عندي سؤال بخصوص عقاري (ردو علي جزاكم الله خير)

[المجروح]

السلام عليكم

انا عندي استفسار انشالله اتساعدوني وما تبخلون علي

عندي عماره في الوكره على الطريق التجاري الفرعي (اللي على يمين الشارع التجاري الرئيسي الموازي له)
طبعا اهناك كله محلات تجاريه
المهم العماره مكونه من 11 شقه وكل شقه 3 غرف
ومكونه من 7 محلات ميزانين 12x4
ومساحة الارض 900
ومواصفات العماره ابدا مب تجاريه

وكم اجار الشقه؟
وكم اجار المحل (ميزانين)؟
بغيت اعرف لو بغيت ابيع العماره كم اتييبلي؟

[شاعر المليون]

العمارة جديدة ولا قديمة مؤجرة ولا فاضية

[المجروح]

العماره قيد الانشاء ما بقاله شي واتخلص فحبيت اخذ معلومات وافيه عشان اعرف عن الاجارات والاسعار

[شاعر المليون]

طويل العمر ممكن تقولي مساحة الشقة الواحدة

[المجروح]

اخوي مساحة البنيان 800 متر
مساحة الشقة الوحده 200 متر

[شاعر المليون]

سعر العمارة التقريبي 14 ألى 15 مليون ريال
المحلات تتأجر تقريبا من 9000 ألى 10000 ريال
الشقق من 8000 ألى 8500 ريال
طبعا هالكلام أذا بتأجر خلال شهر من أتمام البناء
أما أذا بتصبر ممكن أجيب سعر أفضل وهذا فيها توفيق
يعني أذا بتأجر الشقق بعقد واحد ممكن أجيب سعر زين
السعر أعلاه تقريبي الشيخ يعني مب 100% عشان ما حد
يفهمني غلط وموفق الشيخ وعلى البركة

[المجروح]

الصراحه كفيت ووفيت ويعطيك العافيه

[bo_hamad]

بالتوفيق أن شاء الله

[الدنيا تجارب]

موووووووووووفق يا اخووي