لو كانت والدتك لا تقبل بأطفالك ؟

[سوق واقف]

السلام عليكم ورحمة الله وبركاته

أخواني أخواتي الأعزاء
لو كات والدتك لا تقبل بأطفالك بعد زواجك لزيارتها أو تركهم عندها ماذا ستفعل وتقبل بأطفال بناتها أن يزوروها وبدون أسباب .
ماذا يفعل الولد في هذه الظروف والى ماذا يلجأ ؟
ألا يحزنك هذا الشيء ؟
رغم أنك تبحث عن عن جميع الأسباب ولا تجد شيء من الأسباب لذلك ؟
ما هو الحل ؟
دعوة للنقاش ؟

[ريان]

اخي سوق واقف -

المثل يقول- ما اعز من الولد الا ولد الولد


تاكد انه يوجد سبب وكبير .

ولابد من البحث عنه

[سوق واقف]

اخي سوق واقف -

المثل يقول- ما اعز من الولد الا ولد الولد


تاكد انه يوجد سبب وكبير .

ولابد من البحث عنه

اخي ريان أشكرك على مرورك على الموضوع لو الشخص بحث ولم يجد سبب ما هو الحل

[miss-qatr]

اخوي سوق واقف الصراحه من متابعتي لمواضيعك شكلك عندك مشاكل كثيره اذا انت المقصود من الموضوع :)

مااقول الا الله يعينك

بارد بشكل عام

بس اتوقع يا انه العيال ماشاء الله متعبين واحتمال الوالده ماتقدر تستحملهم والحل هنا انه خدامه العيال تشوفهم والوالده مجرد انها موجوده بالبيت معاهم واتحط بالها عليهم بس مب مجبوره اتسكت فلان وتلحق علان

او انه هناك مشاكل شخصيه وعلى الولد انه يشوف اللي بخاطر امه وماادري اذا خانتني الذاكره اذا كنت انت راعي موضوع ( اذا الزوجه ما ترضى تزور الاهل او شي من هالنوع )

السموحه اذا مب انت بس ان كنت صاحب الموضوع اقولك اذا عرف السبب بطل العجب :victory:

مع اني اشوف انه عيال الولد يكونون اغلا من عيال البنت بنظر الام


يعطيك العاااافيه

[بواسطة]

انا اعتقد من غلاء الاسعار

[بنت المنتدى]

لو كانت والدتك لا تقبل بأطفالك بعد زواجك لزيارتها أو تركهم عندها ماذا ستفعل وتقبل بأطفال بناتها أن يزوروها وبدون أسباب .
ماذا يفعل الولد في هذه الظروف والى ماذا يلجأ ؟
ألا يحزنك هذا الشيء ؟
رغم أنك تبحث عن عن جميع الأسباب ولا تجد شيء من الأسباب لذلك ؟
ما هو الحل ؟

:eek5::eek5::eek5:

بصراحه هذي مب أم .. هذي عجوز شريره http://www.qatarshares.com/vb/images/icons/icon10.gif


وبخصوص الزياره اتوقع ان الام تستانس لكن الوهقه اذا الولد و زوجته مايحسون ويتركونهم عندها بالاسبوعين والثلاث وهم في ربوع ايطاليا :eek5::eek5: لأن في هالعمر ماتبغي الأم أله التقدير والراحه ..

ومستحيل مايكون فيه سبب .. ومن أهمها .. يمكن من خوفها عليهم ماتبغيهم يقعدون عندها لان الله لايقول لو صار لهم شي وهي غافله بيحطون اللوم عليها ...


عاد أنا من الحين اقول لأمي عيالي ان شاءالله بيكونون غير لويكسرون البيت محد يقول لهم شي :nice:


ألف شكرلك على الطرح المميز كالعادة

بارك الله فيك وكثر الله من امثالك ......

[بنت المنتدى]

انا اعتقد من غلاء الاسعار

:eek5::eek5::eek5::eek5:

[التيما]

اتصور ان الأم ممكن تهاوش عيال البنت لان أمهم بنتها ماراح تقول شي للجده لو عاقبت اليهال .. بينما عيال الولد أمهم بتزعل وبتحط بخاطرها ويمكن تكبر الموضوع وتقول حق الزوج أمك ضربت اعيالي و و .. أو إن هناك موال بين الجدة وام العيال " الزوجة " دامك تقول مافي شي بين الولد وأمه .. وبعدين مو معناته انها ما تحبهم هي تحبهم بس يمكن اليهال حركيين زيادة أو يراددون .. أو يطلعون الشارع وهاي بروحه يضايق ويرفع الضغط وتخاف عليهم فبلاها يجونها احسن في رايها ... بس صدقني في الأخير ماعتقد ان السالفة مقصوده ككره أو عقاب لولدها او تحيز لعيال بنتها .. الأمهات أحن من جذي

[رآعي موآجيب]

اخوي الغالي

بحاول ادور للسبب الي يخليها ما تتقبل عيالي, واذا تبين انه مافي سبب بيكون شي نفسي خاص فيها أو ممكن ما تتقبل والدتهم

وذيك الساعه ملزوم ادور للي يرضيها وما يكدر خاطرها
وبحاول امنع زيارة عيالي لها فتره من الزمن لين تشتاق لهم واخليهم يزورونها زياره خفيفه وارجع اكرر الموضوع كم مره لين تطلب شوفة العيال واذا ما طلبت

{ لاحول ولا قوة الا بالله }

[بواسطة]

اخي ريان أشكرك على مرورك على الموضوع لو الشخص بحث ولم يجد سبب ما هو الحل


اخوي سوق واقف انا الصراحة مستقرب من بعض مواضيعك يعني في لك موضوع
يشابه موضوعك هذا وهو الزوجه ترفض الذهاب الى بيت والدتك وكما ذكرت في
ردودك ان مافي اسباب تذكر والحين في موضوعك هذا تقول الام لا تستضيف اولادي
وبعد مافي اسباب تذكر :rolleyes2:
يعني غريبه معقوله مافي اسباب مستحيل يعني الزوجه ترفض والام ترفض :rolleyes2:
في شي غلط في الموضوع :rolleyes2:

[اهـم001]

:tease: :tease: :tease:انا اقول كله من ارتفاع اسعار الايجارات والسلع الاستهلاكية..............

[LOLOO]

اخوي انا سمعت مثل هالشكوى من قبل (ابناء وبنات)........؟؟؟
لكن الاسباب مااحد يقدر يحددها الا صاحب المشكله ...والاخوان والخوات بينوا كذا سبب ممكن يكون احدها او كلها مجتمعه؟؟
لكن الي بقوله لك اترك الاسباب على جنب وحاول بالعلاج ..
ولك بعضها الي اتمنى انك اذا بتطبقها تطبقها بنفسك اوصاحب المشكلة وماتعتمد على الزوجه
قبل البدء
( 1 -يجب ان تكون الرغبه صادقه وقوية في تحسين العلاقه بهذه الجده(الام)
2- طولة البال والصبر)
اولا :مافيه احدمنا مايحب الهديه وخاصه الحريم الكبار(وعندنا مثل انا غنيه واحب الهديه)
فما فيها شي قبل لايروحون لعيال للوالده ياخذون معاهم شي بسيط ( عطر مدخن دله قطعه ...)
ثانيا:
بشتى الطرق احببها في عيالي وانافس غيري في الوصول لقلب الجده والتربع فيه
وافهم عيالي ان جدتهم تحبهم فما يزعجونها ويسمعون كلامها
ثالثا: والاهم ماانسى انها امي ومافيه داعي اذكرك بفضل الام و واجبنا
(لوتطردني من الباب ادخل من الدريشة)
والله يصلح الامور ...
تحيتي لك...

[_QTR_]

العذر والسموحة

بس الموضوع ما يستاهل اني ارد عليه

لان في الفترة الاخيرة المواضيع صارت بايخه

واسمحلي على ردي يالغالي

بس هب من عادتي ادخل موضوع واقراه وما ارد عليه

تقبل مروري

[عزوز المضارب]

ما في ام عندها اولاد تكره عيال
عيالها ....

ممكن تتعزز او خلنا نقول النفور والابن يفهم انها تكرههم

والسبب انه هناك تقصير واضح من الابن للام

وفي امور كثيره الام ما تقدر تطلبها لازم الولد

عن طريق اخته لو عنده اخت او عن طريقه هو شخصيا

يعرف ايش التقصير بنفسه بدون ما يسال الام

والتقصير ليس بالضروره ماديا

الام تحب عيالها سواء بنت او ولد

بعدين الام معذوره مهما سوت معها حق

يعني هي تربي وتتعب وفي الاخر تيجي وحده

تاخذه جاهز بشهادته ووظيفته وما تبيها تنقهر

صحيح هي سنه الحياه لكن الام تعودت

ابنها قبل الزواج ان تراه دائما ويهتم بها

وفجاه حصل تقصير من الولد من الطبيعي

تجنن ابنها شوي بعدم قبولها ابناءه

يمكن يستحي على نفسه ويعرف

ان الام في صوب وكل حياته واولاده

وزوجته وعمله في صوب ثاني :)

[هسلان]

موضوع مهم وأسري كالعادة سوق واقف

في البداية لن أصدق ولا أريد أن أصدق أن هناك أم ماتحب أبناء ولدها
خلاص أنتهينا مافي غير هذا الكلام ومانبي نسمع غيره:anger1:
نرجع للمشكلة المطروحة
عزيزي قد يكون هذا الشعور تشعر به أنت فقط وتسقيه وتنميه لديك زوجتك بتحويل كل تصرف تقوم به الأم منبوذ وينم عن كره لك ولأبنائك
لذلك أنت تشعر بهذا الشعور
وقد تكون أنت مقصر وكذلك زوجتك في حق أمك دون أن تدري مما ينعكس على معاملة الأم لك ولأبنائك
وقد يكون خوفك على أبنائك من تصرفات الأم مثل التداوي بالعلاج الشعبي أو النصح والتئديب وأظهار هذا الخوف وعدم الأرتياح لأمك يجعلها تنفر وتخشى ردة الفعل لذلك لا تستطيع أن تقبل استضافةأبنائك عندها خوفاً من حدوث مشكلة تلام عليها الأم بالأخير

المهم هذا بعض الأحتمالات
لكن أن تكون الأم كارهة لأبنائك فهذا مستحيل
راجع نفسك ستجد أنك مخطىء في تفكيرك
طبعاً ليس المقصود هنا الأخ سوق واقف ولكن استحضرت الضمير القائب لأسمعه النصيحة
تحياتي للجميع :nice:

[سوق واقف]

العذر والسموحة

بس الموضوع ما يستاهل اني ارد عليه

لان في الفترة الاخيرة المواضيع صارت بايخه

واسمحلي على ردي يالغالي

بس هب من عادتي ادخل موضوع واقراه وما ارد عليه

تقبل مروري

:eek5::eek5:

[الغفير]

عزوز المضارب ,,,,, ماشاءالله عليك والله
قلت كل الكلام الي عندي و زياده

[مستثمرة صغيرونة]

اخوي مستحيييييييييييييييل تلقى ام ماتحب عيالها و لا عيالهم اغلى بعد

احتمال انها تعبانة أو مرهقة وماصارت تتتحمل العيال بروحها و الصراحة مرات حنا مانستحمل عيالنا الله يحفظهم صراخ , ركض و طقاق :rolleyes2: فما بالك بعجوز تبي ترتاح بعد هالسن و التعب ويا عيالها

وما ننسى أسوأ الافتراضات ان هذا شعورها نحو زوجة ولدها و تلمح بطريقة غير مباشرة

[الرايقه]

الام تحب عيال ولدها وعيال بنتها نفس الشي لكن تنحاز للبنت رحمة منها لها فمثلا زوجة ابنها موظفة وبنت ولدها في الجامعة ممكن الجدة تعتمد على زوجة ابنها في توصيل ابنتها لكن عندما تكون ابنة ابنتها في الجامعة فانها قد ترحم ابنتها وتوصل ابنة بنتها الى الجامعة لكي تريح ابنتها من العناء
وذلك لقرب البنت اكثر من الولد لامه
ولكن المعزة واحدة

[ام محمد ن]

اخوي سوق واقف محبة العيال من محبة ابوهم او امهم اذا الانسان متفاني في بر امة صدقني انها تتمنى شوفة عياله لو اش ما كانوا اما اذا الابو يزور امة في الاسبوع مرة كأنة ضيف شرف ولا يسأل عنها الا في المناسبات ومعور قلبها شلي يحدها تحب عياله اخوي انا اقول للنسان اللي في هذا الوضع تفانى في بر والديك وراح تشوف اللي يرضيك دنيا واخرة هي نارك وجنتك

[زقرتي ومزاجي]

السلام عليكم ورحمة الله وبركاته

أخواني أخواتي الأعزاء
لو كات والدتك لا تقبل بأطفالك بعد زواجك لزيارتها أو تركهم عندها ماذا ستفعل وتقبل بأطفال بناتها أن يزوروها وبدون أسباب .
ماذا يفعل الولد في هذه الظروف والى ماذا يلجأ ؟
ألا يحزنك هذا الشيء ؟
رغم أنك تبحث عن عن جميع الأسباب ولا تجد شيء من الأسباب لذلك ؟
ما هو الحل ؟
دعوة للنقاش ؟


سوق واقف .. ماشاء الله عليك ... مواضيع اجتماعية 100 % ولا تخطر على بال احد
الله يوفقك .


اما بالنسبة لموضوعك
- في بعض البيوت نعم يصير فيها اللي ذكرته ..
- يمكن الام ماتحب زوجة الولد لو كانت تحبها .. او بينهم صله ورابط حلوو ماكان رفضت.

- يمكن تشوف ولدها منحاز لزوجتة أكثر ولا تنسى انها ام وكلها عواطف.

- يمكن ولدها عصبي ويزعل على اقل شي من جذي تبتعد عنه وعنه عياله.

- يمكن الام تغار عشان بيطلع الريال مع مرته

في اسباب وااااايد لا تقولي في شي في الدنيا بدون سبب ..

في النهاية

احب اشكرك على طرح الموضوع .. !!!


:)

[المخفي]

المشكلة من الزوجة اذا الام مب راضية على زواج ابنها منها بتحس بنفور من ولدها وزوجته و ابنائهم

[الامل القديم]

اجلس مع الوالده جلست صراحه

( اذا عرف السبب بطل العجب )

[ام الحناين]

الصراحة انتوا اللي ردودكم غريبة
واحد فيكم يقول موضوعك لا يستحق الرد،،، طيب ليش انت ترد برد لا يستحق القراءة يا خوي
وثاني يقول انت عندك مشاكل ،،، شدخل عشان كتب موضوع خلاص يعني محد يقول شي،،، بالعكس انتوا تدرون ان هالمواضيع الاجتماعية جدا مهمة،،، يا اما اتقولون شي صح او تكتفون بالقراءة........

[ANONYMOUS]

بعض الاطفال شياطين

ومن حق الام تربطهم في حوش البيت


واحنا كا آبآء المفروض نراعي هالجانب وخصوصا عند كير الامهات

وشكرا

[سوق واقف]

الصراحة انتوا اللي ردودكم غريبة
واحد فيكم يقول موضوعك لا يستحق الرد،،، طيب ليش انت ترد برد لا يستحق القراءة يا خوي
وثاني يقول انت عندك مشاكل ،،، شدخل عشان كتب موضوع خلاص يعني محد يقول شي،،، بالعكس انتوا تدرون ان هالمواضيع الاجتماعية جدا مهمة،،، يا اما اتقولون شي صح او تكتفون بالقراءة........

جزاك الله الف خير
اختي حاولت أرسل لك على الخاص بس انتي ما تستقبلين رسايل خاصة

[ANONYMOUS]

جزاك الله الف خير
اختي حاولت أرسل لك على الخاص بس انتي ما تستقبلين رسايل خاصة


وأي واحد متفق معاك ترسل له خاص

:eek5:

[بنت المنتدى]

وأي واحد متفق معاك ترسل له خاص

:eek5:



عسى ماشر :eek5::eek5:

شفيكم عليه ؟؟

[hxamad]

ترة بعض الأباء والأمهات يفرقون بين العيال وعيال عيالهم
أى تشوف الام تحب الولد الكبير وإعيالة والولد الصغير ماتعطية أهتمام ولا تفكر فية
والشىء صاير ولا حد يقدر ينكرة أن الأم تفرق بين عيالها

[انا احساس]

اخوي سوق واقف محبة العيال من محبة ابوهم او امهم اذا الانسان متفاني في بر امة صدقني انها تتمنى شوفة عياله لو اش ما كانوا اما اذا الابو يزور امة في الاسبوع مرة كأنة ضيف شرف ولا يسأل عنها الا في المناسبات ومعور قلبها شلي يحدها تحب عياله اخوي انا اقول للنسان اللي في هذا الوضع تفانى في بر والديك وراح تشوف اللي يرضيك دنيا واخرة هي نارك وجنتك


:nice: :nice: :nice: :nice:

ويمكن الخلل في العيال نفسهم يمكن صوتهم عالي ويقلون ادبهم ومايسمعون الكلام ويعفسون
واحس ان البنت قريبه لامها اكثر يعني البنت تخلي عيالها عند امها وزوجة الولد تخلي عيالها عند امها ..لان هاي اللي اشوفه دايما ونادرا مااحصل ان الولد يخلي عياله عند امه دايما عند ام زوجته ....
تسلم على الموضوع

[انا احساس]

ترة بعض الأباء والأمهات يفرقون بين العيال وعيال عيالهم
أى تشوف الام تحب الولد الكبير وإعيالة والولد الصغير ماتعطية أهتمام ولا تفكر فية
والشىء صاير ولا حد يقدر ينكرة أن الأم تفرق بين عيالها

بالعكس اخوي اسمحلي اقولك كلامك موب في مكانه ....لان الام تحب عيالها كلهم بس يفرق معاها الولد الحنون اللي يعطف عليها دوم ويسال عنها ويهتم فيها عن اللي مايدري عنها ولاحتى يرفع السماعه ويصبح عليها ....طبيعة العلاقة بينهم هي اللي تحدد ...لا اله الا الله في ناس اذا تكلموا عن امهاتهم كانهم يتكلمون عن شخص عادي معادي لهم ......
حسنوا معاملتكم مع امهاتكم وحنوا عليهم شوي وبتشوفون