استفسار يا عشاق اروروبا

[قطري مغامر]

مرحبا يا خوان اتمنى من يعرف يفيدني له والاجر ؟؟؟

لو في واحد يبي يروح رحلة سياحية الى لندن وفرنسا وسويسرا وفيينا ؟

المسافة والطريقة المثلاء للتنقل للمدن أعلاه من وين يبدا الى ووين ينتهي وكم المدة اللي تستحق ان الواحد يجلس فيها ..... طرق وسيلة التنقل بين المدن اعلاه ؟


اتمنى من الاخوان اللي لديهم الخبرة الافادة ومشكورين مقدما .

[هاجن داز]

مرحبا اخوي قطري مغامر


شوف اذا انت اسم على مسمى " مغامر " هذا اقتراح سريع

تروح دوحه - فينا (( ملاحظه التأجير من المانيا ارخص من باقي الدول ))

وتأجر سياره ويكون خط سيرك كالآتي :

فينا - لينز- سالزبورج - ميونخ - زيورخ - انترلاكن - لوزاني - جنييف - ليون - باريس

ومثل ماقلت لك اخوي هذا مقترح سريع وانت برايك تعدل فيه وتغيير على راحتك

مع مراعاة الملحوظه الي سبق ذكرها

مرفق صوره من خريطة اوروبا موضح عليها خط السير

هاجن بن داز

[قطري مغامر]

ان شاءالله اخوي اني اسم على مسمى

مشكور على رسم الخطة وبصراحه بدرسة اليوم وعلى الخارطة
والخيرة ما اختارة الله سبحانه

[vip8]

هلااا اخوي ..


حبيت ابين لك خط سيري انا مع الاهل كان في الصيف 2007 ( دوحه - ميونخ - جنيف - باريس - القاهره - دوحه ) طبعا اذا انت بتروح هذه الدول لازم تشوف الخريطه مالت اوربا عشان تقدر تقيس المسافه بدل ماطق وترجع .. اذا عنك انا اشوفها ( دوحه - فيننا - سويسرا لانها قبل فرنسا وبينها وبين باريس 7 ساعات بسياره ومراح تمل من المناظر والجوو - وعقب باريس - وتقدر من باريس تاخذ القطار السريع الي يروح لندن ومدته بتكون 4 ساعات تقريبا واحط في باللك ان ماترجع حق البلد الي طرت عليها من رحله الدوحه خل طلعتك الى الدوحه من اخر محطه وهي لندن ضبط الحجز على فينا وقسم الاياااام والرجعه من لندن اذا كنت بتروح على اي خطوط مراح يكون فيها مشاكل دام عندك وقت تقرر وتنسق ..

وانشالله ماكون قصرت واذا عندك اي سؤال ياليت تبلغني عالخااااص .. ويامرحباااااااا