعد حبيت اني ابدي رايي بما اني دخلت الموضوع واتمنى اني ماازعل حد وتتقبله كاتبة الموضوع بصدر رحب لاني لاحظت نقطه ياأخت بدور ان الشخص اللي يأيدج ويشكرج ترحبين به وتشكرينه لكن الشخص اللي يعارض ماتتقبلين رايه وفي النهايه انتي طرحتي موضوع للمناقشه فلابد تختلف فيه الاراء من مؤيد ومعارض والكاتب يتقبل كل الاراء بصدر رحب ويحاجج باللتي هي احسن وهاي شي في خاطري وكتبته

نرجع للموضوع نفسه المطروح للمناقشه

اول شي ليش البنت تطلع دامها واثقه من نفسها وماغلطت ؟؟ وبعدين هي ليش خايفه دامها مايجمعهم الا منتدى وانترنت يعني محد يعرف هوية الثاني ،، لأن الاغلبيه يدخلون بأسماء مستعاره ومستحيل حد يعرف هوية الثاني ...
ومثل ماتفضلوا بعض الاعضاء من قبلي وقالوا اذا البنت على حق توكل امرها لله وتمارس حياتها الطبيعيه وتحاول انها ماتتعرض للناس اللي تظن انهم اساءو لها وتبعد عنهم لأنها في نهاية الامر حرمه ومتزوجه وام اعيال ،، ولاتحط راسها براس رجال وتهدم بيتها بيدها ،،،

واذا على الكلام الكلام ماراح يخلص ولابد يجي اليوم اللي تتضح في صورة الحق وينتصر المظلوم وينكشف كل شخص على حقيقته ..

الله يوفق الجميع لما يحبه ويرضاه


واسمحي لي عالإطاله..

اختي من قال مانعرف بعض ؟؟ أنا في أعضاء وعضوات اعرف بيوتهم وعيال من بعد .. يعني تنعرف تنعرف ...

[التيما]

:rolleyes2::rolleyes2::rolleyes2::rolleyes2:


عشان جذي ابيجج تكونين جارتي الباب بالباب تعجبني :shy:

:shy: ههههههههههههههههه اثراج مصلحجية " على راسي "

مشكلتي غلاي ضوى ماحب اللف والدوران .. وأكره الظلم تماما .. وصريحة جدا علي وعلى غيري ..

[ضوى]

:shy: ههههههههههههههههه اثراج مصلحجية " على راسي "

مشكلتي غلاي ضوى ماحب اللف والدوران .. وأكره الظلم تماما .. وصريحة جدا علي وعلى غيري ..

:nice::nice:

يا ليت اصير ربعج بس :(

[بدور]

يعطيج العافيه اختي على ماطرحتيه

بصراحه شدني العنوان وقلت لازم ادخل واشوف السالفه وبالذات ان اللي حاطه الموضوع وحده من الاخوات وتوقعته موضوع خطير :omg:،، بس بعد ماقريت القصه واللي صارت مكرره في اغلب المنتديات والكل قام يشكي من هالنوع من المشاكل والكلام فيها مايخلص... بس بعد حبيت اني ابدي رايي بما اني دخلت الموضوع واتمنى اني ماازعل حد وتتقبله كاتبة الموضوع بصدر رحب لاني لاحظت نقطه ياأخت بدور ان الشخص اللي يأيدج ويشكرج ترحبين به وتشكرينه لكن الشخص اللي يعارض ماتتقبلين رايه وفي النهايه انتي طرحتي موضوع للمناقشه فلابد تختلف فيه الاراء من مؤيد ومعارض والكاتب يتقبل كل الاراء بصدر رحب ويحاجج باللتي هي احسن وهاي شي في خاطري وكتبته

نرجع للموضوع نفسه المطروح للمناقشه

اول شي ليش البنت تطلع دامها واثقه من نفسها وماغلطت ؟؟ وبعدين هي ليش خايفه دامها مايجمعهم الا منتدى وانترنت يعني محد يعرف هوية الثاني ،، لأن الاغلبيه يدخلون بأسماء مستعاره ومستحيل حد يعرف هوية الثاني ...

ومثل ماتفضلوا بعض الاعضاء من قبلي وقالوا اذا البنت على حق توكل امرها لله وتمارس حياتها الطبيعيه وتحاول انها ماتتعرض للناس اللي تظن انهم اساءو لها وتبعد عنهم لأنها في نهاية الامر حرمه ومتزوجه وام اعيال ،، ولاتحط راسها براس رجال وتهدم بيتها بيدها ،،،

واذا على الكلام الكلام ماراح يخلص ولابد يجي اليوم اللي تتضح في صورة الحق وينتصر المظلوم وينكشف كل شخص على حقيقته ..

الله يوفق الجميع لما يحبه ويرضاه


واسمحي لي عالإطاله..

النقطه الاولى :: شلون يأيدني العضو اشكره وارحب به واللي يعارضني على وش يعارضني

بالضبط انا بالذات ماعرف يمه ارحميني الظاهر ما قط شفتي ردودي الا هنا بالموضوع هذا وبس

المعارض حبيبتي تهجم على البنت بدون وجه حق وانا طرحت موضوع للنقاش والمفروض

لأي عضو ما يجرح البنت بالرغم ان السالفه لاشخاص مجهولين

النقطه الثانيه ::انتي ذكرتي ان هالقصص مكرره يعني احصلت وايد لبنات وربما لشباب

حنا نبي نناقش هالنقطه ؟؟؟ ماهو الدافع للتشهير بعضوه بدون وجه حق ؟؟

وليش وصلنا للمستوى هذا ؟؟؟

البنت مش خايفه ومن مين تخاف اصلاً هي مجهوله بس اللي ضايقها ان العضو المجهول

ليش يحاول يسيء لها ومايعرفها

وبعدين ليش ينهدم بيتها والله سالفه وردود عجيبه وشدخل بيتها وزوجها بالخراب

حنا نبي نتناقش بنقطه محدده وتعبت وانا اقول نقطه معينه ليش بعض الاشخاص

يلجؤون لاساليب قذره وخاصه من وراء الجهاز

هل هذا مرض نفسي وعقدة بالنقص في الشخصيه



تسلمين على مرورك اختي

[بدور]

شوفي بدور حبيبتي الشرارة انتي ولعتيها مب أنا وانتي بكلمة شراره تأكيد على كلامي بس أنا ماحب التلميحات بدور ليش ماتتكلمين بصراحة اوكي صار الموضوع في منتدى ثاني ما قلنا شي بس موضوعج هني يقصد ناس معينه كلناااااااااااااااا مثلج نعرفهم .. ومثل ما قلت مافي دخان من غير نار .. أنا عن نفسي طلع علي مره وحده كلام من عضو الله يهديه ويسامحه وقفت معاي المشرفة روز وتصرفت من غير علمي معاه جزاها الله خير ولا قالت لي ووصل لي الحجي من اخوي لانه اداري في المنتدى .. ولا هزتني السالفة أنا وأخوي ولا تأثرت لاني واثقة من نفسي وثوقي بشروق الشمس بعد الليل وغلطتي الي اعترف فيها اني حاولت اساعده ليس الا .. لكن حطي ببالج كل الحجي يوصل ومن قاله ؟؟ وعلى من ؟؟ وربي يشهد اني مارضى على أي حد في المنتدى خاصه البنات لكن اسمحي لي بعضهم ريحتهم ظهرت وياريت يبدون يحطون معطر للجو .. تحياتي :nice:


:eek5::eek5::eek5::eek5:

الله معاج حبوبه مقدر ارد عليج :secret:

بس ذكرتيني بسالفه صارت في بداية تسجيلي بالمنتدى في 2005 :weeping:

المهم راح اللي راح ومرت كم سنه بس فعلاً القهر موجود ما يروح كل ماله يتجدد

تحياتي لج الغاليه

[وهج المشاعر]

اختي الغاليه بدور

بداية اشكركي على مشاركتنا بهذه القضيه التي اراها اجتماعيه وليست شخصيه
لانها حدثت للكثيرات قبل صديقتك فهو كفيروس طاغي ومنتشر
ولاحمايه منه الا بدعاء المولى ان يشغلهم بأنفسهم ويرد كيدهم عليهم
فمن يتطرقون لذلك هم حثالة المجتمع وضعاف نفوس

والمثل يقول ( الكلب اللي ينبح مايعض )

ورجائي لصديقتك ان تعود للإشراف فالمنتديات محتاجه لمن هي كذلك
ومن هنا اوجه لها نداء خاص
اختاه
رجاء من اخت لاختها ان تعودي ولاتستسلمي لتلك الاقاويل
فالانسحاب ليس بحل ولكن ردعه بإخبار ادارة المنتدى وايقاف عضويته
فالمنتديات لاتحتاج من هم مثله

اتمنى ان تجيبي النداء

والشكر موصول لاختي الغاليه بدور

دمتم بقوه وصمود

اختكم

[رفيعة الشآن]

النقطه الاولى :: شلون يأيدني العضو اشكره وارحب به واللي يعارضني على وش يعارضني

بالضبط انا بالذات ماعرف يمه ارحميني الظاهر ما قط شفتي ردودي الا هنا بالموضوع هذا وبس

صراحه انا اختي مااعرفج ولا عمري قريت لج مواضيع ثانيه واساساً من النادر ماارد على مواضيع في المنتدى لان وقتي لبيتي واعيالي يعني ماعندي وقت وقلتلج اللي شدني ان الموضوع من وحده من البنات وعنوانه في رجاء بالدخول للضروره وحبيت اني اساعد اذا قدرت وتفاجأت بموضوع مكرر سمعت عنه في الدوام عند وحده من زميلاتي وكانت تشتكي من مشكله مقاربه ...

المعارض حبيبتي تهجم على البنت بدون وجه حق وانا طرحت موضوع للنقاش والمفروض

لأي عضو ما يجرح البنت بالرغم ان السالفه لاشخاص مجهولين

وحشى علي انا ما جرحت ولا عايبت عليها هي بنت ناس وانا عندي بنات وماارضى اني اتكلم في اعراض الناس الله يستر علينا وعليها وعلى بنات المسلمين ..


النقطه الثانيه ::انتي ذكرتي ان هالقصص مكرره يعني احصلت وايد لبنات وربما لشباب

حنا نبي نناقش هالنقطه ؟؟؟ ماهو الدافع للتشهير بعضوه بدون وجه حق ؟؟

وليش وصلنا للمستوى هذا ؟؟؟

بالعكس انا شفت ردود وايد طيبه ومقنعه وبالذات من الشباب جزاهم الله خير واللي توقعت منهم يلومونا احنا البنات.. لأن دايماً احنا الغلطانات من قبل بعض الشباب ،، لأن في بنات الله يهديهم يخربون على غيرهم ...

البنت مش خايفه ومن مين تخاف اصلاً هي مجهوله بس اللي ضايقها ان العضو المجهول

ليش يحاول يسيء لها ومايعرفها

انتي قلتيها محد يعرفها مجهوله ..فليش من اساس يضايقها هالانسان،، اوحتى كلامه،، ولاكأنه موجود خلها تنتبه على شغلها ولايأثر عليها ،، بالعكس لازم هي توقفه عند حده اذا تطاول بالقذف والاساءه ،، وتتبع معاه اسلوب يخليه يستحي ومايجي صوبها،، وبماانها في منتدى تكلم الاداره وتخليهم يتصرفون معاه ،، واذا ماتبي عوار الراس تريح راسها وتتجاهله ...

وبعدين ليش ينهدم بيتها والله سالفه وردود عجيبه وشدخل بيتها وزوجها بالخراب

انا عندي وحده من اعز الناس تطلقت والسبه منتدى وانترنت وسوالف مالها داعي الله يخلي لكل زوجه زوجها واعيالها ويبعد عنهم اعيال الحرام،، الرجال اذا كثر الكلام على زوجته يفتر مخه وبالذات اذا يجيه الكلام في مجلس رجاجيل واتمنى انج تاخذين هالنقطه بدون حساسيه لاني انا ماافاول على البنت والله ان كل كلامي من باب النصيحه يالغاليه...واحنا الحريم صراحه ضعاف ومالنا حيله الوحده يااختي تبي الستر والسمعه الطيبه في هالدنيا ..

حنا نبي نتناقش بنقطه محدده وتعبت وانا اقول نقطه معينه ليش بعض الاشخاص

يلجؤون لاساليب قذره وخاصه من وراء الجهاز

هل هذا مرض نفسي وعقدة بالنقص في الشخصيه

انتي تفضلتي وجبتيها من غير تعقيد ان الناس اللي تسيء للغير عن طريق النت والمنتديات فيهم مرض وعقده نفسيه وعلاجها صعب لانج بتتعبين وانتي تتكلمين وهالناس موجودين في كل مكان يروح مريض يجي مريض غيره .. مالنا مفر منهم بس الحل الوحيد اللي انا اشوفه التطنيش والتوكل على الله وقلتها قبل ان لابد المظلوم في النهايه ينتصر..

الله يوفق الجميع واتمنى ان محد يزعل من كلامي وتكون الصوره وضحت اكثر..


تسلمين على مرورك اختي

الله يسلمج من كل شر اختي

[بوحارب]

...... فضحني بين الاعضاء وابتلاني بعلاقه شخصيه بيني وبينه وقصة حب وخرابيط




:looking:

[التيما]

:looking:

يا شينك لين حطيت هالويه :anger1: .. ورا ماتعلق ؟ :tease:

[khaldoon]

اختي الفاضله بدور

بدون ما اقرأ الردود علشان ما أتاثر فيها

باختصار رأيي انها لو انسحبت فهي بتأكد الموضوع

انا لما اكون مشرف يعني اكون عضو مهم جدا وهذه الاهميه استمديتها من جهد كبير بذلته في المنتدى وتاريخ مشرف لي ...فلازم احاول ان احافظ على هذا التاريخ والتواجد والحضور وادافع عنه ...مثل ما قلت في موضوعي السابق
الى من احببتها وفضلتها عليكم في هذا المنتدى! (http://qatarshares.com/vb/showthread.php?t=169634)فهو ليس مجرد تلاعب بالالفاظ ومداعبة للقراء والمزاح معاهم بل اسجل فيه موقفي وطريقة تفكيري اللي اعتقد انه الكل يتبعها مثلي

ما اخلى واحد اي كلام يأثر فيني واسمح له يتهجم علي واحط نفسي بموقف المدافع لاني ما احب اكون في موقف الدفاع طالما اني واثق من تصرفاتي وافعالي واقوالي

انا ادخل المنتدى علشان اتعلم واستفيد واقضي وقت ممتع واتواصل مع الاخوان والاخوات واتعلم منهم ومن خبراتهم مب علشان ادافع عن نفسي كاني متهم واكون مسكين واي احد يقدر يهزني

لو لقيت انه كل اللي بالمنتدى او اغلبيتهم مؤيدين لهذا الشخص في هذه الحاله بس انسحب لانهم لا يستحقون ان اقضي وقتي بينهم وراح احسن اني ضيعت وقتي وجهدي فيهم

هذا هو ردي واتمنى انه صديقتج لو انها واثقه من نفسها فعلا ترجع وما على السحاب نبح الكلاب

[بوحارب]

:mad:
يا شينك لين حطيت هالويه :anger1: .. ورا ماتعلق ؟ :tease:



:looking::looking:


ما عندي شي أقوله

خليني رايق مب فاضي اشغل نفسي بشي http://www.qatarshares.com.qa/data/208/211/storm_1744147429_1945544055.gif

[رفيعة الشآن]

اختي من قال مانعرف بعض ؟؟ أنا في أعضاء وعضوات اعرف بيوتهم وعيال من بعد .. يعني تنعرف تنعرف ...


بس مااظن اختي اللي تعرفينهم ويعرفونج راعيين ا و راعيات سوالف ومشاكل!!! والحمدالله انا عن نفسي مااعرف احد ولا احب حد غريب يعرفني من المنتديات لاني سمعت بلاوي من سبايب النت والمنتديات فالأسلم لي ابعد عن المشاكل وعوار الراس ،، ادخل لي حاجه اخذها واطلع وانتهت السالفه

الله يعطيج العافيه وتسلمين على روحج الطيبه

دمتي بحفظ الرحمن

[khaldoon]

اختي الفاضله بدور

بدون ما اقرأ الردود علشان ما أتاثر فيها

باختصار رأيي انها لو انسحبت فهي بتأكد الموضوع

انا لما اكون مشرف يعني اكون عضو مهم جدا وهذه الاهميه استمديتها من جهد كبير بذلته في المنتدى وتاريخ مشرف لي ...فلازم احاول ان احافظ على هذا التاريخ والتواجد والحضور وادافع عنه ...مثل ما قلت في موضوعي السابق
الى من احببتها وفضلتها عليكم في هذا المنتدى! (http://qatarshares.com/vb/showthread.php?t=169634)فهو ليس مجرد تلاعب بالالفاظ ومداعبة للقراء والمزاح معاهم بل اسجل فيه موقفي وطريقة تفكيري اللي اعتقد انه الكل يتبعها مثلي

ما اخلى واحد اي كلام يأثر فيني واسمح له يتهجم علي واحط نفسي بموقف المدافع لاني ما احب اكون في موقف الدفاع طالما اني واثق من تصرفاتي وافعالي واقوالي

انا ادخل المنتدى علشان اتعلم واستفيد واقضي وقت ممتع واتواصل مع الاخوان والاخوات واتعلم منهم ومن خبراتهم مب علشان ادافع عن نفسي كاني متهم واكون مسكين واي احد يقدر يهزني

لو لقيت انه كل اللي بالمنتدى او اغلبيتهم مؤيدين لهذا الشخص في هذه الحاله بس انسحب لانهم لا يستحقون ان اقضي وقتي بينهم وراح احسن اني ضيعت وقتي وجهدي فيهم

هذا هو ردي واتمنى انه صديقتج لو انها واثقه من نفسها فعلا ترجع وما على السحاب نبح الكلاب


لو ردي في الاعلى مب كافي اتمنى الاطلاع على هذا الموضوع


لو صادفت كلبا اجلكم الله في طريقك ...فما هي ردة فعلك ؟؟؟


(http://qatarshares.com/vb/showthread.php?p=2625084#post2625084)

[التيما]

:mad:



:looking::looking:


ما عندي شي أقوله

خليني رايق مب فاضي اشغل نفسي بشي http://www.qatarshares.com.qa/data/208/211/storm_1744147429_1945544055.gif


:omg: رااايق ؟؟ ماتدري ان هالموضوع مشعلل وموولع نااار ؟؟ :anger1: وداش حضرتك وانت رايق ؟؟ :anger1:

[بنت المنتدى]

القافله تسير والكلاب تنبح

[بوحارب]

:omg: رااايق ؟؟ ماتدري ان هالموضوع مشعلل وموولع نااار ؟؟ :anger1: وداش حضرتك وانت رايق ؟؟ :anger1:

:looking::looking:

لا تتوترين زياده التيما ترى مب زين :looking:

[جلمود]

كنت بعلق بس يوم شقفت بوحارب :secret:

قلت لا تعليق

رد أختي ضوى عين الصواب , وش عليها هي من كلام الناس ولا كلامه

:rolleyes2:

[بوحارب]

كنت بعلق بس يوم شقفت بوحارب :secret:

قلت لا تعليق

رد أختي ضوى عين الصواب , وش عليها هي من كلام الناس ولا كلامه

:rolleyes2:

عبالي بعد

لاترد على واحد اكبر منك بـ 25 سنه

مب عدله يا وليدي:shy:

يالله باي انا رايح الكرنيش:secret:

[جلمود]

عبالي بعد

لاترد على واحد اكبر منك بـ 25 سنه

مب عدله يا وليدي:shy:

يالله باي انا رايح الكرنيش:secret:

هلحزه الكرنيش شتسوي تستعرض !!

بوحارب سمعني تقطيعت الجي عند المعسكر بافتح الدريشه أبيه اسمعه يقطع في ثالث :victory:

[Affable Lady]

نص مرتادي الانترنت مرضى نفسيين



واللي صار مع صديقتج .. يعتبر ولا شي.. مقارنه مع قصص اخرى


الحل شنو..

خل ترّيح راسها.. وتنتبه حق زوجها وعيالها اذا الله رازقهم


وتخلي الاشراف للناس المتفرغه او عندهم وقت زياده عن اللزوم

أنا مع هذا الرأي :nice:

[الامل القديم]

اختي بدور انا مشرفه ايضا باحدى المنتديات وتعرضت لهذا الموقف مع واحد واعتقد انه مشهور جدا بالمنتديات لانه تم حذف اشتراكه باكثر من منتدى

بس ما انهزمت وتركت الاشراف رغم انه تكلم كثيرا عن علاقه وهميه
واني اناصر الاعضاء القدامى على الجدد
فالموضوع عادي جدااااااااا اختي قولي لها توسع صدرها ولا تنكسر مع اول الريح

[بوحارب]

هلحزه الكرنيش شتسوي تستعرض !!

بوحارب سمعني تقطيعت الجي عند المعسكر بافتح الدريشه أبيه اسمعه يقطع في ثالث :victory:

خذت لي عشا ورحت اتعشى هناك <<<< تغيير جو :shy:


:nice::nice::nice:

الموتر تماتيك:( ولا كان سمعناك القطعه:victory:

[عزوز المضارب]

ما شاء الله بدور وضوى والتيما وروز في الموضوع
نسوان قادره ما شاء الله عليكم :tease:


بدور اذا بتعرفوا هالشخص خير الكلام ما قل ودل

سألزم نفسي الصفح عن كل مذنب وإن كثُـرتْ منه إلـيَّ الجرائمُ
فـما الـناس إلا واحـد من ثلاثة شريف ومشروف ومثـل مقاوم
فـأما الـذي فـوقي فأعرف قدره وأتـبع فـيه الحقّ والحقُّ لازم
وأمـا الـذي دوني فـأحـلم دائباً أصون به عرضي وإن لام لائم
وأمـا الـذي مثلي فإن زلّ أو هفا تفضّلتُ، إن الفضل بالفخر حاكم

[ROSE]

ما شاء الله بدور وضوى والتيما وروز في الموضوع
نسوان قادره ما شاء الله عليكم :tease:


بدور اذا بتعرفوا هالشخص خير الكلام ما قل ودل

سألزم نفسي الصفح عن كل مذنب وإن كثُـرتْ منه إلـيَّ الجرائمُ
فـما الـناس إلا واحـد من ثلاثة شريف ومشروف ومثـل مقاوم
فـأما الـذي فـوقي فأعرف قدره وأتـبع فـيه الحقّ والحقُّ لازم
وأمـا الـذي دوني فـأحـلم دائباً أصون به عرضي وإن لام لائم
وأمـا الـذي مثلي فإن زلّ أو هفا تفضّلتُ، إن الفضل بالفخر حاكم







:eek5:


درر درر

[بدور]

اختي الغاليه بدور

بداية اشكركي على مشاركتنا بهذه القضيه التي اراها اجتماعيه وليست شخصيه
لانها حدثت للكثيرات قبل صديقتك فهو كفيروس طاغي ومنتشر
ولاحمايه منه الا بدعاء المولى ان يشغلهم بأنفسهم ويرد كيدهم عليهم
فمن يتطرقون لذلك هم حثالة المجتمع وضعاف نفوس

والمثل يقول ( الكلب اللي ينبح مايعض )

ورجائي لصديقتك ان تعود للإشراف فالمنتديات محتاجه لمن هي كذلك
ومن هنا اوجه لها نداء خاص
اختاه
رجاء من اخت لاختها ان تعودي ولاتستسلمي لتلك الاقاويل
فالانسحاب ليس بحل ولكن ردعه بإخبار ادارة المنتدى وايقاف عضويته
فالمنتديات لاتحتاج من هم مثله

اتمنى ان تجيبي النداء

والشكر موصول لاختي الغاليه بدور

دمتم بقوه وصمود

اختكم


وهج انتي مشرفه في منتدى مشهور وعارفه كل الاوضاع

البعض ينسى ولايهتم والبعض يتأثر حتى لو كان مجهول

ونفس المنتدى انا كنت مشرفه فيه وتركته من سنه ونص انسحبت

وقرار تركها رغبه شخصيه باقتناع

تسلمين حبوبه

[بدور]

النقطه الاولى :: شلون يأيدني العضو اشكره وارحب به واللي يعارضني على وش يعارضني

بالضبط انا بالذات ماعرف يمه ارحميني الظاهر ما قط شفتي ردودي الا هنا بالموضوع هذا وبس

صراحه انا اختي مااعرفج ولا عمري قريت لج مواضيع ثانيه واساساً من النادر ماارد على مواضيع في المنتدى لان وقتي لبيتي واعيالي يعني ماعندي وقت وقلتلج اللي شدني ان الموضوع من وحده من البنات وعنوانه في رجاء بالدخول للضروره وحبيت اني اساعد اذا قدرت وتفاجأت بموضوع مكرر سمعت عنه في الدوام عند وحده من زميلاتي وكانت تشتكي من مشكله مقاربه ...

المعارض حبيبتي تهجم على البنت بدون وجه حق وانا طرحت موضوع للنقاش والمفروض

لأي عضو ما يجرح البنت بالرغم ان السالفه لاشخاص مجهولين

وحشى علي انا ما جرحت ولا عايبت عليها هي بنت ناس وانا عندي بنات وماارضى اني اتكلم في اعراض الناس الله يستر علينا وعليها وعلى بنات المسلمين ..


النقطه الثانيه ::انتي ذكرتي ان هالقصص مكرره يعني احصلت وايد لبنات وربما لشباب

حنا نبي نناقش هالنقطه ؟؟؟ ماهو الدافع للتشهير بعضوه بدون وجه حق ؟؟

وليش وصلنا للمستوى هذا ؟؟؟

بالعكس انا شفت ردود وايد طيبه ومقنعه وبالذات من الشباب جزاهم الله خير واللي توقعت منهم يلومونا احنا البنات.. لأن دايماً احنا الغلطانات من قبل بعض الشباب ،، لأن في بنات الله يهديهم يخربون على غيرهم ...

البنت مش خايفه ومن مين تخاف اصلاً هي مجهوله بس اللي ضايقها ان العضو المجهول

ليش يحاول يسيء لها ومايعرفها

انتي قلتيها محد يعرفها مجهوله ..فليش من اساس يضايقها هالانسان،، اوحتى كلامه،، ولاكأنه موجود خلها تنتبه على شغلها ولايأثر عليها ،، بالعكس لازم هي توقفه عند حده اذا تطاول بالقذف والاساءه ،، وتتبع معاه اسلوب يخليه يستحي ومايجي صوبها،، وبماانها في منتدى تكلم الاداره وتخليهم يتصرفون معاه ،، واذا ماتبي عوار الراس تريح راسها وتتجاهله ...

وبعدين ليش ينهدم بيتها والله سالفه وردود عجيبه وشدخل بيتها وزوجها بالخراب

انا عندي وحده من اعز الناس تطلقت والسبه منتدى وانترنت وسوالف مالها داعي الله يخلي لكل زوجه زوجها واعيالها ويبعد عنهم اعيال الحرام،، الرجال اذا كثر الكلام على زوجته يفتر مخه وبالذات اذا يجيه الكلام في مجلس رجاجيل واتمنى انج تاخذين هالنقطه بدون حساسيه لاني انا ماافاول على البنت والله ان كل كلامي من باب النصيحه يالغاليه...واحنا الحريم صراحه ضعاف ومالنا حيله الوحده يااختي تبي الستر والسمعه الطيبه في هالدنيا ..

حنا نبي نتناقش بنقطه محدده وتعبت وانا اقول نقطه معينه ليش بعض الاشخاص

يلجؤون لاساليب قذره وخاصه من وراء الجهاز

هل هذا مرض نفسي وعقدة بالنقص في الشخصيه

انتي تفضلتي وجبتيها من غير تعقيد ان الناس اللي تسيء للغير عن طريق النت والمنتديات فيهم مرض وعقده نفسيه وعلاجها صعب لانج بتتعبين وانتي تتكلمين وهالناس موجودين في كل مكان يروح مريض يجي مريض غيره .. مالنا مفر منهم بس الحل الوحيد اللي انا اشوفه التطنيش والتوكل على الله وقلتها قبل ان لابد المظلوم في النهايه ينتصر..

الله يوفق الجميع واتمنى ان محد يزعل من كلامي وتكون الصوره وضحت اكثر..


تسلمين على مرورك اختي

الله يسلمج من كل شر اختي


اشكرك عزيزتي على مرورك الثاني وتوضيحك للنقاط التي ذكرتها

[بدور]

:looking:

وشفيك كله متعجب وتسوي نفسك بريء :victory:

[ضوى]

ما شاء الله بدور وضوى والتيما وروز في الموضوع
نسوان قادره ما شاء الله عليكم :tease:


بدور اذا بتعرفوا هالشخص خير الكلام ما قل ودل

سألزم نفسي الصفح عن كل مذنب وإن كثُـرتْ منه إلـيَّ الجرائمُ
فـما الـناس إلا واحـد من ثلاثة شريف ومشروف ومثـل مقاوم
فـأما الـذي فـوقي فأعرف قدره وأتـبع فـيه الحقّ والحقُّ لازم
وأمـا الـذي دوني فـأحـلم دائباً أصون به عرضي وإن لام لائم
وأمـا الـذي مثلي فإن زلّ أو هفا تفضّلتُ، إن الفضل بالفخر حاكم








شعبالك عيل ..؟ نسوان تاكل الزلط :shy: ، مع اني اتحفظ على كلمة نسوان ، اناث ارقى شوي :secret:

[بدور]

اختي الفاضله بدور

بدون ما اقرأ الردود علشان ما أتاثر فيها

باختصار رأيي انها لو انسحبت فهي بتأكد الموضوع

انا لما اكون مشرف يعني اكون عضو مهم جدا وهذه الاهميه استمديتها من جهد كبير بذلته في المنتدى وتاريخ مشرف لي ...فلازم احاول ان احافظ على هذا التاريخ والتواجد والحضور وادافع عنه ...مثل ما قلت في موضوعي السابق
الى من احببتها وفضلتها عليكم في هذا المنتدى! (http://qatarshares.com/vb/showthread.php?t=169634)فهو ليس مجرد تلاعب بالالفاظ ومداعبة للقراء والمزاح معاهم بل اسجل فيه موقفي وطريقة تفكيري اللي اعتقد انه الكل يتبعها مثلي

ما اخلى واحد اي كلام يأثر فيني واسمح له يتهجم علي واحط نفسي بموقف المدافع لاني ما احب اكون في موقف الدفاع طالما اني واثق من تصرفاتي وافعالي واقوالي

انا ادخل المنتدى علشان اتعلم واستفيد واقضي وقت ممتع واتواصل مع الاخوان والاخوات واتعلم منهم ومن خبراتهم مب علشان ادافع عن نفسي كاني متهم واكون مسكين واي احد يقدر يهزني

لو لقيت انه كل اللي بالمنتدى او اغلبيتهم مؤيدين لهذا الشخص في هذه الحاله بس انسحب لانهم لا يستحقون ان اقضي وقتي بينهم وراح احسن اني ضيعت وقتي وجهدي فيهم

هذا هو ردي واتمنى انه صديقتج لو انها واثقه من نفسها فعلا ترجع وما على السحاب نبح الكلاب

الشخص يا خلدون تم طرده بالرغم انه يدخل بعدة نكات وتم طرده بجميع النكات

والسالفه ماتستاهل الرجعه على كثر ما نتمنى ان نرتقي بعلاقاتنا الاخويه والاحترام المتبادل

تحياتي لك اخوي

[بدور]

القافله تسير والكلاب تنبح

تحياتي لك ملاك

[سوق واقف]

لا حول ولا قوة الابالله

[بدور]

كنت بعلق بس يوم شقفت بوحارب :secret:

قلت لا تعليق

رد أختي ضوى عين الصواب , وش عليها هي من كلام الناس ولا كلامه

:rolleyes2:

تسلم جلمود ومرحبا بك


أنا مع هذا الرأي :nice:

تحياتي يك الغاليه


اختي بدور انا مشرفه ايضا باحدى المنتديات وتعرضت لهذا الموقف مع واحد واعتقد انه مشهور جدا بالمنتديات لانه تم حذف اشتراكه باكثر من منتدى

بس ما انهزمت وتركت الاشراف رغم انه تكلم كثيرا عن علاقه وهميه
واني اناصر الاعضاء القدامى على الجدد
فالموضوع عادي جدااااااااا اختي قولي لها توسع صدرها ولا تنكسر مع اول الريح

تسلمين الغاليه على التوضيح وان هالظاهره موجوده بالفعل





ما شاء الله بدور وضوى والتيما وروز في الموضوع
نسوان قادره ما شاء الله عليكم :tease:

بدور اذا بتعرفوا هالشخص خير الكلام ما قل ودل

سألزم نفسي الصفح عن كل مذنب وإن كثُـرتْ منه إلـيَّ الجرائمُ
فـما الـناس إلا واحـد من ثلاثة شريف ومشروف ومثـل مقاوم
فـأما الـذي فـوقي فأعرف قدره وأتـبع فـيه الحقّ والحقُّ لازم
وأمـا الـذي دوني فـأحـلم دائباً أصون به عرضي وإن لام لائم
وأمـا الـذي مثلي فإن زلّ أو هفا تفضّلتُ، إن الفضل بالفخر حاكم




هلا عزوز تسلم على ردك ومايجيبونها الا نسوانها:victory:

[بدور]

لا حول ولا قوة الابالله

مالنا غير ذكر الله ولاحول ولاقوة الا بالله

[قطري عصامي]

أنا اقول ما دام انك اتقولين ان الموضوع حصل في منتدى آخر ،

فالأفضل انك اتحطين الموضوع في المنتدى الآخر،

أما اذا هذا حصل فعلا في منتدانا فالأفضل إنك اتقولين الموضوع على الملأ وبشفافية تامة دون اللف والدوران.


تقبلي مروري

[السديم]

مرحبا بدور ..

والله مثل هالمواقف شي طبيعي بنتعرض لها .. ففي الحياة اليومية وبشخصيات حقيقية وتصير ان فلان يتكلم عن فلانه وفلانه تتبلى فلان و و و الخ
فما بالج لما يكون الوضع نت والاسم مستعار والكل متخفي بالضبط مثل اللعبة التنكرية وكل واحد يلعب بمزاجه !!
صار لي نفس موقف رفيقتج تقريبا في بداية دخولي لعالم المنتديات وبعد ما مسكت الاشراف وصار اللي صار في البداية ولعت وشطيت عمري بس عقب فكرت بعقل هذا انترنت بقعد احاسب من ولا من ؟؟
انترنت يجمع بين كل البيئات وكل التربيات وكل الاصناف من البشر مستحيل يكون عالم مثالي وصدقيني من عقبها صرت ما افتكر بأحد وهذا مب معناه ان محد يعرفني الا بمجرد نك لا والله كثار يعرفوني من اكون لكن اذا هم مش واثقين فيني وناطرين بس حد يتكلم فمايهموني هالنوعية من الناس ..
قولي لها ادخلي النت واستانسي ووسعي خاطرج وفكرج وزيدي ثقافتج من هالبحر بس تحملي لاتغرقين فيه .. فهو وسيلة تثقيف ترفيهي لا اكثر :nice:

[بدور]

أنا اقول ما دام انك اتقولين ان الموضوع حصل في منتدى آخر ،

فالأفضل انك اتحطين الموضوع في المنتدى الآخر،

أما اذا هذا حصل فعلا في منتدانا فالأفضل إنك اتقولين الموضوع على الملأ وبشفافية تامة دون اللف والدوران.


تقبلي مروري


وجهة نظرك ممكن تحتفظ بها لنفسك وانا لي الحريه التامه في طرح المواضيع هنا او بمنتدى ثاني

ومش مجبور تدخل موضوع يدون باسمي ...

[بدور]

مرحبا بدور ..

والله مثل هالمواقف شي طبيعي بنتعرض لها .. ففي الحياة اليومية وبشخصيات حقيقية وتصير ان فلان يتكلم عن فلانه وفلانه تتبلى فلان و و و الخ
فما بالج لما يكون الوضع نت والاسم مستعار والكل متخفي بالضبط مثل اللعبة التنكرية وكل واحد يلعب بمزاجه !!
صار لي نفس موقف رفيقتج تقريبا في بداية دخولي لعالم المنتديات وبعد ما مسكت الاشراف وصار اللي صار في البداية ولعت وشطيت عمري بس عقب فكرت بعقل هذا انترنت بقعد احاسب من ولا من ؟؟
انترنت يجمع بين كل البيئات وكل التربيات وكل الاصناف من البشر مستحيل يكون عالم مثالي وصدقيني من عقبها صرت ما افتكر بأحد وهذا مب معناه ان محد يعرفني الا بمجرد نك لا والله كثار يعرفوني من اكون لكن اذا هم مش واثقين فيني وناطرين بس حد يتكلم فمايهموني هالنوعية من الناس ..
قولي لها ادخلي النت واستانسي ووسعي خاطرج وفكرج وزيدي ثقافتج من هالبحر بس تحملي لاتغرقين فيه .. فهو وسيلة تثقيف ترفيهي لا اكثر :nice:


تسلمين السديم على طرح وجهة نظرك الصائبه

تقبلي شكري الجزيل

[بدور]

الى هنا أكتفي بالردود الايجابيه والسلبيه


الرجاء اغلاق الموضوع مع شكري الجزيل