لو أحد يزودني بمعلومات عن ماليزيا

[Abu Deeb]

ياريت لو احد يقدر يفيدني بمعلومات عن ماليزيا لو الواحد بيروح
اسبوعين سياحه لشخصين كم تقريبا تكلف وايش افضل الاماكن بهالبلد

[شيزكيك]

انا العام رحت مالييزيا

وخذيت معلومات وايد من كذا مكان وفي اشياء اعجبتنا واشياء لا

كوالا حلوه

عجبني مركز سوريا للتسوق فظيع وكله ماركات وفي شارع العرب هناك ماتحس بالغربه ونشوف

العرب يتمشون لساعات متاخره من الليل

جتنيق ملاهي فوق الجبال وروح لها بالتلفريك وهو جدا مرعب وياخذ فيك عشرين دقيقه وانت

فوق الغابات ( رعب ) بس الملاهي روعه واناسه والجو حلو

رحنا القريه الفرنسيه وما استانسنا احسها تنفع للاجانب اكثر ومافيها الا مباني ومطاعم

رحنا افاموسا حديقة السفاري حلوه حق اليهال يشوفون الحيوانات وعروض الفيله والطيور

الحيوانات وعرض الكابوي وفيها جزيره القرود ويوم رحنا كانت القرود في اقفاص واحنا ننطر

المركب الا قرود صغيره على الشير فوقنا عاد تعالوا شوفوا الصراخ

وبعدين ودينا اليهال البرك وتسبحوا واستانسوا

ورحنا عقب مدينه الهنود الحمر وفيه سينما يعرضون فيها افلام وتلبس نظاره وكانك موجود في الفيلم

واذكر يوم طق المطر في الفيلم بللونا بالماي وفي مشهد فيران يركضون حسينا ان الفيران تركض على

ريولنا الصراحه شي

ومدينه افاموسا ممكن تقضي اليوم كامل فيها وحتى جتنيق


رحنا الاكويريوم حديقه الاسماك وصج صج روعه وعلى مستوى


رحنا الحديقه الليليه وفيها النافوره الموسيقيه والصراحه ما تسوى العنوه


رحنا ملاهي الصن وي لاقون روعه واليهال استانسوا على البرك والمناظر الحلوه


والزين فيهم ان اذا سكنت في فندق قريب من اي ملاهي يعطونك خصم

مثل يوم سكنا في فندق الخيول الذهبيه عطونا خصم حق الملاهي الليليه التعيسه

ويوم سكنا في برج الصن وي لاقون عطونا خصم حق الملاهي المائيه

ويوم سكنا فندق امبيانا عطونا خصم حق حديقه الاسماك

رحنا محل الشوكلاته وكافيهم مب لذيذ


الاكل في المطاعم العربيه غالي وايد ونهيبه بعكس مطاعم الوجبات السريعه

50 ريال تييب لنا وجبات لنا كلنا وحت البيتزا رخيصه



وبعدين رحنا بينانيغ والصراحه رحنا في السياره والمسافه 5 ساعات متعبه والصراحه ما استانسنا

فيها لان ما حصلنا حجز في الفنادق القريبه من البحر الي كل الخليجيين فيها


ورحنا هناك حديقه الفواكه والجو كان حار ولا شفنا فيها اي فواكه

ورحنا حديقه الفراشات ورحنا متحف الدمى كان وايد حلو وايهال اسانسوا عليه


وبس هاذي كل الاماكن الي رحناها بالاضافه الى المجمعات والاسواق




كنت كاتبه هالمعلومات حق واحد من الاعضاء والحين سويتها لها نخ في موضوعك واتمنى لك الافادة

[Abu Deeb]

شكرا جزيلا على المعلومات الرائعه

[راعي الحمرا]

تفضل هذا الموقع ان شاء الله بينفع الجميع

www.daleel-malaysia.com

[ام خليفة]

http://www.abuleena.com/files/mtg.doc


تفضل اخوي

[ام خليفة]

وفي هاي الرابط تقارير مصوره لماليزا من منتدى المسافرين العرب انصحك اتصفح بوابه السفر الى ماليزيا فيها كل شي بتحتاجه
http://travel.maktoob.com/vb/travelarab56/


وبالنسبه لي انا رحت ماليزيا 3 اسابيع وااايد حلووه وكثر مكان حبيته فيها هو جزيره لنكاوي نصيحه لاتفوتونها هي مافيها برامج وايد كثر بيننغ بس فيها الهدوووووووء تصلح للراحه والاستجمام ..

ونصيحه مني ابتعدو عن الصينين كثر ماتقدرون ترى مالهم امان ولاتركبوون معاهم التكاسي ..

مع تمنياتي لكم برحله سعيده

[نورFROM قطر]

جوهااااااااااااااااااا ..... مب حلوووووووووووووووووووووو

ووايد عليها اسبوعين

[Abu Deeb]

شكرا لكم جميعا على المعلومات القيمة

[الوفي]

يكلفك 20000ريال تقريبا واذا تحب تشتري وايد 25000 ريال
على فكره بأفاموسا فيه رحله بطائره يسوق فيك طيار انت وياه بس ترى فضيعه لاطوفك..
وبكوالامبور فيه مجمع التايمز فيه ملاهي كبيره تصلح للاولاد والبنات وللكبار تاخذ طول الطوابق كلها الي بالمجمع..
لانكاوي لازم اتروح لها فيه فنادق خشبيه على البحر احجزها جو والله والجنتنغ خذ يوم فندق فيها بعد ترى أمان البلاد بصوره ماتتخيلها وراحه نفسيه اتمنى لك سفره سعيده

[داعم طوفه]

روح موقع مسافرون العرب واطلب اي شى عن المكان الي تبية