وبعد طول انتظار.........المعرض الدولي للأعراس

[دلة الرسلان]

السلام عليكم ورحمة الله وبركاته

معظم الفتيات المقبلات على الزواج كن ينتظرن هذا المعرض للحصول على افضل العروض

للعروس تنظيما وسعرا ولكن كانت المفاجأة المعرض- برأيي ومرافقاتي - كان دون

التوقعات مستوى واغلى من السوق المحلي بكثير فمثلا :

الكوشة في محل 54 الف :eek5: وامام هذه النظرة في وجه البائع الفلبيني اصبحت 25 الف

في اقل من دقيقتين طارت 25 الف !!!!!!!!!!!

عباءة 8000 ريال ووو:omg: هذه المره لأن العباءة مباعة !!!!!!!!!!

مفرش سرير 9000 الاف ريال صناعة محلية بيد فلبينية :rolleyes2:

شنط يد عادية جدااااااااا 1200 .

والقاصمة ألبوم صور ب30 صورة فقط بخمسة الاف :rolleyes2:

اقترح يغير اسم المعرض الى المعرض الدولي للنهيبة

هذا رأيي ما ادري ايش رايكم انتم ؟؟؟

[HotBlood]

لانه الحريم ما راح يشترون اذا كان رخيص :nice:

[PoBox]

لانه الحريم ما راح يشترون اذا كان رخيص :nice:

تصدق كلامك في كثير من الواقع للأسف :rolleyes2:

لو كان السعر رخيص ،، الفئة المستهدفة واللي غالبا توفر للبائع
- هامش ربح عالي-
ماراح تشتري
ويفضلون التجهيزات من باريس وحولها
وبشكل عام المعارض غالبا اغلى من المحلات
حتى معرض المجوهرات السابق قبل فترة
مثال على ساعة كانت في المعرض ب 11 الف في المحل ب 9500 :anger1:

[بنت المنتدى]

لانه الحريم ما راح يشترون اذا كان رخيص :nice:

اي والله صدقت ناقصات عقل ودين (طبعاً مب الكل) لكن هذا الصج :anger1:

المشكله انهم مايقاطعونهم عشان يستعدلون لان لو وحده وثنتين وثلاث من الحريم بيستسهلون اكيد بيرفعون الاسعار اكثر :anger1::anger1::anger1: أمحق صناعه بس

[دلة الرسلان]

لانه الحريم ما راح يشترون اذا كان رخيص :nice:

لأن بعض الحريم فعلا ما يشترون الا الغالي بس ليش ما حطوا اسعار تناسب الفتيات العاقلات

غير المسرفات تخيل بس حبة شكليطة ب12 روبية لا وياليت كافي الا مرزبان يعني منظر فقط

وحاطين فوقها خرزة :( يعني شاهدوا ولا تاكلون !!!!!!!!!!!!

[دلة الرسلان]

تصدق كلامك في كثير من الواقع للأسف :rolleyes2:

لو كان السعر رخيص ،، الفئة المستهدفة واللي غالبا توفر للبائع
- هامش ربح عالي-
ماراح تشتري
ويفضلون التجهيزات من باريس وحولها
وبشكل عام المعارض غالبا اغلى من المحلات
حتى معرض المجوهرات السابق قبل فترة
مثال على ساعة كانت في المعرض ب 11 الف في المحل ب 9500 :anger1:


حياك الله يالبوكسنغ الله يهداك لا تنشر اشاعات مغرضة ما حولنا من يجهز من باريس

ترى بيصدقون ربع ( يي شو بيجنن وبيطير العئل ) وبيزايدون واحنا يالله يالله نلاحق الغلاء،

اما حريم قطر اشوفهم البارحة كلهم مجمعين بطاقات وكروت المحلات.............وبس:shy:

[دلة الرسلان]

اي والله صدقت ناقصات عقل ودين (طبعاً مب الكل) لكن هذا الصج :anger1:

المشكله انهم مايقاطعونهم عشان يستعدلون لان لو وحده وثنتين وثلاث من الحريم بيستسهلون اكيد بيرفعون الاسعار اكثر :anger1::anger1::anger1: أمحق صناعه بس


بس لو تسمعين خرابيط اللبنانية شنطة الف وشيء حتى اسم ما عليها اقول اختي ليش الشنطة

مش ماركة وعادية جدا ( ام صقلة ) تقول لا شوفي هايدي قطعها من ايطاليا وصناعتها في

لبنان وتأشر على القماش وتقول شحوه جلد :rolleyes2:

[السديم]

اي والله صدقتي يا ختي دلة :(

عرس اخوي قريب وكنت مأجلة كل الخطط لين اشوف معرض الاعراس من كثر ماسمعت عنه

اول شي المعرض صغير جدا جدا جدا بالمقارنه مع احدى معارض الاعراس في دول الجوار !!!

الخيارات بسيطه محلين ثلاث كوش محل واحد بطاقات محلين تصوير !!!

يعني لما اقول معرض اكون على الاقل جبت من كل صنف 10 واكثر ..

الاسعار مثل ماقلتي خياليه .. وعلى شنو ؟؟

العبايات هذي بروحها سالفة ؟؟ في ذمتج فينا من تلبس هالنوعية من العباية ؟؟؟؟

عبايات تقولين فستان عرس مب عباية والبعض شفاف والبعض قصته قصيرة ؟؟؟؟؟

10 دقايق بالتمام وانا في السيارة يعني اللي قضيته في الطريق اكثر من اللي قضيته في المعرض :rolleyes2:

[دلة الرسلان]

اي والله صدقتي يا ختي دلة :(

عرس اخوي قريب وكنت مأجلة كل الخطط لين اشوف معرض الاعراس من كثر ماسمعت عنه

اول شي المعرض صغير جدا جدا جدا بالمقارنه مع احدى معارض الاعراس في دول الجوار !!!

الخيارات بسيطه محلين ثلاث كوش محل واحد بطاقات محلين تصوير !!!

يعني لما اقول معرض اكون على الاقل جبت من كل صنف 10 واكثر ..

الاسعار مثل ماقلتي خياليه .. وعلى شنو ؟؟

العبايات هذي بروحها سالفة ؟؟ في ذمتج فينا من تلبس هالنوعية من العباية ؟؟؟؟

عبايات تقولين فستان عرس مب عباية والبعض شفاف والبعض قصته قصيرة ؟؟؟؟؟

10 دقايق بالتمام وانا في السيارة يعني اللي قضيته في الطريق اكثر من اللي قضيته في المعرض :rolleyes2:

ياهلا سديم تدرين اول ما دخلنا درعمنا قاعة الجيوان لا واللي معاي يتحلطمون شلون يوم

نساء وفيه رجاجيل طلع معرض بترول ترى المعرض متقلص في نصف قاعة المعارض :(

اما الأسعار خياليه شفتي فساتين الأعراس السعودية البياعة الفلبينية تقول 25 الف ويوم

سألنا معزبتها الجداوية تقول 28 الف مع انها في الحسا احلى بواجد ما تتعدى 5000 الاف

المعرض استغلال بشع بايدي لبنانية

وبعدين باقول سالفة الفرقة اللبنانية :anger1:

[سهم بن سهم]

حب المظاهر عندنا خلانا نركض ورا الشيء الغالي ونحسبة زين !

ليش هالإسراف كله ؟؟


بقيمة ماتصرفه في ليلة واحد لعرس خيالي وخرافي تصبح بكره انت مديون إستثمر فلوسك في شيء ينفعك وينفعها بكره !


ياحبكم للمظاهر ياهل قطر .........!!!!!!!!!!!!!!!!!!

[جود المشاعر]

صج المعرض خيالى ليش هم شايفين اهل قطر قاعدين على بنك ..

[دلة الرسلان]

حب المظاهر عندنا خلانا نركض ورا الشيء الغالي ونحسبة زين !

ليش هالإسراف كله ؟؟


بقيمة ماتصرفه في ليلة واحد لعرس خيالي وخرافي تصبح بكره انت مديون إستثمر فلوسك في شيء ينفعك وينفعها بكره !


ياحبكم للمظاهر ياهل قطر .........!!!!!!!!!!!!!!!!!!

اخوي سهم لا تعمم ترى ولله الحمد فيه كثير من بناتنا عاقلات وما يحبون الأسراف طبعا هناك

مبذرات الى حد الخبال ولكنهن لسن بمقياس ولكن اسعار المعرض فعلا خرافيه كانهم قايلين

للعارضين قطر (مغارة افتح ياسمسم ) لذلك خرجنا من المعرض بخفي حنين وبعض البطاقات

ومزيج من الغضب العارم والحرة على المشوار الطويل .

[دلة الرسلان]

طيب كنا مجموعة كبيرة من الأخوات مهتميين بالمعرض لوجود مناسبات في العائلة ،

صادفت احدى اخواتي موقف سيب ركبها حسب كلامها وايضا ركبي بعد سماعه ........

تقول اختي ام ناصر وانا امشي في سبحانيتي تقول كانوا اعضاء الفرقة اللبنانية قاعدين

يشوفون تسجيل عرضهم الا وذاك الموقف بين رجل اصلع وامرأة من

الفرقة العارضة فعلا موقف خادش حيث كانت احدى النساء جالسة في حضن احد الراقصين

دون مراعاة لأي دين او عرف المهم صرخت اختي علي المرأة قومي ووفي نفس الوقت كانت

زميلتها اللبنانية الثانية تصرخ عليها تقوم وهي ( قليلة الحيا ) تقول لأختي ما خصها ... ما

خصها!!!!!!!!!!!!!!!!

الرجال استحى ودفع ..............من حضنه :shy:

اللي ضايق اختي اكثر تقول بنات قطر يمشون مستحيين مدنعيين وهاال ...................لا

سحى ولا ذوق .

[وطن]

أمس رحت له
الصراحة يوم شفنا اعلان معرض اليخوت
قلنا ندخله أحسن من معرض الأعراس
بس للأسف كان مسكر


رحنا معرض الأعراس
على قولة اللي معاي
كجره ولا فيه شي

بالنسبة لي
المعرض عادي جداً
والمحلات اللي كنت متوقعه أشوفهم ما لقيتهم !!

أكيد ما يحتاجون دعاية عشان جذي ما عرضوا عندهم !!

[ANONYMOUS]

رزء الهبل ع المجانين

[حقيقه]

:nice:
ليش البنت ماتاخذ الافكار من المعرض وتسويها برى بربع السعر
:nice:

[خشوف]

:nice:
ليش البنت ماتاخذ الافكار من المعرض وتسويها برى بربع السعر
:nice:

:secret: <<<<<<

[دلة الرسلان]

صج المعرض خيالى ليش هم شايفين اهل قطر قاعدين على بنك ..

ليش اختي جود ما سمعتي مدير الشركة المنظمة ايش قال عن سوق الأعراس عندنا ؟؟

ان سوق الأعراس في قطر يستهلك ..... وذكر رقم بالمليارات :rolleyes2: هذا الكلام

ايام المعرض الدولي الأخير فتشوفون العارضين جاين ومجهزين اسلحتهم للنيل من الهبرة

القطرية !!!!!!!!!!!!

[المخباط]

طيب كنا مجموعة كبيرة من الأخوات مهتميين بالمعرض لوجود مناسبات في العائلة ،

صادفت احدى اخواتي موقف سيب ركبها حسب كلامها وايضا ركبي بعد سماعه ........

تقول اختي ام ناصر وانا امشي في سبحانيتي تقول كانوا اعضاء الفرقة اللبنانية قاعدين

يشوفون تسجيل عرضهم الا وذاك الموقف بين رجل اصلع وامرأة من

الفرقة العارضة فعلا موقف خادش حيث كانت احدى النساء جالسة في حضن احد الراقصين

دون مراعاة لأي دين او عرف المهم صرخت اختي علي المرأة قومي ووفي نفس الوقت كانت

زميلتها اللبنانية الثانية تصرخ عليها تقوم وهي ( قليلة الحيا ) تقول لأختي ما خصها ... ما

خصها!!!!!!!!!!!!!!!!

الرجال استحى ودفع ..............من حضنه :shy:

اللي ضايق اختي اكثر تقول بنات قطر يمشون مستحيين مدنعيين وهاال ...................لا

سحى ولا ذوق .
ليش ماثورتوا فيها :eek5:اللي ماتستحي

[دلة الرسلان]

أمس رحت له
الصراحة يوم شفنا اعلان معرض اليخوت
قلنا ندخله أحسن من معرض الأعراس
بس للأسف كان مسكر


رحنا معرض الأعراس
على قولة اللي معاي
كجره ولا فيه شي

بالنسبة لي
المعرض عادي جداً
والمحلات اللي كنت متوقعه أشوفهم ما لقيتهم !!

أكيد ما يحتاجون دعاية عشان جذي ما عرضوا عندهم !!

يمكن اغير العنوان الى المعرض الأكثر كجرة على الأطلاق:anger1:

[دلة الرسلان]

رزء الهبل ع المجانين

المشكلة صار المثل يطبق على مستوى عال وبعد ما اشوف اقبال وفي نفس الوقت ما رخصت

الأسعار .



:nice:
ليش البنت ماتاخذ الافكار من المعرض وتسويها برى بربع السعر
:nice:

:victory: زين هذا الغرض من الزيارة التعرف على الأفكار الجميلة بس بصراحة المعرض

كان خيبة بكل ما تحمل الكلمة من معنى .

[دلة الرسلان]

:secret: <<<<<<

خشوف الشيء الوحيد اللي عجبنا في المعرض كانت الصواني المبطنة بالمخمل تعرفين وين

اقدر انفذها برا لأن سعرها مبالغ فيه وانا ابغي اربع صواني على الأقل وما راح نحتاجها بعد

العرس .

[دلة الرسلان]

ليش ماثورتوا فيها :eek5:اللي ماتستحي

:eek5:ما حولنا الا الحلاوى ام شباصة

[Mi$$ OriGinaL]

كنت مفكره اروح .. بس بعد اللي قريته غير ت رايي :secret:

في وايد بنات قالوا بياخذون مني لعرسهم .. احذية وملابس ولانجري .. بس كانوا ينتظرون المعرض وبعدها بيقررون :omg:

وفكرت اني اروح اتطمش على قولتهم .. بس زين مارحت :rolleyes2:

[دلة الرسلان]

كنت مفكره اروح .. بس بعد اللي قريته غير ت رايي :secret:

في وايد بنات قالوا بياخذون مني لعرسهم .. احذية وملابس ولانجري .. بس كانوا ينتظرون المعرض وبعدها بيقررون :omg:

وفكرت اني اروح اتطمش على قولتهم .. بس زين مارحت :rolleyes2:

لا والله لا تروحين واللانجري خاصة ما فيه .........تدرين بضاعتك عليهم باشا

[Mi$$ OriGinaL]

لا والله لا تروحين واللانجري خاصة ما فيه .........تدرين بضاعتك عليهم باشا


شهاده اعتز ابها فديتج

مادري ليش دايما معارضنا مستواها هالشكل

تحسين ان يجيبون اسوء البضايع واللي يبون يسووقونها ويبيعونها بأغلى الاسعار تحت شعار المعرض :rolleyes2:

شي يفشل والله

[شيزكيك]

وهالبنات مقصه

الاسعار صات وايد اوفر

الاسعارنار

الكوش نار

الطاولات نار

وكل شي نار

[ANONYMOUS]

وهالبنات مقصه

الاسعار صات وايد اوفر

الاسعارنار

الكوش نار

الطاولات نار

وكل شي نار




عادي صبي عليهم ماي

:D

[دلة الرسلان]

شهاده اعتز ابها فديتج

مادري ليش دايما معارضنا مستواها هالشكل تحسين ان يجيبون اسوء البضايع واللي يبون يسووقونها ويبيعونها بأغلى الاسعار تحت شعار المعرض :rolleyes2:

شي يفشل والله

لقد اصبحنا مقصة :(

[دلة الرسلان]

وهالبنات مقصه

الاسعار صات وايد اوفر

الاسعارنار

الكوش نار

الطاولات نار

وكل شي نار

كل شيء نار التصوير التوزيعات الزفة والفساتين والأكسسورات والمجوهرات .........مفروض

يعطون العروس عانية زواج


عادي صبي عليهم ماي

:D

:weeping: والماي دموع العرائس

[ANONYMOUS]

كل شيء نار التصوير التوزيعات الزفة والفساتين والأكسسورات والمجوهرات .........مفروض

يعطون العروس عانية زواج


:weeping: والماي دموع العرائس




وين دموع العرائس

الا دموع المعرس الفقير المسكين..

[التيما]

اي والله صدقت ناقصات عقل ودين (طبعاً مب الكل) لكن هذا الصج :anger1:

المشكله انهم مايقاطعونهم عشان يستعدلون لان لو وحده وثنتين وثلاث من الحريم بيستسهلون اكيد بيرفعون الاسعار اكثر :anger1::anger1::anger1: أمحق صناعه بس

ياريت تستخدم هالمقوله في مكانها الصحيح اختي أحلى ملاك .. ومو مكانها الي قلتيه وهاي تحاسبين عليه ..

اختي دله ربعي راحو المعرض واسمعهم يتكلمون عن العبي واسعار المعرض الناااار .. من متى أصلا عندنا المعارض اقل من السوق في قطر العكس ..

[دلة الرسلان]

وين دموع العرائس

الا دموع المعرس الفقير المسكين..

:nono: هذا عندكم انتم الحضر بس احنا محددين المهور :cry2: فالبنات يطفون الأسعار بدموعهم

[دلة الرسلان]

ياريت تستخدم هالمقوله في مكانها الصحيح اختي أحلى ملاك .. ومو مكانها الي قلتيه وهاي تحاسبين عليه ..

اختي دله ربعي راحو المعرض واسمعهم يتكلمون عن العبي واسعار المعرض الناااار .. من متى أصلا عندنا المعارض اقل من السوق في قطر العكس ..

زين خلي الأسعار على الأقل يصير حلو ( يعني حلو وغالي ينبلع )

[بن مخشدع]

اتوقع المعرض مسوينه حق الناس الدفيعه ولهاي كلاااس
لكن حق ذو الدخل المحدود ما ظنتي يستفيدون منه

[دلة الرسلان]

اتوقع المعرض مسوينه حق الناس الدفيعه ولهاي كلاااس
لكن حق ذو الدخل المحدود ما ظنتي يستفيدون منه


كلامك صحيح المفروض حطوا لنا تنبيه:shy:

[جمال العبدلي]

اعتقد عقب هالمعرض بترتفع تكاليف الزواج ثلاث اضعاف .. نصيحة لحد يتزوج :)

[دلة الرسلان]

اعتقد عقب هالمعرض بترتفع تكاليف الزواج ثلاث اضعاف .. نصيحة لحد يتزوج :)

هي التكاليف مرتفعة اصلا مش محتاجة دعاية المعرض ، المصيبة المحلات المشاركة

بتصدق ان احنا مليونيرية وترفع اسعارها الخيالية اصلا عقب المعرض.

[المشتاقه الى الجنه]

والله أنا رحت أمس الأسعار وايد مرتفعه ليش ايش صار بالدنيا الأسعار تصل هالمستويات