سؤال عن الغاء التأمين الشامل؟؟؟؟؟؟

[القناص]

الحين عندي سيارة مؤمنة سنتين قدام يصير الغي الـتأمين وأسترد فلوسي علما بأنه مار عليه شهر واحد فقط (حد عنده فكرة كم يخصمون إذا يصير أكنسل التأمين )

[لاداعي]

والله يالغالي سمعت انه يصير بس بيخصمون منك قيمة الشهر ويسترجعون باااقي فلوسك:)

[المشتاقه الى الجنه]

أنا الي أعرفه قيمة الشهر يخصمون منك مبلغ أكثر من المبلغ الي تتوقعه حرميه
أنا أقترح عليك تحول التأمين لسياره ثانيه ممكن

[رنج سبورت]

ماراح تخسر وايد راح يخصمون الفتره اللي استخدمت فيها التامين

تقدر تروح الشركه وتحول التامين الى ضد الغير وتاخذ باقي فلوس التامين الشامل

[بوخالد911]

هلا

عشان تقطع الشك باليقين : بكرة اتصل ولا رووح للشركة واسالهم

وعطنا خبر

للافادة

وبالتوفييييق

[فلفل حار]

أنا الي أعرفه قيمة الشهر يخصمون منك مبلغ أكثر من المبلغ الي تتوقعه حرميه
أنا أقترح عليك تحول التأمين لسياره ثانيه ممكن

اقتراح جميل ، خاصه انك دافع الفلوس ، خل التأمين مجمد بأسمك بكره تطلع سياره ثانيه علي طول تخلص موضوعك معاهم مايحتاي تعور راسك وتدفع مره ثانيه ويمكن عندك ويمكن لا :)